غبار الروح

الغموض 9

الغموض9
القصة:غبار الروح
الكاتبة:أليف الراء

الشمسُ في طرْفِ عينيها، مُكبّلةٌ
والليلُ في شعرها الممدودِ مسجونُ

وگلبت كـل ورقـه من عمـر المحبـه
لنّي بليالي العشـگ ما يــوم عايـــل

ليش المعــاتب كلــف والشــوگ سكتـــاوي

أحبچ لدرجة أفضل تحرگينيّ بـ أيدج ولا تعوفيني!!

______________________________

ميرال : شرطي مهري٤٠ مليون وتتعهد انك تسلمة قبل لعرس واذا ماوصلني لمبلغ مااوافق ولا اتزوجك انطيتك فرصة صلح الماضي
طار من الفرح
مؤمل: والله صار مجمع هل مبلغ وبس اقبلي مااكدر اعيش بدونج وحاضر تدللين باجر عندج لمبلغ
حارث: صدك تحجين ميرال عايزة انتي وطلبين هيج نسيتي شسوا ماعندج كرامة لنفسج هيج ربيت
هياج: متبطلين طيبة وگلب رهيف ترجعين ترضيين بالي دمر احلامج امدااج وامدة بطني لجابتج
ميرال: باوعت ع بنات صافنات بكسرة مايدرون شحس وشدا يصير بداخلي وشنو من حزن شايله كملوها عليه بالقساوة كالعادة محد يحاول يفهمك بدل لعياط ولصياح والكبرياء امنيتي انفهم او يطالبون بنقاش بس لا حياة لمن تنادي صعدت وكلبي واجعني واعرف من حيدز بابا لرفض لسادن شراح يسوي بس هاهية ماكو قسمة ثاني يوم كعدت غسلت بدلت شربت كلاص حليب لانو فلاونزة وصوتي مطبگ وسمعت صوت لخط طلعت وصعدت ورحت للمعهد بس صفنه خلصتها كلشي مامفتهمة المهم من دا اطلع لمحت سادن من بعيد گلبي صار يرعد اجذب اذا مااكول خايفه منه حاول امثل القوة وكف يمي نزع نظاراتة وباوعلي بخزرة
سادن:اي ست ميرال خاتون شنو سبب لرفض خاف قصرنه بالي سويناه
ميرال: شتقصد استاذ سادن وبعدين شهل ذوق لا مستحى ولا خجل موگفني بشارع وتستجوب وتحجي عن شي بالماضي بعدين اني بنت ومن حقي ارفض اقبل يمكن احب فد شخص شنو گوة لو مفيش كرامة
سادن: تهسترت من كلامها وفكرة تحب شخص غيري اموت وانجلط يمكن جريتها وصعدتها لسيارة سحل بس جان ماكو احد لو هي انجنت
ميرال: نزلني لا اگلب لدنيا عليك هسة اشتكي عليك واريد اشوف شنو ومنو يخلصك من شري
سادن: سدي حلكج وانجبي لا ادفنج هنا ومحمد واريد وراها ادفن روحي
ميرال: بلعت طن هوا درت وجهي ع جامة وبجيت بكل ضعف وصرت اشهگ من لبجي لانو مرات الانسان يتعب من قناع لقوة والى متىى نكون اقوياء
سادن : ابجيج دم ع رفضج بس نوصل رفعت عيونها الصوبن گلبي وهدمتني بنظرات عيونها الحمر صارن بس لونهن بارز
ميرال: شسوي سوي روحي بعد ماعدها ردت فعل...
سادن : خليج حبابة بلكت هالشي يشفعلج شنو سبب رفضج الي
ميرال: بكل برود وافقت ع ابن عمتي متوقعت يسوي هيج صار يضرب بالستيرن ويعيط ويصيح خفت نرعبت من غضبه المظلم
