قصة : ( ضياع الروح ) ل سهيلة سعيد المنجي

الحلقة ٢٩ والأخيرة

قصة : { #ضياع_الروح } 🥀✂️

الحلقة التاسعة والعشرون والأخيرة { ٢٩ } 🕊️

( تقوم سهيلة تطلع معاه ، تعدي الايام ، شاهندا قاعدة مع احمد ف كافيه )
احمد ب استغراب : انتي ليه مش عاوزة تخليني اجي اتقدملك ي شاهندا ؟!
شاهندا : لا طبعاً عاوزة .. بس .........
احمد ب شك : انتي في حاجة مخبياها عني ؟!
شاهندا : بصراحة اة 😐
احمد ب قلق : ايه هي ؟!
( تحكيله شاهندا ع كل حاجة من اول خروجهم م الملجئ حتى الأن )
شاهندا : انا كدة حكيتلك كل حاجة لاني مقدرش احطك قدام الأمر الواقع 😟
احمد : مقلتليش ليه الكلام دة قبل كدة ؟!
شاهندا ب احراج : مجاتش فرصة .. وكمان مش من عدالة حياتي عشان احكي عنها 💔
احمد : مش لازم تبقا حياتنا وردي عشان نتباهى بيها ونفضفض ب الي جوانا ونحكي .. ساعات بنبقا محتاجين الي يسمع ويطبطب حتي لو كل الي هنحكيه كلام مكسر ويتعب القلب ومش مفهوم .. محدش فينا بيختار امه وابوه ولا بيختار حياته .. ولا قلبك كان اختار الي حبيتيه دة كان قدرك .. قلبك بس مشي ع المكتوب .. زي المعدن والمغناطيس .. كان لازم تتشدي .. محدش فينا خالي م العيوب بس في ناس عيوبها بتميزها 🙂⁦
شاهندا : ازاي ؟!
احمد : معندكيش ولا أم ولا أب هستغل انا النقطة دي وابقا امك وابوكي وسندك ف الدنيا دي واهلك كلهم ❤
شاهندا ودموعها بتنزل : يعني انت مش متضايق ان دي حياتي ؟!
احمد : م قولتلك محدش فينا بيختارها 🙂
( تبتسم شاهندا ب فرحة )
احمد : انا هدفعلك الفلوس
شاهندا : فلوس اكرامي ؟
احمد : اه .. هدفعهالك وتاخدي منه الشيك ويبقا ملهوش حاجة عندك ويسيبك
شاهندا : بس دة مبلغ كبير اوي 😧
احمد : ملكيش دعوة انتي بقا
شاهندا : طب ممكن تروحني احسن البنات زمانهم قلقانين اوي وموبايلي فاصل شحن وبعد كدة نشوف هنعمل ايه
احمد : ماشي
( يعدي الوقت ، البنات قاعدين سوا )
غادة : يعني هيدفعلك فعلاً الفلوس ويمشيكي ؟!
شاهندا : هو بيقول كدة .. مش عارفة .. بس لو الموضوع جد انا مش هوافق
غادة : لييييه ي فقر ؟!
شاهندا : كدة ممشيش انا واسيبكم معاه 😕
غادة : يختي بس انتي امشي متقلقيش .. كدة فيه ٥ مليون اتشالوا م الفلوس هتبقا خفيفة علينا يعني كلها كام شهر ونخلع احنا كمان وراكي 🤷
شاهندا : بس بردوا مقدرش اسيبكم !
سهيلة : شاهنداااا .. اكرامي مش هيطول جنيه واحد من حد لأن الفلوس دي اصلاً مش من حقه ⁦☝️⁩
غادة : ي سهيلة احنا مصدقنا واحدة هتمشي 🤷
سهيلة : احنا لينا حق عنده .. حق م دمر حياتنا .. وحق م ضيع الروح الحلوة الي فينا .. وكلنا هنمشي مع بعض .. بس بعد م ناخد حقنا 😒
شاهندا : طب ازاي ؟!
سهيلة : هقولكم
( ف بيت احمد ، قاعد احمد مع ابنه بيلاعبه ، يخبط الباب ، تفتح الشغالة ، تدخل سارة ، يشوفها احمد مش طايقها ، تقرب تقعد جنبه )
سارة : وحشتني 🙂
احمد : ايه الي جابك ؟!
سارة : دى مقابلة بردوا !
احمد : اتنين مطلقين عوزاهم يقابله بعض ازاي 🤷🏻‍♂️
سارة : ماشي .. وي ترى بقا خطبت العروسة ولا لسة ؟
احمد : قريب وهتكوني اول المعازيم متقلقيش 🙄
سارة ب خبث : كان رقصها تحفة ف فرح شكران .. وف الكبريهات بردوا 😏
( توريه سارة الڤيديو )
احمد : ايه دة لا تصدقي اتصدمت !
سارة : من طيبتك ي قلبي بتتخدع ف الناس بسرعة 🥺
