✨🔥💥إقتباس خطير✨🔥💥
وقف صلاح متهللاً، منشرح الصدرح، منفوخ الوجه، يرتدي حلة من التوكسيدو سوداء اللون فصلت جسده تفصيلاً وبرزت منها عضلاته.
وصدح صوت الحاج عبد القوي مرحباً بهن.
كان المجلس كله حاضر، كل رجال البلدة تقريباً لم يغب أحد.
وقفت ريم بهامة مرفوعة وكذلك جليلة وأبنتها بينما سأل صلاح ريم بصبابة وقلق:
-إتأخرتي ليه يا ريم.
لم تجب ريم وبقت تطالعه بنظرة عين لامعه لكنها غير محددة التعبير .
فأردف:
-مش مشكلة المهم إنك وصلتي بخير...
إلتف يحدث الحاج عبد القوي:
-مش يالا يا حاج.
هز الحاج عبد القوي رأسه موافقاً و وقف يقول بصوت جلي:
-منورين يا رجالة... النهاردة احنا كلنا متجمعين عشان سيادة النايب صلاح بيه حابب يطلب منكم أيد بنتنا ريم و ده كان شرطها هي وأمها والحاجة جليلة مش كده يا ريم؟
فقالت ريم:
- كده ياعمو.
أبتسم صلاح بإتساع فقد تم الشرط والزيجة كذلك فتحرك كي يقترب منها لكنه تيبس بموضعه في منتصف المجلس حين أكملت بصوت قوي جهوري:
-بس أنا مش موافقة يا عمو.
عم الصمت المكان، لو ألقيت أبره لأستمعت لصدى صوتها .
الكل ينظر لريم، وصلاح في موقف أشبه بالكابوس.
تقدم منها يردد بأنفاس مضطربة:
-أيه إلي بتقوليه ده يا ريم... أنتي...أحمم... أنتي مش كنتي موافقة عليا وعلى جوازنا...مش قولتي اجي أطلبك من أهل بلدك.
نظرت له ريم بصمت تام، لقد بخلت حتى عليه بالرد.
وردت زينات:
-أيوة... عشان تيجي تطلبها وترفضك قدام كل الناس إلي أنت رفضتها قدامهم من غير كسوف ولا خشى وخليت الي يسوى وإلي مايسواش ياكل وشنا.
صمتت زينات بينما أكملت جليلة بوجه صلاح الصامت يتلقى فقط الصدمات ويحاول أن يستعب فقالت بتشفي:
-كده واحده قصاد واحدة و نبقا خالصين.
أستمع صلاح لكل كلامهم أمام رجال البلدة كلها ونظر لريم في أم عينها وسأل بصدمة تغمدت قلبه:
-أنتي يا ريم... أنتي عملتي وخطتي لكل ده..طب وأنا...إزاي تعملي فيا كده؟!
ردت عليه بقهر :
-وانت لما عملت فيا كده كان عادي..يعدي عادي؟ أنت تقلل من الناس وتهينهم لكن هما لأ... أنت بس إلي بتحس.. أنت بس إلي بني أدم؟!!
صرخ فيها بقهر رجل مجروح:
-كنتي عملتيها ساعتها...كنتي هتبقي لعبتي بشرف... أنتي كده مالعبتيش بشرف معايا... أنتي رقصتي على جثتي يا ريم.
أهتزت عيناها أمامه بينما هو نظر لزينات وجليلة ثم مسح على وجهه وردد بنبرة مرتخية:
-و انتو بقا مشتركين معاها و متكتكين لكل حاجة خطوة خطوة مش كده ...هممممم..وبتقولي واحدة بواحدة ونبقى خالصين؟ هههه.
ضحك ضحكه شيطانية ثم ردد:
-لأ مش خالصين...تخيلو بقا.
نظروا له بصدمة فمد يده فجأة أنتشل بها ريم لعنده ثم قال:
-لأن بنتكم بقت مراتي خلاص.
-إزااااي......
________________________
في منزل صلاح
وصل بسيارته للبيت ...صفها وترجل منها، لف حولها حتى وصل لريم، فتح بابها ثم مد يده يسحبها معه لكنها تمنعت فشدد من سحبها له يقول:
-أييه؟ يالا يا عروسة.. ده الليلة ليلتك...دوقي يا مزيكاااااا.
