الكاتبه /فخر العراق
✨المي وملاذ قلبي✨
الحب ليس بعبارات جميله فقط الحب هوة الاهتمام والحنان والدفئ والراحه والامان هم من يحددون مد حبي اليه..♕♡
........................................
ابا ذر.. احمدي ربج شغف ابوج راد يطيج الواحد اكبر من عندة
_جاي تعيرني ابا ذر
_شنو هذا الحجي شغف اعيرج شنو بس انتي فهمتي غلط
_
لا ما فهمت غلط تريد تبين انو انته تزوجني راح اسوي فضل احسن من ما ازوج واحد اكبر من ابوي
_رحمت الله شغف شنو هذا التفكير جاي اگلج اني احبج
_اثبت انته تحبني شمدريني ما يطلعون جابريك
_ماكو احد يجبرني شغف افهمني اني احبج وخطبتج برضاي
_واذا عفتني
_گتلج راح نزوج شنو اعوفج
_كلشي اتوقع
_استغفر الله راح تخليني افقد اعصابي بابا افهمي اني احبج وخطبتج مو علمود شي وآلله
_ابا ذر اطلع برة
_شغف انتي ليش ما صدگين بيه
_شكم وحدة جوة اديك تضحك عليهن هسه
_صدگيني من يوم الطبيت للكليه هاي السالفه راحت من بالي وما مراسل اي وحدة جنت مراهق وطايش وما اعرف شسوي
_اطلع ابا ذر وعوفني
_شغف
_اطلع من الله ياخذ شغف ان شاءالله
_اسم الله عليج لا تگولين هيج والله مستحيل اعيش بدونج
_گعدت بلگاع واني مرتجيه على الجربايه وراسي بين رجليه.. ابا ذر اطلع برة
_طلعت برة واني راسي احس راح ينفجر من العصبيه اجيت واعترفت الهه وهيه ولا هامها
شغف.. بقيت ابجي اجت وتين للغرفه شفتها گمت مسحت دموعي وبقيت الم بلاوراق گعدت ارتب بجدولي وهيه گاعدة على الجربايه تباوعلي وتريد تحجي
وتين.. شغف ليش هيج تعاملين وياي اني شنو دخلني بأبوي
_احجي واني اسوي بلكتب.. اسفه صارت بوجهج جنت عصبيه
اجت گعدت يمي وهيه تحجي.. روحي احجي ويا بلكت يعوف فكرت الزواج
_وتين شفتي شلون ذلني گدامهم جان يگدر يگلي بدون احد يدري بس هوة هدفه يدوس بكرامتي
_لا تحجين هيج هوة يحجبج وانتي بته
_لا غلطانه اني محد يحبني
_اني اختج اني احبج ولا راح اتخلى عنج مثل ما وگفتي وياي راح اوگف وياج
_حظنتها وبقيت ابجي ارتاحيت من حجت وياي هسه حسيت بقيمتها بحياتي قسيت عليها بس هيه ما عافتني جان السبب ابوي يريد يفرق بيني وبين اختي
_شغف خلينا انروح نحاجي ماما وبيبي
_ما راح يسون شي
_كافي عناد يالله گومي
_ما اطب غرفه ابويه
_اني راح اروح واذا ما قبل انروح نحجي ويه بيبي
_تمام
_تعالي وياي اوگفي يم الباب
_ما اگدر اطلع
_لا شلعين گلبي وراي مراجعه الصبح گومي
_گمت وياهه بقيت واگفه وراحت وتين شويه وطلعت اجتني
_ها بشري شنو گالت
_تگول صار ساعه احجي ويا بس هوة معاند اله يزوجج وانوب لبا ذر
_بقيت ساكته وبگلبي حسرة
_شغف تدرين ابا ذر هوة الي راح يزوجج
_مساع دريت
_اهاا اذا هيج معناتها انتي تردين ابا ذر
_لا وتين اني ما اريد احد والله ما اريد ازوج لا ابا ذر ولا غيرة كل همي مستقبلي واحصل معدل عالي
_هسه شنو نروح لبيبي
_اني راح احجي وياها بس خاف نايمه
_لا الساعه بلعشرة يجوز تلگينها تقرة قرأن
_تمام
نزلت واني امسح بدموعي ينزلن وحدهن وخرت ايدي واشوف ابا ذر وباقر گاعدين بصاله نزلت وحته ما باوعت عليهم كارهه كلشي دگيت الباب
_تعال يمه منو
_اني بيبي
_هله بيج شغوف ليش ما نزلتي تعشيتي ولج خفت عليج
_لا تخافين مابيه شي
رحت گعدت يمهه وهيه تقرة قرأن
_تعالي يا بعد بيبيتج حطي راسج بحضني
