الكتابه /فخر العراق
✨ألمي وملاذ قلبي✨
شايف من تبين عود ما مكسور..
تضحك وبضحكتك تنزل الدمعه !
منها وگمت احس بحرگه الفلاح ؛
من يوصل حصادة ويحرگ زرعه..؟
............................................
شغف..
طلعت من الغرفه واشوف حسين يحط ملابس بجنطه
رحت اله
_حسين وين راح تروح
_مقابله راح اروح لبغداد
_مقابله شنو
_مالت الكليه العسكريه راح ابقى يومين
_حسين فدوة طلع الفكرة من راسك
_روحي امشي سويلي عشه واكويلي هذا القميص ونظفي الغرفه وياج
_انت المن اجيت ليش ما بقيت بتركيا
_ليش ما تنجبين مو احسن ترة ضوجتيني
_حسين عليك الله لا تروح
_ما اگدر يغرموني
_لا ضل اجذب
_شغف روحي عني
_عفته ونزلت جوة اريد ابجي اريد اصرخ ما اريدة يروح اذا صار ضابط مستحيل يبقى حسين نفسه يا يموت يا يصير واحد بدون اخلاق ما اگدر اتخيل حسين يموت كلشي خطر بلعراق
سويت اله عشاء اجه ياكل
_تعال تعشي
_ما رديت علي صعدت فوگ نظفت غرفته وكويت ملابس رحت لغرفتي گاعدة وروحي ما طايقتها
نفتح الباب واشوف حسين دخل
_اختي الحلوة شبيها زعلانه
_اطلع برة وسد الباب وراك
_هسه شنو سالفتج يعني شنو الحل برئيج
_عوف سالفه الضباط
_واذا اگلج اني اريد الضباط اريد اصير ضابط
_وخر عني حسين ما اريد احجي وياك خل الضباط تفيدك
_اووف يا ربي فدوة افهمي
_ممكن تطلع برة اريد انام
_شلج بهل جذب توج گعدتي
_سكتت ما رديت علي درت وجهي وسويت روحي نايمه
باس راسي وطلع بقيت ابجي جوة البطانيه
راح حسين واني ادعي ما يقبلونه بس قبلوة وبدة يداوم واني بديت بدوامي اول شهر واباذر صار مرحله اولى
مر شهر على دوامنه وحسين ما احجي ويا الحد الان واديان اباذر ما يقبل يرجعها وهيه بشهرها
رجعت من الدوام والدنيا تسمط سمط واباذر هم رجع گعدنه نتغدة اني ويا ودگ تلفونه
_منو هذا الدگ
_ابو اديان
رد علي
_السلام عليكم
_وعليكم السلام هله عمي
_مرتك تطلگ تعال اخذها للمستشفى
_تطلگ هسه اجي
سد التلفون منه
_شيريد
_اديان تطلگ راح اروح اخذها للمستشفى
_اهاا اجيب بسلامه
_لا ضوجين شغف
_على شنو اضوج
شلت الصينيه وغسلت المواعين
اصبلك جاي
_اي بس بسرعه
_صبيتله جاي وصعدت للغرفه واني مختنگه ما ادري ليش من سمعت بأديان راح اجيب ضجت شي اكيد راح يرجعها ما يعوف بته نمت من التفكير وما ادري بروحي
گعدت المغرب نزلت لگيتها كلها گاعدة بصاله واحد صافن بوجه الثاني واباذر يدخن ويم بيبي الكاروك بي طفل
_السلام عليكم
_وعليكم السلام
_شبيكم واحد صافن بوجه الثاني
رحت يم الكاروك گعدت اباوع على الطفل البلكاروك شكله جان حلو ابتسمت واني المسه
هذا ابن منو
ام علوان.. بت رجلج ولج
_بت رجلي جا ليش بس هيه امها وين
_وحدة دايحه وگح*ة
_خير بيبي شكو ليش جا يبينها هنا البنيه
_ذبتها نسوان ما تخاف
_بيبي احجي شكو
_تريد تطلك ما تقبل تعيش ويه واحد يشتغل عماله وما ترضه تخلي البت عدها تربيها تبرت منها
_صدك وين اكو مرة تتبرة من جهالها
_تريد اديح
_ومنو يربيها
_ما ادري يا يمه اني ما بين حيل ومرت عمج هم ما ترضه
_ارتجيت على الكاروك واني اباوع عليهة ومبتسمه
شويه وحجيت بدون تفكير
بيبي اني اربيها
گلت هيج وكلها بقت صافنه عليه
ناديه.. اني ادري بنواياج تردين تاخذينها علمود اذبين حرگه امها بيها ما تخافين من الله
_باوعتلها صفح ما رديت
_بيبي اني مستعدة اتكفل بتربيتها وبأعتبار بنتي بس بشرط
اباذر.. شنو الشرط
_تسجل بأسمي اني امها حتى مو اني اربي وبعد يومين تحله بعينها وترجع تاخذها
_ها هيه تسجل بأسمج
ناديه.. لا ما اصير بتج تردين تعذبينها علمود تكسرين عين امها
