Unicode
စိတ်ထဲတွင် မမပြောသွားသောစကားကိုသာ အကြိမ်ကြိမ်တွေးနေမိသည်။
ထိုကောင်မလေးက မိမိကိုကိုသဘောကျတယ်ဆိုတာကိုပါပဲ။
အချိန်ခပ်ကြာကြာအထိ ရှေ့ကကောင်မလေးအား အကဲခပ်ကြည့်မိသည်။
ထိုကောင်မလေးအားစူးစူးစိုက်စိုက်ကြည့်မိတော့ ကောင်မလေးက အကြည့်မခံ ခေါင်းငုံ့သွားသေးသည်။
တကယ်ပဲ ထိုကောင်မလေးစိတ်ကိုသိချင်မိသည်။
ကိုယ့်ကိုသူတကယ်ပဲစိတ်ဝင်စားနေတာများလား။
တကယ်လို့များမမပြောသလို မိမိကိုသူကသဘောကျနေခဲ့ရင်တောင် ကိုယ့်အနေဖြင့်
ထိုကောင်မလေးအတွက်စိတ်မကောင်းရုံကလွဲပြီးမတတ်နိုင်ပါ။
"မမသု ..."
ဆုဆုကအတော်လေးမူးနေသည်။မမကိုလည်းအာလေးလျှာလေးနှင့်ခေါ်နေသည်။
" ဟင် အင်း။အစ်မကိုဘာပြောစရာရှိလို့လဲ"
"သမီးသူငယ်ချင်းကိုဘယ်လိုမြင်လဲ မမသု"
"ဘယ်သူ့ကိုလဲ ညီမလေးရဲ့"
"အကြင်နာ့ကိုလေ"
အကြင်နာ ဆုဆုအားစကားကြားပြီး
လန့်သွားရသည်။
ဆုဆုရဲ့စကားအသွားအလာတွေအရ မမကို ကိုယ့်အကြောင်းတွေပြောတော့မယ်ထင်ပါသည်။
"အကြင်နာ..ဟုတ်လား...သူကဘာဖြစ်လို့လဲ"
ထပ်ပြီးမေးမြန်းလာသော မမစကားကြောင့် ကျောပင်မတ်သွားမိသည်။
မမကအကြင်နာ့အားတစ်လှည့် ဆုဆုအားတစ်လှည့်ကြည့်သည်။
မမပန်းကတော့ ဘာမှဝင်မပြောဘဲနားထောင်သူသက်သက်သာ။အခြားသူများကတော့ ဘာမှမသိအောင်ပင်မူးနေကြသည်။
အကြင်နာဆုဆုအား အချိန်မီတားမှဖြစ်လိမ့်မည်။မဟုတ်က သူငယ်ချင်းကောင်းလေးက မူးမူးနှင့်အကုန်ဖော်တော့မည်ထင်သည်။
"ဆုရယ် ငါအိပ်ချင်ပြီ ..သွားအိပ်ရအောင်နော်"
"ဟင်..မအိပ်ချင်ပါဘူး..နင့်ဘာသာသွားအိပ်ပေါ့..ငါကမမသုနဲ့စကားပြောဦးမှာ"
"ငါတစ်ယောက်တည်းမအိပ်ရဲဘူးလေ..နင်လိုက်ခဲ့ပါနော်"
"အာ..မလိုက်ပါဘူး..ငါမမသုနဲ့စာရင်းရှင်းစရာရှိတယ်လို့"
YOU ARE READING
ချစ်သော အကြင်နာ(Completed)
Romanceမေတ္တာတွေသာ စစ်မှန်ခဲ့ရင်အသွားအပြန်ရှိနိုင်သလား။မေတ္တာတွေကရောင်ပြန်ဟပ်သလား။ မေတ္တာတွေကစူးတတ်သလား။ မေတ္တာတွေသာစူးခဲ့ရင် ပြန်နှုတ်လို့ရနိုင်ပါ့မလား။ အမုန်းတွေကရောအချစ်အဖြစ်ပြောင်းလဲလာနိုင်လား။အချစ်ကနေ အမုန်းဘက်ကိုပြောင်းသွားနိုင်လား။
