نجمة نجمتي ( جمان فريد) منقولة

الجزء الحادي عشر

#نجمة_نجمتي

الجزء11

#جمان_فريد

GomanFared
ﻣﺎﺷﻲ ﺑﻜﻞ ﻛﺒﺮﻳﺎﺀ ﻳﺤﺎﻭﻝ ﺟﺎﻫﺪ ﺇﺧﻔﺎﺀ ﻭﺟﻌﻪ .. ﺣﺒﺲ ﺩﻣﻮﻋﻪ .. ﺍﻟﻠﻲ ﻳﺸﻮﻓﻪ ﺑﻄﻠﺘﻪ ﺍﻟﻠﻲ ﻛﻠﻬﺎ ﻫﻴﺒﻪ ﻭﻣﺸﻴﺘﻪ ﺍﻟﻠﻲ ﻛﻠﻬﺎ ﻋﺰﺓ .. ﻣﺴﺘﺤﻴﻞ ﻳﺘﺨﻴﻞ ﻟﻠﺤﻈﻪ ﺇﻥ ﻭﺭﺍ ﻫﺬﺍ ﻛﻠﻪ ﻗﻠﺐ ﺭﻫﻴﻒ ﻳﺒﻜﻲ ﺩﻡ ﻣﻦ ﺟﺮﻭﺣﻪ ..
ﻧﻮﺭ ﻭﻫﻲ ﺗﻤﺸﻲ ﺑﺴﺮﻋﻪ ﻭﺭﺍﻩ ﺑﺼﻌﻮﺑﻪ ﻭﻻﺑﺴﻪ ﻛﻌﺐ : ﺍﺭﺟﻮﻙ ﻭﻗﻒ ... ﺷﺎﻫﻴﻦ ... ﺷﺎﻫﻴﻦ .. ﺍﻟﻨﺎﺱ ﺗﺒﺤﺖ ﻓﻴﺎ ﻛﻴﻒ ﻧﺠﺮﻱ ﻭﺭﺍﻙ .. ﺷﺎﺍﺍﻫﻴﻦ ..
ﻭﺻﻞ ﻓﻲ ﺳﻴﺎﺭﺗﻪ ﺑﻴﻔﺘﺤﻬﺎ ﺣﻄﺖ ﺍﻳﺪﻫﺎ ﻉ ﺍﻳﺪﻩ ﻭﻗﻌﺪﺕ ﺗﺸﺒﺤﻠﻪ : ﺷﺎﻫﻴﻦ ﺃﻧﺖ ﻓﺎﻫﻢ ﺧﻄﺄ
ﺷﺎﻫﻴﻦ ﺍﺑﺘﺴﻢ ﻭﺷﺒﺤﻠﻬﺎ : ﻟﻴﺶ .. ﺍﻧﺎ ﺷﻨﻮ ﺍﻟﻠﻲ ﻓﻬﻤﺘﻪ ﺑﺶ ﺗﻘﻮﻟﻲ ﻋﻠﻴﻪ ﻓﻬﻢ ﺧﻄﺄ .. ﻭﺭﻓﻊ ﺣﺎﺟﺒﻪ ﺍﻟﻴﻤﻴﻦ
ﻧﻮﺭ ﺗﻨﻬﺪﺕ ﻭﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻓﻲ ﺍﻟﻤﻜﺎﻥ ﻭﺷﺒﺤﺘﻠﻪ : ﺗﻌﺮﻓﺖ ﻋﻠﻴﻪ ﻣﻦ ﻓﺘﺮﺓ ﻭﻫﻮ ﺭﺳﺎﻡ ﻭﻛﺎﻥ ﻳﺒﻲ ﻳﺴﺎﻋﺪﻧﻲ ﺑﺶ ﻧﺪﻳﺮ ﻣﻌﺮﺽ ﻭﻋﺰﻣﻨﻲ ﻉ ﻣﻌﺮﺿﻪ ﺑﺶ ﻳﻌﺮﻓﻨﻲ ﻉ ﻧﺎﺱ ﻣﺘﺨﺼﺼﻪ ﻓﻲ ﻫﺎﻟﻤﺠﺎﻝ ﻭﻳﻌﺮﺽ ﻋﻠﻴﻬﻢ ﺑﻌﺾ ﻟﻮﺣﺎﺗﻲ ...
ﺷﺎﻫﻴﻦ " ﻫﻀﺎ ﻛﻠﻪ ﺻﺎﻳﺮ ﻣﻦ ﻭﺭﺍﻱ :" ﺃﻧﺎ ﻧﺒﻲ ﻧﺴﺄﻝ ﺳﺆﺍﻝ ﻭﺍﺣﺪ .. ﻗﺎﻡ ﺍﻳﺪﻫﺎ ﺍﻟﻴﻤﻴﻦ ﻭﺍﺷﺮ ﻋﻠﻰ ﺑﻨﺼﺮﻫﺎ .. ﺍﻟﺪﺑﻠﻪ ﻭﻳﻦ؟
ﻧﻮﺭ ﺑﺮﺑﻜﻪ : ﺗﺒﻲ ﺍﻟﺼﺮﺍﺣﻪ .. ﺍﻟﺪﺑﻠﻪ ﻣﺶ ﻋﻤﻠﻴﻪ ﻭﺧﺎﻳﻔﻪ ﻋﻠﻴﻬﺎ ﻟﻬﺎﻟﺴﺒﺐ ﻓﻜﺮﺕ ﻣﺎﻧﻠﺒﺴﻬﺎﺵ ﺇﻻ ﻓﻲ ﺍﻟﻤﻨﺎﺳﺒﺎﺕ ..
ﺷﺎﻫﻴﻦ ﺿﻴﻖ ﻋﻴﻮﻧﻪ ﺑﺘﺴﺎﺅﻝ : ﻭﻟﻴﺶ ﻣﺎﻗﻠﺘﻲ ﻛﻨﺖ ﺷﺮﻳﺘﻠﻚ ﻭﺣﺪﻩ ﻋﻤﻠﻴﻪ ﻳﺎﺳﺘﻲ ..
ﻧﻮﺭ : ﺷﺎﻫﻴﻦ ﺧﻼﺹ ﻫﺬﺍ ﺍﻟﻠﻲ ﺻﺎﺭ ...
ﺷﺎﻫﻴﻦ ﻗﻌﺪ ﺳﺎﻛﺖ ﻭﻳﺸﺒﺢ ﺍﻟﻘﺪﺍﻡ ﻭﺑﻴﻔﺘﺢ ﺑﺎﺏ ﺍﻟﺴﻴﺎﺭﺓ ..
ﻧﻮﺭ : ﺷﺎﻫﻴﻦ ..
ﺷﺎﻫﻴﻦ : ﻋﺪﻱ ﺍﺭﻛﺒﻲ ﺑﺴﺮﻋﻪ ... ﻧﻮﺭ ﺍﺑﺘﺴﻤﺖ ﺑﺈﺭﺗﻴﺎﺡ ﻭﺭﻛﺒﺖ ﺟﻨﺒﻪ ﻭﻃﻠﻌﻮﺍ ﺑﺎﻟﺴﻴﺎﺭﻩ ... ﺧﺪﺍﺗﻪ ﺑﺎﻟﺪﻭﺓ ﻭﺑﺤﺮﻛﺎﺗﻬﺎ ﻭﺩﻟﻌﻬﺎ ﻭﺷﺎﻫﻴﻦ ﻷﻧﻪ ﻳﺤﺒﻬﺎ ﺗﺠﺎﻭﺯ ﺍﻟﻠﻲ ﺻﺎﺭ ﻭﻗﻌﺪ ﻳﻀﺤﻚ ﻭﻳﻬﺪﺭﺯ ﻣﻌﺎﻫﺎ ﻭﻫﺬﺍﻛﺎ ﺍﻟﻴﻮﻡ ﻛﻠﻪ ﻗﻀﻮﻩ ﻣﻊ ﺑﻌﺾ ...
***
ﻳﺎﺍﺍﺍﻏﺮﺭﺭﺑﺒﺒﺘﻲ ﻓﻔﻔﻌﻴﻮﻭﻭﻥ ﺳﻮﻭﻭﺩ ﻛﺒﺒﺒﻴﺮﻩ ... ﻋﻴﻮﻭﻭﻭﻥ ﺳﻮﻭﻭﺩ ﻛﺒﻴﻴﻴﻴﺮﺓ ...
: ﺻﺪﻋﻠﻨﺎ ﺭﺍﺳﻨﺎ ﻳﺎﺭﺍﺟﻞ ﺣﺘﻰ ﺍﻟﺴﻜﺮﻩ ﻃﻴﺮﻫﺎ ﺍﺳﺒﻮﻉ ﻭﻫﻮ ﻳﻨﺒﺢ ﻉ ﺍﻟﻌﻴﻮﻥ ﺳﻮﺩ ..
: ﺷﻜﻠﻪ ﻣﺘﻠﻴﻊ ﻣﺴﻜﻴﻦ ..
: ﺯﻳﻴﻴﻜﻮ ...
ﺯﻛﺮﻳﺎ ﺟﺎﻫﻢ ﻭﻛﺎﻥ ﻭﺍﻗﻒ ﻉ ﺍﻟﺸﻮﺍﻳﻪ : ﺷﻦ ﻓﻲ
: ﻣﻦ ﻫﻮ ﻫﺬﺍ ﺍﻟﻠﻲ ﻟﻴﻪ ﺍﺳﺒﻮﻉ ﻳﻘﺮﻃﻊ ﻓﻲ ﺷﻴﺸﻪ ﻭﺭﺍ ﺷﻴﺸﻪ ﺑﺮﻭﺣﻪ ﻭﻳﻐﻨﻲ ﻭﻳﺒﻜﻲ .. ﺣﻨﻲ ﻫﻨﻲ ﺟﺎﻳﻴﻦ ﻧﻔﺮﻫﺪﻭﺍ ﻉ ﺍﺭﻭﺍﺣﻨﺎ ﻣﺶ ﻧﺰﻳﺪﻭﺍ ﻧﺘﻨﻜﺪﻭﺍ ...
ﺯﻛﺮﻳﺎ : ﻫﺬﺍ ﺻﺎﺣﺒﻲ ﻋﺎﻣﺮ ﻫﻮ ﻣﻦ (*****) ﻭﻟﻴﻪ ﻓﻮﻕ ﺳﺘﻪ ﺳﻨﻴﻦ ﻓﻲ ﻃﺮﺍﺑﻠﺲ ﻭﺍﻟﺤﻖ ﻟﻴﻪ ﻭﻗﻔﺎﺕ ﻣﻌﺎﻱ ﺍﻟﻤﺪﻩ ﺍﻟﻠﻲ ﻓﺎﺗﺖ ﺟﺎﻧﻲ ﻭﻣﺘﺴﻜﺮﺓ ﻓﻲ ﻭﺟﻬﻪ ﻗﻠﺖ ﺧﻞ ﻧﻄﻠﻌﻪ ﻣﻦ ﺍﻟﻠﻲ ﻫﻮ ﻓﻴﻪ ..
: ﺑﺎﻩ ﻗﻮﻟﻪ ﻳﺠﻲ ﺣﺪﺍﻧﺎ ﻧﺴﻮﻩ ﻫﻤﻪ ..
