قصة : ( ضياع الروح ) ل سهيلة سعيد المنجي

الحلقة ١١

قصة : { #ضياع_الروح } ✂️🥀

الحلقة الحادية عشر { ١١ } 🕊

( تقرب عليهم شكران )
شكران : هاي ي بنات
البنات وهما بيسلموا عليها : هاي !
شكران : انتوا اول يوم ليكوا هنا صح انا اول مرة اشوفكم !
شاهندا : اه لسة
غادة : اول يوم لينا اة
شكران وهي بتسلم عليهم : انا شكران 👋
شاهندا : شاهندا 👋
غادة : غادة 👋
شكران : تعالوا هعرفكم ع صحابي بدل م انتوا واقفين لوحدكم
( تمشي شكران ووراها البنات )
غادة ب صوت واطي : ابقي اسأليها نروح فين بعد كدة
شاهندا : اوك
( تقرب شكران ع صحابها )
شكران : اعرفكم .. نبيل وعمرو والاء واكرم 💁
شاهندا : اه
غادة : اهلاً
غادة : شاهندا وغادة 💁
( يسلموا عليهم )
شاهندا وهي بتبص ف حتة تانية : اوباااااا روميو جاي علينا اهو 😃
غادة ب استغراب : روميو مين ؟!
شاهندا : عن اذنكم دقيقة ⁦☝️⁩
شكران : اتفضلي !
( يقرب امير ويقربوا عليه البنات )
امير ب فرحة : وانا بقول الجامعة نورت وربنا 😍
غادة ب كسوف : دة نورك ☺
شاهندا : ب نورك
امير : بتعملوا ايه هنا ؟!
شاهندا : م خلاص بقا هنبدأ نيجي م انهاردة 🤷
امير : لا والله يعني هشوفكم هنا كتير بقا
غادة : اه هتصطبح بينا كل يوم 😄
امير وهو بيبصلها : بقالي ٩ شهور بصطبح بيكوا .. واحلى اصطباحة وربنا ⁦♥️⁩
شاهندا وهي بتبص ل غادة : قصدك بيها 😏
( يتحرجوا )
امير ب احراج : احم انتوووا واقفين ليه ؟
شاهندا : مش عارفين نروح فين اول يوم بقا انت عارف 🤷
امير : طب تعالوا هشوفلكم المحاضرات
شاهندا : اوك .. سلام ي شيكو ✋
شكران : بااااي ✋
( يمشوا مع امير يوريهم جدول محاضراتهم ويطلع معاهم نفس السيكشن وتطلع شكران وصحابها معاهم يحضروا محاضراتهم ، ف مكان تاني ، جوة ڤيلا ، بنت واقفة ع اخرها وشاب واقف ، ياخد فونه ومفاتيحه ويمشي )
سارة ب عصبية : تعالى هنا كلمني 😧
احمد ب انفعال : ارحمي اهلي بقااااا 😑

*( ملحوظة .. احمد شاب وسيم ، بشرته خمرية ، عيونه عسلي ، شعره خفيف ، دقن خفيفة ، طوله متوسط وجسمه رياضي ، عنده ٢٦ سنة ، بيشتغل ظابط ، من عيلة غنية وسارة تبقا مراته ، متجوزين من سنتين وعنده ولد )*