_حطيت راسي بحضنها ودموعي تنزل وهيه تمسح على راسي شويه وسمعت الباب ندك دخل وطلع ابا ذر سويت روحي نايمه ما تحركت
ابا ذر.. شبيها شغف بيبي
_ما بيها شي شويه تعبانه
_شبيها شوفيها خاف حرارتها مرتفعه
_حطيت ايدي على وجها.. ما بيها شي لا تخاف مرتك المستقبليه ما بيها شي.. ابتسمت
_هههه ديري بالج على مرتي بيبي
_والله وكت انت الطايش والتحرك بگلبها توصيني عليها واني گبل جنت اوصيك عليها
طلع وبقيت بس ابجي من حجيه بدون صوت مسحت دموعي وگمت من حضنها
_بيبي فدوة حاجي بابا خلي يتراجع عن الزواج والله ما اريد ازوج اخاف من الزواج
_اسم الله عليج يمه ليش تخافين الزواج ما يخوف استقرار للانسان وبعدين الراح يزوجج ابن عمج وانتي عايشه ويا وتعرفين شبي مابي بعد على شنو الخوف
_واني ابجي.. بيبي والله راح يدمر مستقبلي اذا ازوج
_لا حبيبتي انتي راح تبقين يمي شحدة اليحاول يدمر مستقبلج لا تبجين
_زين قابله بأ ابا ذر بس خلينه نزوج ورة السادس مو ورة اربعين عمو
_مو ابوج يريد يروح ورة الاربعين جا ما يقبل يعوفج بدون زواج ويمشي حتى لو خطوبه ما يرضه والله قنعته وحجيت ويا بس هوة قافل شمسويه وهيج شاد وياج
_حجيت بعصبيه.. شمسويع قابل شايفني نايمه ويه ابا ذر
طلعت من الغرفه اركض للطارمه حتى ما انتبهت منو بصاله گاعد
بقيت ابجي واشهك بصوت شويه وحسيت بأحد گعد يمي وحط ايدة على راسي
رفعت راسي واني عيوني بس الدموع تنزل منها عمو فقار
_واني ابجي.. عمو حاجي بابا فدوة
_حاولنه كلنه بس هوة قافل الا يزوجج
_حطيت راسي على رجليه وابجي بصوت عالي حظني وباس راسي
_لا تبجين حبيبتي قابل وين ترحين هوة يمنه ونفس البيت واذا على ابا ذر لا تخافين منه ترة خوش ولد وحباب وهوة يحبج وخطبج بأرادته ليش هيج اسوين
_تحمد بي لان ابن اخوك
_ههههه وانتي مو بت اخوي
_بقيت ابجي
_رحمه للعباس شغف كافي شنو هاي عيونج راحت من البجي عندج دراسه لا سوين هيج
سمعت صوت ابا ذر وراي ويحجي
_عوفها عمي اذا تبجي لان ما تريد تزوجني خليها ترفض وتزوج واحد بگد جدها
_تعيرني گاعدة بيتك وما ادري مسوي فضل منو گلك اخطبني
وهوة يخزر بيه
فقار.. ما عليك بيها ابا ذر عصبيه وصارت بيك لا تهتم لحجيها روح الغرفتك
وانتي شبيج تحجين ويه الولد هيج ترة خطيه جاي اجرحين بمشاعرة
_خايف على مشاعرة بس اني محد يخاف على مشاعري
_كافي شغف ترة مصختيها لا تحجين هيج انتبهي لكلامج ويه الناس اجرحين الناس وما تحسين بنفسج لازم توازنين كلامج مو جبير وزغير تگبين بوجهه خوش
_سكتت ما رديت علي
_يالله گومي باجر وراج دوام
_گمت ويا طبيت الغرفتي وتلگتني وتين
_ها شغف بشري شنو گالت
_الناس فرحانه وما مصدگه ابا ذر راح يخطبني
_شغف انتي ليش هيج ويه ابا ذر ترة الولد يحبج وخطبج حتى يخلصج ما تزوجين رجال شكبرة ودائما يتعامل وياج بلطف ليش هيج رافضته
_وتين اني رافضه فكرت الزواج كلهامو بس ابا ذر
_لا ضيعين الولد من ايدج ترة حباب وسوالفه المكسرة عايفها فكري ولا ضيعينه من ايدج
بقيت ساكته ما رديت عليها ذبيت الشال ورحت غسلت وجهي اجيت انام وبقيت افكر بكلام وتين
ابا ذر ما مسويلي شي ويعاملني بكل هدوء رغم اني اغثه بكلامي بس هوة ما سمعني حجايه حتى مساعه من حرگت گلبه وتحملني هواي اجه اعترف وراح يخطبني ونزوج ليش ما اكسبه بلكت اعيش ويا مرتاحه
بقيت افكر طول اليل واخر شي...
يتبع•••
