قصة : ( ضياع الروح ) ل سهيلة سعيد المنجي

الحلقة ٢٣

قصة : { #ضياع_الروح } ✂️🥀

الحلقة الثالثة والعشرون { ٢٣ } 🕊️

( يقفل العسكري الحجز ، يشوف احمد الشابين ومعاهم التالت قاعدين بيهزروا )
احمد وهو بيبصلهم : قوم ي روح امك منك ليه 👏
( يقوموا يقفوا مرعوبين ، يقلع احمد الحزام ، يتكوم كل الي ف الحجز ع جنب خايفين ، يقرب احمد ع الشابين وينزل فيهم ضرب بالحزام وهما عمالين يصوتوا ويتنططوا وهو وراهم مش سايبهم لما يقعوا ف الارض من كتر الضرب يقطع جسمهم بالحزام )
احمد ب غضب : راجعلكم تاني .. افتح ي بني 😡
( يفتح العسكري ، ينزل احمد يركب عربيته يمشي ، يجيب قميص ليه وهدوم ل شاهندا ، ف ال night club ، يقرب اكرامي ع سهيلة )
اكرامي : هي شاهندا لسة مجاتش ؟!
سهيلة : لا لسة
اكرامي ب زعيق : هي بتستهبل ولا انا عشان سيبتلكوا هتسوقوا فيها 😠
سهيلة : اكرامي انا بتصل بيها موبايلها مقفول انا قلقانة عليها مكانتش بتتأخر كدة 😟
اكرامي : مقالتلكيش هي فين ؟
سهيلة : عند واحدة صاحبتها
اكرامي : معكيش رقمها ؟
سهيلة : لا 🤷
اكرامي : ماشي .. لما توصل انا ليا كلام معاها الهانم 😐
( عبد الرحمن ف مكتبه ، يرن فونه )
عبد الرحمن : ايه ي سارة
سارة : عملت ايه ؟
عبد الرحمن : خليتهم ظبطوها ف الحجز وهي عنده دلوقتي زمانه هو كمان بيظبطها
سارة : طب روح شوف حصل ايه
عبد الرحمن : هو انا مواريش غيرك ولا ايه انا ف ايدي شغل 🤷🏻‍♂
سارة : معلش بقا كمل جميلك 😊
عبد الرحمن : سلام
( يطنشها عبدالرحمن ويكمل شغله ، يرجع احمد يدي ل شاهندا الهدوم )
احمد : الحمام اهو ادخلي البسي وانا مستنيكي هنا
شاهندا : حاضر
( تدخل شاهندا التويليت تلبس الهدوم وتغسل وشها وتطلع )
احمد : يلا
( ياخدها ويمشوا ، يرن فون عبدالرحمن )
سارة : شوفتهم ؟
عبد الرحمن ب انفعال : ارحمي اهلي بقاا 😑
سارة : شوفهم طيب
( يقفل عبد الرحمن ويقوم يروح مكتب احمد ، يدخل ميلاقيش حد )
عبد الرحمن ب استغراب : فين احمد باشا ؟!
العسكري : مشي ي باشا
عبد الرحمن ب استغراب : مشي راح فين ؟!
العسكري : مقالش ي باشا نزل هو وواحدة
عبد الرحمن : شعرها بني طويل ؟
العسكري : ايوة ي باشا
( يتنهد عبد الرحمن ويمشي ، يرن فون سارة )
سارة : رحت ؟
عبد الرحمن : رحت اه
سارة : حصل ايه ؟
عبد الرحمن ب ضحك : خدها ومشي ههههههه 😂
سارة ب خضة : خدها ومشي فين 😦
عبد الرحمن : معرفش ههههههه 😂
سارة ب انفعال : بطل تستفزنيييي 😡
عبد الرحمن : ههههههه 😆
( احمد مع شاهندا ف العربية ، شاهندا عمالة تنزل دموعها )
احمد وهو بيقرب دماغها عليه : حقك عليا 😐
( تترمي ف حضنه وتعيط اكتر )
احمد : والله ل اروح دلوقتي اقابل اهلك واتجوزك
شاهندا ب فرحة وخضة : بجد ؟!!
احمد : وربنا ودلوقتي حالاً
( تفرح شاهندا وبعدين تفتكر الي فات )
شاهندا : ممكن توقف العربية ؟
احمد ب استغراب : في ايه ؟!
شاهندا : عاوزة اكلمك ف حاجة 😕
( يوقف احمد العربية )
احمد : قولي !!
( شاهندا عمالة تفرك ف ايدها متوترة )
شاهندا : انا معنديش اهل .. ولا اب ولا ام .. يتيمة م الاخر
احمد : ايوة م انا عارف انك عايشة مع عمك
شاهندا : مهو ...........
( يرن فون احمد )
احمد : الو .. في ايه .. ليه حصلها ايه .. طيب جاي سلام
( يقفل احمد )
شاهندا : في حاجة ؟!
احمد : امي ف المستشفى تعبانة 😕
شاهندا : لا بجد !!
احمد وهو بيشغل احمد العربية : معلش هوصلك البيت واروح
شاهندا : لا نزلني هنا مش مهم وروح انت
