نجمة نجمتي ( جمان فريد) منقولة

جزء خمسه والعشرين

الحمدلله الحمدلله الحمدلله
استغفرلله استغفرلله استغفرلله
الله اكبر الله اكبر لله اكبر

#نجمه_نجمتي

#جمان_فريد

الجزء 25💓💓

خليك انتي وبشرى في السياره شويه وجايه..طلعت نجمه من السيارة وخشت للمصحه قابلها شاهين عاطي بالظهر واقف حدا البريله اللي عليها الشاب..لحقتهم ...دخلوا الشاب للغرفه وسكروا الباب وشاهين ونجمه برا...
شاهين تلفت جت قدامه عيونهم في بعض معلقات ..استاقضوا وكل حد منهم مشي جهه هو..واقف ع الحيط بحدا الغرفه..وهي قعمزت بعيد شويه ع الكراسي..
نجمه مقعمزة تشبح للحيط وتفكر في حال الشاب..وشاهين كان يشبحلها..
شاهين"هيييي ياقلبي كنك ترقص هك..اهدا شوي ..بس عيونها فيهن سحر غريب..مش عارف وين راي كيفهن"
نجمه قامت عيونها فيه جت عيونهم في بعض من جديد ..هو تحشم غير نظره..وهي كذلك..
نجمه"عليك عيون عيونه..نظرته جذابه ع الآخر"لفت راسها بالشويه تبي تشبحله لقاته يشبحلها الزوز تلخبطوا وغيروا نظرهم..نجمه وجهها طماطم وقلبها يدق💓
وهو شادة ضحكته من الموقف وكيف هومتحشم هكي...
رن تليفونه رد وقعد يتكلم..
نجمه وهي مركزة معاه كويس" شخصية حلوة وكاريزما طاغيه..ووسيم لأبعد حد ..عيونه يهبلوا .."
هو يوزع في نظره في المكان جت عينه في عينها..هالمرة ماتحشمش ..غمزلها...😉..هي غيرت نظرها فيسع وقريب ماتت من الخجل وهو ضحك عليها...
كمل مكالمته وعيونه عليها..لكن هي معاش شبحت جيهته بكل...
طلع الدكتور ..مشوله الزوز..
شاهين ونجمه: شنو يادكتور...😳😳
الدكتور ابتسم: باه اللي صار هالحادث قريب الزايده متاعه تنفجر وهو شكله هاملها..حنديروله العمليه بعد شويه
شاهين: مافش اضرار تانيه..
الدكتور شبحله: انت اللي ضربته
شاهين:ل....
نجمه: لا مش هو..واحد تاني ضربه وهرب هو أسعفه..
شاهين شبحلها وابتسم...
الدكتور: اها..تمام لالا مدمدم بس..نستأذنكم بنجهزوا للعمليه..
شاهين: اذنك معاك...
نجمه: الحمد لله اللي جت ع هكي..
شاهين : ايه الحمد لله..
نجمه بغضب: هذاكا المستهتر اللي ضربه وهرب زعمه بيرتاح بعد اللي داره..
شاهين: ربك يسامحه
نجمه : لو راح فيها مسكين حيسامحه ربي ؟
شاهين : ماتعلميش بظروفه..
نجمه :ظروف شني ماشبحتش نوع سيارته..هادوا هكي اللي عندهم فلوس ناس مستهتره ومتعاليه وما يحسوا كان برواحهم..
شاهين بضحكه: الله يسامحك..
نجمه ركزت ع روحها شن قالت وشبحتله واضح عليه ولد عز ونعمه ولبسه وساعته وتليفونه خير دليل..
مشت من بحداه ولت بتقعمز ع الكرسي..لين سمعت صوت وحده تبكي..
"وينه بشار وينه شن صارله"
شبحتلها لقتها لابسه البودري..اذكرت هو شن كان لابس..ولما قال يوم فاتحتنا..مشتلها طول..
نجمه شدتها: اهدي حبيبتي اهدي مافيه شي
: كيف مافيه شي بالله عليك واني سمعت صوت السيارة لما ضرباته..