متوقعت الي راح يسوي ابددددد وكف لسيارة وسحبني سحل لبيت راقي وحلو بس مغبر مثل روحة صرت اعيط واني بيت مجهول ومااعرف شيريد مني وشراح يسويلي صار يدفعني واوكع ويرجع يرفعني من الارض واتعثر صرت اشهگ وبعياط بس اريدة يعوفني صعدني لغرفة ديكورها كله اسود بااسود هنا راح يسوي جريمته لبشعه
سادن: الا اكسر عينج الصلفه الي تجرأت تحاجيني بهل طريقه الا اسوي بيج عمايل ليوم اصبريلي
ميرال: صرت ارجف رجيف مو طبيعي حتى صخنت كلش وصرت مااعرف شگله طلع واسمعه يصيح جيب شيخ وتعال ركض وجيب حضرت لدكتور وياك نص ساعه اذا مالگيتكم باب بيتي ماعرف شيسوي بيكم غضبي يلاااااا
صرت ابجي واشهگ اجة كعد يمي جنت حاضنه رجلية لصدري كتله راح تندم سادن ابجيك دم والله الحق هو قوتي
سادن: شدفعيني دفعيني المهم انتي الي مو لغيري
ميرال :صرت يمة هو جان كاعد ع كرسي واني مشيت ع ركبتي ولزكت بي ابوس ايدك خل احجيلك شنو سبب موافقتي خل نتفاهم وشسوي بية سوي
سادن: يجي شيخ وراه نتفاهم تدللين صار عت ايدي عت ودفعني وكعت ع كومدي شفاف ونجرحت برگبتي وصرخت متألمة اجة يركض من شاف لدم بعد شعري وصاح
سادن: صبرني ياربي صبرني ثول حتى ثول
ميرال: صرت ابجي والطم وانوح وصرخت ولكم تعبت حسووو بية حسوووو انتحررر واللههه انتحرررر شلون بية ولكممممم
كعد بمستواي وخلة راسي بحضنه وصار يهديني اشش كافي اسكتي اني يمج وياج والله وياج صرت اشهك واگله راح اموت سادن النفس ديضيگ عندي صار يمسح بدموعي
سادن:دموعج يغسلني ويچفنني كافي اشش
ميرال: صرت احجيله جزء عن حياتي الي راح اوافق علية مو حباً بي او اريدة لا والله هذا دمر حياتي ومرها هو وامة المتخاف الله وحتى امي وياهم اريد ارد عتباري وانزل راسة واخلي يفز من نومة من الجلطة الي راح اسويها اتمنى تساندني صح انته عدوي بس عدو عدوك صديقك
سادن: ليش ما خابرتيني من لبداية واسجنه واشبعه كتل واصورلج تصوير وفضحي وشهري
ميرال: صدكني لكتل يوجع بلحضتها اسبوع بزايد يطيب قابل حتضربة بطلقه اكيد بوكسات ع دفرات ع راشديات اما ضربتي من تعبة تفرق ....
سادن: بنت گلبي ذكائها يخوف الحذر واجب منج
ميرال: ابتسمت وباوعتله يجيك الدور لتخاف بگد العيشتني اياه اعيشك اني امشي ع قانون تقدملي لطف واحترام اقدملك اضعافه تقدملي الم وحزن وأذى اسببلك اضعافهن
سادن:طبطب ع جتفي وگال كلشي اتحمل ومدامني غلطت ومااجذب اتحمل عقاباتج بس تحمليني هسة وبعدين نتصافى واخليج تحبيني
ميرال: االله احلامك حلوة وبعدين بعد لظلام والنوح والبجي نصير عشاق ويصير عدنه اطفال ويكبرون ونزوجهم ونحجيلهم قصتنا الظالم والمظلومة ضحك ضحكة اول مرة اشوفة يضحك
سادن: ههههههههههههههه كارثة انتي كارثة حتى بهذا وضعج وتألفيت سيناريوهات ميخالف يابة بس اذكرج بعدين غزالي الحزين
