الكاتبه /فخر العراق
✨المي وملاذ قلبي✨
اذا طگاتنه من العزاز چا ياهو اليرد حگنه؟
....................................................................
شغف..
بقيت گاعدة ابجي ودگت الباب وتين گمت فتحته واني منهارة من البجي
_شتردين مني شتردين كله بسببج اني شنو دخلني بيج خليتي ابويه يكرهني من وراج وراح يزوجني ويعوفني ويمشي ولا كانما بنته
_بقيت ابجي على كلامها.. شغف والله ما الي دخل اني شعليه هوة هيج يفكر تردين احجي ويا بلكت يتراجع
_واني احجي بصوت عالي.. شي اكيد يسمعج لان انتي بته الضالمها وجاي يذب حرگته بيه اني مو بنته جايبني من الشارع
سديت الباب بوجها گعدت على اركبي وابجي
ابا ذر..
من سمعت بقرار عمي ويريد يزوجها الواحد من اصدقأء وحتى الرجال جبير وجان ابوي يعرف بلموضوع وساكت عباله يتراجع
صعدت شغف تبجي واني اتمنى اگوم واضرب عمي واهينه مثل ما هانها وما خلالها قيمه بيناتنه
طلع ابوي ورحت ورا
_بابا بابا
_شكو ابا ذر شي اكيد علمود شغف
_اي يابه اني مو گتلك ليش غلست
_صارت وفاة اخوي وما گدرت افتح الموضوع
_هسه افتحه قبل لا يطيها لهذا الرجال الي اصلا اكبر من عمي علوان
_اصلا اني رايح احجي ويا واذا ما قبل انهي عليها انته واخوانك بعد ما يگدر يسوي شي
_خوش
سليم.. رحت لعلوان دگيت الباب وطبيت
علوان جايك بموضوع
_اذا على شغف هاي گرصه اذن الها خليها وخلي عنادها يفيدها
_بس هدي وصلي على محمد البت ما مسويه شي بس لان جانت الوحيدة قريبه على اختها هيج تتعامل وياها وادمر مستقبلها وحياتها وانوبه كل هذا رجال اكبر من عمرك ما يصير تفرق بين جهالك مثل ما حسين وباقر ووتين جهالك شغف بتك
_لا اجيبلي طاريها
_تمام اذا انت مصر ما تتراجع عن قرار الزواج عوفعا يمي وروح
_انت صاحي سليم البيت متروس ولد شلون اخليها بدون زواج بنصهم
_تمام تزوج واحد من الولد عل اقل ابني واعرف شبي ما بي احسن ما تروح للغريب گدام عينه وهيه بعدهه زغيرة مهما يكون بتك ولازم ادور مصلحتها
_المنو تريدها
_اخطبها البا ذر
_ابا ذر ليش صاير شي واني ما ادري سليم
_لا خويه شنو السالفه بس هوة اجاني قبل لايتوفه اخونه الله يرحمه يريد يخطبها بس گتله بعدين وصارت الفاتحه وما صار وقت فليش تبقه بنفسه وهوة يريدها نجمعهم وگدام عينه ومأمنين عليها وهيه بتنه
_بلخير بس تطلع الاربعين هوة عقد هوة حنه هوة زفه وبدون حفله ولا اي شي لان ما يصير توهه عدنه فاتحه
_شنو سالفتك سليم هم خطيه هيج بس خطوبه وخلي الزواج ورة اشهر شيگولون علينا الناس ابن عمها ونفس البيت شي اكيد صاير شي وزوجوهم هيج
_واحنه شعلينه بناس هذا اتفاقنه قابل لو لا
_ها هيه خليني اروح اگلها
_وهيه تدري ابا ذر يريدها او بيناتهم علاقه
_الي اعرفه شغف ما تدري با ابا ذر يريدها
_الرضت والما رضت غصبا عليها
_بس على كيفك خويه
_روح سليم مالي خلك
طلعت من الغرفه واني مرتاح لان قبل بدون مشاكل ولان شغف راح تبقى گدام عيني لان اني اعزها بمعزت بنتي وارتاح من اسولف وياهه احسها مثقفه واعيه وعقلها جبير رغم هيه زغيرة جنت رايدها الواحد من الولد والحمدالله بس خايف من ابا ذر ادري بي ما ينكض ودايح بس گلت ما دام يحبها يعوف سوالفه ويلتهي بيها
طلعت ولگيت ابا ذر واگفلي بلباب
_ها يابه بشر
_عل خير بويه ورة الاربعين هوة عرس هوة خطوبه
