نجمة نجمتي ( جمان فريد) منقولة

الجزء الاخير 3

#نجمه_نجمتي

#جمان_فريد

الجزء الأخير القسم الثالت....
"اللي بعده النهايه تفاعلوا بش نزله طول 💕💕"

عرس ابراهيم ونور مازال عليه 3أيام...
كلهم متلاقيين في حوش الجد وللاهم روحت مع بنتهاوطاهر وأمل بيلحقوا في اسبوع العرس...
مقعمزين في الصاله يلفوا في الحاجات اللي بيرفعوهم يوم التفريش ...
نجمه ..احلام..غاده..نور...منى...
نجمه:عاداتكم حلوة برغم انها تكلف..
غاده بضحكه: اها من ناحية تكلف تكلف واجد
احلام: انتم البنت ماعليها شي غير تجي بدبشها وبس..
نجمه: ايه هي مش ملزمه إلا بحوايجها..بتاتها يعني  ..لكن في ناس يرفعوا معاهم في اثات للحوش أو ادوات كهربائيه..
نوربضحكه: بالنسبه ليالانعرف عادات هادو ولاهادو خاشه معاكم هكي وخلاص
منى بضحكه: انتي العروس فكري في عريسك وعاداته بس
نور:😳
كلهم: 😂😂😂😂
نجمه: ايه حقة بنسألكم..
غاده: اسألي..
نجمه: شن هي الحبيبه...
كلهم قعدوا يشبحولها..
احلام : الحبيبه..
نجمه: اها نطقها صح ولا...
منى : انتي من قايلك عليها..
نجمه بربكه: سمعت بيهامرة..ماعرفتش شن هي
غاده: الحبيبه اللي نا نعرفها..البوسه..
نجمه:😨
احلام: اها في ناس في الشرق يقولوا ع البوسه حبيبه..
نجمه:😳
منى: انتي في حد قايلها لك
نجمه بربكه: احمم..سمعتها مرة مافهمتهاش بس..
غاده شدت ضحكتها وكأنها فهمت من وجه نجمه اللي ولا طماطم وعارفه خوها وحركاته...
نور: غريبه ماسمعتهاش من ابراهيم..
منى بضحكه: وعليش ابراهيم شن يقولك ياحنه بخصوص المواضيع هذينا..
نور تحشمت لين خلاص وسكتت..
غادة: ع وجه كيف انحمر...شكلك مش قايللها بس يامنى...
كلهم : ههههههههههه
نور: خلاص عاد🙈😳
غاده: والله عيال عيت فتح الله ****رومانسيين بأفعالهم قبل اقوالهم واسالوا منى..
منى: صادقه ههههههههه
احلام اذكرت عبدالله كيف رومانسي بتصرفاته معاها اكثر من الكلام دمعتها وقفت في محجر عينهاوشدتها..
نجمه معاش شاركت في الحديث بعد ماعرفت معنى حبيبة..غاصت في اللي دير فيه وخلاص..
***
حضرتك قريب عفستلي فيها..
شاهين : به ريح روحك اهو كل شي ماشي كيف ماهو وفوقته..
فارس: وانت يالجارح امتى ناوي..
شاهين ابتسم وتحشم : قريب إن شاءالله
طارق: ريتوه كيف قاتله الحشم ناعليا...
كلهم:😂😂😂😂
شاهين: مالا قالولك كيفك اللي لاتحشم ولاتعرف الحشم..
ابراهيم : شاهين نبي صحابك يقيموها بيا جماعه الموطوات..
شاهين: كم تدفع..
ابراهيم: سلامتك
شاهين : خززي قفاص...نفكر نقول لبنت سيدي ع حقيقتك خل تلحق روحها...
ابراهيم بضحكه : خلاص توا حصلت
سند : الله يحصلنا هالحصله...
شاهين: شنو تبي انت اسمع نتم موالي وبعدين دير سريبك
سند: كان بنرجاك انت بنقعد عشرة سنين جايات..
شاهين: متعنا بسكوتك..
طارق: سند معاه حق لازم تاخد موقف..