احمد : لا بجد اتصدمت .. انا لسة كنت معاها امبارح .. تصدقي مشوفتش الحسنة الي ف وشها دي 😕
سارة ب صدمة : حسنة !!
احمد : هتزعل مني اوي اني مخدتش بالي 🤦
سارة : انت بتهزر مش كدة ؟!!
احمد : سارة اتهدي ربنا يهدك انا عارف كل حاجة عنها بطلي بقا القرف دة 🙄
( يحدفلها الفون )
سارة : يعني انت عارف انها رقاصة ؟؟
احمد : ايوة
سارة : وساكت ؟!
احمد ب ضحك : حد طايل 😆
( يستفزها اكتر ، تقوم تمشي ع اخرها ، البنات ف ال night club ، يقرب اكرامي ع سهيلة )
اكرامي : ايه الي جابك هنا ؟
سهيلة : جاية شغلي !
اكرامى ب انفعال : انتي هتستهبلي انا مش قلتلك مفيش شغل تاني انتي بقيتي مراتي .. روحي البيييت 😠
سهيلة : طيب هقعد شوية كدة كدة قربنا نقفل
اكرامى ب تنهيدة : ماشي .. روحي غيري الهدوم دي يلاااا 👋
( يزقها ، تروح سهيلة التويليت ، بنت واقفة بتحاول تفتح تويليت مش بيتفتح )
البنت : هما قافلين دة ليه ؟!
سهيلة : اكيد صيانة ادخلي غيره
البنت : اوك !
( تدخل البنت تويليت تاني ، تطلع سهيلة مفتاح من جيبها تفتح بيه تويليت ، جواه چراكن بنزين ، تقفله تاني ، تغير هدومها وتطلع تقعد ع ترابيزة برة ، يعدي الوقت وكل الزباين مشيوا ، البنات بينضفوا المكان )
سهيلة : كفاية كدة .. يلا كل واحدة ع بيتها 👏
( يمشوا البنات وميتبقاش غير سهيلة وصحابها ومروة ، اكرامي ف مكتبه ، تدخل سهيلة )
سهيلة : خلصت ؟
اكرامى : في شوية حسابات بظبطها .. اندهيلي مروة
سهيلة : اوك
( غادة وشاهندا وافقين ع البار وجنبهم مروة بتلم الحاجة ، تقرب سهيلة ع مروة )
سهيلة : مروة
مروة وهي بتبصلها : ايه ؟
سهيلة : اكرامي عاوزك
مروة : ماشي جاية
( تسيب مروة الي ف ايدها وتمشي ، سهيلة تشاور للبنات وتروح ورا مروة ، يدخلوا البنات تويليت يلبسوا جوانتيات ويفتحوا تويليت ياخدوا البنزين ويغرقوا بيه المكان كله ويفضوا كل المشروبات ف الارض ويفتحوا الغاز ويكسروا اللمض ، مروة عند اكرامى ، تقفل سهيلة عليهم الباب بالمفتاح ، يشوفها اكرامي وهي بتقفل يتخض ويقوم يجري ع الباب يفتحه ميتفتحش )
اكرامى ب زعيق : سهيلة .. سهيلاااا افتحي .. افتحي الباااب 😠
( في ازاز ف الباب يكسره اكرامي يشوف منه الي برة بس مينفعش يخرج منه عشان مكانه صغير جداً ، سهيلة واقفة قدام الباب شايفها ، يقربوا البنات يقفوا جنبها )
مروة : افتحي الباب ي مجنونة انتي !!
اكرامي ب زعيق : افتحي الباااااب 😡
سهيلة : كنت امتى انت فتحتلنا اي باب 🙂
اكرامي ب غضب : افتحي ام الباب بدل م اكسرووووو 😡
سهيلة : مش هتلحق تكسره 🙂
( توريه چيركن البنزين ، يتخضوا )
سهيلة : اتغرق بيه المكان كله 💁🏻
مروة ب خضة : الله يحرقك الله يحرقك 😱
شاهندا : انتي الي هتولعي وتتحرقي حالاً ⁦☝️⁩
( يكبه باقي البنزين ع الباب ويدخلهم جوة ، يحاول اكرامي يكسر الباب ، يجروا البنات بسرعة ع برة ، يولعوا ولاعة ويرموها ويجروا ع برة المكان ، يولع المكان كله وحاجات تنفجر جوة ، البنات سامعين صوت مروة واكرامي وهما بيصرخوا بس واقفين بيتفرجوا والناس بتجري حواليهم ف الشارع ، يحضنوا بعض ويحسوا ل اول مرة ف حياتهم ب الحرية وروحهم رجعتلهم ، تعدي الايام ، كل الفلوس الي البنات لموها من شغل night club وورث سهيلة من اكرامي لانه مات هو ومروة ومفيش وريث غيرها لانها كانت مراته يتبرعوا بيها للملاجئ وب فلوس شغلهم م المطعم يشتروا شقة )