نجمه: ايه لكن طمنا عليه الدكتور وقال ان حالته مش خطيره..بالعكس باه اللي دار الحادث بش يعرفوا شن صاير في الزايده متاعه..
: الزايده !؟؟والله حسيت يتوجع المده الأخير ويدرق عليا..بش مايتأجلش العرس..علاش يابشار علاش..
نجمه:اهدي حبيبتي وقولي الحمد لله اللي جت ع هكي..وقضاء اهون من قضاء..
: مفروض اليوم كسوتي..كله شي حيتأجل فرحه اللي لينا سنين نستنوا فيها راحت.
نجمه : استغفري ربك ماتقوليش هكي..لازم تعرفي ان اللي يقدره ربي مهما بانلك صعب وعذبك..فيه من واره لطف خفي..ومايأخر الله أمرا ألا لخير..
شاهين كان يسمع فيها ويشوف فيها كيف تتعامل مع البنت ..هو حس براحه وهو مالاش علاقه يابال البنت..حب يدير شي حتى هو بش يفرحها..
شاهين : احمم ..اهدي وماتبكيش..تو يدير عمليه وكلها فترة وتحقيه قدامك كيف الحصان ..وتفرحوا وتزوجوا وشهر العسل في النمسا ..
البنت ضحكت: غير ان شاء الله نلحقوا ع تونس
شاهين : ربي شاء إنك تلحقي ع أحسن وأبعد منها..سفرتكم من بابها لمحرابها ع حسابي..
البنت فتحت عيونها وفمها بصدمه: حقه!!
شاهين بضحكه : اها..
نجمه بحركه تلقائيه ناضت وجبداته من مرفقه وخداته بعيد ع البنت شويه..هو تكهرب لما مساته وقلبه دار العار💓💓.
نجمه بحزم: ماتعشمش البنيه..ياريت تقعد عن كلمتك واللي قلتهولها ميكونش استعراض عضلات..
شاهين بضحكه : عليش..قدام من بنعرض عضلاتي..
نجمه تلخبطتت كلامه صح يستعرض قدام منو..
نجمه تجاوزت سؤاله: المهم تكون قد كلمتك..
شاهين : خودي منها رقمها واتصلي بيها بعد وقت وحتعرفي منها لو كنت قد كلمتي ولالا..
شافت في عيونه نظرة ثقه كبيرة..بس نظرته هادي تحولت لنظرة أخجلتها وبعدت من عليه..وهو ضحك
جت مراة كبيرة شوي في العمر..
المراه: هاه هديل شن صار..
هديل: حالته مستقرة قالوا وبيدير عملية زايده..
المراة: معليشي بنتي فيها خيره..شبحت لنجمه وشاهين..
المراة: انزلي استنيني في السيارة بنروح بيك للدار..
هديل: بس مانقدرش نخليه..
المراة: باه روحي بدلي وتعالي مايجيش تقعدي هكي..
هديل: حاضر..قدمت لنجمه..ربي يريحيك زي ماريحتيني ويخليكم لبعض..
شاهين ونجمه:😨😨😳😳
مشت البنت وجتهم المراة..
المراة: من فيكم اللي ضربه..
شاهين: لا انا ولاهي..
المراة : انتوا اسعفتوه
نجمه: ايه...
المراة تنهدت: تعرفوا الزوز من دار الأيتام ..من هما صغار مع بعض وجابهم النصيب لبعض تعبوا هلبه
وهما يوتوا لعرسهم مساكين..
تأثروا شاهين ونجمه هلبه...
نجمه: ربي يجمعهم ويفرحهم
شاهين: مادام يحبوا بعضهم هك كل شي يتعوض..
المراة ابتسمت : صح ..هي نستأذنكم ..مع السلامه..
نجمه وشاهين بأصوات متفاوته: مع السلامه..
ولت نجمه لجهة الكرسي وقعمزت وشاهين معاها بعيونه..