احمد : لا طبعاً هوصلك الاول م كدة كدة ع السكة 🤷🏻‍♂️
( البنات ف night club )
سهيلة ب قلق : لا كدة اتأخرت اوي !!
غادة : الساعة بقت ١٠ ونص
سهيلة : وموبايلها مقفول لسة 🤦🏻‍♀
( يرن فون سهيلة )
سهيلة : ايوة ي كريم
( تاخده وتدخل جوة ، تقف ع جنب تتكلم )
سهيلة : لا دة ف فرح واحدة صاحبتي !
( تقرب مروة تقف ع جنب بتتصنت ، احمد يوصل شاهندا قبل ال night club ب شوية ع انه بيتها ويمشي ، تدخل شاهندا ، يشوفوها البنات يجروا عليها )
غادة : كنتي فين كل دة ؟
سهيلة : مالك ؟!
شاهندا ب تعب : عاوزة اقعد بس جسمي مكسر 😑
( يدخلوا اوضة اللبس )
سهيلة : اتأخرتي ليه كدة ؟!
( تحكيلهم الي حصل ، يوصل احمد المستشفى ، يدخل يلاقي سارة قاعدة مع اهله )
احمد : انتب ايه الي جابك هنا ؟!
الاب : ايه حكاية البنت الي انت مصاحيبها دي ي احمد ؟
احمد ب غيظ ل سارة : لحقتي تفتني !!
الاب ب انفعال : كلمني انا رد عليا 😠
احمد : انا مش مصاحبها
الاب : اومال ايه ؟
احمد : انا بحبها وهتجوزها 😒
الاب : مش هيحصل
احمد : مطلبتش رأي حد 💁🏻‍♂
( ابوه يضربه ب القلم ، يتخض احمد )
الاب : بقا خارب بيتك وسايب مراتك وابنك عشان دي !!
احمد : مراتي وابني .. انت مصدق الكلمتين دول .. لا وضاممهم ع بعض كمان .. انت بتسمي دي جوااازة اصلاً !
الاب : غصب عنك .. الي مش عاجبك دة انت الي حطيط نفسك فيه .. لو كنت انسان كويس وماشي عدل مكانش بقا دة حالك .. متلومنيش اني حللت الحرام الي انت عملته ⁦☝️⁩
احمد : اياً كان انا خلاص طلقتها وهتجوز شاهندا .. وافقتوا او موافقتوش .. براحتكم 😐
( يمشي احمد ، تطلع وراه شكران )
شكران : احمد استنى
احمد : سبيني ف حالي ي شكران دلوقتي ✋
شكران : ي احمد ماما تعبانة متذودش تعبها اكتر 😟
احمد وهو بيقف : انا مش عاوز اتعب حد انا عاوز احب زي باقي البني ادمين مش اكتر .. كتير عليا يعني ؟
شكران : لا ي حبيبي مش كتير بس متكرهمش فيها من قبل م يشوفوها .. انت عارف اد ايه هما بيحبوا سارة يعني مش بسهوله يتعودوا ع غيرها كدة .. واحدة واحدة عشان يتقبله الوضع الجديد 🤷
احمد ب تنهيدة : ماشي 😑
( ف ال night club ، البنات قاعدين مع بعض )
سهيلة ب زهول : بجد ولا بتهزري ؟!
شاهندا : والله بجد 😔
سهيلة ب غيظ : بنت الكلاااااب !!
غادة : وعملوا فيكي حاجة ؟
شاهندا : مش عارفة ادوني حقنة خلوني محستش ب حاجة غير لما البوليس دخل 🤷
( يدخل اكرامي مرة واحدة )
اكرامي : كنتي فين ؟
شاهندا ب توتر وهي بتقف : كنتتتتت .......... ⁦😦
اكرامي ب زعيق : هو انا عشان سيبت للي جابكم هتسوقه فيها ولا ايه 😡
( ميردوش البنات ، تدخل مروة )
اكرامي : لا بصوا بقا منك ليها عشان انا احترمتكم وعاملتكم بالادب وقلت اعملكم كرامة وشخصية .. بس شكلكم كدة عاوزين تاخدوا بالجزمة 👌
( يبص ل شاهندا )
اكرامي : انتي لو اتأخرتي تاني هبيتك ف البيت متجبسة زي م عملتها قبل كدة .. بس المرة دي هتبقي شهرين تلاتة اقسم بالله هرقدك ف السرير ي شاهندا 😡
شاهندا : انا ..........
اكرامي ب زعيق : مسمعش صوتك 😡☝
سهيلة : انت ليه متعصب كدة مكانتش ساعتين الي اتأخرتهم يعني 😒
اكرامي وهو بيقرب عليها : ساعتين !! معادكم هنا الساعة ٧ والساعة دلوقتي 11 ونص بقالها ٤ ساعات ونص بتتسرمح برة .. وبعدين انتي بالذات تخرسي خالص عشان انتي السبب ف ان الوضع يبقا كدة اصلاً 😡
مروة ب شماتة : ادي اخرة السيبان 😏
اكرامي : الي قلته قسماً بالله م هكرره تاني ✋