ﺯﻛﺮﻳﺎ : ﺧﻠﻮﻩ ﻓﻲ ﺣﺎﻟﻪ .... ﻭﻣﺸﻲ ﻟﻠﺸﻮﺍﻳﻪ .. ﻭﺍﻟﺰﻭﺯ ﻭﻟﻮﺍ ﻳﺸﺒﺤﻮﺍ ﻟﻌﺎﻣﺮ ﺍﻟﻠﻲ ﻳﺸﺮﺏ ﻭﻣﺮﺓ ﻳﻐﻨﻲ ﻭﻣﺮﺓ ﻳﻜﻠﻢ ﻓﻲ ﺭﻭﺣﻪ ﻭﻣﺮﺓ ﻳﺒﻜﻲ ... ﻫﺬﺍ ﺣﺎﻟﻪ ﻣﻦ ﻟﻤﺎ ﻛﻠﻢ ﻧﺠﻤﻪ ﻭﺭﻓﻀﺎﺗﻪ ﺣﺘﻰ ﻣﺤﻠﻪ ﻣﻌﺎﺵ ﺩﻭﺭﻩ ﺧﻼﻩ ﻷﺣﻤﺪ ﻭﻟﺪ ﻋﻤﻪ ﺍﻟﻠﻲ ﺣﺎﻭﻝ ﺟﻬﺪﻩ ﻳﻄﻠﻌﻪ ﻣﻦ ﻫﺎﻟﺤﺎﻟﻪ ﺑﺲ ﺑﻼ ﻓﺎﻳﺪﻩ ...
***
ﻓﻲ ﺍﻟﺠﺎﻣﻌﻪ ..
ﺣﻨﻴﻦ : ﻫﻬﻬﻬﻬﻬﻬﻬﻬﻬﻪ ﺗﻘﻮﻝ ﺍﻧﺘﻲ ﺍﻟﻠﻲ ﺑﺘﻨﺎﻗﺸﻲ
ﻧﺠﻤﻪ : ﺑﻼﺑﺮﺍﺩﺓ ﺣﻨﻴﻦ ﻣﺶ ﻭﻗﺘﻚ ... ﻉ ﺟﻴﺔ ﺷﻜﺮﻱ ﺍﻟﻠﻲ ﻛﺎﻥ ﻻﺑﺲ ﺑﺪﻟﻪ ﺳﻮﺩﻩ ﻭﻃﺎﻟﻊ ﺧﻴﺎﺍﺍﻝ ...
ﻧﺠﻤﻪ : ﺷﻴﻜﻮ ❤😍
ﺷﻜﺮﻱ ﺑﻀﺤﻜﻪ : ﺷﻦ ﺟﻮ
ﻧﺠﻤﻪ ﺑﺈﺑﺘﺴﺎﻣﻪ : ﺗﻤﺎﻡ ﺍﻧﺖ ﺷﺠﻮﻙ ... ﺍﻧﺴﺤﺒﺖ ﺣﻨﻴﻦ ﻭﺧﻠﺘﻬﻢ ..
ﺷﻜﺮﻱ ﺯﻓﺮ ﻭﺿﺤﻚ : ﻣﺘﻮﺗﺮ ..
ﻧﺠﻤﻪ : ﺍﻧﺖ ﻗﺪﻫﺎ ﺷﻴﻜﻮ ﻭﺣﺘﺤﺼﻞ ﺇﻣﺘﻴﺎﺯ ﻭﻗﻮﻝ ﻗﺎﻟﺘﻬﺎ ﻧﺠﻤﻪ
ﺷﻜﺮﻱ ﺑﺤﻤﺎﺱ : Energy ... ﻃﺎﻗﻪ ﻣﺶ ﻋﺎﺩﻳﻪ ﻟﻴﺎ ﻳﺎﺑﻨﺖ ﺍﻧﺘﻲ ..
ﻧﺠﻤﻪ ﺿﺤﻜﺖ ﺑﺨﺠﻞ ...
ﺷﻜﺮﻱ ﻗﻌﺪ ﻳﺸﺒﺤﻠﻬﺎ ﻭﺑﺲ ..
ﻧﺠﻤﻪ ﺗﻠﺨﻠﻄﺒﺖ ﺷﺒﺤﺖ ﻟﺴﺎﻋﺘﻬﺎ : ﻫﻴﻴﻴﻴﻴﻲ ﻭﻗﺖ ﻫﻴﺎ 😳
ﺷﻜﺮﻱ : ﻫﻬﻬﻬﻬﻬﻬﻬﻬﻪ ﺑﺎﻩ ﻣﺎﺗﻮﺗﺮﻳﻨﻴﺶ ...😂 ﻭﻣﺸﻲ ﺷﻜﺮﻱ ﻟﻠﻤﻜﺎﻥ ﺍﻟﻠﻲ ﺑﻴﻨﺎﻗﺶ ﻓﻴﻪ ﻭﺷﻮﻳﻪ ﻭﺟﺖ ﺧﺎﻟﺘﻪ ﺃﻡ ﺍﻟﻌﺰ ﻭﺃﻣﻪ ﻭﺧﻮﺍﺗﻪ .. ﻭﻧﺎﻗﺶ ﺷﻜﺮﻱ ... ﻭﻃﻠﻊ ﻓﺮﺣﺎﻥ ﻭﻗﺎﻟﻠﻬﻢ ﺣﺼﻞ ﺇﻣﺘﻴﺎﺯ .. ﻭﻧﺠﻤﻪ ﻣﻦ ﺍﻟﻔﺮﺣﻪ ﻟﻴﻦ ﻋﻴﻮﻧﻬﺎ ﺩﻣﻌﻮﺍ .. ﻓﺮﻗﻮﺍ ﺍﻟﻌﺼﻴﺮ ﻭﺍﻟﺸﻜﻼﻃﻪ ﻭﻛﻴﻜﻪ .. ﻭﺷﻜﺮﻱ ﻣﺸﻲ ﻣﻊ ﺻﺤﺎﺑﻪ ﺑﺶ ﻳﺤﺘﻔﻠﻮﺍ ﺑﻴﻪ ﻉ ﺍﻟﻄﺮﻳﻘﻪ ﺍﻟﻠﻴﺒﻴﻪ ﺍﻟﻔﺮﻳﺪﻩ ﻣﻦ ﻧﻮﻋﻬﺎ ..😁 ﻭﺭﻭﺣﻮﺍ ﺍﻟﺒﺎﻗﻲ ﻟﺤﻮﺵ ﺍﻡ ﺍﻟﻌﺰ ...
***
ﺭﻭﺡ ﺷﻜﺮﻱ ﻟﺤﻮﺷﻬﻢ ﻭﺩﻭﺵ ﺑﻌﺪ ﻣﺎﺣﺘﻔﻠﻮﺍ ﺑﻴﻪ ﺻﺤﺎﺑﻪ ..😁 ﻭﺗﻮﺟﻪ ﻉ ﻃﻮﻝ ﻟﺤﻮﺵ ﺧﺎﻟﺘﻪ ﺃﻡ ﺍﻟﻌﺰ .. ﺃﻭﻝ ﻣﺎﻭﺻﻞ ﺗﻔﺎﺟﺊ ﺑﺄﺟﻮﺍﺀ ﺇﺣﺘﻔﺎﻟﻴﻪ ﺣﻠﻮﺓ ﻫﻠﺒﻪ .. ﻭﺍﺳﺘﻘﺒﻼﺗﻪ ﻧﺠﻤﺔ .. ﺑﺄﻏﻨﻴﺔ ﻟﻌﺒﺪ ﺍﻟﺤﻠﻴﻢ ﺣﺎﻓﻆ
ﻭﺣﻴﺎﺓ ﻗﻠﺒﻲ ﻭﺃﻓﺮﺍﺣﻪ ﻭﻫﻨﺎﻩ ﻓﻲ ﻣﺴﺎﻩ ﻭﺻﺒﺎﺣﻮ
ﻣﺎﻟﻘﻴﺖ ﻓﺮﺣﺎﻥ ﻓﻲ ﺍﻟﺪﻧﻴﺎ ﺯﻱ ﺍﻟﻔﺮﺣﺎﻥ ﺑﻨﺠﺎﺣﻮ ..
ﺿﺤﻚ ﺷﻜﺮﻱ .. ﻭﻗﺪﻡ ﻭﻗﺺ ﺍﻟﻄﻮﺭﻃﻪ ﻭﺑﺪﻱ ﺟﻮ ﺍﻟﺘﺼﻮﻳﺮ .. ﺷﻜﺮﻱ ﻛﺎﻧﺖ ﺗﺴﺘﻨﻰ ﻓﻴﻪ ﻫﺪﻳﻪ ﻣﻦ ﻋﺒﺪﺍﻟﻌﻈﻴﻢ ... ﻭﻫﻲ ﻋﻘﺪ ﺗﻮﻇﻴﻒ ﻓﻲ ﺷﺮﻛﻪ ﻭﻛﻴﻞ ﻟﻌﻼﻣﺔ ﺗﺠﺎﺭﻳﻪ ﻋﺎﻟﻤﻴﻪ ﻓﻲ ﻋﺎﻟﻢ ﺍﻟﺘﻜﻴﻒ ﻭﺍﻷﺟﻬﺰﺓ ﺍﻟﻜﻬﺮﺑﺎﺋﻴﻪ ﻭﻓﺮﺡ ﺑﻴﻬﺎ ﺷﻜﺮﻱ ﻫﻠﺒﻪ ... ﻭﺍﻣﻪ ﻭﺑﻮﻩ ﺃﻛﺜﺮ .. ﺑﻮﻩ ﻓﺮﺣﺘﻪ ﻛﺎﻧﺖ ﻻﺗﻮﺻﻒ ﻭﻟﺪﻩ ﺑﺪﺕ ﺣﺎﻟﺘﻪ ﺗﺘﺤﺴﻦ ﻫﻠﺒﻪ ﺣﺘﻰ ﻣﻦ ﻭﺟﻬﻪ ﺑﺎﻳﻨﻪ ﻓﻴﻪ ﻣﻼﻣﺢ ﺍﻟﺮﺍﺣﻪ ﺗﻮﺟﻪ ﺑﻌﻴﻮﻧﻪ ﻟﻨﺠﻤﻪ ﺍﻟﻠﻲ ﻟﻤﺎ ﺷﺎﻓﻬﺎ ﻛﻴﻒ ﻛﺎﻧﺖ ﺗﺠﻬﺰ ﻟﻠﺤﻔﻠﻪ ﺍﻟﻠﻲ ﻛﺎﻧﺖ ﻓﻜﺮﺗﻬﺎ ﻣﻦ ﺍﻷﺳﺎﺱ ﻭﻛﻴﻒ ﻓﺮﺣﺎﻧﻪ ﻟﺸﻜﺮﻱ ﺍﻛﺜﺮ ﻣﻦ ﻓﺮﺣﺔ ﺷﻜﺮﻱ ﻟﻨﻔﺴﻪ ﺣﺲ ﺑﺄﻥ ﺍﻟﺒﻨﺖ ﻫﺎﺩﻱ ﺍﻛﺜﺮ ﻭﺣﺪﻩ ﺗﻨﺎﺳﺐ ﺷﻜﺮﻱ ﻭﺇﻥ ﺭﺑﻲ ﻳﺤﺐ ﻭﻟﺪﻩ ﻟﻮ ﺟﻌﻠﻬﺎ ﻣﻦ ﻧﺼﻴﺒﻪ ... ﻉ ﻋﻜﺲ ﺭﺑﻴﻌﻪ ﺍﻟﻠﻲ ﻛﺎﻧﺖ ﺑﺮﻏﻢ ﻓﺮﺣﺘﻬﺎ ﺑﻮﻟﺪﻫﺎ ﻣﺶ ﻋﺎﺟﺒﻬﺎ ﺑﻜﻞ ﺗﻘﺮﺑﻪ ﻣﻦ ﻧﺠﻤﻪ ﻭﻣﺶ ﻋﺎﺭﻓﻪ ﻛﻴﻒ ﺗﺘﺼﺮﻑ ..
