ពេលខ្លះមនុស្សលោកយើងគួរតែតាំងចិត្តឱ្យស្ងប់ហើយព្យាយាមដើរទៅមុខដោយមិនចាំបាច់ងាកមើលអតីតកាលព្រោះអតីតកាលខ្លះវាមិនគួរឱ្យយើងមកចងចាំនៅក្នុងខួរក្បាលនោះទេ កាន់តែចងចាំវាភាពឈឺចាប់កាន់តែកើតមានឡើងដូច្នេះរំសាយវាចោលខ្លះទៅ។
«ស៊ុងហ៊ុន...សាកញ៉ាំនំពងទាដុតនេះសាកមើលរសជាតិយ៉ាងម៉េចដែរអូនទើបតែដុតហើយអម្បាញ់មិញនេះឯង»ជេគលើកថាសដែលដាក់នំចេញពីម៉ាស៊ីនដុតនំអគ្គិសនីទាំងទឹកមុខញញឹមពពាយគេខានធ្វើនំបែបនេះយូរហើយ
«ល្អណាស់បងឃ្លានល្មម...ហ៊ឹមឈ្ងុយណាស់»ស៊ុងហ៊ុននិយាយហើយក៏ទំលាក់ខ្លួនអង្គុយនៅលើតុរង់ចាំឱ្យជេគកាត់នំយកមកឱ្យខ្លួន
«អូនខានដុតយូរហើយមិនដឹងថារសជាតិវានៅឆ្ងាញ់ដូចដុតលើកមុនឬអត់ទេតែអូនសង្ឃឹមថាបងនឹងចូលចិត្ត»ជេគញញឹមញញែមយ៉ាងផ្អែមល្ហែមដាក់គូរស្នេហ៍របស់ខ្លួនបន្តិចមុននិងច្បិចសាច់នំបញ្ចុកទៅកាន់ស៊ុងហ៊ុនទាំងញញឹមផ្អែមល្ហែម
«ស្នាដៃរបស់អូនសម្រាប់បងគ្មានថ្ងៃប្រែប្រួលឡើយ»ស៊ុងហ៊ុនក៏ញញឹមយ៉ាងផ្អែមល្ហែមតបទៅវិញមិនឲ្យគូរស្នែហ៍របស់ខ្លួនអាក់អន់ចិត្តឡើយ
«សង្ឃឹមថានេះជាការសរសើរលើកចុងក្រោយដែលល្អឥតខ្ចោះទៅចុះ»ជេគនិយាយទាំងស្នាមញញឹមតែផ្ទុយពីជេគនាយស៊ុងហ៊ុនរបស់យើងទឹកមុខប្រែស្រពោនភ្លាមៗ
«មិនមែនលើកចុងក្រោយទេ...!!អូនកុំនិយាយបែបនេះ»ជេគប្រញាប់ចូលខ្លួនទៅលួងលោមស្វាមីសំណព្វចិត្តរបស់ខ្លួនទាំងស្នាមញញឹមស្ងួតៗ
«អូនសុំទោស គ្មានលើកក្រោយទេអូនសន្យា» ជេគអង្អែលស្មាស៊ុងហ៊ុនថ្នមៗពេញដោយក្ដីស្រលាញ់ដែលធ្វើឲ្យស៊ុងហ៊ុនកាន់តែខ្លាច ខ្លាចថាខ្លួននឹងលែងបានទទួលការឱបដ៏កក់ក្ដៅ ការលួងលោមចិត្ដដ៏ទន់ភ្លន់ នាយខ្លាចណាស់ខ្លាចគ្រប់យ៉ាង
«បងមិនខ្វល់ទេថាមានលើកក្រោយឬក៏គ្មានបងមិនចង់ដឹងទេ សំខាន់មានវត្ដមានរបស់អូននៅចំពោះបងគ្រប់គ្រាន់ពេកហើយ»ស៊ុងហ៊ុនអង្អែលដៃរបស់ជេគថ្នមៗតបទៅវិញធ្វើឲ្យជេគកើតអារម្មណ៍ព្រួយបារម្ភកាន់តែខ្លាំងឡើង
أنت تقرأ
YOU'RE MY DESTINY ✨ ( Complete )
القصة القصيرةសម្លេងសត្វយំរវិចៗបូកផ្សំបញ្ជូលគ្នាបង្កើតបានជាភ្លេងមួយអមជាមួយនឹងទេសភាពស្រស់ត្រកាលត្រជាក់ភ្នែក ដើមឈើធំៗមានស្លឹកក្រាស់ៗដុះប្រដេញគ្នាដាច់ក្រសែភ្នែកចូលទៅក្នុងបន្តិចក៏មានជ្រោះមួយអាចឲ្យទឹកហូរបាននៅក្បែរជ្រោះមានផ្លូវតូចមួយដើរទៅត្រង់បន្តិចក៏ចូលដល់ចម្ការរបស់អ្...