"خلاااص بنتك جابتلي الصرع"
نجمه شبحت لهناء اللي قايمه بشرى في غمرها وجايه: هههههههههههه هاتيها هاتيها..خدتها وحضنتها..
هناء: خل بننزل نجيب اميه نشرب
نجمه : جيبيلي معاك..مشت هناء..
نجمه حاضنه بنتها: حلاتي بنياتي مرونات بالشكلاطه..
بشرى: اكلاطه..
نجمه بتقليد صوت الأطفال: أ خلاشي ع اكلاطه اني ياناس..
نجمه تمسح لبشرى في فمها ووجها..
وشاهين عيونه من عليهم ماقدر يحولهم..
باست بشرى امها من فمها ..ونجمه قعدت تضحك ..وتحرك في خشمها ع خشم بشرى: نحبهم بنوتاتي بنوتاتي عسولاتي ..
شاهين "حي ع قلبي اللي انكلب ..هدي ياهمي هدي..انت مش حترتاح لين ندير فضيحه ونعدي نحضن المراة..😖💓💓"
رن تليفون نجمه وكانت أمها ردت وهي شاده بشرى في حجرها..
نجمه: نعم امي.......لالا غير زحمه الطريق..ايه خلاص قريب نروحوا...
شاهين وهي تكلم في امها قعد مركز مع بشرى اللي كانت تشبحله ...قعد يلعب فيها ويديرلها في حركات بوجهه وايديه..والبنيه تضحك بصوت ..نجمه ماركزتش في البدايه بس لمابنتها ضحكت شبحتلها وقامت عينها لقت شاهين داير بوجهه حركه اضحك..
نجمه لاإراديا: هههههههههههههههههههههه
شاهين انسحر في ضحكتها وفي نفس الوقت تحشم 😍😳
نجمه : اه لا ياامي غير بشرى وحركاتها......ماتخافيش ...تمام....يللا مع السلامه ..صكرت نجمه نزلت بشرى وطلقتها...بري لعمو غادي واشرت عليه..
مشتله تجري وهو نزل حضنها وقامها وباسها...
نجمه مش عارفه شن حست لما شافت هاللقطه..شعور مش مفهوم قعدت تتأمل فيهم وهما يضحكوا وهو يلاعب فيها..
شاهين بالدرقة حط حاجه في جيب جاكه بشرى..
نزلها شاهين : عدي لماما..مشت تجري وتقول لأمها
..أدي أدي "قصدها عدي"..نجمه ضحكت..
جتهم هناء: هيا نجمه جبت الميه ..
نجمه ناضت: خلاص معاش في وقت ..قامت بنتها في حضنها وخدت شنطتها ومشت هي وهناء يهدرزوا وخطمت من جنبه ومادورتاش ..أما هو حس روحه يبيها تقعد كان يلقى ماتروحش بكل ..حاول يكلمها ماقدرش قعد بعيونه معاها لين اختفت من قدامه...
دفع شاهين الحساب بعد ماأطمن ع بشار اللي دار عملية الزايدة وحاله باهي..مشي خطم ع الراجل خدي الوراق منه وروح الفندق طول خش دوش وصلى..وخش للسرير اول ماحط راسه ع المخده جت نجمه بين عيونه..اذكر كل اللي صارله معاها اليوم طول ماه يذكر كان مبتسم..وقلبه يدق بقوة ..حط ايده عليه"عمرك مادرتها كنك هالمرة صارلك هك ياقلبي ..آااه وخلاص"..شويه وجاه النوم ورقد..
تاني يوم اتوجه للمطار وروح لبنغازي..وكيف طلع من المطر فتح تليفونه واتصل بعبدالله..
شاهين: صنديد..
عبدالله بضحكه: رديت يالجارح..
شاهين وهو يفتح فباب السيارة: ههههه اهارديت..وجبت معاي اللي وصيتني عليه نجيبه لكي توا..
وين تبي ياخويا..
شاهين: لحظه ..أها عبدالله نجيك..
عبدالله: تعال لحوش جدي..
شاهين : تمام ..نتشاوفوا...وصكر...ل(*****) يامعلم..
