الحلقة العشرون { ٢٠ } 🕊
احمد : لأ طبعاً .. بس انتي فاهمة حكاية جوازي دي غلط .. انا مبحبهاش
شاهندا : بس هي بتحبك وانت مازلت جوزها 💁🏻
احمد : هطلقها
شاهندا ب خضة : لا ي احمد انت كدة هتعك الدنيا اكتر 😕
احمد : طب ايه الي يريحك وانا اعمله ؟
شاهندا : نبقا صحاب زي م اتفقنا 😐
احمد : لا مش هقدر معلش ✋
شاهندا : ولا انا هقدر احبك وانا ضميري بيأنبني وبعدين لما انت مبتحبهاش اتجوزتها ليه وخلفت منها ليه ؟!
احمد : عشان كانت غلطة م الاول
شاهندا : مش فاهمة .. غلطة ازاي انك اتجوزتها يعني ؟
احمد : ايوة
شاهندا : ازاي ؟
احمد : سارة كانت بنت اعرفها .. كنت ماشي معاها يعني .. بعدها قالتلي انها حامل وانا مرضتش اتجوزها لان اخلاقها مكانتش متظبطة .. راحت ل اهلي وفضحتني معاهم واتخانقت انا مع ابويا عشان صمم اني اتجوزها وسيبت البيت فترة .. بعدها شكران قعدت تتصل بيا وامي عشان اجي اصالح ابويا .. رحت البيت عشان ميزعلش مني لقيتها هي واهلها هناك وجايبين المأذون وقاعدين مع اهلي مستنيني .. رفضت تاني بردوا اني اتجوزها .. اهلها هددوني انهم هيطلعوا ب بنتهم ع القسم ويبلغوا عني .. اطريت اني اتجوزها غصب عني عشان معملش فضايح ل اهلي وسمعة ل اختي ان اخوها بيلعب ب بنات الناس وكمان كان ممكن اترفد من شغلي ومستقبلي يضيع .. ف اتجوزتها .. بقالي سنتين معاها بنام جنبها بالعافية .. مش بطيق اسمع صوتها حتى .. وبخونها وقدام عينها 💁🏻♂
شاهندا : بس الي عملته دة غلط وكان طبيعي انك تصلح غلطتك لانك كدة لعبت بيها فعلاً !!
احمد : هي اه اهلها كانوا ناس كبار ف البلد ونصهم شغالين ف الداخلية بس هي كانت شمال اصلاً دة واحد صاحبي الي كان قايلي عليها .. انا عرفتها يومين ف التالت كانت كأنها مراتي ومكنتش ضامن اصلاً ان دة ابني لحد م اتولد وعملت التحليل واتأكدت
شاهندا : يعني ادبست فيها !!
احمد : بالظبط كدة
شاهندا : طب مطلقتهاش ليه وارتحت م العذاب دة 🤷
احمد : عشان ابني مش اكتر .. دة بس الخيط الي رابط بينا .. بس انا مش هقدر استحمل معاها اكتر من كدة .. انا هطلقها .. كتير بيطلقوا وبيكون بينهم ولاد عادي
( تسكت شاهندا )
احمد : شاهندا انا عمري م عملت حاجة عاوزها ... دايماً مغصوب .. شغل مغصوب عليه .. جواز مغصوب عليه .. انتي الحاجة الوحيد الي معاها وحاببها مش مغصوب عليها لاني اخترتها 😟
شاهندا : انت مكنتش عاوز تطلع ظابط ؟!
احمد : لا كنت عاوز اطلع دكتور نسا وتوليد
شاهندا : ههههههههه بتهزر 😆
احمد : لا والله بجد 😅
شاهندا : طب اشمعنا ؟!!
احمد : عشان بتتولد ع ايدك حياة جديدة .. بتطلعي روح من جوا روح .. بتشوفي فرحة الناس بيها حواليكي ❤ لكن ظابط بتشوفي البلطجة والنكد والعراك والشباك وتطري تتغابي ع الناس وتمدي ايدك .. واحياناً بتمدي رجلك كمان 🙄
شاهندا : هههههههه 😄
احمد ب تنهيدة : بس خلاص اتعودت 😒
شاهندا : اها
احمد وهو بيمسك ايدها : بالله عليكي ي شاهندا انا عايزك تبقي جنبي ووالله انا بحبك ومش بلعب بيكي .. انا مستعد اتجوزك من دلوقتي عشان تصدقي
شاهندا : انا مصدقاك .. بس خايفة اشيل زنب ابنك اني فرقت بين بباه ومامته ف الاخر 😔
احمد : هما عمرهم م كانوا مع بعض عشان يتفرقوا .. دة هو كان اسبوع تسلية وادبست ف جوازة .. كانت غلطة مش اكتر
شاهندا : طب هتعمل ايه معاها اكيد مش هترضى انك تطلقها مش هتسكت !