ابراهيم: صدقوا...دير موقف...
شاهين سكت وقعد يفكر...
***
بدي العرس وكانت اجوائه حلوةبالمرة عرس شرقاوي..نجمة حبت تفاصيل العرس كامله..
يوم الحنه...
نجمه كانت لابسة فقطان بيج حلو ضيق من فوق واسع من لوطا ومدايرة طريقه حجاب حلوة ع راسها..لأنها كانت تطلع وتخش بسبب العشي اللي داروه للرجاله ..
كانوا يمدوا في الصفر برا..وحده جي شاهين رفعها وهي مدتهاله كانوا عيونه مبهورات بيها..وهي نفس الشي لأنه لابس عربي طالع فيه يجنن 💖💖💖
غاده: صقع ونقع العشا
نجمه تحشمت ومشت..
شاهين : غير فات فيك وانخطبتي ره خربتلك وجك..
غاده: ههههههههههه وخشت ...
فاتت الحنه بأجوائها الحلوة وهياجتها..وعراس الشتي ليهم نكهة خاصه...💖
بعد تمت الحوسه والناس بدت تروح..
نجمه مقعمزة مع البنات بحدا نور ويهدرزوا عليها..
جت لنجمه رساله...
(نبيك ضروري تلقيني حدا الشجرة الكبيرة)
نجمه فهمت شن يبي وقلبها يدق وحطت ايدها عليه..احلام كانت جنبها ومركزة معاها
احلام قربت منها: عدي بسرعه ماضيعيش وقت..
نجمه شبحتلها وابتسمت وخدت شهيق وزفير وناضت...
💖شاهين كان واقف تحت الشجره قاعد لابس العربي بس لابس فوقه جاكه...لمحها جايه من بعيد قلبه بدي بالجو متاعه💗💓
وصلت فيه...
نجمه : مساء الخير..
شاهين يشبحلها وبس..
نجمه بضحكه: شاهين ياسر..
شاهين بحب: شن بندير انتي سمحه واجد واليوم بالذات طالعه حاجه تانيه..
نجمه ابتسمت وشبحت لعيونه: عيونك الحلوة😍
شاهين شبحلها هلبه بعدين قال: نجمه تزوجيني 💓
نجمه تشبحله وبضحكه: كله في الوجه طول بلامقدمات..
شاهين: هضا قلبي ديما يحشم فيا معاك..
نجمه : هههههههه..امم قوله قالتلك نجمه..موافقه...
شاهين عيونه تعبوا دموع برغم نظرتهم الحاده كانوا معبيات كلام وكلام وكلام وكله في الحب والعشق والشوق..بس طلعت منه كلمه وحده: نعشقك💗
نجمه ابتسمت ولفت وجهها عنه من الخجل..جت نسمة صقع نجمه صقعت تكمشت في بعضها..هو مركز معاها...
حول جاكته ولبسهالها...
نجمه قعدت تشبح لعيونه:وانت مش حتصقع..
شاهين بإبتسامه: فداك 💗
نجمه قعدت تشبح لعيونه اللي فيهم حنية العالم كله والحب فيهم واضح والأمان كان فيهم هما....نجمه من قوة مشاعرها هذيكا اللحظه بدت تغني...
🎼بحبك ياحبيبي اكمني بهواك وبحس انك مني
سامعني دنا بروحي بغني دنا بحكي لكل الدنيا عليك.
بحب الحب اللي جمعنا بحب الشوق اللي وجعنا
وعمري بجد مالوش معنى ولاتحلى الدنيا فيوم غيربيك..
بحب هواك وعنيك انما لو قد الأرض وقد السما
حكون اكثر منهم مغرمه وحكون اقرب من نفسك ليك
بحب اخرج مني اجيلك واسيب احساسي يغنيلك
كفايه يكون قلبي باقيلك وكفايه اشوف الكون بعنيك
آاااه ع لأنا عايشاه واللي انا حساه
بين حنيني وآااه
آااه كل يوم بيفوت فيك بعيش وبموت
بردو احلى حياة..
آاااه ع اللي انا حاساه واللي انا عيشاه بين حنيني وآه..