ﺗﻤﺖ ﺍﻟﺤﻔﻠﻪ ﻭﺍﻟﻜﻞ ﺑﻴﺮﻭﺣﻮﺍ ... ﺷﻜﺮﻱ ﻭﻫﻮ ﻃﺎﻟﻊ ﻧﺪﺍﺗﻪ ﻧﺠﻤﻪ ..
ﺷﻜﺮﻱ ﺑﺈﺑﺘﺴﺎﻣﻪ : ﺧﻴﺮﻙ
ﻧﺠﻤﻪ ﻧﻔﺲ ﺍﻹﺑﺘﺴﺎﻣﻪ ﻣﺪﺗﻠﻪ ﻛﻴﺴﻪ : ﻣﻨﻬﺎ ﻟﻸﻋﻠﻰ ﻳﺎﺍﺍﺭﺏ
ﺷﻜﺮﻱ ﺍﺑﺘﺴﻢ ﻭﻫﻮ ﺑﻴﺎﺧﺪ ﺍﻟﻬﺪﻳﻪ ﺷﺪ ﺍﻳﺪﻫﺎ ..
ﻧﺠﻤﻪ ﺣﺮﺍﺭﺗﻬﺎ ﻓﻲ ﺍﻟﻤﻴﻪ ﻭﻗﺮﻳﺐ ﺍﺩﻭﺥ : ﺧﺨﻴﺮﻙ 😳
ﺷﻜﺮﻱ : ﺍﺻﺒﺮﻱ ﻋﻠﻴﺎ ﻟﻴﻦ ﺍﻧﻈﻢ ﺃﻣﻮﺭﻱ ﻭﺣﻨﺠﻲ ﻧﺨﻄﺒﻚ ﻃﻮﻝ
ﻧﺠﻤﻪ ﺧﻼﺹ ﺑﻴﻐﻤﻰ ﻋﻠﻴﻬﺎ ...
ﺷﻜﺮﻱ ﻃﻠﻖ ﺍﻳﺪﻫﺎ ﻭﺑﻀﺤﻜﻪ : ﻣﺎﺗﺒﻲ ﺷﻲ
ﻧﺠﻤﻪ ﺑﺼﻮﺕ ﻳﺪﻭﺏ ﻃﺎﻟﻊ : ﺳﻼﻣﺘﻚ .. ﺗﺼﺒﺢ ﻉ ﺧﻴﺮ 😳
ﺷﻜﺮﻱ ﺑﺈﺑﺘﺴﺎﻣﻪ ﻭﺻﻮﺕ ﻫﺎﺩﻱ : ﻭﺇﻧﺘﻲ ﻣﻦ ﺃﻫﻠﻲ ... ﻭﻟﻒ ﻭﻣﺸﻲ
ﻧﺠﻤﻪ ﻏﻤﻀﺖ ﻋﻴﻮﻧﻬﺎ " ﻳﺎﻭﻳﻞ ﻗﻠﺒﻲ ﻭﻳﻼﻩ "❤❤❤
***
ﺷﺎﻫﻴﻦ : ﻫﺒﻞ ﻭﺍﻟﻠﻪ ...
ﻓﺎﺭﺱ : ﺍﻫﺎ ﻫﺒﻞ ﺍﻟﻠﻲ ﻧﺪﻭﻳﻠﻚ ﻣﻦ ﺍﻷﺻﻞ
ﺷﺎﻫﻴﻦ : ﻫﻬﻬﻬﻬﻬﻬﻪ ... ﻳﺎﻫﺒﻞ ﺍﻧﺖ ﺗﻘﻮﻝ ﺍﻟﺒﻨﺖ ﺗﺒﻴﻚ ﻏﻴﺮ ﺗﻜﺎﺑﺮ .. ﻭﻫﻲ ﻣﺘﻜﺎﺑﺮﺵ ﻫﻲ ﺗﺮﺟﻰ ﻓﻴﻚ ﺗﺒﺎﺩﺭ .. ﻷﻧﻚ ﺍﻟﻤﻨﻄﻖ ﻭﺍﻟﻌﻘﻞ ﻭﺍﻟﺪﻳﻦ ﺍﻟﻌﺮﻑ ﻳﻘﻮﻟﻮﺍ ﺇﻥ ﺍﻟﺮﺍﺟﻞ ﻫﻮ ﺻﺎﺣﺐ ﺍﻟﻤﺒﺎﺩﺭﺓ ...
ﻓﺎﺭﺱ : ﺍﻟﺤﻜﺎﻳﻪ ﺻﻌﺒﻪ ﻣﺶ ﺳﺎﻫﻠﻪ
ﺷﺎﻫﻴﻦ ﺑﻀﺤﻜﻪ : ﺷﻦ ﺑﻴﺼﻌﺒﻬﺎ ﺑﺲ ... ﻋﺪﻱ ﺍﻭﻗﻒ ﻗﺪﺍﻣﻬﺎ ﻭﺧﻠﻴﻚ ﺫﻛﺮ ﻭﻗﻮﻟﻠﻬﺎ ﻧﺒﻴﻚ ﺑﺎﻟﺤﻼﻝ ﻭﺗﻤﺖ
ﻓﺎﺭﺱ : ﻟﻤﺎ ﻳﻜﻮﻥ ﺍﻟﺤﺐ ﺻﺎﺩﻕ ﻭﻣﻦ ﺍﻟﻘﻠﺐ ﺻﻌﺐ ﺍﻹﻋﺘﺮﺍﻑ ﺑﻴﻪ ..
ﺷﺎﻫﻴﻦ ﺳﻜﺖ ﻭﻛﺄﻧﻪ ﻳﻔﻜﺮ ﻓﻲ ﻛﻠﻤﺔ ﺧﻮﻩ ﺑﻌﺪﻳﻦ ﺿﺤﻚ : ﻫﻬﻬﻬﻬﻬﻬﻬﻬﻬﻬﻪ ... ﺍﻟﺤﺐ ﺍﻟﺼﺎﺩﻕ ﻳﺒﻴﻠﻪ ﺷﺠﺎﻋﻪ ﺑﺲ ﻟﻸﻋﺘﺮﺍﻑ ...
ﻓﺎﺭﺱ ﺯﻓﺮ ﺑﻘﻮﺓ : ﻳﺴﺘﺮ ﺍﻟﻠﻪ
ﺷﺎﻫﻴﻦ ﻧﺎﺽ : ﺗﺒﻲ ﺃﻱ ﻣﺴﺎﻋﺪﺓ ﺍﻧﺎ ﺣﺎﺿﺮ ..
ﻓﺎﺭﺱ ﺑﻀﺤﻜﻪ : ﻣﺸﻜﻮﺭ ﻳﺎﺻﻘﺮ ... ﺿﺤﻚ ﺷﺎﻫﻴﻦ ﻭﻃﻠﻊ ﻣﻦ ﺩﺍﺭ ﻓﺎﺭﺱ ﻭﻫﻮ ﻣﺎﺷﻲ ﻟﻤﺢ ﻋﺒﺪﺍﻟﻠﻪ ﻣﻊ ﺑﻮﻩ ﻓﻲ ﺍﻟﺠﻨﺎﻥ ﻭﻳﺘﻨﺎﻗﺸﻮ ﻓﻲ ﻣﻮﺿﻮﻉ ﺍﻟﺒﺎﻳﻦ ﻣﻬﻢ ... ﻃﻨﺶ ﻭﻛﻤﻞ ﻃﺮﻳﻘﻪ ..
ﻋﺒﺪﺍﻟﻠﻪ : ﻫﻀﺎ ﺍﻟﺤﻞ ﺍﻟﻮﺣﻴﺪ ﻣﻌﺎﻫﻢ ..
ﺳﻌﺪ ﺳﺎﻛﺖ ﻭﻳﻔﻜﺮ ﻓﻲ ﻛﻼﻡ ﻭﻟﺪﻩ
ﻋﺒﺪﺍﻟﻠﻪ : ﺑﺼﺮﺍﺣﻪ ﻣﻠﻴﺖ ﻣﻦ ﺇﻧﻲ ﻧﻘﻌﺪ ﻧﻔﻜﺮ ﻓﻲ ﻣﻜﺎﻳﺪﻫﻢ ﻭﻧﺪﻭﺭ ﻭﺭﺍﻫﻢ ﻫﻨﺎ ﻭﺑﺮﺍ .. ﻟﻜﻦ ﻟﻤﺎ ﻳﻜﻮﻧﻮﺍ ﺗﺤﺖ ﺍﻳﺪﻳﻨﺎ ﻳﺒﺪﺍ ﺍﻟﻮﺿﻊ ﺳﺎﻫﻞ ..
ﺳﻌﺪ ﺷﺒﺤﻠﻪ : ﺗﻌﺮﻑ ﺇﻧﻲ ﻭﺍﺛﻖ ﻓﻴﻚ ﻭﻑ ﻛﻞ ﺷﻲ ﺩﻳﺮﻩ .. ﺣﻂ ﺍﻳﺪﻩ ﻉ ﻛﺘﻒ ﻭﻟﺪﻩ ﻭﺍﺑﺘﺴﻢ .. ﺍﻟﻠﻲ ﺗﺸﻮﻓﻪ ﻣﻨﺎﺳﺐ ﺩﻳﺮﻩ ...
ﻋﺒﺪ ﺍﻟﻠﻪ ﺣﻮﻝ ﺍﻳﺪﻩ ﺑﻮﻩ ﻣﻦ ﻉ ﻛﺘﻔﻪ ﻭﺑﺎﺳﻬﺎ : ﺭﺑﻲ ﻳﻄﻮﻝ ﻓﻌﻤﺮﻙ ﻭﻳﺨﻠﻴﻚ ﺗﺎﺝ ﻉ ﺭﺍﺳﻲ ❤
***
ﺣﻨﻴﻦ ﻭﻧﺠﻤﻪ ﻣﺮﻭﺣﻴﻦ ﻣﻦ ﺍﻟﺠﺎﻣﻌﻪ ﻉ ﺭﺟﻠﻴﻬﻢ ﻟﺤﻮﺵ ﺃﻡ ﺍﻟﻌﺰ
ﺣﻨﻴﻦ : ﻳﻌﻨﻲ ﺭﺳﻤﻲ ...
ﻧﺠﻤﻪ ﺑﻔﺮﺣﻪ : ﻭﺍﻟﻠﻪ ﺃﻣﺲ ﻣﺎﻗﺪﺭﺕ ﻧﺮﻗﺪ ﻏﻤﻀﻪ ﻳﺎﺣﻨﻮ ﺣﺎﺳﻪ ﺭﻭﺣﻲ ﻧﺤﻠﻢ
ﺣﻨﻴﻦ ﺍﺑﺘﺴﻤﺖ : ﺭﺑﻲ ﻳﻔﺮﺣﻚ ﺃﻛﺜﺮ ﻭﺃﻛﺜﺮ ..