سارة ب زعيق : بقولك اقف كلمني 😠
احمد وهو بيقف : عاوزة ايه ي سارة ؟
سارة : عاوزة اعرف مين الي كان بيكلمك الفجر وخدت الفون وطلعت م الاوضة ؟؟
احمد : مقومتيش الفجر تسأليني ليه ؟
سارة : رد علياااا
احمد ب حدة : شغل المباحث الي انتي عملاه عليا دة مش هيمشي معايا ف ياريت تتهدي وتتلمي ع الصبح خلي يومك دة يعدي ⁦☝️⁩
( يمشي احمد )
سارة وهي رايحة وراه : مش هتمشي غير لما تقولي .. ي احمد 😦
( ميردش عليها ، يطلع م البيت يركب عربيته ويمشي )
سارة ب غيظ : ماشي 😡
( تمسك فونها ، ف قسم البوليس ، ظابط قاعد ع مكتبه ، يرن فونه )
عبد الرحمن : الو
سارة ب انفعال : عبد الرحمن انا خلاص مبقتش قادرة ع ام العيشة دي
عبد الرحمن ب قلق : بالراحة طيب وفهميني حصل ايه ✋
سارة : احمد بيخوني
عبد الرحمن : بيخونك مرة واحدة !!
سارة : هي يعني اول مرة .. انا عاوزة حل بقا 🤷
عبد الرحمن : طب انا بتدخليني ف مشاكلكم ليه ؟
سارة : مش انت اخويا وكمان صاحبه
عبد الرحمن : ي سارة م انا لما بتدخل والموضوع بيكبر بترجعي تزعلي 🙄
سارة : المرة دي انا تعبت بجد .. وإلا طلقني منه
عبد الرحمن ب تنهيدة : ماشي ي سارة لما ييجي هكلمه 😑
سارة : ماشي وقولي عملت ايه معاه
عبد الرحمن : اوك .. سلام
( ف الجامعة ، البنات قاعدين ف الكفتريا مع امير وشكران وصحابهم )
شكران : انتوا بقا ايه الي خلاكوا تنحرفوا ؟
( يتخضوا البنات ويبصوا لبعض )
غادة : ازاي يعني !
الاء : انكم تيجوا الجامعة يعني اصلنا مشفناكوش ف سنة اولى 🤷
شاهندا ب ارتياح : اااه خدنا السنة الاولى منزلي عشان مكناش فاضيين نروح الجامعة 😐
شكران ب فهم : امممم
( يقرب نبيل )
نبيل ل البنات : وربنا منورين
( يبص ل غادة )
نبيل ب اعجاب : اوي 🙂
غادة وشاهندا : شكراً
شاهندا ل غادة : يلا بينا بقا احسن اتأخرنا
نبيل وهو بيقعد : ايه دة ع فين ؟
شاهندا : هنروح بقا
شكران : احنا لسة ورانا محاضرات تانية شوية وماشيين م تصبروا وامشوا معانا مش هتحضروا ؟
غادة : لا الساعة ٥ ونص مش هينفع نحضر تاني !
نبيل وهو بيبص ع غادة : م تقعدوا دة حتى قعدتكم حلوة 🙂
( امير ع اخره )
غادة وهي بتقوم : معلش مرة تانية .. يلا ي شاهندا
شاهندا : يلا
امير وهو بيقف : معلش لو مش عندي محاضرات دلوقتي كنت وصلتكم
غادة : لا ولا يهمك السواق هيروحنا
امير : طب خلوا بالكم من تفسكم
غادة : ربنا يستر .. باي
( يمشوا البنات ، يطلعوا يقفوا قدام الكلية مستنيين السواق )
شاهندا : هو السواق مش جاي ولا ايه الساعة داخلة ع ٦ !!
غادة : مرحناش المطعم انهاردة
شاهندا : زمان سهيلة اتعكت ف الشغل كله هتنفخنا 🙆
( جوة الكلية )
الاء : مش دة جدول المحاضرات بتاع البنات ؟
شكران وهي بتقوم : اه هو هاتي الحقهم احسن من غيره هيحتاسوا
( تاخد شكران ورقة الجدول وتطلع برة الكلية باصة ف الورقة تخبط ف شاب )
شكران : اسفة معلش ✋
الشاب : لا خدي راحتك خالص دة ممكن نعمل ريبلاي للمشهد وتخبطي تاني 😉
( متردش شكران وتمشي ، يقف الشاب قدامها تاني )
شكران : ع فكرة لو استظرفت كتير هزعلك ⁦☝️⁩
الشاب : وانا بموت ف زعل البنات اوي 💁🏻‍♂
غادة ب انتباه : مش دي شكران .. هي بتتخانق ولا ايه ؟!
شاهندا : تعالي كدة 😕
( يقربوا البنات عليها )
شاهندا : في حاجة ولا ايه ي شكران ؟!
شكران : لا مفيش كنت طالعة اديكي الجدول نسيتوه
الشاب ب رخامة : اه في حاجة ي شكران 😛
غادة : لو سمحت عيب الي بتعمله دة ميصحش كدة !!
شاهندا : ارجعي ي شكران
الشاب وهو بيمسك دراع شاهندا : انتي البادي جارد بتاعها يعني 👋
شاهندا ب انفعال : سيب ايدي بدل وربي هفرج عليك الشارع 😠
( يفرمل احمد ب عربيته وينزل )
احمد ل البنات : في ايه ؟!
شكران ب استنجاد : الحق ي احمد 😧
الشاب ب تريقة : وصل الدكر بتاعكم يعني 🤷🏻‍♂
احمد ب غضب : اه وصل ي روح امك 😡
( يضربه احمد شلوت يوقعه ف الارض ، ويطلع مسدسه )
شكران ب خضة : خلاص خلاص 😯
( يقوم الشاب يجري ب خوف )
شكران : اهدى بالله عليك !
احمد ب انفعال : ايه الي وقفك ف الشارع دة مش قلتلك كذة مرة متقفيش قدام الكلية 😠
شكران ب خوف : انا اسفة والله 😟
شاهندا : معلش الغلط مننا 😬
( ينتبه احمد ل وجود شاهندا )
شاهندا ب احراج : هي كانت طالعة تدينا الجدول عشان نسيناه احنا الي اسفين 😅
احمد وهو باصصلها : احم .. ولا يهمك 😐
شكران : دة احمد اخويا 💁