غبار الروح

الغموض 8

الغموض 8
القصة: غبار الروح
بقلمي:أليف الراء

جبت ِكلشي َوعفت ُكلشي ُ
ومدري ِشلون ْاجيت َِامشي ِ
اجيتك ردت اكلكً َشوف ردنه نعوف كلشيُ
وماگدرنة َنعوفُ جبت َكلشي اليسولف َبيك َخيالي ِوصحوتي وطيوف جبت ُدگات َگلبي ِالگطعن ِْگلبي ٰبجفاك سيوف َكون ُُتشوف ْحالي َشگد الك ِملهوفَ مثل حلت مدارس روحي ِاحسة ُاطفال حلتِ وتركتني وباقي بس َاصفوف ٌوياَ وحشة ُصفوفي ُومن يجيني ُالليل ويالون
ْوالوجه َبعدكَ يظل ُمخطوفُ

- لا شيء يؤذي الروح أكثر من بقائها عالقة في مكان لا تنتمي إليه

البداية
تلخص
ضجيج
النهاية

للغبار لعنة أزلية
________________

ميرال: بس ردت اوصل للبيت من خوفي ع منار فتحت لباب وشفت عماتي وعمامي وابوية حاط ايدة ع راسة وامي تحجي ركضت حضنت منار
هياج: مالكم علاقه لو شمسوين ابنتي لا تدخلون احنه مافكرنه بهل سوالف منو انتو وتفكرون بهل سوالف متستحون لو وحدة من بناتكم مالكم دخل واطلعوا من السالفه وبنتي اشرف الشرف
ميرال: حجت وحدة من الحياية عماتي
: والله ست هياج مايصرف هل وضع لبنت لازم نفحصها لو عاجبج صخام الوجه
هياج: اي عاجبني ومالج دخل ومااكسر ابنتي حتى اريح غايتج وعبالج انزل راسنة من ورا سوالفجن عندي استعداد اخذهن واهج من وراجن ومن ورا سمجن اطلعن منها لا وحق الحق انسى انتو منو وشنو واتصرف اسوء من تصرفاتكم وبنتي اشرف لشرف مابيها شي وخطيب بنتي ميرال خطبها والحمدالله حجي زايد لا تحجن
ميرال: فز گلبي من كالت خطيب بنتي شلون بية شسوي اني شسوي واطيب وحجة عمي العود عشتو
:حارث عاجبك الوضع ويا خطيب شو ماندري
حارث : لا عاجبك حجي خواتك ع بناتي واني اخوهن ويحجن ع بناتي گبال عيني لو شيصير بعائلتنه احنه نحلة مالكم علاقة خوية اني ماادخل بحياتكم لا تدخلون ونص حياتي هدمتوها انتو وساكت وجارع سمكم لا تخلوني اتصرف غير تصرف وياكم واطلع من العراق كلة
: ها حارث غيرنك علينه هاي احنه اهلك
حارث: احترمي واستحي ع شيباتج شنو يغيرني جاهل صغير اني شو ماتعرفين تحجين مو عاديت مرتي واهلها وكره ومشاكل وتفكك ومشتتين بسبب منو لوما هي اصيلة جان راحت من زمان
: ماطول لحجي هيج ومنطي بنتك بدون مندري هاهيه
حارث : مامنطي بنتي هيج لبارحة اجة الولد الي ساعد بنتنة ورجعها وانتو جنتوا نايمين ومرتاحين ومحد فكر يساعدني الغريب ساعدني وطلع بنتي من عصابة رادت مبالغ عاليه اجاني ليوم الصبح وكال رايدها وهل كم يوم يدز اهلة علينه والولد ابن حمولة وخوش ناس
ميرال: اسمعهم واتألم ع نفسي وع وضعي وشراح يصير يا ترا
هياج: سمعتوا يلا منريد مشاكل بنتنه نفسيتها تعبانه منريد نتعبها اكثر
ميرال: اجت عمتي وكالت عبالكم يقبل مؤمل تنطوها لو مو راح يزوج مايقبل ويخرب لعرس لا تفرحون
حارث: والله بنتي واني اقرر وافصم ظهر الي يخرب سعادتها وينه هو حاير ولا تسممن عقله اكثر كافي خسرني وخسر بنتي
ميرال: يابة مانخسر شي احنه وتعرف نظرتي اله من البداية مثل اخوية وسدو الموضوع شفتو وضعنه ارتاحيتو ان شاء الله يلا مع السلامه شكرا ع وكفتكم ويانه بهل مصيبه