( تطب سارة مرة واحدة )
سارة ب انفعال : طبعاً مش هسكت ي خطافة الرجالة ي واطية ي ........... 😡
( يقوم احمد يحط ايده ع بؤها )
احمد : بس بس اسكتي 👋
سارة ب زعيق : اوعااااا 😡
احمد : بقولك اسكتي
( شاهندا قاعدة مصدومة )
سارة : مش ساكتة عاوز تطلقني عشان بنت الكلب دي 😠
شاهندا وهي بتقف : احترمي نفسك انا سكتالك م الصبح ☝️
سارة ب زعيق : لا متسكتيش دة انا هطلع عين اهلك 😡
( يجرجرها احمد من دراعها ع برة والناس بتتفرج عليهم )
سارة وهي بتزق احمد : سيبني ادخل اجيبها من شعرها 😡
( يزقها ع العربية )
احمد وهو بيضربها بالقلم : اهمدي بقا 👋
سارة ب خضة : ااااه بتضربني عشانها !!
احمد ب عصبية : لا عشان قلة ادبك وطولة لسانك فضحتينا قدام الناس !!
سارة ب زعيق : انت لسة شوفت مني فضايح دة انا هخرب بيتكوا انتوا الأتنين 😡
احمد : انتي طالق
سارة ب صدمة : ايه 😳
احمد : طالق بالتلاتة ي سارة وبكرة ورقتك هتكون عندك دة اذا مكانتش انهاردة 😐
سارة ب ندم : بالله عليك ي احمد انا اسفة خلاص 😧
احمد : روحي ي سارة
( يمشي احمد خطوة ويرجعها تاني )
احمد ب تحذير : لو دخلتي ورايا تاني اقسم بالله هطلع عين اهلك قدام الناس 😡
( يمشي احمد يدخل يلاقي شاهندا بتمسك شنطتها ماشية )
احمد : شاهندا استني .. انا اسف والله ع الي حصل ✋
شاهندا : حصل خير انا مقدرة الي هي فيه وانت ملكش زنب .. انا بس فكرتك مشيت ف كنت ماشية
احمد : انا طلقتها
شاهندا ب خضة : احيه بجد 😦
احمد : ايوة .. وهبعتلها ورقتها
( سهيلة قدام المطعم واقفة مع كريم )
سهيلة : انا مبسوطة اني اتعرفت عليك .. ارتحتلك بجد 🙂
كريم : طب ممكن اطلب منك طلب ومتكسفنيش ؟
سهيلة : اكيد اتفضل
كريم : ممكن رقم موبايلك .. لو مفيهاش ازعاج يعني 😅
سهيلة : اوك
( تديله الرقم ويرن عليها تسجل رقمه ، تقرب اخته )
رودي : انت ماشي ولا ايه ؟
كريم : لا لسة
رودي : اوك .. هستناك جوة
كريم : اوك
( تدخل رودي )
سهيلة : همشي انا بقا 👋
كريم : خلي بالك من نفسك 👋
سهيلة : اوك
( السواق مستني ، تركب سهيلة العربية وتمشي ، يدخل كريم ، اخته قاعدة ، يقرب يقعد معاها )
رودي : مين المزة دي ؟
كريم : بنت كدة
رودي : بنت كدااااا .. طااايب .. اطلبلي حاجة اكلها
كريم : الكلام ع استغلال يعني ؟
رودي : بالظبط كدة م انت بتفهم اهو .. يلا اطلبلي فراخ 😋
كريم : دة انتي داخلة ع طمع !
رودى : تقريباً اة 🤔
( ف بيت اهل سارة ، تدخل سارة بتعيط )
الام ب قلق : في ايه ؟!
سارة ب عياط : احمد طلقنييييي 😭
الاب ب خضة : ايه !!
سارة : وهيبعتلي ورقتي
الام ب انفعال : دة اتجنن هو مش عارف متجوز بنت مين 😠
( يقرب عبدالرحمن )
عبد الرحمن : في ايه ؟!
الاب : اختك اطلقت ي باشا 💁🏻♂
عبد الرحمن : لا والله !!
سارة ب زعيق : كله بسبب بنت الكلب الي مصاحبها 😡
عبد الرحمن : مين دي ؟!
سارة ب انفعال : صاحبة شكران .. انت لازم تشوفلي حل .. هاتولي حقي منهم انا مش هسكت .. شوفولي حل 😡
عبد الرحمن : اهدي طيب ✋
سارة ب غل : وربي ل اندمها 😡
( ف بيت امير )
مازن : حددت الخطوبة امتى ؟
امير : الشهر الجاي
مازن ب استغراب : ايه السرعة دي !!
امير : عشان نفضى ل دراستنا خلينا نخلص ونتجوز
مازن : اه .. مستعجل انت ع الجواز !
امير : نفسي ابقا معاها ف بيت واحد ❤
مازن : ان شاء الله 😒
( تاني يوم ، الساعة ٨ بالليل ، سارة قاعدة ف بيت اهلها هي وابنها ، يرن جرس الباب ، تفتح الشغالة )
الشغالة : مدام سارة
سارة : ايه ؟
الشغالة : في واحد بيقول انه محضر م المحكمة عاوزك
( تتخض سارة وتقوم تجري ع الباب )
سارة : ايوة ؟
( متنسوش اللايك ورأيكم .. 🤍✨ )
#قصة_ضياع_الروح_ل_سهيلة_سعيد
#sohila_sa3ed
أنت تقرأ
قصة : ( ضياع الروح ) ل سهيلة سعيد المنجي
Romance_ مش لازم تبقا حياتنا وردي عشان نتباهى بيها ونفضفض ب الي جوانا ونحكي ، ساعات بنبقا محتاجين الي يسمع ويطبطب حتي لو كل الي هنحكيه كلام مكسر ويتعب القلب ومش مفهوم .
