نجمة نجمتي ( جمان فريد) منقولة

الجزء العاشر

#نجمة_نجمتي

#الجزءالعاشر

#جمان_فريد

GomanFared
ﺧﻼﺹ ﺍﻟﻴﻮﻡ ﺣﻨﻜﻠﻤﻬﺎ
ﺃﺣﻤﺪ : ﺗﺤﻜﻲ ﺟﺪ !!
ﻋﺎﻣﺮ : ﺇﻳﻪ ﺧﻼﺹ ﻣﻌﺎﺵ ﻋﻨﺪﻱ ﺻﺒﺮ
ﺍﺣﻤﺪ : ﺑﺎﻩ ﻛﻴﻒ ﺑﺘﻤﺸﻴﻠﻬﺎ ﻟﻠﺠﺎﻣﻌﻪ ..
ﻋﺎﻣﺮ : ﻻ ﻧﺮﺍﺟﻴﻬﺎ ﺗﺮﻭﺡ ﻣﻦ ﺍﻟﻜﻠﻴﻪ ..
ﺃﺣﻤﺪ ﻃﺒﻄﺐ ﻉ ﻛﺘﻒ ﻋﺎﻣﺮ : ﻉ ﺧﻴﺮ ﻳﺎﺻﺎﺣﺒﻲ
ﻋﺎﻣﺮ ﺍﺑﺘﺴﻢ : ﻳﺎﺍﺍﺭﺏ ..
***
ﻣﻦ ﻣﻨﻰ !!
ﺭﺑﻴﻌﻪ ﻭﻫﻲ ﺗﺼﺐ ﻓﻲ ﺍﻟﺸﺎﻫﻲ : ﻣﻨﻲ ﺑﻨﺖ ﻋﻤﺘﻚ ﻣﻘﺒﻮﻟﻪ .. ﻣﺎﺷﺎﺀ ﺍﻟﻠﻪ ﺯﻳﻦ ﻭﻓﻼﺣﻪ ﻭﺩﻛﺘﻮﺭﺓ ﺯﻳﺎﺩﻩ ..
ﺷﻜﺮﻱ : ﺭﺑﻲ ﻳﺨﻠﻴﻬﺎ ﻟﻤﺎﻟﻴﻬﺎ .. ﻭﻗﻌﺪ ﻳﺎﻛﻞ
ﺭﺑﻴﻌﻪ ﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ : ﺧﻴﺮﻙ ﺍﻧﺖ ﻗﻮﻟﻲ ﺷﻦ ﻓﻲ ﻓﺮﺍﺳﻚ؟
ﺷﻜﺮﻱ ﻭﻫﻮ ﻳﺎﻛﻞ : ﺍﻣﻤﻢ ﺷﻦ ﻓﻲ ..
ﺭﺑﻴﻌﻪ : ﺍﺳﻤﻊ ﻳﺎﻭﻟﺪ ﺭﻩ ﻣﺶ ﺭﺍﻗﺪﻩ ﻉ ﻭﺫﺍﻧﻲ ﻭﻓﺎﻳﻘﻪ ﻟﻜﻞ ﺷﻲ ﺍﻟﻤﻮﺍﻝ ﺍﻟﻠﻲ ﻓﺮﺍﺳﻚ ﺍﻧﺴﺎﻩ
ﺷﻜﺮﻱ ﺑﻀﺤﻜﻪ : ﺧﺎﻃﺮﻱ ﻧﻌﺮﻓﻪ ﺍﻟﻠﻲ ﻓﻲ ﺭﺍﺳﻲ ﻫﺬﺍ ﺷﻦ ﻫﻮ ..
ﺭﺑﻴﻌﻪ ﺑﻨﺒﺮﺓ ﺣﺎﺩﺓ : ﺑﻨﺖ ﺑﺮﻳﻜﻪ
ﺷﻜﺮﻱ ﻗﻌﺪ ﻳﺎﻛﻞ ﻭﺳﺎﻛﺖ ..
ﺭﺑﻴﻌﻪ ﻗﻌﻤﺰﺕ ﺟﻨﺒﻪ : ﻭﻟﺪﻱ ﺍﻟﻠﻲ ﺩﺍﺭﻩ ﺑﻮﻫﺎ ﻓﻴﻨﺎ ﻣﺶ ﺷﻮﻳﻪ .. ﺩﻳﻤﺎ ﻫﺎﺯﻱ ﻉ ﺑﻮﻙ ﻭﻣﻨﺰﻝ ﻣﻨﻪ ﻗﺪﺍﻡ ﻧﺎﺳﻨﺎ .. ﺗﺬﻛﺮ ﻟﻤﺎ ﺑﻮﻙ ﺗﺴﻠﻒ ﻣﻨﻪ ﺑﺶ ﻳﺎﺧﺪﻟﻜﻢ ﺧﺮﻭﻑ ﺍﻟﻌﻴﺪ .. ﺗﺬﻛﺮ ﻛﻴﻒ ﻗﻌﺪ ﺷﺎﺩﻫﺎ ﻉ ﺑﻮﻙ ﻭﻳﺘﺠﻤﻞ ﺑﻴﻬﺎ ﻋﻠﻴﻪ ﻭﻳﻦ ﻣﺎﻳﺸﻮﻓﻪ ﻭﻟﻤﺎ ﺻﺎﺭ ﻟﺒﻨﺘﻪ ﺍﻟﻠﻲ ﺻﺎﺭ ﺷﻦ ﺩﺍﺭ ﻓﻴﻚ ﻭﻓﻴﻪ ..
" ﺭﺑﻴﻴﻴﻌﻪ "
ﺗﻠﻔﺘﻮﺍ ﺍﻟﺰﻭﺯ ﻟﻤﺼﺪﺭ ﺍﻟﺼﻮﺕ .. ﺷﻜﺮﻱ ﻧﺎﺽ ﻭﺧﺶ ﻟﺪﺍﺭﻩ ﺑﺪﻭﻥ ﻭﻻﺣﺲ ..
ﻋﺎﺩﻝ : ﺷﻦ ﺍﻟﻘﻄﺎﻑ ﺍﻟﻠﻲ ﺗﻘﻮﻟﻲ ﻓﻴﻪ ﻟﻮﻟﺪﻙ ﻋﻼﺵ ﺗﺰﻳﺪﻱ ﺗﻐﻠﻈﻲ ﻓﻲ ﻗﻠﻮﺑﻬﻢ
ﺭﺑﻴﻌﻪ ﻧﺎﺿﺖ : ﻣﺎﻗﻠﺘﺶ ﻏﻴﺮ ﺍﻟﺤﻖ .. ﻫﺬﺍ ﺍﻟﻠﻲ ﻣﺎﺯﺍﻝ ﻳﺠﻴﺒﻠﻲ ﺑﻨﺖ ﻣﻮﺳﻰ ﻭﺑﺮﻳﻜﻪ ﻛﻨﻪ ﻋﻠﻰ ﺟﺘﺜﻲ ... ﻭﻃﻠﻌﺖ ﻣﻦ ﺑﺤﺪﺍﻩ
ﻋﺎﺩﻝ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ ..
ﺷﻜﺮﻱ ﻗﻌﻤﺰ ﻓﻲ ﺩﺍﺭﻩ ﻭﻗﻌﺪ ﺳﺎﺭﺡ ﻭﻳﺬﻛﺮ ﻓﻲ ﻫﺪﻳﻜﺎ ﺍﻷﻳﺎﻡ ﺍﻟﻠﻲ ﻭﻳﻦ ﻣﺎﻳﺬﻛﺮﻫﺎ ﻗﻠﺒﻪ ﻳﺰﻳﺪ ﺣﻘﺪ ﺍﻛﺜﺮ ﻭﺃﻛﺜﺮ ﻉ ﻣﻮﺳﻰ ..
ﺭﻥ ﺗﻠﻴﻔﻮﻧﻪ .. ﻧﺠﻤﻪ ﻛﺎﻧﺖ ﺗﺘﺼﻞ ﻣﺎﺑﺎﺵ ﻳﺮﺩ ﻭﺩﺍﺭﻩ ﺻﺎﻣﺖ ...
...
ﻧﺠﻤﻪ : ﺍﻭﻓﻔﻒ ﻣﺶ ﻋﺎﺭﻓﻪ ﺧﻴﺮﻩ ﻣﺎﻳﺮﺩﺵ
ﺣﻨﻴﻦ : ﺑﺎﻟﻚ ﺍﻧﺸﻐﻞ ﻓﻲ ﺧﺪﻣﻪ ﻭﻻﺣﺎﺟﻪ
ﻧﺠﻤﻪ : ﻣﻤﻜﻦ .. ﺑﺲ ﻫﻮ ﻋﻄﺎﻧﻲ ﻭﻋﺪ ﻧﺘﻼﻗﻮﺍ ﺍﻟﻴﻮﻡ ..