شهقت ريم وكذلك جليلة وزينات وهن يبصرن فرقة موسيقية تضاهي فرقة (حسب الله) وقد بدأت بالعزف على ألحان الزفاف.
فخرجت صفية وسهر على الصوت مهرولين والكل مصدوم بما يحدث إلا صلاح الذي أرغمها على تأبط كتفه عنوة و سار لجوارها بزهو هدفه الأساسي فقع مرارة كل من زينات وجليلة.
وأخذ يصعد درجات السلم الخارجي للبيت كي تقودة لفناء البيت من الداخل .
وكانت ريم مضطرة للسير بحذاه متسيبة كروس الماريونت تماماً والكل من خلفها بشعور واحد مختلف العلة.. مصدومين مقهورين.
صفية وسهر مقهورين بفعلته فعلى ما يبدو أنه قد تزوجها فعلياً.
وزينات و جليلة مقهورين كذلك فقد تمكن من غيظهم وقهرهم وهما قليلي الحيلة أمامه الآن.
لكن صرخت جليلة توقف تلك الفوضى:
-بسس خلاااص.
توقفت المزيكا على الفور فقال صلاح:
-أنتي بأي حق توقفيها
-خلاص بقا خلصنا .مش عملت النمرة وأرتاحت.
-قولت لك ماخلصناش .. ده إلي جاي سواد فوق روسكم كلكم.
صرخت فيه ريم بغضب:
-خلاص بقا كفاية... انت ايه...مش بتفكر في أي حد خالص؟
-أيوة... أصل أنا راجل زبالة ... إيه رأيك..أعجب؟
هزت رأسها بتعب لا تعلم إلى أين وكيف سينتهي المطاف، فيما تحدثت صفية متسائلة بغل وجنون:
-ايه إلي بيحصل ده يا صلاح... إنت أتجوزت البت دي ؟
رد عليها يبتسم ببلاهة وإنسجام:
-أيوة.
ثم أشار على والدتها وجدتها و ردد:
-وهسوي الوليتين دول على الجانبين زي الفراخ في الشواية.
لم تتحمل كل من صفية وزينات وهجمن عليه يضربنه..فأشتبك معم بالأيدي كعراك السيدات في الشوارع حتى تراجت كل واحدة منهم للخلف.
خلع معطف بذلته وألقاه أرضاً يردد:
-أنا هربيكوا يا عيلة واطية يا ولاد الكلب.
هجما عليه من جديد فتبادل معهم الضرب غير معتبر لكونه رجل وهن سيدات... كان يضربهما بغل حقيقي .
إلى أن صرخت فيه ريم:
-بس حرام عليك... دول أد أمك.
-أم مين دول فيهم صحى عني.. وديني لعلمكم الإدب.
ثم نظر للكل وقال:
-أه.. نسيت أقولكم... أنا هرد سهر ...ست البيت وأم الولاد...وهنعيش مع بعض كده كلنا عيشة هارون الرشيد.
صدح صوت زينات وجليلة في نفس واحد:
-نعم نعم يالدلعدي؟؟!
-زي ما سمعتوا.... دقي يا مزيكاااااا..
دقت الفرقة موسيقاها من جديد وبدأ صلاح يصعد الدرج ساحبا؟ ريم معه عنوة وهو يهتز متراقصاً:
-و أتمخطري طري طري يا عروسة وأتشجلع لع لع يا صلاااااااااح.

✨✨✨✨✨💥💥🔥🔥🔥✨✨✨✨
رواية جوري وثلاث نجوم أصبحت متوفرة.. .
تقدروا تطلبوها حالا على الرقم ده 01097485463
أنت تقرأ
خان غانم
General Fiction- إنتي أتجننتي عايزاني أشتغل خدامة على أخر الزمن . - و فيها إيه بس يا "حلا "أنتي مش كنتي طلبتي مني شغل عشان الدنيا عندكم مش أحسن حاجة . نظرت لها حلا بغضب و قالت : - أيوه عايزه أشتغل بس مش خدامة.... أنا غلطانه أني لاجئت لك أصلاً ، أوعي من وشي أنا ماش...