ﻧﺠﻤﻪ ﺷﺪﺕ ﻉ ﺍﻳﺪ ﺣﻨﻴﻦ : ﺣﺘﻰ ﺇﻧﺘﻲ ﻳﺎﻏﻼﻱ ..
ﻭﻗﻔﺖ ﻧﺠﻤﻪ ﻉ ﻣﺤﻞ ﻓﻴﻠﻮﺍﺕ ﻭﻣﻌﺎﻫﺎ ﺣﻨﻴﻦ ... ﻧﺠﻤﻪ ﺗﺘﺄﻣﻞ ﻓﻲ ﺍﻟﻔﻴﻠﻮ ﻭﺗﺘﺨﻴﻞ ﻓﻲ ﻟﻴﻠﺔ ﻋﻤﺮﻫﺎ ﻣﻊ ﺷﻜﺮﻱ ﺣﺒﻴﺒﻬﺎ ..
ﺣﻨﻴﻦ ﺷﺒﺤﺘﻠﻬﺎ : ﻣﻦ ﻭﺣﻨﻲ ﺻﻐﺎﺭ ﻛﻞ ﻣﺎﺗﺸﺒﺤﻲ ﻋﺮﻭﺳﻪ ﻳﺒﺪﺍ ﺧﺎﻃﺮﻙ ﺗﻠﺒﺴﻴﻪ ﺗﺘﻔﻜﺮﻱ ﻟﻤﺎ ﺩﺭﺗﻲ ﻋﻴﻄﻪ ﺯﻣﺎﻥ ﺗﺒﻲ ﺯﻳﻪ ﻭﻓﺼﻠﺘﻬﻮﻟﻚ ﺧﺎﻟﺘﻚ ﻭﻟﺒﺴﺘﻴﻪ ﻟﻴﻦ ﺑﻴﺪﺗﻴﻪ ..
ﻧﺠﻤﻪ : ﻫﻬﻬﻬﻬﻬﻬﻪ ... ﻫﺬﺍ ﺣﻠﻢ ﻛﻞ ﺑﻨﻴﻪ ﻣﻦ ﺻﻐﺮﻫﺎ ﻭﺍﻧﻲ ﻫﺬﺍ ﺣﻠﻤﻲ ﺍﻟﻮﺣﻴﺪ ﻭﻳﻜﻮﻥ ﻓﻲ ﺟﻨﺒﻲ ﺍﻟﻠﻲ ﻧﺤﺒﻪ ❤
ﺣﻨﻴﻦ ﺑﻀﺤﻜﻪ : ﺑﺎﻟﻨﺴﺒﻪ ﻟﻴﺎ ﺃﻧﻲ ﺣﻠﻤﻲ ﻧﻠﺒﺲ ﺍﻟﻜﺎﺏ ﺍﻷﺳﻮﺩ ﺑﻄﺎﻳﻘﺘﻪ .. ﻭﺍﻟﺒﺎﻟﻄﻮ ﺍﻷﺑﻴﺾ ﺑﺴﻤﺎﻋﺘﻪ .. ﻫﺬﺍ ﺍﻟﻠﻲ ﻟﺒﺴﺘﻪ ﻓﺮﺣﺘﻬﺎ ﺩﻭﻭﻡ ﻣﺶ ﻳﻮﻡ ..
ﻧﺠﻤﻪ : ﻫﻬﻬﻬﻬﻬﻬﻬﻪ ﺍﻟﻠﻲ ﻳﺴﻤﻌﻚ ﻳﺼﺪﻕ ... ﻭﺍﻧﺘﻲ ﺑﻌﺪ 6 ﺷﻬﻮﺭ ﺣﺘﻠﺒﺴﻲ ﺍﻟﻔﻴﻠﻮ ﻗﺒﻞ ﺍﻟﻜﺎﺏ ﻭﺍﻟﺒﺎﻟﻄﻮﺍ ﻣﺘﺎﻋﺘﻚ ..
ﺣﻨﻴﻦ ﺑﻀﺤﻜﻪ : ﺍﺣﻜﺎﻡ ﺍﻟﻘﺪﺭ ...
ﺷﻨﻮ ﻳﺎﺳﻤﺤﺎﺕ ﻭﺍﻗﻔﻴﻦ ﻫﻨﻲ ﺗﺒﻮﺍ ﺣﺎﺟﻪ ..
ﻧﺠﻤﻪ ﻭﺣﻨﻴﻦ 😨😨
ﺣﻨﻴﻦ : ﻛﻠﻪ ﻣﻨﻚ ﻫﻴﺎ ﺗﻌﺎﻟﻲ .. ﻣﺸﻮﺍ ﻫﻤﺎ ﺍﻟﺰﻭﺯ .. ﻭﻛﻤﻞ ﻭﺭﺍﻫﻢ ﻭﺍﺣﺪ ﻳﻌﺎﻛﺲ ﻓﻴﻬﻢ ﻟﻴﻦ ﻭﺻﻠﻮﺍ ﻓﻲ ﺣﻮﺵ ﺧﺎﻟﺔ ﻧﺠﻤﻪ ...
***
ﻧﻮﺭ : ﻣﺎﺻﺎﺭﺵ ﺑﻴﻨﺎﺗﻨﺎ ﻛﻼﻡ ﻓﻲ ﻣﻮﺍﺿﻴﻊ ﻛﻴﻒ ﻫﺬﻱ ﺑﺶ ﻧﻘﻮﻝ
ﻣﻌﻴﻦ ﺑﻀﻴﻖ : ﺗﺤﺒﻮﺍ ﺑﻌﻀﻜﻢ؟
ﻧﻮﺭ ﺑﻀﻴﻖ : ﻫﻮ ﻭﻟﺪ ﺳﻴﺪﻱ ..
ﻣﻌﻴﻦ : ﻳﻌﻨﻲ ﻣﺠﺒﻮﺭﺓ؟ !
ﻧﻮﺭ ﺳﻜﺘﺖ
ﻣﻌﻴﻦ : ﻭﺷﻦ ﺍﻟﻠﻲ ﻳﺠﺒﺮﻙ ﻳﺎﻧﻮﺭ ﻭﺍﺿﺢ ﺍﻧﻚ ﻣﻦ ﻋﻴﻠﻪ ﻣﺘﻔﺘﺤﻪ ﻓﻜﺮﻳﺎ ﻣﺎﻋﻨﺪﻫﻤﺶ ﻓﻲ ﺍﻟﺘﻔﻜﻴﺮ ﺍﻟﻘﺪﻳﻢ ﺍﻟﻤﺘﺤﺠﺮ ..
ﻧﻮﺭ : ﻓﻲ ﺣﺎﺟﺎﺕ ﺗﺤﻜﻢ ﺍﻟﻮﺍﺣﺪ ﻣﻬﻤﺎ ﺍﻃﻮﺭ ﺗﻔﻜﻴﺮﻩ ..
ﻣﻌﻴﻦ : ﻛﻴﻒ ﻳﻌﻨﻲ ..
ﻧﻮﺭ ﺑﺄﻟﻢ : ﻧﺤﺒﺶ ﻧﺪﻭﻱ ﻓﻲ ﺍﻟﻤﻮﺿﻮﻉ ﻫﻀﺎ ﻳﺘﻌﺐ ﻓﻲ ﻧﻔﺴﻴﺘﻲ
ﻣﻌﻴﻦ : ﺃﺳﻒ ..
ﻧﻮﺭ ﺑﺪﺕ ﺗﺒﻜﻲ ..
ﻣﻌﻴﻦ : ﻧﻮﺭﺍﺭﺟﻮﻙ ﻛﻠﻪ ﺃﻻ ﺩﻣﻮﻋﻚ ..
ﻧﻮﺭ ﺯﺍﺩﺕ ﺑﻜﻲ ﺍﻛﺜﺮ ﻭﺃﻛﺜﺮ ﺣﺴﺖ ﺍﻧﻬﺎ ﻣﺨﻨﻮﻗﻪ ﻭﺗﺒﻲ ﺣﺪ ﻳﻄﻠﻌﻬﺎ ﻣﻦ ﺍﻟﻠﻲ ﻫﻲ ﻓﻴﻪ ..
ﻣﻌﻴﻦ ﺑﺄﻟﻢ : ﻧﻮﺭ ﺧﻼﺹ
ﻧﻮﺭ ﺑﺼﻮﺕ ﻣﺨﻨﻮﻕ : ﻣﺨﻨﻮﻗﻪ ﻭﺍﺟﺪ
ﻣﻌﻴﻦ : ﺑﻜﺮﺍ ﺣﻨﻜﻮﻥ ﻓﻲ ﻟﻴﺒﻴﺎ
ﻧﻮﺭ ﺑﺨﻮﻑ : ﻟﻴﺶ
ﻣﻌﻴﻦ : ﻧﺒﻲ ﻧﺸﻮﻓﻚ ﻧﻮﺭ ﺿﺮﻭﺭﻱ
ﻧﻮﺭ ﺣﺘﻰ ﻫﻲ ﺗﺒﻲ ﺗﺸﻮﻓﻪ ﻭﺗﻔﻜﺮ ﻓﻲ ﺷﺎﻫﻴﻦ ﺍﻟﻠﻲ ﻗﺎﻋﺪ ﻓﻲ ﻟﻴﺒﻴﺎ ﻓﻲ ﻫﺎﻟﻔﺘﺮﺓ ..
ﻣﻌﻴﻦ : ﺍﻧﺎ ﺟﺎﻱ ﺟﺎﻱ ﻳﻠﻼ ﺑﺎﻱ ... ﻭﺻﻜﺮ
ﻧﻮﺭ ﺷﺒﺤﺖ ﻟﺘﻠﻴﻔﻮﻧﻬﺎ : ﻳﺎﺭﺭﺏ ﻃﻠﻌﻨﻲ ﻣﻦ ﻫﺎﻟﻮﺣﻠﻪ ..
***
ﻛﻠﻤﻨﻲ ﻓﻲ ﻣﻮﺿﻮﻋﻜﻢ ﺍﻟﻌﻘﺒﻪ ﺍﻟﻮﺣﻴﺪﻩ ﻓﻲ ﻃﺮﻳﻘﻪ ﻣﻮﺳﻰ
ﻧﺠﻤﻪ : ﻻﻋﻘﺒﻪ ﻻﻫﻢ ﻳﺤﺰﻧﻮﻥ ﻫﺎﺩﻱ ﺣﻴﺎﺗﻲ ﻭﻣﺎﺣﺪ ﻟﻴﻪ ﺩﺧﻞ ﺑﻴﻬﺎ
ﺣﻨﻴﻦ : ﻣﻬﻤﺎ ﻛﺎﻥ ﻳﺎﻧﺠﻤﻪ ﻫﺬﺍ ﺑﻮﻙ ..
