الكاتبه /فخر العراق
✨ألمي وملاذ قلبي✨
_ما دام بيه نفس
_وبگلبي شايل. عشك
_ما راح اعوفك. ابد
_وما دام احبك صدك
_ما راح اجرحك بعد
_وانطيك مني وعد
_للموت ما نفترك
.............................................
وتين..
فتحت الثلاجه اطلع الدولكه اشرب مي التفتت واشوفه گدامي واگف
عمو لابس ملابس حج ويضحك بوجهي
بقيت مصدومه وبنفس الوقت ميته خوف گمت ابجي وارجف رحت اركض واصيح
_شغغغغف شغغغف
دفعت الباب وطبيت جانت تعدل بلغطه تريد تنام
_كمت مرعوبه وجها اصفر وتبجي وترجف كضيتها واني احجي بخوف
وتين شبيج شصاير
وهيه تبجي
_شغف هم اشوفين عمو مثلي
_ولج وينا ماكو
_ولج عمو التوفه اليوم يمشي وراي
كمت ابجي وادك على وجهي
_ولج والله شفته
بقيت خايفه شسوي لا صار بيها شي
_حطتني بحضنها واني ابجي واشهك شويه وحسيت احد يمسح بشعري التفتت وشفته گاعد حاط ايدة على شعري ويضحك
صرخت بأعلى صوتي من الخوف والرعب
_متت من الخوف عليها
ولج وتين شبيج
اجه حسين يركض على صريخها
_شغف شبيجن ليش وتين اصرخ
اجه گعد يمي وهوة يحجي وياي وميت من الخوف
_شغغغف احجي شبيهههها
_تگول اشوف عمو التوفه اليوم ويمشي وراي وهسه تگلي يمسح على راسي
وخرهه من حضني وهوة يمسح بدموعه حضنها ويمسح على شعرهه ولاول مرة حسين هيج يسوي ويه وتين لان اصلا ما معتبرهه اخته وما يتقرب بكلشي الهه اي شي يريدة يجي اليه وهيه حاسبها اصلا عادي حالها حال نرجس وحوراء علاقته بيها رسميه
بقه حاضنها ويقرة عليها
شويه وهدت وخرت من حضنه هنا حسيت بلغيرة من وتين ما ادري ليش هوة هم اخوهه والهه حق بي بس يمكن اني انانيه واريد حسين بس اخوي
حسين..
_ها وتين شلون صرتي
_زينه
_بعدج اشوفينه
_لا ماكو ما اشوفه
انتم هم اشوفونه
شغف.. لا تخافين حبيبتي هاي لان تفكرين بي هواي صار هيج روحي نامي علمود نگعد الصبح شي اكيد يجون يرتاحون
_تمام
گام وياها حسين نامت غطاها وباس راسها اني اباوع علي وگلبي مشتعل نار حسين ما يهتم بغيري اني يمكن لان ما متعودة اشوفه يهتم بيها بس اني جاي اغار من وتين
رحت نمت اجه باس خدي
_ديري بالج عليها شغوف
_هزيت راسي بمعنى اي طفه الاضويه وطلع
نمت وما حسيت بنفسي گعدت على صوت وتين تگعد بيه
_صباح الخير
_صباح النور
_اهلي اجو وهسه الساعه ب 8 الصبح
_ها بيش الساعه اجو من زمان
_لا هسه اجو واجيت اگعدج يالله گومي
بدلت ونزلت بيبي وامي ومرة عمي وابوي وعمامي ما جاين باقين هناك
اجو بس الولد والبنات
نزلت لگيت الصاله عبارة عن موته نايمين على الگاع بدون لا مخاد ولا شي
طبيت للمطبخ لگيت حوراء اسوي جاي
_شلونج حوراء
_هلا حبيبتي الحمدلله
_شخبار الفاتحه
_طاح حضنه اني ونرجس من التنظيف والجاي والولد ما نايمين من امس اجو يرتاحون خطيه
_جا ليش نايمين بلصاله حتى بدون مخدات
_همه حتى ما شافو الباب من النعاس
_گعديهم خل يصعدون ينامون
_راح اسوي ريوگ واگعدهم
_عوفي اني اسوي روحي ارتاحي تعبانه
_لا يمعوده ما عندي شي
_واني اطلع بلاستكانات.. جا نرجس وين
_بلحمام
_اها
الولد راحو للنجف
_اي كلهم راحو بس احنه بقينه
_خطيه ليش راحو يشوفون وهمه يدفنون
_اي والله شباب مو زين عليهم
_عمامي وابوي شلونهم
_والله خطيه يكسرون الخاطر ما قبلو يجون
_الله يساعدهم
حطينه الاكل بلمطبخ وراحت حوراء بلگوة گعدتهم بس ابا ذر ما قبل يگعد