_بس اريد افتهم ليش تفكرين هيج شعليه بأمها
اباذر.. ها هيه باجر اطلگها وهاي البنيه اصير بت شغف وهيه امها وما اريد احد يگول هاي مو بتها او يسمعها حجي الفرق بس ما طلعت من بطنها
حسن.. اي شراح اسمونها
اباذر.. بت شغف هيه اسميها
_يالله شغف شنو راح اسمينها
شغف.. لا اصير ملگوف خليني افكر
نرجس.. شغف انتي جنتي تگولين من اصير عندي بنيه اسميها ماسة
ناديه.. اي بس هيه مو بتها شي اكيد ما راح اسميها
حسن.. هسه شنو يالله احجي شنو اسمينها علمود ادورلها دلع
_مو دلعها دلع مو حلوة ترة ما اسمحلك سمعت
_ديالله احجي
_حجيت واني اباوع عليها وفرحانه وبنفس الوقت كسرت خاطري لان امها تركتها شلون اطاها گلبها... راح اسميها ماسه
محمد.. اسمها حلو بس اني عندي احلى
_لا هذا الاسم الها عود من اصير عندك بنيه سميها بليعجبك
_ايه منين يحضي اباذر كسر السرة وتزوج گبلنه كلنه
فقار.. بشرفكم اني عمه وما مزوج وهوة تزوج ثنين وصارت عندة بنيه حتى الله ما يرضاها
سليم.. وانت ميلك شغل شتطيها متگلي تطلك عيني واذب بتها مثل ست اديان سوت ضل هيج احسلك
_حجه ولاحت ما الي غرض زوجوني لا احرگ روحي
حسن.. تلگه بطل البانزين بسيارة روح رشه على روحك واطلع بشارع وشغل الجداحه وهنا راح تموت وترتاح من حافرها ونعلها شلوني
ام علوان.. يمه الزهرة بيش تفتر على ابني
_اي بس هوة وحد
شغف.. طلعت. البنيه من الكاروك وگمت
_وين رايحه شغف
_بلغرفه وين غراضها
اباذر.. اصعدي اني اجيبهن وراج
_صعدت واني فرحانه صارت عندي بنيه وراح اسد الفراغ البي اني وانسه سالفه اباذر
حطيتها على الجربايه واباوع عليها ومبتسمع دخل اباذر وشايل الجنطه البيها غراضها حطاها بلگاع واجه گعد گبالي
_شكرا شغف على وگفتج هاي
_عادي ما سويت شي تره هيه بنتي
_ما تدرين شگد متندم لان جرحت گلب نظيف مثل گلبج
_شنو راح يفيد الندم
_احاول اصلح الصار
_عوف هاي السالفه وگوم نام
_عندي شغل
_بس انت ما نايم شلون راح تطلع للشغل
_صح بس لازم اطلع هذا البيت گبالنه الاشتغل بي
_عوفه اليوم
_ما اگدر
_گام طلع ملابس الشغل وهوة عيونه بلگوة مفتوحات من النعاس وجها صاير اصفر
گامت تبجي ماسه
_اباذر گامت تبجي شسويلها
_تحجين صدك سويلها ممه غيريلها جا اني شدراني
_حطيت الها ممه ما تسكت
_روحي اخذيها البيبي هيه تعلمج
_شنو تعلمني زغيرونه انه
_صار الج ساعه ما تعرفين اسكتينها جا وينج
_شدراني هيه تبجي بدون سبب
اخذتها ونزلت البيبي لگيتها اصلي رحت العمتي مروة
_شبيها شغف
_ما اعرف تبجي ما تقبل تسكت
_هههه عليج لله جا ما تگليلها سكتي وتسكت صدك جذب شلون راح تربينها
_هسه انتي جاي اضحكين عليه تعاي شوفيها راح تموت من البجي
_اجت اخذتها مني وسكتتها
بقيت على هذا الحال اسبوع انام يم عمتي مروة تعلمت شلون البسها وانومها اخذتها وصعدت الغرفتي بقيت انوم بيها واني بلگوة فاتحه عيوني من النعاس شفت باب الغرفه انفتح باوعت حسين دخل
_شغف شلونج
شاف ماسه بقه رافع حاجبه
_هاي شنو شغف المن هاي البنيه
_بتي
_شنو شنو بتج شغف بتمن هاي
_بت اديان ما تريدها واخذتها اني راح اربيها
_شنو لعابه وما تريدها هاي بتها شلون تربينها انتي
_شبيك واذا
_شنو واذا تربين لغيرج
_شنو اربي لغيري صارت بتي اني اربيها وتسجلت بأسمي
_يعني بأسمج
_اي بأسمي مو بأسم اديان
_شغف بس انتي ما راح تتحملين صعبه
_مثل ما اني مالي دخل ورحت تدرس كليه عسكريه انت هم لا تدخل فهمت...
ييييتتتبببعععع••••
.............................
ولو كلامي اشوف بي قسوة..
دقيقه من الدقايق جنت ما تسوة ..!
لا تنسون التصويت ⭐
