الكاتبه /فخر العراق
✨ألمي وملاذ قلبي✨
وبسببكم .!
غيرتنه الوادم المابيها خير .💔
...................................................
ام علوان..
_شتردين اكلج فراشه مثل ما يگلج اباذر
_بيبي رحمه لهلج لا ذكرين اسمه گدامي
_يا شجاج شو تعاي يمي
رحت گعدت يمها واني امسح بدموعي
_ايه شگد تبجين كافي
_ياريته يستاهل
_ابن عمج ويمون
_لا تخليني اغلط بيبي شلون ابن عم طيح حضي
_يالله حبيبتي الله يعوضج بدال هاي الدموع وياخذ حقج منه الله ما ينساج
_اريد اروح اقرة رايدة شي
_سلامتج بس انتي ما تقرين بليل
_اي صح عندي واجب واريد احله
_روحي ونامي على وقت مو زين عليج السهر
_تمام صبحين على خير بيبي
بست راسها وطلعت صعدت للغرفه لگيت حسين نايم بلگاع
_ثول اي والله مو مال احترام
_هاي عليمن ولج
_عليه مو عليك
_اي خوش لا تزعجيني اريد انام طفي الاضويه وياج
_طفيت الاضويه اخذت كتبي وطلعت من الغرفه باوعت على غرفه اديان واريد اهدمها على روسهم
رحت گعدت بلمطبخ والساعه جانت ب 12 بليل بقيت اقرة واحل تمارين منا يمن صارت ب 3 الفجر لميت كتبي ورتبت الجدول رحت توضيت رجعت الغرفتي صليت ونمت
گعدت على صوت المنبه ب 5 الصبح نزلت اسوي جاي گعدت اتريگ واجه محمد
_صباح الخير بت عمي
_صباح النور شعدك گاعد من هسه
_عندي شغل
_اها شغل شنو
_لگيت شغل يم الشط اصفي الماي
_اي عل خير ان شاءلله
_انتي شعدج گاعدة والساعه 5 ونص
_عندي دوام
_دوامج ب 8 شدعوة گاعدة هسه
_عندي مراجعه
_اها خوش
_اصبلك جاي
_اي صبيلي ما عدنه غير هذا الجبن
_تريد گيمر
_لا الگيمر ما اكله الصبح يغثني
_جا شتريد اطبخلك روحي
_اي بس خاف اطلعين مو طيبه
_هههه راح اسويلك بيض
_لا ما اريد راح اكل هاي القشطه
_تمام
صبيتله جاي وگعدت اراجع لحد الساعه 7 الا گمت كويت ملابسي وبدلت ونزلت لگيت بيبي گاعدة
_صباح خير بيبي
_يا هلا بهل البنات صباح النور
_بس فهميني شعدج تگعدين من الصبح
_يا ولج يا صبح هذا الساعه ب 7 ونص
_اي جا شگول على حضي اگعد ويه گعدت الديج
_هههه احسن علمود اصيرين صحيه
_يا صحيه ما نايمه بس ساعتين شنو حيوان
_انتي ليش رايحه جان ماخذه اجازة اليوم
_وليش اخذ اجازة مثلا اها نسيت اليوم صباحيه زوجي هالله
طلعت واني اهز بيدي احجي ويه الناس بلگوة بس اريد انسى بقيت گاعدة باب المطبخ على مة اجه الخط رحت للمدرسه وقهر الامتحانات من جهه ثانيه بطلاع الروح خلص الدوام انوب اجانه اضافي من 12 ال 1 الظهر
خلص الاضافي رحت للسيارة واني مغمضه عيوني واسحل بروحي سحل
ميار.. شبيج شغف وجهج اصفر بلگوة تمشين
_ولج ما نايمه بس ساعتين انوبه اجانه الاضافي صفح اريد افتهم حيوانات احنه
_هذا السادس يا عيني
_من انعل ابو السادس لا ابو اليدرسه
_على كيفج
_اي انتي من الموصل مرتاحه
_وحد ترة كل احنه بلعراق اليشيب الراس وهوة بسن المراهقه
_هههه هوة العراق بعد
_الله كريم
وصلت للشارعنه جنت اخير وحدة من راد يدخل للشارع طبت گزازة بلتاير مالت السيارة
_خويه انزلي بنجر التاير
_اها راح اصيح اخوي يسوي وياك
_لا شيجيبه الدنيا حارة اني اسوي هسه
_عفته ورحت للبيت اصيح حسين
طبيت للمطبخ واني ميته حر وجوع وعطش ونعاس طبيت للصاله كلهه گاعدة تتغدة اباذر واديان بس حسين ماكو
_السلام عليكم
_وعليكم السلام
حسن.. تعاي تغدي صايرة تگول واحد جاي من العماله
_انعم الله عليك
ام علوان.. شو تأخرتي اليوم وين جنتي
_عدنه اضافي
اديان.. من يگول اضافي
_شنو مو اني مثلج دايحه
بقت كلهة صافنه عليه
_اباذر سمعتها شگالت عليه شتقصد
_ما صميتي حلگج وسكتي
ردت اصعد ونزل حسين يثاوب