ﺍﻡ ﺍﻟﻌﺰ : ﻫﻤﺎ ﺣﻴﻄﻠﺒﻮﻙ ﻣﻨﻪ ﻭﺍﻧﺘﻲ ﺗﻌﺮﻓﻲ ﺑﻮﻙ ﺯﻳﻦ
ﻧﺠﻤﻪ ﺑﻐﻀﺐ : ﻭﺍﻟﻠﻪ ﺍﻟﻌﻈﻴﻢ ﻟﻮ ﻳﻔﻜﺮ ﻳﺮﺩﻫﻢ ﻧﺪﻳﺮ ﺷﻲ ﻋﻤﺮﻩ ﻣﺎﺗﻮﻗﻌﻪ
ﺣﻨﻴﻦ ﺗﺸﺒﺢ ﻷﻡ ﺍﻟﻌﺰ ﺑﺈﺳﺘﻴﺎﺀ
ﺍﻡ ﺍﻟﻌﺰ : ﺍﻫﺪﻱ ﻳﺎﻧﺠﻤﻪ ﺃﻥ ﺷﺎﺀ ﺍﻟﻠﻪ ﻣﺎﻳﺼﻴﺮ ﺇﻻ ﺍﻟﺨﻴﺮ .. ﻋﻤﻚ ﻋﺒﺪ ﺍﻟﻌﻈﻴﻢ ﺣﻴﺪﺧﻞ ﻓﻲ ﺍﻟﻤﻮﺿﻮﻉ ﻭﺍﻧﺘﻲ ﺗﻌﺮﻓﻲ ﺇﻥ ﺑﻮﻙ ﻳﻌﺰﻩ ..
ﺣﻨﻴﻦ : ﺑﻌﺪﻳﻦ ﺑﻮﻙ ﻓﻲ ﻗﺮﺍﺭ ﺍﻟﺰﻭﺍﺝ ﻣﺎﻳﺪﺧﻠﺶ ﻓﻴﻜﻢ .. ﻧﺴﻴﺘﻲ ﻛﻴﻒ ﻛﺎﻥ ﻣﺶ ﻣﺘﻘﺒﻞ ﺍﺧﺘﻴﺎﺭ ﺧﻮﻙ ﺍﻧﻮﺭ ﻟﻜﻦ ﻣﺎﺑﺎﺵ ﻳﻔﺮﺽ ﻋﻠﻴﻪ ﺷﻲ ..
ﻧﺠﻤﻪ : ﻫﻮ ﻣﺎﻳﺤﺒﺶ ﺷﻜﺮﻱ ﻣﺶ ﻋﺎﺭﻓﻪ ﻋﻼﺵ .. ﻭﺣﻴﻌﻔﺲ ﻓﻴﺎ
ﺃﻡ ﺍﻟﻌﺰ : ﺗﻮﺍ ﻣﺎﺗﻔﻜﺮﻱ ﻓﻲ ﺷﻲ .. ﻣﻦ ﻫﻨﻲ ﻟﻬﺬﺍﻛﺎ ﺍﻟﻮﻗﺖ ﻳﺤﻠﻬﺎ ﺭﺑﻚ
ﻧﺠﻤﻪ ﺗﻨﻬﺪﺕ ﺑﻀﻴﻖ : ﻳﺎﺍﺍﺍﺍﺭﺏ ..
***
ﻓﺎﺗﺖ ﺍﻷﻳﺎﻡ ﻭﺷﻜﺮﻱ ﻭﺿﻌﻪ ﺍﻟﻤﺎﺩﻱ ﺑﺪﻱ ﺃﻓﻀﻞ ﺣﺘﻰ ﻓﺘﺢ ﺣﺴﺎﺏ ﻓﻲ ﺍﻟﻤﺼﺮﻑ ﺣﻂ ﻓﻴﻪ ﻣﺒﻠﻎ ﺑﺎﻫﻲ ﻭﻛﺎﻥ ﻳﺨﺪﻡ ﺍﻟﻠﻴﻞ ﻣﻊ ﻧﻬﺎﺭ .. ﻭﻛﺎﻥ ﻓﻲ ﻓﺪﻣﺎﻏﻪ ﺍﻛﺜﺮ ﻣﻦ ﻣﺸﺮﻭﻉ ﻳﺒﻲ ﻳﺪﻳﺮﻩ ﺑﺲ ﻣﺎﺑﺎﺵ ﻳﺴﺘﻌﺠﻞ ﻟﻴﻦ ﻳﻜﻮﻥ ﺩﺍﺭﺱ ﻛﻞ ﺷﻲ ﻣﻦ ﺟﻤﻴﻊ ﺟﻮﺍﻧﺒﻪ .. ﺣﻂ ﻣﻠﻔﻪ ﻓﻲ ﺍﻟﺪﻭﻟﻪ ﻭﻳﺮﺍﺟﻲ ﻓﻲ ﺍﻟﺘﻌﻴﻴﻦ .. ﻣﺎﻛﺎﻧﺶ ﺷﻐﻮﻑ ﻫﻠﺒﻪ ﺑﻮﻇﻴﻔﻪ ﺍﻟﺪﻭﻟﻪ ﺑﺲ ﺍﻫﻮ ﻋﻨﺪﻩ ﺧﺪﻣﻪ ﻓﻴﻬﺎ ﻭﺧﻼﺹ .. ﺑﺪﻱ ﻃﻤﻮﺣﻪ ﻳﻜﺒﺮ ﺃﻛﺜﺮ ﻭﻳﺨﻄﻂ ﻟﻬﻠﺒﻪ ﺣﺎﺟﺎﺕ .. ﻭﺃﻭﻟﻬﻢ ﺯﻭﺍﺟﻪ ﻣﻦ ﻧﺠﻤﻪ ..
ﺍﻟﺴﻌﺪﺍﻭﻱ : ﺍﻧﺖ ﻣﺘﺄﻛﺪ ﻣﻦ ﻗﺮﺍﺭﻙ
ﺷﻜﺮﻱ : ﺍﻳﻪ ..
ﺍﻟﺴﻌﺪﺍﻭﻱ : ﻧﺴﻴﺘﻬﺎ ...
ﺷﻜﺮﻱ ﺗﻨﻬﺪ : ﺗﺨﻄﺮ ﻉ ﺑﺎﻟﻲ ﻣﺮﺓ ﻣﺮﺓ ﺑﺲ ﻣﺶ ﺯﻱ ﻗﺒﻞ
ﺍﻟﺴﻌﺪﺍﻭﻱ : ﻭﺑﻨﺖ ﺧﺎﻟﺘﻚ ﺷﻦ ﺗﺤﺲ ﺟﻴﻬﺘﻬﺎ ..
ﺷﻜﺮﻱ : ﻋﺎﺟﺒﺘﻨﻲ ﻭﻧﺸﻮﻑ ﻓﻴﻬﺎ ﻣﻨﺎﺳﺒﻪ ﻟﻴﺎ ﻭﺣﻨﺮﺗﺎﺡ ﻣﻌﺎﻫﺎ ... ﻭﺯﻱ ﻣﺎﺃﻧﺖ ﻗﻠﺖ ﺧﻮﺩ ﺍﻟﻠﻲ ﻳﺤﺒﻚ ﺧﻴﺮ ..
ﺍﻟﺴﻌﺪﺍﻭﻱ : ﻣﻊ ﺍﻟﻌﺸﺮﺓ ﻳﺠﻲ ﺍﻟﺤﺐ
ﺷﻜﺮﻱ : ﻭﺃﻧﻲ ﻫﺬﺍ ﺍﻟﻠﻲ ﻗﻠﺘﻪ ﻟﻨﻔﺴﻲ
ﺍﻟﺴﻌﺪﺍﻭﻱ ﻃﺒﻄﺐ ﻉ ﻛﺘﻒ ﺷﻜﺮﻱ : ﺭﺑﻲ ﻳﺘﻤﻤﻠﻚ ﻉ ﺧﻴﺮ ﻳﺎﺑﻮﺻﺎﺣﺐ
ﺷﻜﺮﻱ ﺑﺈﺑﺘﺴﺎﻣﻪ : ﺍﻟﻔﺎﻝ ﻟﻴﻚ ...
ﺍﻟﺴﻌﺪﺍﻭﻱ : ﻻﺍﺍﺍﺍﺍ ﻭﺧﻴﻲ ﻣﺎﺯﺍﻝ ﻧﺒﻲ ﻧﻌﻴﺶ ﺷﺒﺎﺑﻲ ..
ﺷﻜﺮﻱ : ﻫﻬﻬﻬﻬﻬﻬﻬﻬﻬﻬﻬﻪ
***
ﻓﻲ ﻟﻴﻠﻪ ﺑﺎﺭﺩﺓ ﻣﻦ ﻟﻴﺎﻟﻲ ﺷﺘﻲ ﻓﻲ ﺑﻨﻐﺎﺯﻱ ﻭﺍﻟﺴﻤﻲ ﻛﺎﻧﺖ ﻣﻌﺒﻴﻪ ﻏﻴﻮﻡ ﺗﻨﺬﺭ ﺑﻬﻄﻮﻝ ﺃﻣﻄﺎﺭ .. ﻛﺎﻥ ﻧﺺ ﺍﻟﻠﻴﻞ .. ﻫﻲ ﻛﺎﻧﺖ ﻣﺪﻓﻴﻪ ﺗﺤﺖ ﻭﺭﻏﺎﻧﻬﺎ ﻓﻲ ﻧﻮﻣﻪ ﻫﻨﻴﻪ ﻗﻄﻌﻬﺎ ﺭﻧﺔ ﺗﻠﻴﻔﻮﻧﻬﺎ .. ﻧﺎﺿﺖ ﻣﺨﻠﻮﻋﻪ .. ﺑﺼﻌﻮﺑﻪ ﺧﺪﺕ ﺗﻠﻴﻔﻮﻧﻬﺎ ﻣﻦ ﻉ ﺍﻟﻜﻤﺪﻳﻨﻮ ﺍﻟﻠﻲ ﺟﻨﺐ ﺳﺮﻳﺮﻫﺎ ﻟﻤﺎ ﺷﺎﻓﺖ ﺍﻟﺮﻗﻢ ﺍﺳﺘﺎﻗﻀﺖ ﻭﻗﻌﻤﺰﺕ ﻉ ﺣﻴﻠﻬﺎ ﻭﺭﺩﺕ ..
ﻧﻮﺭ : ﺍﻟﻮ
ﻣﻌﻴﻦ : ﺍﺳﻒ ﻓﻴﻘﺘﻚ
ﻧﻮﺭ ﺑﺨﻮﻑ : ﻛﻨﻚ ﻣﻌﻴﻦ
ﻣﻌﻴﻦ : ﺑﻨﺘﻌﺒﻚ .. ﺗﺼﺒﻲ ﺣﺪﺍ ﺭﻭﺷﻦ ﺩﺍﺭﻙ .. ﻧﻮﺭ ﻧﺎﺿﺖ ﺗﻠﻘﺎﺋﻴﺎ ﺷﺎﻓﺖ ﻣﻌﻴﻦ ﺗﺤﺖ ﺑﺴﻴﺎﺭﺗﻪ
ﻧﻮﺭ ﺑﻬﻤﺲ : ﻫﻴﻴﻴﻴﻴﻲ ﺷﻦ ﺩﻳﺮ ﻫﻨﺎ ﻓﻲ ﻫﺎﻟﻮﻗﺖ
ﻣﻌﻴﻦ : ﻧﻮﺭ ﺍﺭﺟﻮﻙ ﺍﻧﺰﻟﻲ
ﻧﻮﺭ ﻣﺘﻔﺎﺟﺌﻪ : ﺷﺘﻘﻮﻝ ﺍﻧﺖ ﺍﻧﻬﺒﻠﺖ
ﻣﻌﻴﻦ : ﻧﻮﺭ ﺟﻴﺖ ﻉ ﺷﺎﻧﻚ ﻳﺎﻧﻮﺭ .. ﺷﺒﺤﺘﻠﻪ ﻣﻦ ﻓﻮﻕ ﻭﻛﺎﻥ ﻳﺸﺒﺤﻠﻬﺎ ﻗﻌﺪﺕ ﺷﻮﻳﻪ ﺑﻌﺪﻳﻦ ..