_شنو يابه ما خذها فصليه حتى الله ما يرضاها
_هذا شرطه وريد تتراجع
_لا اهم شي قبل
_يالله اروح احجي وياها خطيه تلگاهه هسه تبجي
_بابي خليني احجي وياها اني
_لا ابا ذر خليني اني بالله شافكم واحد اصير مشكله
_يابه انت اگعد على الدرج واني ادخل احجي وياها مو راح اصير مرتي
_ابا ذر
_والعباس ابو فاضل ما اسويلها شي بس احجي وياها ما اثق ببنك
_لا تزعل بس ما اثق بيك
_اووف يالله انته ابقه هنا خاف احد يريد يطب للغرفه لا تخلي
_گول وعد ما اسويلها شي
_وعد.. بسته بخدة ورحت دگيت الباب
وهيه تححي بصوت عالي
_خير شكو
_اني ابا ذر شغف افتحي الباب
_شتريد ابا ذر ترة ما الي خلگك روح عني روحي طالعه
_اريد احجي وياج
_شكرا على مواساتك تريد تشمت بيه
_شنو هذا التفكير المابي خير افتحي هسه
_رحمه للحسين لا اسويلي سالفه روح عني
_درت وجهي على ابوي وحجيت.. بابا ما تقبل تفتحلي الباب
اجه وحجه وياها
_شغوف عمو ادري بيج ضايجه وما الج خلگ افتحي الباب يريد يحجي وياج واوعدج ما يسويلج شي واني قريب على الغرفه خاف يصير شي
_عمو يريد يحجي يحجي من وره الباب
_يا حبيبتي يا عمو موضوع مهم يالله
فتحت الباب وهيه لابسه حجاب وعيونه حمر
_يالله تسمحين لابن عمج يدخل يحجي وياج ويطلع واذا ما تردين طلعي بطارمه
_خلي يدخل
ابا ذر.. دخلت وسدت الباب اباوع للغرفه عبارة عن ملازم واوراق تارسه الگاع
_اعذرني جنت اقره
_راحت لمت جربايته وخرت الاوراق
_تعال اگعد هنا
_رحت گعدت وهيه گعدت بعيدة عني
_اي احجي شنو الموضوع
_الموضوع يخصج
_ليش
_ااا ما اعرف شلون ابدي وياج بس الاگدر اگوله شغف اني احبج
_بقيت متفاجى من حجه وگالي احبج حسيت بخوف وارتباك وتوتر
بقيت اباوعله واني مصدومه
_ليش ساكته شغف ما تردين
_بقيت متوترة احس جسمي كله حار وتطلع من عندة حرارة اختنگت وگمت فتحت الشباك اريد اتنفس اجه يركض عباله اريد انتحر
_شبيج هاي بس گتلج احبج وهيج ادهورت حالتج جا لو حجيت الابگلبي شيصير بيج
_ابا ذر جاي تضحك عليه
_ليش اضحك عليج ادري بيكم كلكم معتقدين اني واحد طايح حضه
_همزين تدري بروحك
_اووف ما راح ارد بس اريد اگلج اني احبج شغف من زمان كل هاي الفترة المحلج وانتي ولا يمج ولا تحسين تگول عبالك اتعامل ويه حجر فاهيه والفهاوه الشايلتها ماكو مثلها
شغف انتي بگلبي من واحنه زغار واني احبج جنت انام بس اتحلم انتي مرتي ونزوج
_ما توقعتها ابا ذر صدمتني
_المفروض ما تنصدمين لان تصرفاتي تغيرت وياج هاي الفترة
لزمت ايده ودرتها عليه واني اباوع بعيونها
گليلي ما لاحظتي اني متغير هاي الفترة وياج
_لا حظت بس ما توقعت انو تحبني ابا ذر
_لا توقعي والله احبج هسه انتي ما مصدگتني
_ابا ذر خايفه من كلشي خايفه منك ومن اهلي ومن ابوي ومن الناس شتگول لازم يگولون بيناتهم شي وتزوجو و وبنفس البيت
_يا عمري احنه شلنه بحجي الناس اهم شي حبنه
_ابا ذر والله خايفه
_شغف اوعدج ما راح ااذيج ولا اسويلج اي شي اني احبج واوعدج ما اعوفج ولا اتخلى عنج لاخر يوم بعمري جاي تفهمين اني جايج بلحلال ليش ما مصدگتني
اذا على ابوج گاله ابوي وخطبج واطه الموفقه ورة اربعين عمي نزوج هيه خطوبه وهيه عرس
_شنو عرس ورة الاربعين يمته هذا الحجي ابا ذر حتى ما احذتو موافقتي
_احمدي ربج شغف ابوج راد يطيج..
يتبع•••