لامار: يوووم خل نطلع من لبيت لسم واصل مرحلة لا نموووت
: هجم بيتجن يالعرمات يحرم عليه بيتكم
لامار وميرال: خفتاً وراحة خزرتنه وطلعت
عمي حجة
: حارث مع الاسف والله
حارث : مع الاسف انتو اهلي وعزوتي روح خوية روح
كعدت ماما وكالت
هياج: شفتهم بعينك حارث وبنتي نهارت بسببهم شوفت عينك
حارث: كافي بابا يولون يرحولج فدوة شرف وعفه واخلاق كومي بنيتي رفعي راسج بنت حارث انتي القوية
كامت منار
: اي بابا اني قوية مرينه بظروف اتعس واسوء وماضعفنه وهسة هم منضعف اجة بابا طبطب ع ظهرها وباس راسها
حارث: عفيه بنيتي القوية المعدلة روحي ارتاحي
ميرال: بابا انته موافق ع ابن عم ناية
حارث : خوش ولد بس كتله القرار الاول والاخير بيد بنتي
وشتكولين بابا
ميرال: ماعرف مثل متشوف انته اعرف بمصلحتي
حارث: خوش وليد ومحترم وشفت لمعة الحب بعينه وابن رجال ينحلف براسة والخلف ما مات
هياج: ماعافنه ابد والله بنتي خوش قسمة
حارث: بعد يومين يدز اهله يشرفون ميرال
لامار: اي كلش خوش قسمة
منار: بكيف ميرال هي تعرف مصلحتها
ميرال: باوعتلهن وكلت اذا كان اسمة بقدري خلاص وان شاء الله خير ترخصت وصعدت غرفتي بعد هل انهيارات التعبتني واني من اتعب اخلصها نوم جسمي ميساعدني ع حركة والافكار تعبتني وتوكلت ع الله ونمت  محسيت الا ثاني يوم لبنات يمي
منار: يلا مرمر اكعدي كافي نوم من لبارحة شسالفه نهاية لعالم هسة اني شبعت طن كتل ولا همني
لامار: يدادة گوية انتي اني لو منج انتحر نفس ليوم
منار: دنجبي وسكتي عود حجت ام العليم
ميرال: راح يتعاركن لبزازين خير ياطير شعدجن يمي
منار: ماما كالت خل تنزل نروح نحضر ضيافه وامور ونرتب
لامار: راح يجي المسعد ولو صاك بس جلب
منار:خفة شكلة عابت اي والله
ميرال:كافي بزعتني رحت سبحت والف فكرة ببالي بس ماما متلهفه ع هل زواج والبنات مقهورات عليه حاولت اتصرف عادي حتى ميضوجن وميتونسن بهل زواج يمكن ناقصتنا هيج فرحة تغير نفسياتنا
اجت ماما وكالت
هياج: يلا امي راح يجون بعد ساعتين حضري نفسج وحضرتلج فستان عصريات ورتبي شكلج
ميرال: اي تمام صعدت كعدت بالغرفه وافكر بحياتي وياه وشفت فستان اوف وايت بسيط وقصير وحذاء كعب شوي لون اسود ذوق ماما جداً حلو ويعجبني بدلت وخليت مسكارا برز لون عيوني وشوي حمرة بناتية مالي خلك الشي بس لازم امثل الفرح  رشيت عطر وفتحت شعري ونزلت اول مشافتني ماما
هياج: اللهم صلي ع محمد عيني باردة عليج يوم
منار: القمر شطالع ليوم
لامار: غرت من جمالج هههه
ميرال: بالغتوا ترا شكلي عادي جدا
لامار: طيري عيون يدادة
ميرال: كعدت اتصفح اجاني مسج من سادن الي صار فترة مارد عليه
داز
سادن : ملاكي جاهز راح نجي
ميرال: جنت ملاك بس بعد السويته وياي حكون شيطانه وياك
سادن: عسل ع گلبي المهم تصيرين الي
ميرال: عندك نقص وعقدة تريد تغورها بشكلي الي يشبهه
سادن: اللهم طولج ياروح لج بابا شعليها اني ردتج الج اقبلي بنصيبج وسكتي ومتندمين