ﻧﻮﺭ : ﺷﻮﻳﻪ ﻭﺟﺎﻳﻪ .. ﻭﺻﻜﺮﺕ .. ﻟﺒﺴﺖ ﻛﺒﻮﻃﻬﺎ ﻉ ﺍﻟﺘﻮﺗﻪ ﻭﻧﺰﻟﺖ ﺑﺘﺴﻠﻞ ﻭﻫﺪﻭﺀ ﺷﺪﻳﺪ .. ﻭﻃﻠﻌﺖ ﻣﻦ ﺍﻟﺒﺎﺏ ﺍﻟﺨﻠﻔﻲ .. ﻓﺘﺤﺖ ﺍﻟﺒﺎﺏ ﻭﻣﺸﺘﻠﻪ ..
ﻧﻮﺭ : ﺷﺪﻳﺮ ﻫﻨﺎ ﺗﻮﺍ ..
ﻣﻌﻴﻦ : ﻧﻮﺭﺍﺓ ﺍﺭﻛﺒﻲ ﻣﻌﺎﻱ ﺑﻨﻌﺪﻱ ﻟﻤﻜﺎﻥ ﻣﺶ ﻣﻌﻄﻞ ﺑﻴﻚ
ﻧﻮﺭ ﺷﺒﺤﺘﻠﻪ ﺑﺨﻮﻑ ..
ﻣﻌﻴﻦ ﺷﺪ ﺍﻳﺪﻫﺎ : ﻣﺴﺘﺤﻴﻞ ﻧﺄﺫﻳﻚ ﻳﺎﻧﻮﺭ ..
ﻧﻮﺭ ﻗﻌﺪﺕ ﺗﺸﺒﺤﻠﻪ ﺑﻌﺪﻳﻦ ﻃﻠﻘﺖ ﺍﻳﺪﻩ ﻭﺭﻛﺒﺖ ﺍﻟﺴﻴﺎﺭﻩ ﻭﻫﻮ ﻓﺮﺡ ﻭﺭﻛﺐ ﻭﻣﺸﻮﺍ ... ﻭﺻﻠﻮﺍ ﻟﻠﺒﺤﺮ .. ﻧﺰﻝ ﻣﻨﻪ ﻭﻫﻲ ﻟﺤﻘﺎﺗﻪ ..
ﻧﻮﺭ : ﻟﻴﺶ ﺟﺎﻳﺒﻨﻲ ﻫﻨﺎ ﻓﻲ ﻫﺎﻟﻮﻗﺖ ﻭﻓﻬﺎﻟﺠﻮ ﺍﻟﻠﻲ ﻳﺠﻤﺪ
ﻣﻌﻴﻦ ﺷﺒﺤﻠﻬﺎ ﻭﺣﻀﻨﻬﺎ ... ﻧﻮﺭ ﺍﻧﺼﺪﻣﺖ ﻓﻲ ﺣﺮﻛﺘﻪ
ﻧﻮﺭ ﺑﺼﺪﻣﻪ : ﻛﻨﻚ ﺍﻧﺖ
ﻣﻌﻴﻦ ﻗﻌﺪ ﺿﺎﻣﻬﺎ ﻭﻣﻐﻤﺾ ﻋﻴﻮﻧﻪ .. ﻫﻲ ﺩﻓﺎﺗﻪ ...
ﻧﻮﺭ : ﻣﻌﻴﻦ ﺵ ﻫﻀﺎ ..
ﻣﻌﻴﻦ ﺷﺪ ﻭﺟﻬﻬﺎ ﺑﺈﻳﺪﻳﻪ : ﻧﻮﺭ ﺍﻧﺎ ﻧﺤﺒﻚ ..
ﻧﻮﺭ ﺍﻧﺼﺪﻣﺖ ﻭﺟﻤﺪﺕ ﻓﻲ ﻣﻜﺎﻧﻬﺎ ﻭﻗﻠﺒﻬﺎ ﻳﺪﻕ ﺑﻘﻮﺓ ..
ﻣﻌﻴﻦ : ﻧﺤﺒﻚ .. ﺍﻧﺘﻲ ﺩﺭﺗﻲ ﻓﻴﺎ ﻭﺍﺟﺪ ﻳﺎﻧﻮﺭ ﺧﺪﻳﺘﻴﻨﻲ ﻣﻦ ﻧﻔﺴﻲ .. ﻟﻤﺎ ﻋﺮﻓﺖ ﺍﻧﻚ ﻣﺨﻄﻮﺑﻪ ﻧﺎﺭ ﻭﻟﻌﺖ ﻓﻲ ﺻﺪﺭﻱ ﻣﺎﺧﻤﺪﺕ ﺇﻻ ﺗﻮ ﻟﻤﺎ ﺣﻀﻨﺘﻚ ..
ﻧﻮﺭ ﻧﺰﻟﻮﺍ ﺩﻣﻮﻋﻬﺎ ... ﻣﻌﻴﻦ ﻣﺎﺗﺤﻤﻠﺶ ﺩﻣﻮﻋﻬﺎ ..
ﻣﻌﻴﻦ ﻳﻤﺴﺢ ﻓﻲ ﺩﻣﻮﻋﻬﺎ : ﺇﻻ ﺩﻣﻮﻋﻚ ﻧﺒﻴﺶ ﻧﺤﻘﻬﻦ ﺑﻜﻞ .. ﻣﺴﺘﻌﺪ ﻧﺪﻳﺮ ﺍﻱ ﺷﻲ ﺑﺶ ﺗﻜﻮﻧﻲ ﻣﻌﺎﻳﺎ ﺣﺘﻰ ﻟﻮ ﺍﺿﻄﺮﻳﺖ ﻧﻜﻠﻢ ﻭﻟﺪ ﺳﻴﺪﻙ
ﻧﻮﺭ ﺑﺨﻮﻑ : ﻻﻻ ﻣﻌﻴﻦ ﺭﺩﺑﺎﻟﻚ ..
ﻣﻌﻴﻦ ﺑﻌﺪ : ﺗﺤﺒﻴﻪ ..
ﻧﻮﺭ ﺍﺩﻭﺭ ﺑﻌﻴﻮﻧﻬﺎ ﻓﻲ ﺍﻟﻤﻜﺎﻥ ﻭﺑﻌﺪﻳﻦ ﺷﺒﺤﺘﻠﻪ : ﻟﻮ ﻧﺤﺒﻪ ﺷﻦ ﺟﺎﺑﻨﻲ ﻣﻌﺎﻙ ﻫﻨﺎ ..
ﻣﻌﻴﻦ ﻗﺮﺏ ﻭﺷﺪ ﺍﻳﺪﻳﻬﺎ : ﺷﻦ ﻳﻌﻨﻲ ﻛﻼﻣﻚ ﻫﻀﺎ
ﻧﻮﺭ ﻭﻃﺖ ﺭﺍﺳﻬﺎ ﻭﺩﻣﻮﻋﻬﺎ ﺗﻨﺰﻝ ﻗﺎﻡ ﺭﺍﺳﻬﺎ ﺑﺄﻃﺮﺍﻑ ﺃﺻﺎﺑﻌﻪ : ﻗﻮﻟﻲ ﺍﻧﻚ ﺗﺤﺒﻴﻨﻲ ﻭﺍﻧﺎ ﻣﺴﺘﻌﺪ ﻧﺤﺎﺭﺏ ﻋﺸﺎﻧﻚ ..
ﻧﻮﺭ ﻗﻌﺪﺕ ﺗﺸﺒﺢ ﻟﻌﻴﻮﻧﻪ .. ﻫﻲ ﺗﺤﺲ ﺍﺗﺠﺎﻫﻪ ﺑﺸﻲ ﻣﺎﺣﺴﺘﺎﺵ ﺍﺗﺠﺎﻩ ﺷﺎﻫﻴﻦ .. ﺑﺲ ﻣﺶ ﻋﺎﺭﻓﻪ ﻋﻼﺵ ﻓﻲ ﻫﺪﻳﻜﺎ ﺍﻟﻠﺤﻈﻪ ﺧﻄﻢ ﻗﺪﺍﻣﻬﺎ ﺷﺮﻳﻂ ﺫﻛﺮﻳﺎﺗﻬﺎ ﻣﻊ ﺷﺎﻫﻴﻦ ﺣﺴﺖ ﺑﻨﺨﺼﻪ ﻓﻲ ﻗﻠﺒﻬﺎ ﺍﺫﻛﺮﺕ ﺑﻮﻫﺎ ﻭﺍﻣﻬﺎ ﻭﺍﻧﻬﻢ ﻣﺴﺘﺤﻴﻞ ﻳﺴﻤﺤﻮﻟﻬﺎ ﺗﺮﺗﺒﻂ ﺑﺤﺪ ﺗﺎﻧﻲ ﻏﻴﺮ ﺷﺎﻫﻴﻦ ... ﺗﺨﻠﻄﺘﺖ ﻋﻠﻴﻬﺎ ﻭﺗﺨﻠﺒﻄﺖ ..
ﻧﻮﺭ ﺑﻌﺪﺕ : ﻣﺎﻧﻘﺪﺭﺵ ﻣﺎﻧﻘﺪﺭﺵ ﺻﻌﺐ ﻭﺍﻟﻠﻪ ﺻﻌﺐ ..
ﺑﺮﻗﺖ ﻭﺍﺭﻋﺪﺕ 🌩 ﻧﻮﺭ ﺧﺎﻓﺖ ﻭﻣﺸﺖ ﺗﺠﺮﻱ ﻭﺣﻀﻨﺖ ﻣﻌﻴﻦ ﻭﻗﻌﺪﺕ ﺗﺒﻜﻲ ﺑﻌﺒﺮﺗﻬﺎ ... ﺍﻣﺎ ﻫﻮ ﺿﻤﻬﺎ ﺑﻜﻞ ﻗﻮﺓ .. ﻭﻛﻞ ﻣﺎﺗﺮﻋﺪ ﻛﻞ ﻣﺎﺗﺰﻳﺪ ﺷﻬﻘﺎﺗﻬﺎ ﻭﺩﻣﻮﻋﻬﺎ ﺍﻟﻠﻲ ﻟﺤﻘﺘﻬﺎ ﺩﻣﻮﻉ ﺍﻟﺴﻤﺎ ﺍﻟﻨﻘﻴﻪ 🌧 ﻭﻫﻮ ﻛﺎﻥ ﺿﺎﻣﻬﺎ .. ﺍﻧﺒﻠﻮﺍ ﺍﻟﺰﻭﺯ ﻭﻫﻤﺎ ﻣﺶ ﺣﺎﺳﻴﻦ ﺑﺸﻲ ﻣﻦ ﺍﻟﻨﺎﺭ ﻓﻲ ﺩﺍﺧﻠﻬﻢ .. ﺧﺪﺍﻫﺎ ﻭﺭﻛﺒﻬﺎ ﺍﻟﺴﻴﺎﺭﻩ ﻭﺭﻛﺐ ﻫﻮ ﻭﺭﻭﺡ ﺑﻴﻬﺎ ..