ﺣﻨﻴﻦ : ﻣﺶ ﻋﺎﺭﻓﻪ ﻛﻴﻒ ﻣﺶ ﺧﺎﻳﻔﻪ ﻣﻦ ﺑﻮﻙ ﺑﻌﺪ ﺗﻬﺪﻳﺪﻩ ﺃﺧﺮ ﻣﺮﺓ ..
ﻧﺠﻤﻪ ﺑﻐﻀﺐ : ﻣﺶ ﺣﻨﺨﺎﻑ ﻭﻻﺣﻨﺨﻠﻴﻪ ﻳﺤﺮﻣﻨﻲ ﻣﻦ ﺷﻜﺮﻱ ﻣﺮﺓ ﺗﺎﻧﻴﻪ ﻭﻟﻮ ﻓﻜﺮ ﻳﻀﺮﻩ ﺍﻧﻲ ﺣﻨﻮﻗﻒ ﻓﻲ ﻭﺟﻬﻪ
ﺣﻨﻴﻦ : ﺗﻮﻗﻔﻲ ﻓﻲ ﻭﺟﻪ ﺑﻮﻙ ﻉ ﺧﺎﻃﺮ ﺷﻜﺮﻱ؟ !
ﻧﺠﻤﻪ : ﺍﻳﻪ .. ﺍﺻﻼ ﻫﻮ ﻋﻤﺮﻩ ﻣﺎﻛﺎﻥ ﺍﺏ ﻫﻮ ﺩﻳﻤﺎ ﻳﺘﻌﺎﻣﻞ ﻣﻌﺎﻧﺎ ﺗﻘﻮﻝ ﻓﻲ ﻣﻌﻜﺴﺮ ﻧﺪﻳﺮﻭﺍ ﺍﻟﻠﻲ ﻳﺒﻴﻪ ﻭﻻﻋﻤﺮﻩ ﺳﺄﻟﻨﺎ ﺣﻨﻲ ﺷﻨﺒﻮ ﻻﺷﻔﻨﺎ ﻣﻨﻪ ﺣﺐ ﻭﻻﺣﻨﺎﻥ ﻣﺎﺭﻳﺖ ﻣﻨﻪ ﺷﻲ ﻳﺨﻠﻴﻨﻲ ﻧﺪﻳﺮﻟﻪ ﺧﺎﻃﺮ ﻭﻗﻴﻤﻪ ﻓﻲ ﻗﻠﺒﻲ ..
ﺣﻨﻴﻦ ﻭﻗﻔﺖ : ﺑﺲ ﻣﻬﻤﺎ ﻛﺎﻥ ﻫﺬﺍ ﺑﻮﻙ ﻳﺎﻧﺠﻤﻪ ..
ﻧﺠﻤﻪ ﻭﻋﻴﻮﻧﻬﺎ ﻣﺪﻣﻌﺎﺕ : ﻣﺸﻜﻠﺘﻚ ﺗﺸﻮﻓﻲ ﻓﺒﻮﻙ ﻧﻤﻮﺫﺝ ﻳﻨﻄﺒﻖ ﻉ ﻛﻞ ﺍﻷﺑﺎﺀ .. ﺑﻮﻱ ﺍﻧﻲ ﺍﻟﻔﺮﻕ ﺑﻴﻨﻪ ﻭﺑﻴﻦ ﺑﻮﻙ ﺯﻱ ﺍﻟﻔﺮﻕ ﺑﻴﻦ ﺍﻟﺴﻤﻲ ﻭﺍﻷﺭﺽ ﺑﻮﻱ ﻣﺎﻧﺤﻤﻠﺶ ﻣﻨﻪ ﻏﻴﺮ ﺍﺳﻤﻪ ﻭﺑﺲ ﺑﺲ ﻳﺎﺣﻨﻴﻦ .. ﻭﻧﺰﻟﻮﺍ ﺩﻣﻮﻋﻬﺎ ..
ﺣﻨﻴﻦ ﺣﻀﻨﺘﻬﺎ : ﺧﻼﺹ ﺣﺒﻴﺒﺘﻲ ﺧﻼﺹ ﺃﻧﻲ ﺍﺳﻔﻪ
ﻧﺠﻤﻪ ﺑﻌﺪﺕ : ﻫﻴﺎ ﺧﻠﻴﻨﺎ ﻧﺮﻭﺣﻮﺍ
ﺣﻨﻴﻦ : ﺑﺎﻩ ...
***
ﻋﻠﻴﺶ ﺷﻦ ﻋﻨﺪﻙ ﻓﻴﻬﺎ ﻣﺼﺮ؟
ﻧﻮﺭ : ﺻﺎﺣﺒﺎﺗﻲ ﻣﺎﺷﻴﺎﺕ ﺑﻨﻌﺪﻱ ﻣﻌﺎﻫﻢ ﻧﻐﻴﺮ ﺟﻮ ..
ﻛﺎﺭﻳﻤﺎﻥ ﻭﻫﻲ ﺗﺴﺎﻭﻱ ﻓﻲ ﺷﻌﺮﻫﺎ ﻉ ﻣﺮﺍﻳﺎ : ﻭﺍﻟﺠﺎﻣﻌﻪ ؟
ﻧﻮﺭ : ﻣﻠﺤﻮﻕ ﻋﻠﻴﻬﺎ ﻳﺎﻣﺎﻣﺎ ﺑﻠﻴﻴﻴﻴﺰ ﻭﺍﻓﻘﻲ
ﻛﺎﺭﻳﻤﺎﻥ : ﻭﺑﺎﺗﻚ ﺧﺒﺮﺗﻴﻪ ..
ﻧﻮﺭ : ﺍﻧﺘﻲ ﺧﺒﺮﻳﻪ ﻭﻫﻮ ﻣﺴﺘﺤﻴﻞ ﻳﺮﻓﺾ ..
ﻛﺎﺭﻳﻤﺎﻥ ﺧﺪﺕ ﺷﻨﻄﺘﻬﺎ ﻭﻃﺎﻟﻌﻪ ﻣﻦ ﺩﺍﺭ ﺍﻟﻨﻮﻡ ﻭﻧﻮﺭ ﻭﺭﺍﻫﺎ : ﻭﺷﺎﻫﻴﻦ؟
ﻧﻮﺭ : ﻛﻨﻪ ؟
ﻛﺎﺭﻳﻤﺎﻥ ﻭﻫﻲ ﻧﺎﺯﻟﻪ ﻣﻦ ﺍﻟﺪﺭﻭﺝ ﻭﻭﺭﺍﻫﺎ ﻧﻮﺭ : ﻛﻴﻒ ﻛﻨﻪ ﻻﺯﻡ ﺗﻘﻮﻟﻴﻠﻪ
ﻧﻮﺭ : ﻋﻠﻴﺶ ﻭﻟﻲ ﺍﻣﺮﻱ ﻭﻻﻭﻟﻲ ﺃﻣﺮﻱ
ﻛﺎﺭﻳﻤﺎﻥ ﻭﻗﻔﺖ ﻭﺷﺒﺤﺘﻠﻬﺎ : ﺧﻄﻴﺒﻚ ..
ﻧﻮﺭ : ﺍﻭﻭﻭﻭﻭﻭﻭﻭﻓﻔﻒ ﺍﻭﻭﻭﻭﻭﻑ .. ﺑﺎﻫﻲ ﺣﺎﺿﺮ ﺗﻮ ﻧﺨﺒﺮﻩ ..
ﻛﺎﺭﻳﻤﺎﻥ ﺷﻘﻠﺒﺖ ﻋﻴﻮﻧﻬﺎ ﻭﻧﺰﻟﺖ : ﻗﺪﻳﺶ ﺣﺘﻤﻲ ﻏﺎﺩﻱ
ﻧﻮﺭ : ﺍﺳﺒﻮﻉ
ﻛﺎﺭﻳﻤﺎﻥ ﻭﺻﻠﺖ ﻓﻲ ﺍﻟﺒﺎﺏ ﻭﺍﻟﺘﻔﺘﻠﻬﺎ : ﻭﺍﺟﺪ ... ﺑﺲ ﺍﻭﻛﻲ ﺣﻨﻘﻮﻝ ﻟﺒﺎﺗﻚ ... ﻳﻠﻼ ﺳﻼﻡ .. ﻭﻃﻠﻌﺖ ﻭﺳﻜﺮﺕ ﺍﻟﺒﺎﺏ ..