_اي استاذ حسين صح النوم توك گاعد واختك لا شابعه نوم وشمس العراق سلگتها سلك
_الروحج قابل الي
_تعال اطلع للولد
حط ايدة على متني وهوة يمشي بأتجاه المطبخ.. منو صاحبج متغدي لا
_حسيون لا ضل تمسلت ابو الخط بنجرت السيارة مالته اطلع سويها ويا خطيه وحدة
_هاي العطلات من الصبح
_يا صبح الساعه فوگ 1 الظهر
_عندج مو عندي
_تعال اخذله مي وياك
اخذ الماي وطلع رحت للصاله شمرت الجنطه على القنفه وگعدت اريد اكل وحجت اديان
_تاكلين وانتي بملابس المدرسه ايعع
_ههه بيت اهلج بيت اهلي وبكيفي
_اي صح بس هوة صار بيت رجلي هسه
_اي صح مسجل بأسمه رجائا لا تحجين لان ما الي خلگ ارد عليج مزاجي ما يسمح الي
كلهه تباوعلي وكاتمه الضحكه
فقار.. شلونها امتحاناتج شغف
_والله يا عمي اقرة منا ويطلع منا حتى الواهس يطير
اديان.. خوب گولي اني غبيه
_باوعتلها واني رافعه حاجبي.. جنج اليوم تردين تتعاركين
اخذت جنطتي وصعدت وبيبي اصيح وراي تريدني انزل لان ما تغديت بقيت اسمعها ترزل بيها
طبيت للغرفه نزعت شالي شمرت روحي على الجربايه بدون لا مخدة ولا غطه نمت وما حسيت اله على احد بلغرفه فتحت عيني واشوف اباذر حط صينيه الاكل بلگاع
_ليش هيج نايمه بملابسج ما ترتاحين
_هم تريد تطي محاضرات مثل مرتك
_تعالي اكلي ما تغديتي
_جؤجؤ ليش تعبت نفسك روح ليش عفت عروستك وحدهه ما يصير
_شغف كااافي
_انزعجت حقك تگدر تروح وشكرا على الاكل واحب اگلك هاي التصرفات والاهتمام الاجه من تالي ما راح يغير شي بلبگلبي عليك
طلع وطبگ الباب بكل قوته گمزت من الصوت
_شماله هذا رحت للصينيه لان صدگ جوعانه باوعت عليها دجاج وتمن وروبه وخضرة وفواكه
والله خوش يعرف يحضر الصينيه عفتها ورحت غسلت وغيرت ملابسي وگعدت اكل وافكر بي
يا الله هسه اني على شنو افكر بي منو هوة واحد لا عندة كلمه وخاين وبذات اذا يحبني وهيج يعاملني ليش خاني
گمت اخذت الصينيه ونزلت جوة غسلت المواعين صبيج جاي اريد اخذه واصعد وصاحت عليه مرت عمي سليم
_وين ست شغف حاسبه روحج بت هذا البيت غلطانه انتي جنه هنا حالج من حال البنات تنظفين واطبخين مو گاضيتها بس مدرسه واقرايه وحتى ابني ما اطيتي حقه
هيه تحجي وسمعت صوت بيبي صاحت بصوت كلها اجت
_نادددددديييييه مننننوووو سمحللللج تحجين ويه بتتت ابني هيج
_مثل ما بت ابنج هسه هيج جنتي
_ما شاء الله عليج جنت ابنج هيج تحجين وياها سمعت سليم
سلبم.. گدام الكل شغف ما راح تلمس اي شي من البيت ومحد يأمرها لا بطبخ ولا بتنظيف منا الى من تخلص السادس بذاك الوكت يتقسم الشغل
اديان.. اذن اني همين ما راح انظف لان عندي جامعه ودراسه ما الحگ
_لا انتي حالج حال البنات ما گاعدة هنا اميرة هيه سادس ما عدهه وقت اما انتي جامعه ما يحتاج سمعتي
_اباذر شفت شلون يفرقون هاي لان بت اخو هيج يدافعلها
ناديه.. انتي بت اختي وادافعلج لا تخافين
سليم اديان حالها حال شغف
_انتي تعانديني ناديه ترة مو من صالحج
حسن.. روحي شغف اصعدي ما عليج لا تدخلين
_عفتهم وصعدت واني بگلبي حسرة ليش مشو وعافوني بهذا الذل شنو السويته حتى اتعاقب هيج
مسحت دموعي وگمت طلعت كتبي علمود اقرة محد راح يوگف وياي غير هذا الكتاب هوة الراح يطلعني من الجحيم البي اني
مر شهر على زواج اباذر من اديان وطول هذا الشهر اباذر بس يحاول يحجي وياي كلمه بس ما انطي مجال گمت انام يم بيبي لان اخاف انام وحدي بقيت بس بنهار اصعد اقرة وبليل ارجع انام
بدة يشتغل عماله من العصر لليل اله يرجع لان الصبح عندة جامعه
جنت گاعدة اتعشه ودخل اباذر.. ...
ييييتتتبببعععع•••••
.....................................
الجان يو عدني بوطن هدملي بيتي وراح .!