وتحرك التاكسي..
....
متى تطلعوا الفرح..
نور: مازال ..لين نتم قرايه..
احلام: بالتوفيق..
نور ابتسمت : تسلمي..
منى"مرت فارس": شن جو الحمل معاكي احلام..
احلام حطت ايدها ع بطنها : الحمد لله هانت مازال اسبوعين بس..
نور: تحلي عيونك ع خير
مني: تحلي عيونك ع خير..
احلام : تسلموا...
غاده جتهم: من خاطره في كيكه قدرة قادر..
فارس: اللي بيدير الباهي مايشاورش..
ابراهيم: بلا انتي اللي بتسويها..فوتي الموضوع خير..
غاده: ننننننن
ابراهيم: مازلتي بيبي...
غاده : اه وينك ياشاهين بس
ابراهيم بضحكه: شن بيدير يعني
"نساندك ضدها"
كلهم :ههههههههههههههههههههههه
شاهين بإبتسامه : السلام عليكم..
نور اول ماخش عيونها تعلقوا فيه كان محلو بزياده لوكه الجديد كان جذااب هلبه وزايده حلاوة في الطله..قلبها تفركس هلبه ..
احلام: لك وحشه..
شاهين: انتم اكثر..شن جوكم في غيابي اكيد خشيتوا حداد..
ابراهيم بتهكم: بعيد السوء ع ولد سيدي..
شاهين: انت بالذات ماتدويش ..
ابراهيم ضحك في موضوع بيناتهم ماحد يعرف بيه..
نور: كيف حالك شاهين..
شاهين بإبتسامه : الحمد لله ..الحمد لله ع سلامتكم ..
نور : الله يسلمك ..
شاهين : ماشي لعبدالله بنولي نشوف موضوع الكيكه متاع هالباير وقرص غادة من خدها ومشي..
كلهم ضحكوا وولوا لهدرزتهم .إلانور اللي شاهين رفع معاه حاجه منها ومشي في هاللحظه...
....
خش المربوعه لقي عبدالله مع عمه عمر والباين ان عمه عمر يتكلم في موضوع مهم..
شاهين: السلام عليكم
عبدالله وعمر: وعليكم السلام..
عبدالله : الحمد لله ع سلامتك..
شاهين : الله يسلمك..
عمر: الحمد لله ع السلامه ..شن جو طرابلس..
شاهين : خليها في سرك..
عبدالله تنهد وسكت..
شاهين مدله الوراق:امسك هذين امانتك..
عبدالله يتفحص في الوراق وبعدين قال: ممتاز...
شاهين : هي أمال انا نخليكم ..
عبدالله: اقعد..
شاهين شبحلهم الزوز بعدين قعمز..
عبدالله حط الوراق ع جنب وشبحله: نبي ندوي معاك في موضوع يهم العيله ونبي رايك فيه...
شاهين شبح لعمر اللي كان مركز ع دبلته ويلعب فيها بصبعه..
شاهين شبح لعبدالله: خير أن شاء الله...
عبدالله: سيدي تدوي انت ولاندوي انا ..
عمر اشر له بإيده انه يحكي..
شاهين: شغلتوني احكو..
عبدالله:......
***
كان واقف في الجنان يتفرج ع شجر الورد لما اذكر موقف صارله وهو ماشي زردة في شحات...
فلاش باك..
مبعد ع اصحابه وماشي يدور في تغطيه لين جت عينه عليها..كانت في ايدها كاميرا وتصور في الآثار دقق فيها أكثر
"شايفها قبل لكن وين؟؟"
اما هي فكانت تصور وتتأمل في الآثار وتفكر في تاريخ بلادها..ومظاهرها الأثريه المميزة ..قبل ليجيها أهم مظهر مميز للحضارة الليبيه الحديثه😑
1: كنه الحلو يدهور بروحه
2: صوريني ياسمحه الصورة منك يامحلاها..