ﻧﻮﺭ ﺑﻔﺮﺣﻪ ﻭﺗﻨﻘﺰ : ﻳﻴﻴﻴﻴﻴﻴﺴﺴﺴﺴﺴﺲ .. ﻭﺭﻛﺒﺖ ﺍﻟﺪﺭﻭﺝ ﻭﻫﻲ ﺗﻐﻨﻲ .. ﻣﻌﺠﺒﻪ ﻣﻐﺮﻣﻪ ﺍﻧﺎ ﺑﺌﺎ ﻣﺶ ﻋﺎﻳﺰﺓ ﺃﻻ ﻫﻮ .. ﻭﺻﻠﺖ ﻓﻲ ﺩﺍﺭﻫﺎ ﻭﺧﺸﺖ ﻉ ﺗﻠﻴﻔﻮﻧﻬﺎ ﺍﻟﻠﻲ ﻛﺎﻥ ﻳﺮﻥ ﻟﻤﺎ ﺷﺎﻓﺖ ﺍﻹﺳﻢ ﺗﻌﻜﺮ ﻣﺰﺍﺟﻬﺎ ..
ﻧﻮﺭ ﺑﻀﻴﻖ : ﻳﺎﺍﺍﺍﺍﺭﺏ ﺍﻣﺘﻰ ﻧﺨﻠﺺ ﺑﺴﺴﺲ .. ﺧﻞ ﻧﺮﺩ ﻋﻠﻴﻪ ﻭﺑﺎﻟﻤﺮﻩ ﻧﺨﺒﺮﻩ ﻭﻧﺮﺗﺎﺡ ﻣﻦ ﻫﻤﻪ .. ﺭﺩﺕ
ﻧﻮﺭ : ﺁﺍﺍﺍﻟﻮ
ﺷﺎﻫﻴﻦ : ﺑﺎﻩ ﺍﻟﻠﻲ ﺭﺩﻳﺘﻲ ﻭﺍﻟﻠﻪ ﺷﻮﻓﻲ ﻛﻢ ﻣﺮﺓ ﺭﻧﻴﺖ ﻋﻠﻴﻚ .. ﻭﻳﻦ ﻛﻨﺘﻲ ..
ﻧﻮﺭ ﻭﻫﻲ ﺗﺸﻘﻠﺐ ﻓﻲ ﻋﻴﻮﻧﻬﺎ : ﻛﻨﺖ ﻓﻲ ﺍﻟﻜﻠﻴﻪ ﻭﺍﻟﺠﺪﺍﻭﻝ ﻭﺍﻟﻤﺤﺎﺿﺮﺍﺕ ﻭﺍﻟﻮﺟﻴﺞ ﺗﻌﺮﻑ ﻳﻌﻨﻲ
ﺷﺎﻫﻴﻦ : ﺷﻦ ﺟﻮ ﺍﻟﺠﺎﻣﻌﻪ
ﻧﻮﺭ : ﺍﻣﻤﻢ ﻋﺎﺩﻱ ... ﺑﻨﻘﻮﻟﻚ
ﺷﺎﻫﻴﻦ : ﻗﻮﻟﻲ ﻗﻠﻴﺒﻲ ..
ﻧﻮﺭ : ﺍﺣﻤﻢ ﺍﻷﺳﺒﻮﻉ ﺍﻟﺠﺎﻱ ﺑﻨﺴﺎﻓﺮ ﻟﻤﺼﺮ
ﺷﺎﻫﻴﻦ : ﻟﻴﻴﺶ؟
ﻧﻮﺭ : ﺑﻨﻐﻴﺮ ﺟﻮ ﻭﻓﻲ ﻣﻌﺮﺽ ﺭﺳﻢ ﺑﻨﺤﻀﺮﻩ ..
ﺷﺎﻫﻴﻦ : ﻛﻨﻚ ﻣﺎﺧﺒﺮﺗﻴﻨﻲ ﻣﻦ ﺍﻷﻭﻝ
ﻧﻮﺭ : ﺍﻫﻮ ﺧﺒﺮﺗﻚ ..
ﺷﺎﻫﻴﻦ : ﺍﻟﻤﺪﻩ ﺍﻟﻠﻲ ﺣﺘﻘﻌﺪﻱ ﻓﻴﻬﺎ؟
ﻧﻮﺭ : ﺍﺳﺒﻮﻉ ..
ﺷﺎﻫﻴﻦ ﺳﻜﺖ ..
ﻧﻮﺭ : ﺁﺍﺍﺍﻟﻮ
ﺷﺎﻫﻴﻦ : ﻣﻌﺎﻙ ... ﺗﻤﺎﻡ ﻋﺪﻱ ﻭﻏﻴﺮﻱ ﺟﻮﻙ ﻭﻋﻴﻨﻚ ﻣﻦ ﺭﻭﺣﻚ
ﻧﻮﺭ : ﺗﻤﺎﻡ
ﺷﺎﻫﻴﻦ ﺑﻀﻴﻖ : ﻧﻮﺭ ﺇﻧﺘﻲ ﻣﺘﻐﻴﺮﻩ ﻭﺍﺟﺪ ..
ﻧﻮﺭ ﺑﻀﻴﻖ : ﺷﻦ ﺍﻟﻠﻲ ﻏﻴﺮﻧﻲ ﻳﺎﺷﺎﻫﻴﻦ
ﺷﺎﻫﻴﻦ : ﺍﻭﻟﻬﺎ ﺍﺳﻤﻲ ﻣﺎﻛﻨﺘﺶ ﻧﺴﻤﻊ ﻓﻴﻪ ﻣﻨﻚ ﺑﻜﻞ .. ﻗﺒﻞ ﺩﻳﻤﺎ ﺗﻨﺎﺩﻱ ﻓﻴﺎﻫﻮﻧﻲ ..
ﻧﻮﺭ ﺗﺴﺎﻳﺮ ﺑﺎﻟﺴﻴﻒ ﻭﻣﺶ ﻣﺘﺤﻤﻠﻪ : ﻋﺎﺩﻱ ﻳﻌﻨﻲ ﻣﺎﺗﺘﻮﻫﻤﺶ ﺣﺎﺟﺎﺕ ﻣﺶ ﻣﻮﺟﻮﺩﻩ ﻭﺗﻜﺒﺮ ﺍﻷﻣﻮﺭ .. ﺧﺶ ﻋﻠﻴﻬﺎ ﺧﻂ ﺗﺎﻧﻲ ﺷﺎﻓﺘﻪ ﻓﺮﺣﺖ .. ﺧﻼﺹ ﺷﺎﻫﻴﻦ ﺍﻧﺎ ﻻﺯﻡ ﻧﺴﻜﺮ ﻫﺬﺍ ﺑﺎﺑﺎ ﻳﺘﺼﻞ ﺍﻛﻴﺪ ﻣﺎﻣﺎ ﺑﻠﻐﺎﺗﻪ ﻉ ﺍﻟﺴﻔﺮﺓ ﻭﺑﻴﺴﺄﻟﻨﻲ ﻋﻠﻴﻬﺎ .. ﺑﺎﻱ ﻭﻓﺼﻠﺖ .. ﻭﻣﻌﻄﺘﺎﺵ ﺍﻱ ﻓﺮﺻﻪ ﻟﻠﺮﺩ .. ﺳﻜﺮ ﻭ ﻗﻠﺒﻪ ﻣﻮﺟﻮﻉ ﻷﻧﻪ ﻛﻞ ﻳﻮﻡ ﻳﺘﺄﻛﺪ ﺇﻥ ﻧﻮﺭ ﻣﺎﺗﻜﻨﻼﺵ ﻧﻔﺲ ﺍﻟﻤﺸﺎﻋﺮ ﺍﻟﻠﻲ ﻫﻮ ﻳﻜﻨﻠﻬﺎ ﻓﻴﻬﺎ ﻭﺍﻧﻬﺎ ﻣﺘﻐﻴﺮﻩ ﻫﻠﺒﻪ ﻣﺶ ﺷﻮﻳﺔ ..
ﻣﻌﻴﻦ : ﺍﺣﻠﻰ ﺧﺒﺮ ﻧﺴﻤﻌﻪ ﻟﻶﻥ ..
ﻧﻮﺭ : ﻟﻬﺎﻟﺪﺭﺟﻪ ..
ﻣﻌﻴﻦ : ﻭﺃﻛﺜﺮ .. ﺣﻨﻘﻌﺪ ﻧﻌﺪ ﺍﻷﻳﺎﻡ ﺑﻔﺎﺭﻍ ﺍﻟﺼﺒﺮ ..
ﻧﻮﺭ ﺍﺑﺘﺴﻤﺖ ﻭﻗﻠﺒﻬﺎ ﻳﺪﻕ ﻭﻗﻌﺪﺕ ﺳﺎﻛﺘﻪ ...
ﻣﻌﻴﻦ : ﺍﺣﻤﻢ .. ﺟﻴﺒﻲ ﻣﻌﺎﻙ ﻛﻢ ﻟﻮﺣﻪ ﺑﺶ ﻧﻮﺭﻳﻬﻢ ﻟﻔﻨﺎﻧﻴﻦ ﺣﻴﺤﻀﺮﻭﺍ ﺍﻟﻤﻌﺮﺽ ..