ميرال: خزرته وكتله رجعني يلا كافي هسوالف والاكشن لزايد نصيحة خفف لموجة
سادن: بعد منعقد واضمن انتي الي وبالسر هل موضوع لحد ماينتهي موضوعج الجميل ونبدي بعرسنا حضري نفسج خلال هل شهر انتي بيتج هذا
ميرال: شكد ظالم انته وحتى ماكو ظالم مثلك وبكدك طلع وعافني املخ بروحي تملخ شوي وسمعت اصوات يمة بالصالة شوي واجة سحلني سحل مع التهديدات وكعد يحجي لشيخ وينصح ووو لحد ما حجة عن لمقدم والمؤخر كتله ٥٠ ب ٥٠ وباوعتله بنصر ضحك وكاله شيخنا ٧٥/٧٥صدمني وافقت وصار الي صار وبرضاتي مو بتهديداته اريد انتقم منه وانتقم منهم ومن الكل يعني وشيصير خل يصير بعدين رجعني واني كل روح ماعندي بس بقايا انتقام وتنتهي هل روح هه
دخلت للبيت وصعدت بدون اي حرف بدلت وغسلت ورحت لفراشي ونمت بعد صراعات التفكير وشراح اسوي وشلون ارد اعتباري بالكامل وادعي ربي ينطيني هل قوة اخلص نفسي غطيت بالنوم كعدت العصر ع اصوات ونزلت وشفت ام مؤمل جوة
ام مؤمل : ها ام الزلم عرض ابني مغري الج وعفتي  ذاك واجيتي ع ابني ماتوبين ماتذكرين اخر مرة شصار بيج
ميرال: انتي وابنج ماتهموني تفهمين او لا مراضيه اخذي ابنج وتهني بي عبالي تغيرتي
ام مؤمل: انجوم السما اقرب الج من ابني
ميرال: نزلت وتخصرت وكتلها الا اشوفج شراح اسوي بهل انجوم هههه رادت تجي تهجم علية والدتي منعهتا وطيحت حظها وطلعتها برا لبيت
صار ليوم المحدد اتصلت بسادن وفهمتة لوضع والي راح يصير وخليك قريب ع بيتنه حتى من اتصل تجي بسرعه  بدلت فستان لون فيروزي وقصير جوة ركبة ومستور شوي فتحت شعري وخليت مسكارا وحمرة بناتي وشوي لخدودي ورشيت عطر ونزلت شفته جايب جنطة  والسيد موجود حضرت لبشت ولبسته وصحتة سيارتك وين كال هيانها شتردين اروح اضم فلوسي بالبنك بالاول وبعدين اجي ونعقد باوعلي صفح وهز راسة كال يلا امشي اخذني البنك وضميتهن عدهم وتم كولشي بطريق راسلت سادن وكتله حضر نفسك بس ادخل للبيت عشر دقائق تدخل وراي وسديت لفون وصرت اضحك عبالة لان حتزوجة اضحك الغشيم مسوي روحة فقير وهو جدا سيئ
اني الاعرفة اكثر من اي شخص  نزلنه وصلت ذبيت لبشت وكعدت ع تخم وصاروا يحجون اجت امة تركض تريد تأذيني لزمت اديها ولويتهم كتلها عيديها مرة ثانيه وشوفي شسوي بيج وشلون اندمج ع يوم الي جبتي ابنج بي ودفعتها وسعت عيونها هي بس كلهن حقد وكره يمكن  صار يحجي الشيخ ومراسيم العقد ولحد مكال قولي موافقه وانت وكيلي  خليت رجل ع رجل كوتله شيخنا يصير لمتزوجة تزوج مرة ثانيه هو نصدم وكال ميجوز بنتي هي ع ذمة رجل اكيد ومحرم هالشي كتلة واني اكوم اذن ميصير ازوج غير زوج واحد اريد اطلع لزمني مؤمل
مؤمل: تعاي وين رايحة ولج شنو تزوجين اثنين ميرال لا تخبليني شنو هل لعبة العبتيها علية ولج احجييييي