نور:😕
قربوا منها اكثر1: عليك سماحه $&€£
2:ايه و$$¥&#
نور مش فاهمه شي منهم ..بس منظرهم المقززة خوفتها..جت بتمشي..جي واحد قدامها..
لفت بتهرب لقت واحد وراها ..حاولت تجري من الجنب واحد شدها قعدت تضرب فيه "قذر قذر ..بالإنجليزي"
ماحتسش الا وهي تخلصت منه ولما التفتت لقت واحد مطيحه وبارك عليه ويضرب فيه..هي جت بتهرب لين شافت التاني مطلع موس وبيهجم ع اللي انقدها..قامت رشاده وحذفتها علي راسه ..
2: آااااه يا#$$£ يا€££₩
المنقذ لما كمل من الأول وخلاه دايخ ناض لتاني اللي كان في ايده الموس قعد يتعارك معاه ويخوا فيه...لين شده من ايده لواها لين كسرها وطاح الموس وضربه كالشو دفه..ناضوا هربوا الزوز...
التفت لنور: هل انتي بخير..
نور بعصبيه: ايها الهمجي المتخلف..
هو انصدم وقدملها: ماذا!!؟
نور : كيف تضربهم بهده الوحشيه..
هو ورفع حاجبه: إن لم اضربهم بهذه الوحشية ..لكانوا مارسوا وحشيتهم عليكي..
نور سكتت..
هو: حمقاء..
نور حمقت: انت الأحمق..
هو قدملها: غبيه..
نور قدمتله : انت الغبي ..
هو: تافهه
نور: ابله
وين قربوا لبعض اكثر هو تغيروا ملامح وجهه لإبتسامه ساحره..
نور سخنت وقلبه يخبط بقوة: حقير😳
هو بإعجاب: جميله ..😍
دفاته ومشت..
هو: إلى اين انتي ذاهبه ..ألن تكافئيني ع انقاذي لكي
نور وهي ماشيه التفتت:مكافاة ماذا؟؟
هو بابتسامه ماكرة: رقمك...موعد..وغمزلها...
نور ووجهها احمر وبعصبيه: سافل ..ومشت تجري...
الوقت الحاضر..
ابراهيم ابتسم: كان نعرف وين شايفك قبل..
....
شاهين بضحكه: طلعت مش ساهل ياسيدي قالب الدنيا ع راسك..
عبدالله يحاول يشد ضحكته: خود الموضوع بجديه..
شاهين : عليك مسلسل مكسيكي حياة سيدك عمر..
عمر غلباته الضحكه: مافيكش فايده..
شاهين: باه خلاص ناخذوا الموضوع بجديه..عطوني اسمها بش ندور بطريقتي..
عمر : للاهم نوري****
شاهين بدهشه: عاود..!!
عبدالله: للاهم نوري ***دكتورة جراحه كانت في مستشفى ****في ولاية**** في امريكا ..وتوا مش معروف وين...
شاهين : عندكم لها صورة..
عمر فتح ع صورة ليها في تليفونه ومده لشاهين..
شاهين لما شافها: هههههههههه قتلك مسلسل مكسيكي..
عمر بإستغراب: كنك ..
عبدالله: اها هي نفسها اللي دارت لجدي العمليه..
شاهين بضحكه: خل هذي ع جنب ..الدكتورة هذي في الثورة كانت هنا ...ودرت معاها صحبه وقعد نتواصل معاها ع الفيس..
عمر بنفاذ صبر : شاهين مش وقت حناطة...
شاهين : ههههههههه والله ياسيدي اللي ندوي مني جد..
عبدالله وهو متفاجئ: عندك عنوانها في أمريكا أو أي شي يدلنا عليها..
شاهين: هههههههههههههههههههه
عمر شبح لعبدالله: بنصبي نضربه..
شاهين بضحكه: هدي يادنجوان...ماعندكم عليش تعبوا أرواحكم وادوروا عليها في فقارة اخرى..هي هنا..
عمر مصدوم وعبدالله كذلك..
عبدالله: وين هنا..
شاهين بضحكه: فبنغازي...
...يتبع...
الفصول الاربعة