ﻧﻮﺭ : ﺗﻤﺎﻡ
***
ﻧﺠﻤﻪ ﻭﻫﻲ ﻣﺮﻭﺣﻪ ﻟﻠﺤﻮﺵ .. ﺧﻄﻤﺖ ﻉ ﻣﺤﻞ ﻋﺎﻣﺮ ..
ﺍﺣﻤﺪ ﺑﻬﻤﺲ : ﺟﺎﺗﻚ ﺑﺮﻭﺣﻬﺎ ..
ﻧﺠﻤﻪ : ﺍﻟﺴﻼﻡ ﻋﻠﻴﻜﻢ ..
ﻋﺎﻣﺮ ﻭﺍﺣﻤﺪ : ﻭﻋﻠﻴﻜﻢ ﺍﻟﺴﻼﻡ ... ﺍﻧﺴﺤﺐ ﺍﺣﻤﺪ ﻭﻃﻠﻊ ..
ﻧﺠﻤﻪ : ﻓﻲ ﺟﻴﻼﻃﻲ
ﻋﺎﻣﺮ ﺑﻀﺤﻜﻪ : ﺟﻴﻼﻃﻲ ﺷﻨﻮ ﺍﻟﺸﺘﻲ ﺑﻴﺨﺶ
ﻧﺠﻤﻪ : ﻫﻬﻬﻬﻬﻪ ﺧﺎﻃﺮﻱ ﻓﻴﻪ
ﻋﺎﻣﺮ " ﺍﻫﺪﺍ ﻳﺎﻗﻠﺒﻲ ﺗﺮﺑﺢ 💓💓𴰽"
ﻧﺠﻤﻪ : ﺑﺎﻩ ﻋﻄﻴﻨﻲ ﻛﺖ ﻛﺎﺕ ..
ﻋﺎﻣﺮ : ﻧﺠﻤﻪ .. ﻣﻤﻤﻜﻦ ﻧﻜﻠﻤﻚ ﺷﻮﻳﻪ ﻓﻲ ﻣﻮﺿﻮﻉ
ﻧﺠﻤﻪ ﺑﺈﺳﺘﻐﺮﺍﺏ : ﻣﻮﺿﻮﻉ
ﻋﺎﻣﺮ : ﺍﻳﻪ ﻣﺶ ﺣﻨﺎﺧﺪ ﻣﻦ ﻭﻗﺘﻚ ﻫﻠﺒﻪ
ﻭﻧﺠﻤﻪ ﻭﻋﻼﻣﺎﺕ ﺍﺳﺘﻔﻬﺎﻡ ﻉ ﺭﺍﺳﻬﺎ : ﺑﺎﻩ ..
ﻣﺸﻲ ﻋﺎﻣﺮ ﺳﻜﺮ ﺍﻟﺒﺎﺏ ﻭﻗﻠﺐ ﺍﻟﻼﻓﺘﻪ ﻉ ﻛﻠﻤﺔ ﻣﻐﻠﻖ ﻭﻭﻻﻟﻬﺎ
ﻧﺠﻤﻪ : ﺷﻦ ﻓﻲ ؟
ﻋﺎﻣﺮ ﻭﻫﻮ ﻣﺘﻠﺨﺒﻂ : ﻣﺶ ﻋﺎﺭﻑ .. ﺑﻨﻘﻮﻟﻚ ﻉ ﺷﻲ .. ﻣﺎﺗﻔﻬﻤﻨﻴﺶ ﻏﻠﻂ ..
ﻧﺠﻤﻪ : ﻗﻮﻝ ﻭﻳﺎﺭﻳﺖ ﺗﺴﺘﻌﺠﻞ ..
ﻋﺎﻣﺮ ﺍﺳﺘﺠﻤﻊ ﺷﺠﺎﻋﺘﻪ : ﻧﺠﻤﻪ ﺍﻧﻲ ﻧﺒﻴﻚ ﺑﺎﻟﺤﻼﻝ
ﻧﺠﻤﻪ ﺍﻧﺼﺪﻣﺖ ﻭﻗﻌﺪﺕ ﺳﺎﻛﺘﻪ ..
ﻋﺎﻣﺮ ﺑﺈﺑﺘﺴﺎﻣﻪ ﻣﺮﺗﺒﻜﻪ : ﻳﺸﻬﺪ ﻋﻠﻴﺎ ﺭﺑﻲ ﻧﻴﺘﻲ ﺟﻴﻬﺘﻚ ﺻﺎﻓﻴﻪ ﻭﻗﻌﺪﺕ ﻧﺤﻂ ﻓﻲ ﺍﻟﻘﺮﺵ ﻉ ﺍﻟﻘﺮﺵ ﺑﺶ ﻧﺒﺪﺍ ﻭﺍﺗﻲ ﻭﻧﺠﻲ ﻧﺨﻄﺒﻚ .. ﺍﻣﺎ ﺍﻣﺎﻟﻴﺎ ﻓﻲ (*****) ﻭﻋﻨﺪﻱ ﺣﻮﺵ ﻏﺎﺩﻱ ﺑﺲ ﻣﺎﻓﻴﺶ ﻣﺸﻜﻠﻪ ﻟﻮ ﺍﻧﺘﻲ ﺗﺒﻲ ﺗﻘﻌﺪﻱ ﻫﻨﻲ ﺣﺎﺿﺮ .. ﺍﻟﻠﻲ ﺗﺒﻴﻪ ﺍﻧﻲ ﻓﻴﻪ ﻭﻣﺶ ﺣﺘﻨﺪﻣﻲ ﻳﺎﻧﺠﻤﻪ ﺣﻨﺪﻳﺮ ﺟﻬﺪﻱ ﺑﺶ ﻧﺴﻌﺪﻙ ﻭﺗﻜﻮﻧﻲ ﻣﺮﺗﺎﺣﻪ ﻣﻌﺎﻱ ...
ﻧﺠﻤﻪ ﺳﺎﻛﺘﻪ ﻭﻣﺶ ﻋﺎﺭﻓﻪ ﺷﻦ ﺗﻘﻮﻟﻪ
ﻋﺎﻣﺮ ﻭﻗﻠﺒﻪ ﻳﻘﺮﺑﻊ ﻣﻦ ﺍﻟﺨﻮﻑ ﻭﺍﻟﻠﻬﻔﻪ ﻟﺴﻤﺎﻉ ﺭﺩﻫﺎ : ﺷﺸﻦ ﻗﻮﻟﻚ ...
ﻧﺠﻤﻪ ﺷﺒﺤﺘﻠﻪ : ﺍﺣﻤﻢ ﻋﺎﻣﺮ .. ﺍﻧﺖ ﺷﺎﺏ ﻛﻮﻳﺲ ﺍﻟﺤﻖ ﻭﺍﺧﻼﻗﻚ ﺍﻟﻜﻞ ﻳﺸﻬﺪﻟﻬﺎ ﺍﻧﻬﺎ ﻋﺎﻟﻴﻪ ﻭﺻﺎﺣﺐ ﺧﻮﻱ ﻭﺩﻳﻤﺎ ﻳﺸﻜﺮ ﻓﻴﻚ .. ﺑﺲ ﺍﻟﺼﺮﺍﺣﻪ ﺍﻧﻲ ﻋﻤﺮﻱ ﻣﺎﻓﻜﺮﺕ ﻓﻴﻚ ﺑﺄﻱ ﺷﻜﻞ .. ﺳﺎﻣﺤﻨﻲ ﺃﻧﺖ ﺗﺴﺘﺎﻫﻞ ﺧﻴﺮ ﻣﻨﻲ
ﻋﺎﻣﺮ ﺍﻧﺼﺪﻡ ﻭﻗﻠﺒﻪ ﺑﻴﻮﻗﻒ : ﻧﺠﻤﻪ .. ﻧﺠﻤﻪ ﺍﻧﻲ ﻧﺒﻴﻚ ﺍﻧﺘﻲ ﺍﻧﺘﻲ ﻭﺑﺲ ﻣﺎﻧﺒﻴﺶ ﺧﻴﺮ ﻣﻨﻚ .. ﻧﺠﻤﻪ ﻏﻴﺮ ﻋﻄﻴﻨﻲ ﻓﺮﺻﻪ ﺑﺎﻟﻠﻪ ﻋﻠﻴﻚ ﻣﺎﺗﺼﺪﻱ ﻭﺗﺮﻓﻀﻲ ﺑﺴﺮﻋﻪ ﻓﻜﺮﻱ ﺷﻮﻳﻪ
ﻧﺠﻤﻪ : ﻣﺎﻧﺒﻴﺶ ﻧﻌﺸﻤﻚ ﻳﺎﻋﺎﻣﺮ ﺍﻟﻤﻮﺿﻮﻉ ﻋﻨﺪﻱ ﻣﻨﺘﻬﻲ ﺭﺑﻲ ﻳﺒﻌﺘﻠﻚ ﺑﻨﻴﺔ ﺍﻟﺤﻼﻝ ﺍﻟﻠﻲ ﺗﺴﺘﺎﻫﻠﻚ ﻭﺗﻮﺟﻬﺖ ﻟﺒﺎﺏ ﺍﻟﻤﺤﻞ
" ﻓﻲ ﺣﺪ ﻓﻲ ﺣﻴﺎﺗﻚ "
ﻧﺠﻤﻪ ﻭﻗﻔﺖ ﻭﻣﺎﺑﺘﺶ ﺗﺮﺩ ﻭﺑﻌﺪﻳﻦ ﻃﻠﻌﺖ ..