***
ﺃﻧﺎ ﻟﻚ ﻉ ﻃﻮﻝ ﺧﻠﻴﻚ ﻟﻴﺎ
ﺧﻮﺩ ﻋﻴﻦ ﻣﻨﻲ ﻭﻃﻞ ﻋﻠﻴﺎ
ﻭﺧﻮﺩ ﺍﻹﺛﻨﻴﻦ ﻭﺇﺳﺄﻝ ﻓﻴﺎ
ﻣﻦ ﺃﻭﻝ ﻳﻮﻡ ﺭﺍﺡ ﺍﻟﻨﻮﻡ ...
" ﺗﻌﺎﻟﻮﻭﻭﻭﻭﻭﻭﻟﻲ .. ﺳﺎﺍﺍﺍﻋﺪﻭﻧﻲ ... ﺑﻨﻨﺤﺮﻕ "
ﻭﻗﻒ ﻏﻨﻲ
ﺷﻦ ﺍﻟﺼﻮﺕ ﻫﻀﺎ .. ﺻﻮﺕ ﻣﺮﺍﺓ ... ﻗﻌﺪ ﻳﺪﻭﺭ ﺑﺲ ﺍﻟﻤﻜﺎﻥ ﺣﻮﺍﻟﻴﻪ ﻛﺎﻥ ﻫﺎﺩﻱ ﻭﻣﺎﻓﻴﻪ ﺣﺪ ﻏﻴﺮﻩ ...
" ﺍﻧﻲ ﻫﻨﺎﺍﺍﺍﻳﺎ "..
ﺗﻠﻔﺖ ﻭﺭﺍﻩ ﻟﻤﺢ ﻣﻦ ﺑﻌﻴﺪ ﻭﺣﺪﻩ ﻻﺑﺴﻪ ﺍﺳﻮﺩ ﺣﻮﺍﻳﺠﻬﺎ ﻣﺰﻗﺎﺕ ﻭﺍﻟﻨﺎﺭ ﻛﺎﻧﺖ ﻗﺮﻳﺒﻪ ﻋﻠﻴﻬﺎ ﻛﺎﻧﺖ ﺗﻌﻴﻂ ﻭﻛﻠﻬﺎ ﺩﻡ .. ﺣﺎﻭﻝ ﻳﻤﺸﻴﻠﻬﺎ ﺑﺲ ﺍﺻﺼﺪﻡ ﺑﺤﺎﺟﺰ ﺷﻔﺎﻑ ﻛﺈﻧﻪ ﻣﻦ ﺯﺟﺎﺝ .. ﻗﻌﺪ ﻳﺸﻮﻓﻠﻬﺎ ﻛﻴﻒ ﺗﻌﻴﻂ ﻭﺍﻟﻨﺎﺭ ﻭﺻﻠﺘﻬﺎ ﺧﻼﺹ ﺣﺎﻭﻝ ﻳﻜﺴﺮ ﺍﻟﺤﺎﺟﺰ ﻣﺎﻗﺪﺭﺵ ﻉ ﻗﺪ ﻣﺎﺣﺎﻭﻝ ﻣﺎﻗﺪﺭﺵ ﻭﺻﻠﺖ ﻓﻴﻬﺎ ﺍﻟﻨﺎﺭ ﺧﻼﺹ ﻭﻫﻮ ﻗﻌﺪ ﻳﻌﻴﻂ ﺑﺲ ﺻﻮﺗﻪ ﻛﺎﻥ ﻫﺎﺍﺍﺍﺭﺏ ...
ﻧﺎﺽ ﻣﻔﺰﻭﻉ ﻉ ﺻﻮﺕ ﺍﻟﺮﻋﺪ ﺗﻌﻮﺫ ﻣﻦ ﺍﻟﺸﻴﻄﺎﻥ ﻭﻧﺎﺽ ﻭﺟﻲ ﺟﻴﻬﺔ ﺍﻟﺮﻭﺷﻦ ﻗﻌﺪ ﻳﺘﻔﺮﺝ ﻉ ﺍﻟﻤﻄﺮ ﻛﻴﻒ ﺗﺼﺐ ﻭﺍﻟﺴﻤﻲ ﺗﺒﺮﻕ ﻭﺗﺮﻋﺪ .. ﻭﻗﻠﺒﻪ ﻣﻘﺒﻮﺽ ﻣﻦ ﺍﻟﺤﻠﻢ ..
" ﻳﺎﺍﺭﺏ ﺯﻋﻤﻪ ﻣﻨﻮ ﻫﺬﻱ !! ﻣﻌﻘﻮﻝ ﺗﻜﻮﻥ ﻧﻮﺭ ﻳﺎﺍﺍﺭﺏ ﻻ .." ﺧﺪﻱ ﺗﻠﻴﻔﻮﻧﻪ ﻭﺍﺗﺼﻞ ﺑﻴﻬﺎ ﺑﺲ ﻛﺎﻥ ﺭﻗﻤﻬﺎ ﻣﻘﻔﻞ " ﺍﻛﻴﺪ ﺭﺍﻗﺪﻩ ﺗﻮﺍ .. ﺑﺲ ﻣﺴﺘﺤﻴﻞ ﻧﺨﻠﻲ ﺷﻲ ﻳﻀﺮﻙ ﻳﺎﻧﻮﺭ ﻟﻮ ﻧﺪﻓﻊ ﺭﻭﺣﻲ ﺛﻤﻦ ﻟﻬﺎﻟﺸﻲ .."
ﻓﻲ ﻫﺎﻟﻮﻗﺖ ﻧﻮﺭ ﻭﺻﻠﺖ ﻟﻠﺤﻮﺵ ﻧﺰﻟﻬﺎ ﻣﻌﻴﻦ ﻭﺩﺧﻠﻬﺎ ﻟﻠﺤﻮﺵ
ﻣﻌﻴﻦ : ﺧﻠﻴﻚ ﻭﺍﺛﻘﻪ ﺍﻥ ﺑﺈﺷﺎﺭﻩ ﻣﻨﻚ ﻣﺴﺘﻌﺪ ﻧﺪﻳﺮ ﺍﻱ ﺷﻲ ﺑﺶ ﺗﻜﻮﻧﻲ ﻣﻌﺎﻳﺎ .. ﺑﺎﺱ ﺭﺍﺳﻬﺎ ﻭﻃﻠﻊ ﻭﺻﻜﺮ ﺑﺎﺏ ﺍﻟﺤﻮﺵ ﺍﻟﺨﻠﻔﻲ ﺑﻬﺪﻭﺀ .. ﻭﻫﻲ ﺧﺸﺖ ﻟﻠﺤﻮﺵ ﻭﺭﻛﺒﺖ ﻟﺪﺍﺭﻫﺎ ﻭﻫﻲ ﺣﺎﺳﻪ ﺑﺘﻮﻫﺎﻥ ﻭﺃﻟﻢ ﻭﺧﻮﻑ ﺧﺸﺖ ﻟﺪﺍﺭﻫﺎ ﻭﺳﻜﺮﺕ ﺍﻟﺒﺎﺏ ﻭﺭﻗﺪﺕ ﻉ ﺳﺮﻳﺮﻫﺎ ﺑﻜﺒﻮﻃﻬﺎ ﻭﺣﻮﺍﻳﺠﻬﺎ ﺍﻟﻤﺒﻠﻮﻻﺕ ﻭﻧﺎﺳﻴﻪ ﺍﻟﺮﻭﺷﻦ ﻣﻔﺘﻮﺡ ..
ﺗﺎﻧﻲ ﻳﻮﻡ ﺍﻟﺼﺒﺢ ..
ﺷﺎﻫﻴﻦ ﺍﻟﻠﻲ ﻣﻘﺪﺭ ﻳﺮﻗﺪ ﻏﻤﻀﻪ ﻣﻦ ﺑﻌﺪ ﺍﻟﺤﻠﻢ ﺍﻟﻠﻲ ﺷﺎﻓﻪ ﻭﺃﻓﻜﺎﺭﻩ ﺍﻟﻠﻲ ﺗﻮﺩﻱ ﻭﺗﺠﻴﺐ .. ﻗﻌﺪ ﻳﺘﺼﻞ ﺑﻨﻮﺭ ﻭﻳﻌﺎﻭﺩ ﻭﻛﺎﻥ ﻣﻘﻔﻞ .. ﺍﺗﺼﻞ ﻉ ﺗﻠﻴﻔﻮﻥ ﺍﻟﺤﻮﺵ ﺭﺩﺕ ﺍﻟﺨﺪﺍﻣﻪ ..
ﻛﺎﻟﻴﻤﺮﺍ : ﻧﻌﻢ
ﺷﺎﻫﻴﻦ : ﺻﺒﺎﺡ ﺍﻟﺨﻴﺮ ﻛﺎﻟﻴﻤﺮﺍ
ﻛﺎﻟﻴﻤﺮﺍ : ﺻﺒﺎﺡ ﺍﻟﻜﻴﺮ ﺍﺳﺘﺎﺯ ﺷﺎﻫﻴﻦ
ﺷﺎﻫﻴﻦ : ﻛﻴﺮ ﺷﻨﻮ ﺑﺲ ﻳﺎﻛﺎﻟﻤﻴﺮﺍ ﻗﻮﻟﻲ ﺻﺒﺎﺡ ﺍﻟﻮﺭﺩ ﻣﺮﺓ ﺍﺧﺮﻯ ﻟﻤﺎﻧﺼﺒﺢ ﻋﻠﻴﻚ ...
ﻛﺎﻟﻴﻤﺮﺍ ﺗﻀﺤﻚ : ﺣﺎﺯﺭ ..
ﺷﺎﻫﻴﻦ : ﻧﻮﺭ ﻓﺎﻳﻘﻪ
ﻛﺎﻟﻴﻤﺮﺍ : ﻻ ﻧﺎﻳﻢ ..
ﺷﺎﻫﻴﻦ : ﻛﻴﻒ ﻣﺶ ﻋﻨﺪﻫﺎ ﺟﺎﻣﻌﻪ ﺍﻟﻴﻮﻡ
ﻛﺎﻟﻴﻤﺮﺍ : ﻻﺃﻋﺮﻑ ﻧﺎﻳﻢ ﻭﺑﺲ ..
ﺷﺎﻫﻴﻦ : ﻭﻛﺎﺭﻳﻤﺎﻥ ﻭﻋﻤﺮ ﻭﻳﻦ
ﻛﺎﻟﻴﻤﺮﺍ : ﻃﻠﺌﻮﺍ ﻣﻦ ﺷﻮﻳﻪ ..
ﺷﺎﻫﻴﻦ " ﻻﺳﺄﻟﻮﺍ ﻋﻠﻴﻬﺎ ﻭﻻﺩﻭﺭﻭﻫﺎ :" ﻛﺎﻟﻴﻤﺮﺍ ﻣﺎﺗﺴﻜﺮﻳﺶ ﻭﻋﺪﻱ ﻃﻘﻲ ﻋﻠﻴﻬﺎ ﺍﻟﺒﺎﺏ .. ﺧﻠﺖ ﻛﺎﻟﻴﻤﺮﺍ ﺍﻟﺴﻤﺎﻋﻪ ﻉ ﺍﻟﻄﺎﻭﻟﻪ ﻭﺭﻛﺒﺖ ﻟﺪﺍﺭ ﻧﻮﺭ ﻭﻃﻘﺖ ﻃﻘﺖ ﻟﻜﻦ ﻣﺎﺭﺩﺗﺶ .. ﻛﺎﻟﻴﻤﺮﺍ ﺗﺠﺮﺃﺕ ﻭﻓﺘﺤﺖ ﺍﻟﺒﺎﺏ ﻟﻘﺘﻬﺎ ﺭﺍﻗﺪﻩ ﺑﻄﺮﻳﻘﻪ ﻏﺮﻳﺒﻪ .. ﻣﺸﺘﻠﻬﺎ ﺑﺶ ﺗﻨﻮﺿﻬﺎ ﻟﻘﺘﻬﺎ ﺗﺘﻜﻠﻢ ﻭﻫﻲ ﺭﺍﻗﺪﻩ .. ﻃﻠﻌﺖ ﻣﻦ ﺍﻟﺪﺍﺭ ﺑﺴﺮﻋﻪ ﻭﻧﺰﻟﺖ ﺟﺮﻱ ﻭﺭﺩﺕ ﻉ ﺷﺎﻫﻴﻦ ..