💗شبحت لخصلة من شعره  نازله ع عينه رفعتها بروس صوابعها..💗
بحب كلامك في شفايفك وبحب القلب يكون شايفك
جوايا حنين حسك عرفك لو حتى مابين ملايين الناس
بحبك مش متهيألي انا عايشه في حلم تحققلي
انا حاسه ان انت بتشتاقلي انادايبه من الشوق والإحساس
بحب النسمه اللي تعدي ع رمشك مرة وع خدي
وناخد في الحب وندي ونعيش انا وانت في احلى غرام
بحبك انت بحبك بس وحبك اجمل شي يتحس
وبسمع منك أجمل همس وبشوف فعيونك احلى كلام
آاااه ع الانا حساه واللي انا عايشاه بين حنيني وآااه
آااه كل يوم بيفوت فيك وأعيش وبموت بردو أحلى حياة
آاااه ع الانا عايشاه
بين حنيني وآااه ...
طول ماهي تغني وهو سرحان فيها في عالمها هي ناسي الدنيا ومافيها...يحبها يعشقها يبيها من وسط قلبه..لما رفعت خصله شعره بأطراف صوابعها..قريب قلبه اخترق صدره ومشاله طاير بش يحضنها..
شاهين بعيون ذابلات من الشوق: ع بالي نجيب شيخ من مرقده بش نعقد عليك اللليله..بس نا نبيك اديري عرس كبير تحكي بيها الناس سنه قدام..
نجمه متفاجئة: عرس!!
شاهين: اها وانا حنكون متكفل بيه كامل..
نجمه: لا طبعا لو بندير عرس بنديره اني وأهلي
بحركه سريعه شد ايدها وجبدها ليه وعيونهم في بعض..
شاهين : انتي انا مافش فرق..انا كلي لك بما أملك..يعني مش بجميلي...
نجمه بدوخ خلاص مايفصل بيناتهم شي ...
شاهين وهو يشبح لتفاصيل وجهها وحالة عشق متملكاته: سألتي ع الحبيبه....
نجمه رجعت لوعيها واستاقضت لنفسها ودفاته..
نجمه بعصبيه ممزوجه بالخجل: طلعت واحد سخيف😳😡
شاهين: هههههههههههههههههههههه
نجمه بخجل اكبر: اقعد فيها...ومشت وخلاته وهو ميت ضحك..وميت شوق.."اه يانجمتي وحق الله ماعاد مطول"...
😍🌷🌸*نسخ ونقل تناهيد قبس 🌹**
جي يوم الدخول وكانت حفلة نور خيال حلوة ..وقاموها بإبراهيم حتى هو..للاهم شدت روحها هلبه قدام بنتها مجردطلعت انهارت بالبكي وهدوها..لين جي طاهر روح بيها هي وأمل..
اما نجمه فروحت هديكا الليله مع امها وبنتها بعد اتصل بيهم انور وقال انه روح بعبير..
نجمه: لاحول ولاقوة إلا بالله...
انور بألم: نفسيتها مدمرة هلبه..وبصراحه نفكر ترج بيها لطرابلس تقعد حدا أهلها احسن..بالمرة امها تهتم بيها..
نجمه قعدت ساكته خايفه يقوللها بتروحوا معاي..
انور: نجمه اليوم تلاقيت اني وشاهين وفتحلي موضوع واني وافقت عليه..
نجمه بربكه: شن هو
انور: حيقرا فاتحتك اليومين الجايات..
نجمة انصدمت وقعدت ساكته..
انور : خبرني ع العرس..وانه حيطول لين انتي تناقشي رسالتك  بعد شهر..وبش اني نسافر مرتاح لازم تكون ع ذمته لو تبي تقعدي هني..
نجمه بخجل: اللي تشوفه...
انور: ع بركة الله...
وفعلا بعد يومين انقرت فاتحة نجمه ع شاهين..ودارو حفله بسيطه والعرس لبعد مناقشة نجمه رسالة الماجستير..وروح انور هو وعيلته لطرابلس"عبير جاها سرطان الثدي وقصولها ثديها ونفسيتها ادمرت ع الآخر زياده ع عمله اختها اللي هربت مع واحد سوري ومعاش عرفولها طريق"
أن الله يمهل ولايهمل...