ﺍﺣﻤﺪ ﺷﺎﻓﻬﺎ ﻃﺎﻟﻌﻪ ﻣﺸﻲ ﻟﻠﻤﺤﻞ ﻃﻮﻝ ﻭﺧﺶ ﻟﻘﻲ ﻋﺎﻣﺮ ﻭﺍﺧﺪ ﻣﻔﺎﺗﻴﺤﻪ ﻭﺑﻴﻄﻠﻊ : ﺷﻦ ﺻﺎﺭ ؟ ..! ﻋﺎﻣﺮ ﺩﻓﻪ ﻭﻃﻠﻊ .. ﻭﺍﺳﺘﻨﺘﺞ ﺍﺣﻤﺪ ﺍﻟﻠﻲ ﺻﺎﺭ ...
***
ﻭﺍﻟﻠﻪ ﻣﺸﺮﻭﻉ ﺣﻠﻮ ﻭﻣﺮﺑﺢ
ﻋﻼﺀ : ﻳﻌﻨﻲ ﻣﻌﺎﻱ ﻓﻴﻪ
ﺗﻮﻓﻴﻖ : ﻟﻜﻦ ﻣﺎﻋﻨﺪﻳﺶ ﺑﻴﺶ ﻳﺎﺻﺎﺣﺒﻲ ﻭﺍﻧﺖ ﺃﺩﺭﻯ ﺑﺎﻟﺤﺎﻝ
ﻋﻼﺀ ﺑﻀﺤﻜﻪ : ﺃﻧﻲ ﻧﺒﻲ ﺩﻣﺎﻏﻚ ﺑﺲ ..
ﺗﻮﻓﻴﻖ : ﻫﻬﻬﻬﻬﻬﻪ .. ﺑﺎﻩ ﻓﻬﻤﻨﻲ ﻛﻴﻒ ﺑﺪﺑﺮ ﻓﻲ ﺍﻟﻤﻜﺎﻥ ﻭﺭﺍﺱ ﺍﻟﻤﺎﻝ
ﻋﻼﺀ : ﺗﻨﺎﻗﺸﺖ ﺍﻧﻲ ﻭﺑﻮﻱ ﻓﻲ ﺍﻟﻤﻮﺿﻮﻉ ﻭﻫﻮ ﻗﺎﻝ ﺑﺎﻫﻲ ﺣﻴﺴﺎﻋﺪﻧﻲ ﻭﺃﻧﻮﺭ ﺣﺘﻰ ﻫﻮ ..
ﺗﻮﻓﻴﻖ : ﺭﺑﻲ ﻳﻔﺘﺤﻬﺎ ﻋﻠﻴﻚ
ﻋﻼﺀ ﺑﺈﺑﺘﺴﺎﻣﻪ : ﻗﻮﻝ ﺭﺑﻲ ﻳﻔﺘﺤﻬﺎ ﻋﻠﻴﻨﺎ ...
ﺗﻮﻓﻴﻖ ﺭﺩﻟﻪ ﺍﻹﺑﺘﺴﺎﻣﻪ : ﺍﻟﻠﻬﻢ ﺁﺍﺍﺍﻣﻴﻦ ..
....
ﺣﻨﻴﻦ : ﺗﻬﻤﻞ ﻗﺮﺍﻳﺘﻚ ﻧﻮﺭﻳﻚ
ﻋﻼﺀ ﺑﺤﺐ : ﻻ ﻛﺎﻥ ﺍﻧﺘﻲ ﺑﺘﻘﺮﻳﻨﻲ ﻣﺶ ﺣﻨﻬﻤﻠﻬﺎ
ﺣﻨﻴﻦ ﻭﻫﻲ ﺷﺎﺩﻩ ﺿﺤﻜﺘﻬﺎ : ﺣﻲ ﻋﻠﻴﻚ ﺭﻩ ﻣﺎﻋﻨﺪﻳﺶ ﻳﺎﺃﻣﻲ ﺍﺭﺣﻤﻴﻨﻲ
ﻋﻼﺀ : ﻛﻞ ﺍﻟﻠﻲ ﻳﺠﻴﻨﻲ ﻣﻨﻚ ﺣﻠﻮ ﻭﻉ ﻗﻠﺒﻲ ﻋﺴﻞ ..
ﺣﻨﻴﻦ ﻭﺟﻬﻬﺎ ﻧﺎﺭ ﻣﻦ ﺍﻟﺨﺠﻞ : ﺧﻼﺹ ﻋﺎﺩ ﻭﺍﻧﺖ ﺍﺳﺘﺎﻧﺴﺖ 😳
ﻋﻼﺀ : ﻫﻬﻬﻬﻬﻬﻬﻬﻬﻪ ... ﻣﺶ ﺑﺈﻳﺪﻱ ﻫﺬﺍ ﻗﻠﺒﻲ ﺍﻟﺸﻮﻳﻄﻴﻦ
ﺣﻨﻴﻦ ﺑﻀﺤﻜﻪ : ﺑﺎﻫﻲ ﻭﺃﻧﺖ ﻭﻗﻠﺒﻚ ﺍﻟﺸﻮﻳﻄﻦ ﺑﻨﺨﻠﻴﻜﻢ ﺗﻮﺍ ﻻﺯﻡ ﻧﺴﻜﺮ
ﻋﻼﺀ : ﻧﻬﻮﻧﻮﺍ ﻋﻠﻴﻚ ﺗﺨﻠﻴﻨﺎ
ﺣﻨﻴﻦ : ﻋﻼﺍﺍﺍﺀ ﺧﻼﺹ ﻋﺎﺩ
ﻋﻼﺀ : ﺁﺍﺍﺍﻩ ﻳﺎﺍﺍﺭﺏ ﺻﺒﺮﻧﻲ ... ﻣﺎﺗﺒﻲ ﺷﻲ
ﺣﻨﻴﻦ ﺑﻀﺤﻜﻪ : ﻣﺎﻧﺒﻲ ﺷﻲ ﻫﻲ ﺑﺎﻱ ... ﻭﺳﻜﺮﺕ .. ﻭﺍﺗﺼﻠﺖ ﺑﻨﺠﻤﻪ ﻃﻮﻝ ﻹﻧﻬﺎ ﻣﺎﻛﻠﻤﺘﻬﺎﺵ ﻛﻦ ﻟﻤﺎ ﺭﻭﺣﺖ ..
ﻧﺠﻤﻪ ﻛﺎﻧﺖ ﺗﺒﻜﻲ ﻷﻧﻲ ﺷﻜﺮﻱ ﺍﻟﻴﻮﻡ ﻣﺎﺑﺎﺵ ﻳﺮﺩ ﻋﻠﻴﻬﺎ ﻭﺃﺧﺮﺷﻲ ﺳﻜﺮ ﺗﻠﻴﻔﻮﻧﻪ ﻭﻣﺶ ﻋﺎﺭﻓﻪ ﻋﻼﺵ ﻭﺧﺎﻳﻔﻪ ﻋﻠﻴﻪ ...
ﺭﻥ ﺗﻠﻴﻔﻮﻧﻬﺎ ﻟﻘﺘﻬﺎ ﺣﻨﻴﻦ ﺭﺩﺕ
ﻧﺠﻤﻪ ﺑﺒﻜﻲ : ﺍﻳﻮﻩ ﺣﻨﻴﻦ
ﺣﻨﻴﻦ : ﺧﻴﺮﻙ ﻧﺠﻤﻪ ﺗﺒﻜﻲ؟
ﻧﺠﻤﻪ : ﺷﻜﺮﻱ
ﺣﻨﻴﻦ : ﺧﻴﺮﻩ؟
ﻧﺠﻤﻪ : ﻣﺎﻳﺮﺩﺵ ﻋﻠﻴﺎ ﻭﺗﻠﻴﻔﻮﻧﻪ ﻣﺴﻜﺮ ..
ﺣﻨﻴﻦ : ﻋﺎﺩﻱ ﺣﺒﻴﺒﺘﻲ ﻣﺮﺍﺕ ﺷﺤﻨﻪ ﺗﻢ ﻭﻫﻮ ﻣﺸﻐﻮﻝ ..
ﻧﺠﻤﻪ : ﺯﻋﻤﻪ
ﺣﻨﻴﻦ : ﺍﻳﻪ ﺗﺼﻴﺮ ...