رحت لگيته نايم واني اگعد بي
_ابا ذر ابا ذر گوم اتريك
_فزيت على صوت شغف بقيت صافن عليها
_شبيك صفنت شايف جني
_گعدت على حيلي.. انتي جني انتي المفروض يخلونج ملكه الجمال والنعومه والراحه النفسيه
_حجه هيج وطب للحمام بقيت صافنه هذا شبي
رحت گعدت يمهم واجه اباذر ياكل گعد وكل ما ارفع راسي الگا يباوعلي
گملنه وراحو الغرفهم نامو غسلت المواعين ورحت اقرة وبالي كله يم ابا ذر ليش هيج يحجي وياي ليش هيج تغير شنو يريد يوصل معقوله يحبني لا مستحيل ما اعتقد ابا ذر يحبني
بقيت اقرة ومرة الفاتحه ورجعو كلهم للبيت
وجنه گاعدين كلنه نتعشه شلنه المواعين وجاي يشربون جاي اجت وتين وبقت تحجيله شلون تتخيل عمو بقو يبجون على الموقف
شويه وحجه ابوي
_اليوم عندي موضوع وياكم راح اسافر لتركيا علمود باقر يريد يكمل دراسه وراح نروح كلنه واحتمال نستقر هناك
ابا ذر.. من سمعت بيهم يردون يرحون حسيت الدنيا وگفت معقوله يرحون وبعد ما اشوف شغف لا يالله
ام علوان.. شبيك يمه تخبلت تاخذهم وتروح خلي باقر يروح يكمل دراسه وحدة شعلي هوة ولد ما ينخاف علي
_لا يمه اني اريد اروح
_كافي تمسلت علوان شنو المضوجك هنا شغل وبيت وراحه وخوانك داير مدايرك شكو بعد
_لا يمه اخذت قراري ومن باجر اروح اسوي الجوازات
_لا ما تروح اني متعلمه على البنات ما يطلعن منا وحتى حسين ما تاخذه فهمت
_يمه گتلج اخذت قراري مو قصت دراسه علمود باقر اني اريد اهاجر من العراق
شغف.. بابا اني ما اگدر اروح وياك سادس ويتخربط عليه كلشي
_لا ما عليج هناك تنقلين وادرسين ما راح يختلف شي
_لا بابا يختلف من سيطرة الناصريه ما اطلع راح نبقى هنا تريد تودي باقر ودي
_جنج عليتي صوتج عليه شغغغف
_اعتذر بابا بس اني ما اروح وياكم اذا تردون ترحون روحو
_لا ترحين بس راح اخليج تجين وتبوسين رجلي بس علمود اخذج وما اخذج فهمتي
سليم.. ليش تحجي هيج وياها ما تريد تروح وهيه عدهه دراسه والسادس مو سهل يرادله راحت بال وراحه ماكو تفكير اجلها لغير مرة اذا انته عاجبك تطلع للخارج
_لا سليم اخذت قراري وشغف عمت على روحها بس تخلص الاربعين مالت اخوي الله يرحمه ازفج واخلص منج
_ما ازوج لو شيصير
_خليني اشوف شلون ما تزوجين بكيفج انتي ردتيها خلي يفيدج العراق راح تجيني وتتندمين لان ما طلعتي منه جربتها قبل اشبعي قهر وضيم بلعراق الكاتله روحج علي شوفي شلون راح يخيلج شيبين وانتي ما طابه العشرين
_بابا هاي حياتي تريد ادمرها
_لو سامعه كلمتي
_بابا لا اگدر اطلع للخارج ولا اگدر ازوج لان مستقبلي يدمر
_طبج مرض شعليه بيج
_شنو شعليك ترة اني بتك تريد ادمر حياتي
_ما يهمني بيج حتى لو بتي
قرب على اذني وحجه بصوت ناصي
_مثل ما حرگتي گلبي وخليتي وتين قريبه عليج وما نصحتيها تكون قريبه علينه راح احرگ گلبج
_اسمعا واني افور من جوة ليش يكرهني اني شعليه گايلتله يطيها لابن عمه ويرجعها
واني گايلتلك اطي
ردت احجي وسد حلگني بيدة وهوة يباوع بعيوني
_اصمين حلگج وتنجبين سمعتي ما اريد اسمع صوتج هذا الشي لازم اسوي من زمان واخلص من خلقتج
_بقيت متفاجئ معقوله لهل درجه ابوي يكرهني
گمت من الصاله صعدت اركض للغرفه قفلتها وگعدت ورة الباب ابجي گدام الناس الموجودة بلبيت كلها يحجي وياي هيج ليش قابل اني گتله يطي اختي
بقيت گاعدة ابجي ودگت الباب وتين..
يتبع••••