في الشركه
نبيله استاذ شاهين داخل
نبيله : اها ومعاه جاكلين..
نجمه بدت تغلي..ومشت طول فتحت الباب تقول مدايرة عمليه اقتحام..
شاهين شد ضحكته..
نجمه قعمزت: جبتلك الملفات اللي تبي تطلع عليهم..
شاهين وهو شاد ضحكته: كويس...
جاكلين : خلص شاهين ببئا بشوفك...
نجمه شبحتلها وشبحتله بصدمه..
شاهين هز راسه بإيجاب وطلعت جاكلين..
نجمه عيونها تعبوا دموع وناضت بتطلع..
شاهين :وين
نجمه: عندي ماندير
شاهين ناض بسرعه وجي قدامها: نجمه الكلمه اللي سمعتيها مش بالمعني اللي فهمتيه هي قصدها ع الخدمه
نجمه: ماتبررش حيجي يوم وتشوف لغيري وليك اسبابك
شاهين شد وجهها بإيده : عيوني مستحيل يبحتوا في غير هالوجه السمح وهالعوينات..
نجمه ببكي : ايه زي الحق..
شاهين : نجمه ارجوك شيلي هالأفكار من عقلك..
نجمه شبحتله وبفم مقوس: معاش تقابلها ولاليك خدمه معاها...
شاهين: ناعليا من اللي يغاروا ..وقرب منها بيبوسها ونجمه مستسلمه تماما ..باسها وللبوسه طولت هلبه...
لين طقطق الباب..بعدوا
شاهين وهو في حاله : احمم تفضل..
خش طارق: الاجتماع امتى..
شاهين قاعد شبه دايخ وعيونه دبلانه: مش عارف..
طارق : كيف...
نجمه كانت مصدومه من اللي صار استأذنت وطلعت..
ويفوتوا الايام ويجي يوم مناقشه نجمه للرساله..
كان حاضر راجلها وأمه وأخته وأمها وبنتها..
شاهين شاد ايدها: ماتخافش ماتوتريش..مش اول مرة تكلمي قدام جمهور
نجمه: صح بس اللي اني فيه ليه رهبة خاصه..
شاهين بضحكه: عطيني حبيبه تحول الرهبه هذي..
نجمه : بطل سخافه  🙈
شاهين: 😂
خشت نجمه وبدت مناقشتها الكل اعجبوا برسالتها شاهين كان يوزع في نظره ع المكان برغم انه فخور بنجمته 🌟بس غار عليها هلبه من نظرات الأعجاب اللي محاوطتها...
دارلها حفله بسيطه في واحد من المطاعم..وهداها طاقم ذهب ناعم وحلو..وسيارة موديل جديد وجايه شحن من برا..
في حوشها
في الجنان تحديدا..
نجمه: هلبه هكي ..
شاهين: ارجوك نجمه ولأخر مرة نقولها كلام كيف هضا معش نبي نسمعه انتي مراتي اللي نجيبهالك ماتجي قيمتها شي قدام قيمتك..وانا ليك بكل ماعندي..
نجمه بحب: واني نبيك انت وقلبك الحنين هذا مانبي شي تاني..
جبدها ليه وباسها وماباش يحول ع قد ماقاومت بعدين بعد..
شاهين: اسف مش بيدي..
نجمه وهي بيغمى عليها: معاش اديرها هكي😳
شاهين: هههههههههه..اه منك قريب نزمطك..خلاص هانت كله اسبوع..
نجمه: خلاص برا روح..
شاهين : تلزي في راجلك يانجمه..
نجمه بضحكه: روح ساد هيا..
شاهين شبحلها وتنهد ..ولف بيمشي وهي وراه تلفت فجاة وحضنها وباسها مرة تانيه بس خفيفه وطلع..
نجمه" حي عليا هذا حيهبلني😍🙈"

...يتبع..
الفصول الاربعة