ﻧﺠﻤﻪ : ﺇﻥ ﺷﺎﺀ ﺍﻟﻠﻪ ... ﻛﺎﻥ ﻧﻘﻮﻟﻚ ﺷﻦ ﺻﺎﺭ ﻣﻌﺎﻱ ﺗﺎﻧﻲ
ﺣﻨﻴﻦ : ﺷﻨﻮ
ﻧﺠﻤﻪ : ﺍﻟﻴﻮﻡ ﻛﻠﻤﻨﻲ ﻋﺎﻣﺮ ﻭﻗﺎﻟﻲ ﺗﺒﻲ ﻧﺨﻄﺒﻚ
ﺣﻨﻴﻦ ﺑﻀﺤﻜﻪ : ﺷﻔﺘﻲ ﻣﺶ ﻗﺘﻠﻚ ﻣﻦ ﻗﺒﻞ
ﻧﺠﻤﻪ : ﻟﺘﻮﺍ ﻣﺶ ﻣﺼﺪﻗﻪ ﺍﻟﻤﺸﻜﻠﻪ ﺍﻧﻪ ﺻﺎﺣﺐ ﺍﻧﻮﺭ ﻣﻮﻗﻒ ﺑﺎﻳﺦ ﻫﻠﺒﻪ
ﺣﻨﻴﻦ : ﺑﺎﻩ ﺷﻦ ﻗﻠﺘﻴﻠﻪ
ﻧﺠﻤﻪ : ﻗﺘﻠﻪ ﻻ ﻃﺒﻌﺎ .. ﺑﺲ ﺗﺼﺪﻗﻲ ﻭﺟﻌﻨﻲ ﺣﺴﻴﺘﻪ ﺍﻧﻜﺴﺮ ﺧﺎﻃﺮﻩ
ﺣﻨﻴﻦ : ﺍﻟﻘﻠﺐ ﻭﻣﺎﻳﺮﻳﺪ ﻣﺶ ﺑﺈﻳﺪﻳﻚ ...
ﻧﺠﻤﻪ : ﺯﻋﻤﺎ ﻳﻔﺘﺢ ﺍﻟﻤﻮﺿﻮﻉ ﻣﻊ ﺃﻧﻮﺭ ..
ﺣﻨﻴﻦ ﻣﺎﻋﻨﺪﻩ ﻋﻼﺵ ﻳﻔﺘﺤﻪ ﻣﺪﺍﻡ ﺍﻧﺘﻲ ﺳﻜﺮﺗﻴﻪ
ﻧﺠﻤﻪ : ﺍﻳﻪ ﺻﺢ ...
***
ﺧﺎﺷﻴﻦ ﺑﺨﻄﻮﺍﺕ ﺍﻟﻐﻀﺐ ﻳﺤﺮﻛﻬﺎ ﻣﺘﻮﺟﻬﻴﻦ ﻟﻠﺸﺨﺺ ﺍﻟﻠﻲ ﺧﻼ ﺍﻟﻜﻴﻞ ﻳﻄﻔﺢ .. ﻭﺻﻠﻮﺍ ﻟﻤﻜﺘﺐ ﺍﻟﺴﻜﺮﺗﻴﺮﻩ ..
ﻋﻤﺮ : ﻋﺒﺪ ﺍﻟﻠﻪ ﻗﺎﻋﺪ
ﺍﻟﺴﻜﺮﺗﻴﺮﻩ : ﺍﻳﻪ ﻣﻮﺟﻮﺩ .. ﺧﺸﻮﺍ ﻃﻮﻭﻝ ... ﻳﺎﺍﺳﺘﺎﺫ ﻋﻤﺮ ﺍﺳﺘﺎﺫ ﻋﻮﺽ ﻣﺶ ﻫﻚ ﻟﻮﺳﻤﺤﺘﻮﺍ ..
ﻓﺘﺢ ﻋﻮﺽ ﺍﻟﺒﺎﺏ ﺑﻜﻞ ﻗﻮﻩ ﻭﺧﺸﻮﺍ ﻟﻘﻮﻩ ﺣﺎﻁ ﺭﺟﻞ ﻉ ﺭﺟﻞ ﻭﻣﻘﻌﻤﺰ ﺑﺎﻟﺠﻨﺐ ﻭﺍﻳﺪﻩ ﻉ ﺍﻟﻄﺎﻭﻟﻪ ﻭﺍﻟﺘﺎﻧﻴﻪ ﻉ ﺍﻳﺪ ﺍﻟﻜﺮﺳﻲ ﻭﻣﺒﺘﺴﻢ ﺑﺈﺳﺘﻔﺰﺍﺯ ﻭﻛﺄﻧﻪ ﻳﺮﺍﺟﻲ ﻓﻴﻬﻢ ..
ﻋﻤﺮ : ﺍﻧﺖ ﻣﻦ ﺗﺤﺴﺎﺏ ﺭﻭﺣﻚ ...
ﻋﺒﺪﺍﻟﻠﻪ ﺑﻐﺮﻭﺭ : ﻧﺤﺴﺎﺏ ﺭﻭﺣﻲ ﻋﺒﺪﺍﻟﻠﻪ ﺳﻌﺪ ﻓﺘﺢ ﺍﻟﻠﻪ ..
ﻋﻮﺽ : ﺍﻧﺖ ﺯﻭﺩﺗﻬﺎ ﻭﺍﺟﺪ ﻳﺎﻋﺒﺪﺍﻟﻠﻪ
ﻋﺒﺪﺍﻟﻠﻪ ﺭﻓﻊ ﺣﻮﺍﺟﺒﻪ : ﻭﺍﻟﻠﻪ ... ﻣﺎﻛﻨﺘﺶ ﻧﻌﺮﻑ ﺗﺼﺪﻕ .. ﻫﻬﻬﻊ ﺟﻨﺎﻥ ﺟﻴﺒﻲ 2 ﻋﺼﻴﺮ ﻟﻴﻤﻮﻥ ﻭﺃﻧﺎ ﻗﻬﻮﺓ ﻣﻌﺪﻟﻪ
ﺍﻟﺴﻜﺮﺗﻴﺮﺓ ﺟﻨﺎﻥ : ﺣﺎﺿﺮ ... ﻭﻃﻠﻌﺖ ..
ﻋﺒﺪﺍﻟﻠﻪ ﻗﻌﻤﺰ ﻛﻮﻳﺲ ﻭﺣﻂ ﺍﻳﺪﻩ ﻉ ﺍﻟﻤﻜﺘﺐ : ﻗﻌﻤﺰﻭﺍ ﻟﻴﺶ ﻣﺼﺒﻴﻦ ..
ﻋﻤﺮ ﺧﺒﻂ ﺑﺈﻳﺪﻩ ﻉ ﺍﻟﻤﻜﺘﺐ : ﺍﻧﺎ ﻟﻬﺎﻟﻠﺤﻈﻪ ﻗﺎﻋﺪ ﺣﺎﻁ ﺑﻴﻦ ﻋﻴﻮﻧﻲ ﺍﻧﻚ ﻭﻟﺪ ﺧﻮﻱ ﻣﺎﻧﺒﻴﺶ ﻧﺘﺼﺮﻑ ﻣﻌﺎﻙ ﺗﺼﺮﻑ ﺛﺎﻧﻲ
ﻋﺒﺪﺍﻟﻠﻪ ﺭﻓﻊ ﺣﻮﺍﺟﺒﻪ ﺑﺘﺴﺎﺅﻝ : ﺯﻱ ... ؟
ﻋﻤﺮ : ﺑﺘﻜﺜﺮ ﻉ ﻣﻮﺻﻮﻙ ﺣﺘﻌﺮﻑ ..
ﻋﺒﺪﺍﻟﻠﻪ : ﻧﺴﺘﻐﺮﺑﺶ ﻋﻠﻴﻚ ﺷﻲ ﺩﻳﺮ ﺍﻱ ﺣﺎﺟﻪ ﻉ ﺷﺎﻥ ﻣﺼﻠﺤﺘﻚ ﺯﻱ ﺍﻧﻚ ﻣﺜﻼ ﺳﻴﺒﺖ ﻣﺮﺍﺗﻚ ﻭﺑﻨﺘﻚ ﺍﻟﺮﺿﻴﻌﻪ ﻋﺸﺎﻥ ﻣﺎﺗﻨﺤﺮﻣﺶ ﻣﻦ ﻭﺭﺙ ﻣﺮﺍﺗﻚ ﻛﺎﺭﻳﻤﺎﻥ ﺑﻌﺪ ﻣﻮﺕ ﺑﻮﻫﺎ
ﻋﻤﺮ ﺍﻧﺼﺪﻡ ﺻﺪﻣﻪ ﻗﻮﻳﻪ ﻣﻦ ﺍﻟﻠﻲ ﺳﻤﻌﻪ ﻣﻦ ﻭﻳﻦ ﻳﻌﺮﻑ ﻋﺒﺪﺍﻟﻠﻪ ﻭﻛﻴﻒ .. ﻋﻮﺽ ﻗﻌﺪ ﻳﺸﺒﺢ ﻟﻌﻤﺮ ﻭﻣﺶ ﻓﺎﻫﻢ ﺍﻟﻜﻼﻡ ﺟﺪﻳﺪ ﻋﻠﻴﻪ
ﻋﺒﺪﺍﻟﻠﻪ : ﻉ ﺍﻟﻌﻤﻮﻡ ﺍﻧﺘﻢ ﺍﻟﻠﻲ ﺍﺟﺒﺮﺗﻮﻧﻲ ﻧﺘﺼﺮﻑ ﻣﻌﺎﻛﻤﻬﺎﻟﺘﺼﺮﻑ ﺗﺘﻤﺎﺩﻭﺍ ﺣﺘﻠﻘﻮﺍ ﺍﻷﺳﻮﺃ ﺻﺪﻗﻮﻧﻲ ...