ﻛﺎﻟﻴﻤﺮﺍ : ﺍﺳﺘﺎﺯ ﺷﺎﻫﻴﻦ
ﺷﺎﻫﻴﻦ ﺑﺨﻮﻑ ﻣﻦ ﻧﺒﺮﺓ ﺻﻮﺗﻬﺎ ﺍﻟﺪﺍﻫﺸﻪ : ﺷﻨﻮ
ﻛﺎﻟﻤﻴﺮﺍ : ﻧﻮﺭ ﻣﺮﻳﺰ ﺗﺘﻜﻠﻢ ﻭﻫﻲ ﻧﺎﻳﻢ .. ﺻﻜﺮ ﺷﺎﻫﻴﻦ ﻭﻃﻠﻊ ﺑﺄﻗﺼﻰ ﺳﺮﻋﻪ ﻭﻗﻠﺒﻪ ﺑﻴﻮﻗﻒ ﻣﻦ ﺍﻟﺨﻮﻑ ﻗﺎﺑﻞ ﻏﺎﺩﻩ ﻭﻳﺠﺮﻱ ﻭﻻﻛﺄﻧﻪ ﺷﺎﻓﻬﺎ ﺭﻛﺐ ﺳﻴﺎﺭﺗﻪ ﻭﺍﻧﻄﻠﻖ ﺑﺄﻗﺼﻰ ﺳﺮﻋﻪ
ﻏﺎﺩﺓ ﺑﺨﻮﻑ : ﻛﻨﻪ ﺷﻦ ﺻﺎﻳﺮ ..
...
ﺑﻠﻤﺢ ﺍﻟﺒﺼﺮ ﻭﺻﻞ ﻟﺤﻮﺵ ﻋﻤﻪ ﺧﺶ ﺩﺍﺧﻞ ﻳﻄﻖ ﻉ ﺍﻟﺒﺎﺏ ﺑﻘﻮﺓ .. ﻓﺘﺤﺖ ﻛﺎﻟﻤﻴﺮﺍ ﺧﺶ ﻳﺠﺮﻱ ﺭﻛﺐ ﻟﺪﺭﺍﻫﺎ ﺍﻟﺨﻄﻮﺓ ﺑﺪﺭﺟﺘﻴﻦ ﻟﻴﻦ ﻭﺻﻞ ﻓﻲ ﺩﺍﺭﻫﺎ ﺷﺎﻓﻬﺎ ﺑﺤﺎﻟﺘﻬﺎ ﻫﺎﺩﻱ ﻗﻌﻤﺰ ﻭﺣﻂ ﺍﻳﺪﻩ ﺗﺤﺖ ﺭﺍﺳﻬﺎ ﻭﺭﻓﻌﻬﺎ ﻟﻴﻪ ..
ﺷﺎﻫﻴﻦ : ﻧﻮﺭ ﺣﺒﻴﺒﺘﻲ ﻧﻮﺭ ﺍﺻﺤﻲ ﻳﺎﻗﻠﺒﻲ .. ﻧﻮﺭ ﻛﺎﻧﺖ ﺗﺨﺘﺮﻑ ﻭﺗﻘﻮﻝ ﻣﺎﻧﻘﺪﺭﺵ ﻣﺎﻧﻘﺪﺭﺵ ..
ﺷﺎﻫﻴﻦ ﻗﺎﻣﻬﺎ ﻭﻃﻠﻊ ﺑﻴﻬﺎ : ﻣﺎﺗﺨﺎﻓﻴﺶ ﻳﺎﻗﻠﺒﻲ ﺍﻧﻲ ﺣﺪﺍﻙ ﺣﺘﻰ ﺍﻟﻤﺮﺽ ﺣﻨﺪﻓﻌﻪ ﻋﻨﻚ ﻭﻻﻧﺨﻠﻲ ﺷﻲ ﻳﻀﺮﻙ .. ﻧﻮﺭ ﻛﺎﻧﺖ ﻧﺺ ﻭﺍﻋﻴﻪ ﻓﺘﺤﺖ ﻋﻴﻮﻧﻬﺎ ﺷﻮﻳﻪ ﺷﺎﻓﺘﻪ ﻛﻴﻒ ﻣﻼﻣﺤﻪ ﻛﻠﻬﺎ ﺧﻮﻑ ﻋﻠﻴﻬﺎ .. ﻏﻤﻀﺖ ﻋﻴﻮﻧﻬﺎ ﺑﻌﺪﻫﺎ .. ﺭﻛﺒﻬﺎ ﺍﻟﺴﻴﺎﺭﻩ ﻭﺍﻧﻄﻠﻖ ﺑﻴﻬﺎ ﻷﻗﺮﺏ ﻣﺴﺘﺸﻔﻰ ...
...
ﺍﻟﺪﻛﺘﻮﺭ : ﻣﺎﺗﺨﺎﻓﺶ ﺑﺮﺩﻩ ﻋﻄﻴﻨﺎﻫﺎ ﺧﺎﻓﺾ ﺣﺮﺍﺭﻩ ﻭﺣﺘﺎﺧﺪ ﻛﻮﺭﺱ ﻣﻀﺎﺩ ... ﺩﺑﺸﻬﺎ ﻣﺒﻠﻮﻝ ﻛﻠﻪ ﻟﻮ ﺗﺠﻴﺒﻮﻟﻬﺎ ﻏﻴﺎﺭﺍﺕ ﺍﻓﻀﻞ ..
ﺷﺎﻫﻴﻦ : ﺇﻥ ﺷﺎﺀ ﺍﻟﻠﻪ ﺑﺎﺭﻙ ﺍﻟﻠﻪ ﻓﻴﻚ ﻳﺎﺩﻛﺘﻮﺭ ..
ﺍﻟﺪﻛﺘﻮﺭ : ﻭﺍﺟﺒﻲ ﻭﺇﻥ ﺷﺎﺀ ﺍﻟﻠﻪ ﻻﺑﺎﺱ ﻋﻠﻴﻬﺎ .. ﻭﻣﺸﻲ
ﺷﺎﻫﻴﻦ ﻓﺘﺢ ﺑﺎﺏ ﺍﻟﻐﺮﻓﻪ ﺍﻟﻠﻲ ﻛﺎﻧﺖ ﻓﻴﻬﺎ ﺷﺎﻓﻬﺎ ﻭﻫﻲ ﺭﺍﻗﺪﻩ ﻭﺧﺪﻭﺩﻫﺎ ﻛﺎﻧﻮﺍ ﺣﻤﺮ ﻣﻦ ﺍﻟﺤﺮﺍﺭﺓ ﻗﻌﺪ ﻳﺘﺄﻣﻞ ﻓﻴﻬﺎ ﻭﻫﻮ ﻳﺬﻛﺮ ﻓﻲ ﺍﻟﻤﺤﺎﺩﺛﻪ ﺍﻟﻠﻲ ﺑﻴﻦ ﺧﻮﻩ ﻭﺑﻮﻩ ﻣﻦ ﺣﻮﺍﻟﻲ ﺳﻨﻪ ..
ﻓﻼﺵ ﺑﺎﻙ ...
ﻋﺒﺪﺍﻟﻠﻪ : ﺯﻱ ﻣﺎﺳﻤﻌﺖ ...
ﺳﻌﺪ : ﻳﻌﻨﻲ ﻧﻮﺭ ﻫﺬﻱ ﻣﺶ ﺑﻨﺘﻪ
ﻋﺒﺪﺍﻟﻠﻪ ﻫﺰ ﺭﺍﺳﻪ ﺑﺎﻟﻨﻔﻲ : ﻻ ﻣﺶ ﺑﻨﺘﻪ .. ﺍﻟﻤﻌﻠﻮﻣﺎﺕ ﺍﻟﻠﻲ ﻋﻨﺪﻱ ﺍﻧﻬﻢ ﻣﺘﺒﻨﻴﻨﻬﺎ ﻣﻦ ﻟﻤﺎ ﻛﺎﻧﺖ ﻃﻔﻠﻪ ﺭﺿﻴﻌﻪ ..
ﺳﻌﺪ : ﻧﺬﻛﺮ ﻓﺘﺮﺓ ﺳﺎﻓﺮﻭﺍ ﻭﺗﻤﻮﺍ ﻋﺎﻡ ﺑﺮﺍ ﺍﻟﺒﻼﺩ ﻭﻳﻦ ﺭﻭﺣﻮﺍ ﻛﺎﻧﺖ ﻣﻌﺎﻫﻢ ﺍﻟﺒﻨﺖ ﻛﺎﻧﺖ ﻓﻲ ﺳﻦ 3 ﺍﺭﺑﻌﻪ ﺷﻬﻮﺭ ..
ﻋﺒﺪﺍﻟﻠﻪ : ﻛﺎﺭﻳﻤﺎﻥ ﻣﺎﻋﻨﺪﻫﺎﺵ ﺍﻣﻞ ﻓﻲ ﺍﻟﺤﻤﻞ ﻋﻨﺪﻫﺎ ﻣﺸﻜﻠﻪ ﺗﺨﻠﻴﻬﺎ ﻣﺴﺘﺤﻴﻞ ﺗﻘﺪﺭ ﺗﻜﻤﻞ ﺣﻤﻠﻬﺎ ﻭﻣﺎﻟﻴﻬﺎﺵ ﺍﻱ ﺣﻞ ..
ﺳﻌﺪ ﻗﻌﺪ ﺳﺎﻛﺖ ..
ﻋﺒﺪﺍﻟﻠﻪ : ﻛﻴﻒ ﺍﻟﺮﺍﻱ ﺗﻮ ..
ﺳﻌﺪ : ﺧﻠﻴﻚ ﻣﺘﻜﺘﻢ ﻉ ﺍﻟﻤﻮﺿﻮﻉ ﺣﺎﻟﻴﺎ ﺭﺩﺑﺎﻟﻚ ﻳﻮﺻﻞ ﻟﺠﺪﻙ
ﻋﺒﺪﺍﻟﻠﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﺳﻜﺖ ..
ﺍﻟﻮﻗﺖ ﺍﻟﺤﺎﺿﺮ ..
ﺷﺎﻫﻴﻦ " ﻣﺶ ﺣﻨﺨﻠﻴﻚ ﻭﺍﻟﻠﻪ ﻣﺎﻧﺨﻠﻲ ﺣﺪ ﻳﺠﻲ ﺟﻴﻬﺘﻚ ﺣﺘﻰ ﻟﻮ ﻛﺎﻥ ﺑﺎﺗﻲ ..."
... ﻳﺘﺒﻊ
الفصول الاربعة