ميرال: انجوم السماء اقرب الك مني
سادن: انجي نجمتي وسمائي لا جايين
ميرال: مارديت ساعه زمان وسمعنه صوت سيارة نقبض گلبي وقويت نفسي اجت ماما مخبوصة افتحو لاستقبال حضري روحج بنتي وراحت فتحت لباب اسمع اصواتهم وتهلي بيهم  شوي واجت كالت حضري العصير ولكيك من اصيحج تعالي هزيت راسي شوي واجت لامار ومنار واكفات يمي كلت الهن ترا مضايجة واني احاول اكسبه هزن راسهن اجت ماما صاحتني اخذ العصير والكيك والخجل محتلني دخلت وسلمت وشفت مرة جبيرة وجهه نوراني ويبعث الطمأنينة وبنت وياها ومرة ثانية جبيرة هم شكلها مريح وهو اول مدخلت منزل عيونه وشفته ونزلت عيوني النسوان باوسني ويصلن ع محمد وحدة كالت
: سويدن وين ضامها علينه واكول تصيح من تشوفنها صلن ع محمد وخبلتنه عمي حقك تخاف
سادن: يمة انفضحنا كافي
هياج: لا خالة حقك تحجي هيج
ام سادن: عيني ام ميرال شكراً ع حسن الضيافة وماقصرتي ليوم جايين نخطب بنتكم لكريمة لابنة سادن ونتشرف بنسبكم
هياج: والله النه الشرف بالنسب وياكم وان شاء الله احنة اهل القرار بيد لبنية وان شاء الله خيرر
ام سادن : تعالي يمة كعدي يمي خل اكحل عيوني
ميرال: خجلت كلش ورحت يمها كعدت وابتسمت بوجهه
ام سادن: خايب اول مرة تختار صح خلقه واخلاق اني اريدج بنية لبيتي مو جنه ومااحجي حجي لسان تجين وتشوفين
سادن: ماتتعبن اكو مساعدة بالبيت
ام سادن: ابني حابج اول مرة يكلي يمة اني رايدها من گلب ولسان اگلة شلون وشنو صار وقبلت تزوج يگلي يمة عيونها عيون غزال حزينه
اكلة انشوف ذوقك ومثل ماكال واحلى
ميرال :ابتسمت وكلت فدوة الكلبج خالة انتي الاحلى وجهج اطمأنان
كل ماا ارفع راسي اشوفة يباوع وصافن شوي وترخصت وهنة ظلن يحجن كعدت بغرفتي ويمي لبنات وسولفتلهن
الصار وكلمن تحجي بشمال وبالغرب
منار : اهلة مبينين زينين الا هو عوذة شلون صافن عليج ويضحك
لامار: امة حلوة حيل واختة فد فقيرة وحتى المرة الي وياهن من شافتج انصدمت بس سكتت
ميرال: اي حبيت امة حسيتها تخاف الله كلش واختة بعد اطيب بس تبتسملي اوي هي تصفة
شوي وسمعنه ماما كالت تعالن يبنات نودع خطارنه نزلنه واجن لبنات وياي وكفت يم امة وهو اجة وكف بصفي كلش غطاني بطولة وضخامته يحمحم صار رفعت راسي صفن وكال بحرگة
سادن: دخيل عيونچ شكد بيهن سوالف
ميرال: انته سالفتي الحزينه
وسع عيونة وابتعد مثل الي ضربته بگلبه راحو واسمع المرة الي وياهم تلگل لمنار ولج اخذج لرائف صدقه لله اجت منار معبسة وتصيح
منار: لا ربحنة مو كافي علينه الافندي سادن يجي اللعنة الثانيه ضحكتني وصعدت واجت لامار طلعت مصورتنه فيديو واني يمة ونحجي
لامار : لج عيني الحق يقال بس هو يلوكلج وانتي تلوكيله ادري علبة جوكليت انتو جهالكم شراح يطلعون من هسة ابنج لبنتي
منار: لا يقلبي انتي ابنها لبنتي
ميرال: مااجيب ولد بعنادجن
دزتلي لامار لفديو حبيت ادزلة الة واضوجة سويت ارسال ودزيت رسالة اشكالنه مختلفه حتى بالشكل اكو خربطة متتصلح اكو نفور وكره ميعالجة الوقت لا تبني احلام ترجعك لسابع ارض وتركت لفون