*( بعد شهرين )*

( يدخلوا البنات شقة فاضية وواسعة فرحانين )
غادة ب فرحة : بجد المكان دة بتاعنا 😍
سهيلة : ايوة بتاعنا .. ملكنا 🙂
( يقربوا ع شباك ويقفوا يتفرجوا منه )
شاهندا : الهوا هنا تووحفااااا 😁
سهيلة : طب متدلقيش اوي كدة لتتقلبي من هنا 😄
الكل : هههههههه 😄
( باب الشقة مفتوح ، يخبط احمد وكريم ع الباب )
شاهندا : تعالوا 😃
احمد ب ضحك : ي سااااتر 😂👏
البنات : هههههههه 😂
احمد : الشقة حلوة اوي 👌
سهيلة : عجبتكوا ؟
كريم ل سهيلة : عشان انتوا فيها بس ⁦❤️⁩
( كل واحد ياخد حبيبته ف حضنه ، غادة واقفة ، تبتسم ب حزن .. 💔 )
احمد : يلهوى نسينا الولا برة .. اندهه 👋
( يضرب كريم ع بطنه )
كريم ب وجع : ااااه 😨
سهيلة : يخربيتك ي احمد بالراحة !!
احمد : ههههه معلش نسيت انك تعبان 😂 ادخل ي بني
( يدخل امير ، تتخض غادة )
غادة ب صدمة : امير 😧
احمد : احنا حكينا ل امير ع كل حاجة وفهمناه الي كان فاهمه غلط
( يقرب امير ع غادة )
امير : انا اسف 😐
( تنزل دموعها ، يمسحلها امير ، تترمي ف حضنه وتعيط )
سهيلة : خلاص بقا تموتي ف النكد انتي 🙄
شاهندا : تعالوا تعالوا اما افرجكم ع المنظر من هنا تحفة 😍
( يجري الكل ع الشباك يتفرجوا منه ، نادر ف عربيته واقف ف اشارة بيتكلم ف الفون )
نادر : ي بني المكان اتحرق ب صحابه .. عايشة بقا ولا مش عايشة انا خلاص فكتني م الحوار دة انا امي خطبتلي وبحب خطيبتي .. فكك مني ي مازن .. طب سلام 😒
( يقفل نادر مع مازن ، تخبطله ع ازاز العربية ست هدومها مقطعة وضهرها محني ماسكة مناديل )
عفاف ب استعطاف : مناديل ي بني 😟
( ينزل نادر الأزاز )
نادر ب صدمة : عفاف 😳
( تشوفه عفاف تتخض ويقع منها المناديل وتمشي بتلف حوالين نفسها ، تتفتح الأشارة والعربيات تمشي وعفاف ماشية ف نص الطريق مخضوضة ، تخبطها عربية ، ينزل نادر من عربيته ويجري عليها ، يلاقيها غرقانة ف دمها ، يبصلها ب حزن ويرجع تاني يركب عربيته ويمشي ، تعدي الايام ، يستنوا البنات عدة سهيلة تخلص من اكرامي ويتعمل فرحهم كلهم ف يوم واحد كل واحدة مع حبيبها ويعدي اجمل يوم ف عمرهم .. ♥️✨ )

*(النهاية )*

( متنسوش اللايك ورأيكم .. 🤍✨ )

#قصة_ضياع_الروح_ل_سهيلة_سعيد

#sohila_sa3ed