ﻋﻮﺽ : ﻣﻌﻨﺎﻫﺎ ﺍﻧﺖ ﺗﻠﻌﺐ ﺑﺎﻟﻨﺎﺭ
ﻋﺒﺪﺍﻟﻠﻪ : ﺍﻧﺘﻢ ﺍﻟﻠﻲ ﺗﻠﻌﺒﻮﺍ ﺑﺎﻟﻨﺎﺭ ﻭﻫﺬﺍ ﺃﺧﺮ ﺗﺤﺬﻳﺮ ﺧﻴﺮ ﻣﺎﺗﻨﺤﺮﻗﻮﺍ ﻉ ﺍﻷﺧﺮ ...
ﻋﻤﺮ ﻟﻒ ﻭﻃﻠﻊ ﺑﺪﻭﻥ ﻣﺎﻳﺰﻳﺪ ﻭﻻ ﺣﺮﻑ ﻭﻋﻮﺽ ﺷﺒﺢ ﻟﻌﺒﺪﺍﻟﻠﻪ ﺷﺒﺤﺖ ﺗﻬﺪﻳﺪ ﻭﻃﻠﻊ ﺣﺘﻰ ﻫﻮ ..
ﻋﺒﺪ ﺍﻟﻠﻪ " ﺗﻤﻨﻴﺖ ﻧﻜﻮﻧﻮﺍ ﺳﻨﺪ ﻟﺒﻌﻀﻨﺎ ﻟﻜﻦ ﺍﻧﺘﻢ ﺍﺧﺘﺮﺗﻮﺍ ﺍﻟﻌﻜﺲ .."
***
ﻓﻲ ﺍﻟﻠﻴﻞ ...
ﻧﺠﻤﻪ ﺩﻣﻮﻋﻬﺎ ﻣﺎﺟﻔﻮﺵ ﺑﻜﻞ ﺧﺪﺕ ﺗﻠﻴﻔﻮﻧﻬﺎ ﻭﻋﺎﻭﺩﺕ ﻋﻠﻴﻪ ﻣﻦ ﺟﺪﻳﺪ ﻧﺎﺩﻯ ﻟﻜﻦ ﻣﺎﺭﺩﺵ ﺑﻌﺘﺘﻠﻪ ﺭﺳﺎﻟﻪ ...
ﺷﻜﺮﻱ ﻛﻴﻒ ﺭﻭﺡ ﻣﻦ ﺍﻟﺨﺪﻣﻪ ﻭﺣﻂ ﺗﻠﻴﻔﻮﻧﻪ ﻣﻦ ﺍﻟﺸﺤﻦ ﻭﺧﺶ ﺩﻭﺵ .. ﻭﺑﻌﺪ ﻃﻠﻊ ﺟﻲ ﻟﺘﻠﻴﻔﻮﻧﻪ ﻟﻘﻲ ﻣﻜﺎﻟﻤﻪ ﻭﺭﺳﺎﻟﻪ ﻣﻦ ﻧﺠﻤﻪ ﻓﺘﺤﻬﺎ ‏( ﺑﻪ ﻣﺎﺗﺮﺩﺵ ﻋﻠﻴﺎ ﺑﺲ ﻃﻤﻨﻲ ﻋﻠﻴﻚ ﺍﻧﺖ ﻛﻮﻳﺲ ﻭﻻﻻ ﺍﺑﻌﺖ ﺍﻳﻪ ﺍﻭﻻ ‏) ... ﺿﺤﻚ ﻭﺍﺗﺼﻞ ﺑﻴﻬﺎ ..
ﻧﺠﻤﻪ ﻟﻤﺎ ﺷﺎﻓﺖ ﺍﺗﺼﺎﻟﻪ ﺣﻄﺖ ﺍﻳﺪﻫﺎ ﻉ ﻗﻠﺒﻬﺎ ﺍﻟﻠﻲ ﻛﺎﻥ ﺣﻴﻔﺮ ﻭﺭﺩﺕ ...
ﻧﺠﻤﻪ ﺑﻠﻬﻔﻪ ﻭﺧﻮﻑ : ﻭﻳﻨﻚ ﺷﻜﺮﻱ ﻭﻳﻨﻚ ﺻﺎﺭﺕ ﻣﻌﺎﻙ ﺣﺎﺟﻪ ﻣﺮﻳﺾ ﺷﻦ ﻓﻲ
ﺷﻜﺮﻱ : ﻫﻬﻬﻬﻬﻬﻬﻬﻬﻬﻪ ﻏﻴﺮ ﺑﺎﻟﺸﻮﻳﻪ ﺧﻮﺩﻱ ﻧﻔﺲ ﺑﻪ .. ﻳﺎﻭﺩﻱ ﻛﻨﺖ ﻣﺸﻐﻮﻝ ﻭﺍﻟﺨﺪﻣﻪ ﺍﻟﻴﻮﻡ ﻟﻔﻮﻕ ﺭﺍﺳﻲ ..
ﻧﺠﻤﻪ ﺗﻨﻔﺴﺖ ﺑﻘﻮﺓ : ﺍﻟﺤﻤﺪ ﻟﻠﻪ .. ﺑﺎﻫﻲ ﺭﺩﻳﺖ ﻃﻤﻨﺘﻨﻲ ﺍﻗﻞ ﺷﻲ ﺑﺮﺳﺎﻟﻪ ..
ﺷﻜﺮﻱ : ﻣﺎﻟﻬﻴﺘﺶ ﺑﻜﻞ ... ﺍﻧﺘﻲ ﺷﻦ ﺟﻮﻙ
ﻧﺠﻤﻪ : ﺗﻤﺎﻡ .. ﺧﻴﺮﻙ ﻧﺤﺲ ﻓﻴﻚ ﻣﺶ ﻉ ﺑﻌﻀﻚ ..
ﺷﻜﺮﻱ ﺑﺮﻓﻌﻪ ﺣﺎﺟﺐ : ﺍﻣﻲ ﺍﻟﻴﻮﻡ ﻓﺘﺤﺖ ﻣﻌﺎﻱ ﻣﻮﺿﻮﻉ ﻳﻌﻜﺮ ﺍﻟﻤﺰﺍﺝ
ﻧﺠﻤﻪ : ﺧﻴﺮ ﺍﻥ ﺷﺎﺀ ﺍﻟﻠﻪ ...
ﺷﻜﺮﻱ ﺑﺈﺑﺘﺴﺎﻣﻪ ﻣﺎﻛﺮﻩ : ﻗﺎﻟﺘﻠﻲ ﺑﺘﺨﻄﺒﻠﻲ ﻣﻨﻰ ﺑﻨﺖ ﻋﻤﺘﻲ ...
ﻧﺠﻤﻪ ﺑﻐﻴﺮﻩ : ﻫﺪﻳﻜﺎ ﺍﻟﺴﻤﻴﻨﻪ 😣
ﺷﻜﺮﻱ ﺑﻀﺤﻜﻪ : ﻗﺼﺪﻙ ﺳﻤﻴﻨﻪ ﻫﻲ ﻫﻬﻬﻬﻬﻬﻬﻪ ﻭﺍﻟﻠﻪ ﻣﺎﻧﺰﺑﻄﻬﺎ ﺗﺼﺪﻗﻲ
ﻧﺠﻤﻪ : ﻭﺃﻧﺖ ﺷﻦ ﻗﻠﺘﻠﻬﺎ ..
ﺷﻜﺮﻱ : ﻻ ﻃﺒﻌﺎ ...
ﻧﺠﻤﻪ ﺑﻔﺮﺣﻪ : ﺍﻳﻪ ﺍﺣﺴﻦ .. ﻣﺶ ﻭﻗﺘﻪ ﺗﻮﺍ
ﺷﻜﺮﻱ : ﻋﻼﺵ ﻣﺶ ﻭﻗﺘﻪ ﺍﻟﺤﻖ ﺍﻧﻲ ﻓﻲ ﺑﺎﻟﻲ ﺍﻟﻤﻮﺿﻮﻉ
ﻧﺠﻤﻪ ﺑﺨﻮﻑ : ﻗﺼﺪﻙ ﻓﻲ ﻓﺒﺎﻟﻚ ﻭﺣﺪﻩ ..
