✦صــغـيرة الــثـلاثيــني✦
"وفـي الـقـلب صـبر للحــبيب ولو جـفا"
#بأنِأّمًلَ:✦•مـــلاك هـــانســل✦•
[الجزء 18]
رفعات راسها بالإيجاااب ماعندهاش طاقة للهضرة وتمشات قدامهااا بخطوات عيانة منكسرة ماشاداش راسهااا وزهرة من خلفهاا رافعة جلايل جلابتهااا مراقبة مشيتهاا وحركاتهاا وكأنها حاسة بيههااا .
دخلو للبيت زهرة تمشات جالسة على جنب السرير وحطات يديها على فخاضهاا باش ماتخصرش حنتهااا ... هاجر سداات الباب واقتاعدات كرسي خشبي حدا الكوافوز وتكات عليه ضهرهاا مربعة يديهاااا ...تأملاتها لمدة طويلة كي حانية راسها وتاتعض على شنايفها بتوتر ونطقات محاولة تهدئتها واخا هي براسها ماعندها خاطر وخاص لي يردو ليهااا .
هاجر[كاتطلع وتنزل فيها]:ماتخافيش خوياا ماشي ماراهش معتااارف بيك ...راه غير يرجع من ايطاليااا يتقام عرسكم ونفرحو بيكم وحتى باك يفرح بيك ويبقا معانا شي يامات ماتتخلعيش ....حنا راه طاسيلت ابن رشد مستحيل مايكونش عرس ولد عائلتنااا من أفخم الأعراس فالتاريخ .
زهرة[رفعات فيها راسها]: حسسيت بيك فحاليلااا كاتفهميني .
هاجر[تبسمات]: نقدر نبانليك طايشة وتهمني غي حياتي مانتسوقش لحياة الناااس ...ولكن راني نرد البال لكلشي ونفهم كلشي وحنينة هاها[قهقهات من فوق خاطرها] خليها بيناتنااا .
زهرة[تأملاتهاا بجدية]:علاش عيونك حمرة ..كنتي تبكي؟! الدموع واقفة على جفونك علاش راكي ضحكي من فوق خاطرك؟! اعتابريها وقاحة مني وماكاندخلش سوق راسي ولكن واش عارفة اشناهيا أسوء صفة ممكن تضري بيهاا نفسيتك؟!
هي النفااااق ...لا تبقايش تنافقي راسك حيت غاتدمري برائتك .
تسابقو دمعاتهااا على خدودها المزننكة كلام زهرة نبشهاا وعقر جروح قلبهاا ...حنات راسهااا وشعرهااا طاح على جنبهااا مغطي وجهههاااا وصوت شهيقها على الكاتم مسموع .
وقفات وقربات ليهااا رافعاها من دراعها ورجعاتهاا جلسااتهاا حداهااا وهي مزال كاتبكي ماقادراااش تسكت .
زهرة[بحنية كاتمسح ليها دمعاتها]: شنو واقع عاودي ليااا راكي تقدري تيقي فيااا ....واش شي راه بروبليم فالقرايااا؟!
هاجر{دموعها تايتلاقاو عند دقنها}:والله ماني قادرة مازال نتيق فشي واااحد ااختيي ....خايفة بزاف والله .
زهرة عنقاتهااا تايتزير عليها خاطرها كي كاتشوف دمعاتهااا بحنية لاقات صدرها عند صدر هاجر والراااحة هزاتهااا بلا ماتحس زيرات عليهااا كاتبكي ليها فعنقهاا وبصوت مخنوق كملات كلامهااا وهي تايقة فراحتهاا مع زهرة.
هاجر: يعرفو خوتي يقتلوني اختي والله ....درتها لراسي بيديااا حيت تقت فشماتة وخليتو يلعب بياا وفاللخر سمح فيااا .
أنت تقرأ
🍒صغيرة الثلاثيني🍒 ( مكتملة )
Adventure#العااااافية....#صغيرة الثلاثيني..! "و في القلب صبر للحبيب و لو جفا " #بٍأنٍأّمٍل:*ملاك هانسل *• قالو عليه .🍂 راجل في المواقف و البرهان ..الراجل باللهمة والشان...مرزن ومثقل وخفيف العقل على العز يوطي و يزطم و على شرااافو يسيح الدم. والز...