ﺷﻜﺮﻱ : ﺍﻳﻪ ...
ﻧﺠﻤﻪ : ﻣﻦ ﻫﻲ
ﺷﻜﺮﻱ ﺑﺘﻨﻬﻴﺪﻩ : ﺇﻧﺘﻲ ....
***
ﻧﻮﺭ ﺳﺎﻓﺮﺕ ﻟﻤﺼﺮ ﻣﻊ ﺻﺎﺣﺒﺎﺗﻬﺎ ﻫﻴﺠﺖ ﻭﺍﺩﻫﻮﺭﺕ .. ﺟﻲ ﻳﻮﻡ ﻣﻌﺮﺽ ﺍﻟﺮﺳﻢ ﺍﻟﻠﻲ ﻳﺨﺺ ﻣﻌﻴﻦ ﻭﻣﻌﺎﻩ ﺭﺳﺎﻣﻴﻦ ﻟﻴﺒﻴﻦ ..
ﻧﻮﺭ ﻛﺎﻧﺖ ﺗﺘﻔﺮﺝ ﻉ ﺍﻟﻠﻮﺣﺎﺕ ﺑﺘﻤﻌﻦ .. ﻭﻣﻌﻴﻦ ﻛﺎﻥ ﻳﺘﻤﻌﻦ ﻓﻴﻬﺎ ﻫﻲ ﻓﻲ ﻣﻼﻣﺤﻬﺎ ﻓﻲ ﺷﻌﺮﻫﺎ ﻓﻲ ﺗﺄﻣﻠﻬﺎ ﻟﻠﻮﺣﺎﺗﻪ .. ﻣﻌﻴﻦ ﺧﻼﻝ ﺍﻟﻔﺘﺮﺓ ﺍﻟﻠﻲ ﺗﻌﺮﻑ ﻓﻴﻬﺎ ﻉ ﻧﻮﺭ ﺍﻧﺠﺬﺑﻠﻬﺎ ﻫﻠﺒﻪ ﻭﺍﻟﻔﻦ ﺍﻟﻠﻲ ﻛﺎﻥ ﻗﺎﺳﻢ ﻣﺸﺘﺮﻙ ﺑﻴﻨﺎﺗﻬﻢ ﺟﻤﻌﻬﻢ ﺑﻘﻮﺓ .. ﻣﻌﻴﻦ ﻳﻤﻠﻲ ﻓﻲ ﻋﻴﻮﻧﻪ ﻣﻦ ﻧﻮﺭ ﻭﻳﻘﻮﻝ ﻓﻲ ﻧﻔﺴﻪ " ﺧﺪﻳﺘﻴﻨﻲ ﻣﻦ ﻛﻞ ﺷﻲ ﻓﺤﻴﺎﺗﻲ ﺣﺘﻰ ﻣﻦ ﺍﻟﺮﺳﻢ ﺍﻟﻠﻲ ﻧﻌﺸﻘﻪ ﺑﺪﻳﺖ ﻧﺮﺳﻢ ﻓﻴﻚ ﻣﻦ ﻏﻴﺮ ﻣﺎﻧﺤﺲ ﻓﻲ ﻛﻞ ﻟﻮﺣﻪ ﻣﻦ ﻟﻮﺣﺎﺗﻲ ﺧﻼﺹ ﺍﻟﻴﻮﻡ ﺣﻨﻌﺘﺮﻓﻠﻚ ﺑﺎﻟﻠﻲ ﺧﺎﻓﻴﻪ ﻓﻲ ﻣﻜﻨﻮﻧﻲ ﻟﻴﻪ ﺷﻬﻮﺭ "
ﻣﻌﻴﻦ : ﻧﻮﺭ ..
ﻧﻮﺭ ﺷﺒﺤﺘﻠﻪ ﺑﺈﺑﺘﺴﺎﻣﻪ : ﺍﻣﻤﻢ
ﻣﻌﻴﻦ : ﺃﻥ .....
" ﺣﻠﻮ ﺍﻟﻤﻌﺮﺽ "
ﻧﻮﺭ ﺷﺒﺤﺖ ﻟﻤﺼﺪﺭ ﺍﻟﺼﻮﺕ ﺑﺼﺪﻣﻪ ..
ﺷﺎﻫﻴﻦ ﻭﻫﻮ ﻳﺸﺒﺢ ﻟﻠﻮﺣﻪ ﺍﻟﻠﻲ ﻭﺍﻗﻔﻴﻦ ﻋﻠﻴﻬﺎ ﻭﻣﺒﺘﺴﻢ : ﻣﺶ ﻋﺎﺭﻑ ﺷﻨﻮ ﺍﻟﻤﻌﻨﻲ ﻣﻦ ﻫﺎﻟﺨﺮﺑﺸﻪ ﻫﺬﻱ ﺍﻟﻠﻲ ﻳﻘﻮﻟﻮﺍ ﻋﻠﻴﻬﺎ ﻓﻦ ..
ﻣﻌﻴﻦ ﺑﻨﻈﺮﺓ ﺣﺎﺩﻩ : ﻣﻦ ﺣﻀﺮﺗﻚ ..
ﺷﺎﻫﻴﻦ ﺷﺒﺤﻠﻪ ﻭﺑﺮﻓﻌﺔ ﺣﻮﺍﺣﺐ ﻭﺍﺑﺘﺴﺎﻣﻪ : ﻣﺎﺗﻌﺮﻓﺶ ﻣﻦ ﺣﻀﺮﺗﻲ ... ﺃﺷﺮ ﺑﺴﺒﺎﺑﺘﻪ ﻉ ﻧﻮﺭ ... ﻣﺎﻗﺎﻟﺘﻠﻜﺶ ... ﺧﺪﻱ ﺍﻳﺪﻫﺎ ﺍﻟﻴﻤﻴﻦ ﻉ ﺃﺳﺎﺱ ﺑﻴﻮﺭﻳﻪ ﺍﻟﺪﺑﻠﻪ ﻭﺍﻧﺼﺪﻡ ﺑﻴﻬﺎ ﻣﻬﻨﺎﺵ ..
ﻣﻌﻴﻦ : ﻛﻨﻚ ﻳﺎﺃﺥ ﺍﻧﺖ ﻣﻦ ﺗﻜﻮﻥ ..
ﺷﺎﻫﻴﻦ ﺑﻌﺪ ﻧﻈﺮ ﺩﺍﻡ ﻟﻔﺘﺮﺓ ﺑﺴﻴﻄﻪ ﻟﻤﻜﺎﻥ ﺍﻟﺪﺑﻠﻪ ﻗﺎﻡ ﻋﻴﻨﻪ ﻓﻴﻬﺎ ﻭﻟﻘﺎﻩ ﺗﺸﺒﺤﻠﻪ ﺑﻨﻈﺮﺓ ﺧﻮﻑ ﻭﺗﻮﺗﺮ .. ﻃﻠﻖ ﺍﻳﺪﻫﺎ ﻭﺷﺒﺢ ﻟﻤﻌﻴﻦ
ﺷﺎﻫﻴﻦ ﺑﺈﺑﺘﺴﺎﻣﻪ ﺗﺨﻔﻲ ﺍﻟﻮﺟﻊ : ﺃﻧﺎ ... ﻭﻻﺣﺎﺟﻪ .. ﻧﺴﺘﺄﺫﻥ ﻭﻣﺸﻲ ﺧﻄﻮﺗﻴﻦ ﻟﻠﺨﻠﻒ ﻭﻟﻒ ﻭﻛﻤﻞ ﻃﺮﻳﻘﻪ ﺑﺮﺍ ﺍﻟﻤﻌﺮﺽ .. ﻭﻧﻈﺮﺍﺕ ﻧﻮﺭ ﺍﻟﻤﺼﺪﻭﻣﻪ ﻭﺍﻟﺨﺎﻳﻔﻪ ﻛﺎﻧﺖ ﺗﻼﺣﻘﻪ ...
ﻣﻌﻴﻦ : ﻣﻦ ﻫﻀﺎ ﻳﺎﻧﻮﺭ ..
ﻧﻮﺭ ﻭﻫﻲ ﺗﺸﺒﺢ ﻟﻠﺠﻬﻪ ﺍﻟﻠﻲ ﻃﻠﻊ ﻣﻨﻬﺎ ﺷﺎﻫﻴﻦ : ﺀﺀﺍﺍﺍ ... ﻓﺠﺄﺓ ﺧﺪﺕ ﺷﻨﻄﻨﺘﻬﺎ ﻭﻃﻠﻌﺖ ﻭﺭﺍ ﺷﺎﻫﻴﻦ ....
... ﻳﺘﺒﻊ
الفصول الاربعة