✦صــغـيرة الــثـلاثيــني✦
"وفـي الـقـلب صـبر للحــبيب ولو جـفا"
#بأنِأّمًلَ:✦•مـــلاك هـــانســل✦
[الجزء 88].
تفتفات زهرة بنضراتها فجنابها ورجعات عللات فيها راسها ناطقة بتلعثم.
" ءء و وعلاه مانديروش التلفزة نيشان؟!زعما...زعما ياااك فيها يبان كلّش ... يعني بلاش من التيسست ولا؟".
قهقهات ياسمين بلطافة ودارت يديها فجياب طابليتهاا مجاوباها.
ياسمين: امم عندك الحق...بصح انا راني غير ننفد أوامر السي طه....وحيت كي يكون الحمل ديالك فبداياته ماحايبااانش...هكا حايلزمنا نديرولك تحاليل الدم ...والسي طه ماعندوش الوقت لاللتلفزة لا للتحليلة ...هادا علاه بغا غير يتأكد حالياا...ايوا ماتزيديش تعطلينا كثر.
رفعات راسها بالإيجاااب واخا مافهماتش مزيان وتبعات اشارة ياسمين باش تدخل للحماام.
اقتاعدات الكرسي قدام مكتب الدكتورة وبقات تدور فعينيها فجنابها وتفرك فصبعان يديها مع بعضهم بتوتر ...الدكتورة إيمان تاتطلعها وتنزلها بعيون مديقة ونضرات حااادة والستيلو فيدها كايقرقب على البيرووو.
مدة وهوما ساكتين أسية قلبها غايطيح بين رجليها والدكتورة كاتسكانيهااا...فالتالي تداركات الموقف وتفكرات بلي خاصها تهضر مع الدكتورة فالموضوع وهي نسات راسها وجات جلسات بالسكات.
أسية[حنحنات]: ءء سمحيلي ...بقوة التوتر نسيت حتى السلااام وقعدت بلا مانستأذن.
إيمان[حركات راسها بالرفض]: كَبضي راحتك...قعدي وارتاحي أصلا حنى ماحانديرو والو حتى يجي السي طه...!
أسية هنااا زادت تزيرات وألوان الطيف دازو من وجهها...بلعات ريقها بصعوووبة ماقادراش تتحكم فنبضاتها الهايجة بالخووف من اللي جااااي.
رجعات بضهرها على الكرسي وبقات تطبطب بالستيلو على المكتب عيونهاا مختارقة أسية ...كاتقراها سطحيااا من تعابيرها وملامحها وحركاتها وتصرفاتهااا.
أما أسية كاتطلب الله توقع شي حاجة تعتقها... طه حصرها من كاع الجوانب بطريقة ذكية...جابها للمستشفى ديالو وهكا ماغايبقاش عندها كيفاش تتآمر مع شي واحد من أتباااعوو حيت غايوصلوهاليه وغايصفيهاليها...وكملها خداليها التيليفون مالقاتش كيفاش تتاصل بإيهاااب وتطلب المساعدة منو.
هي بنت العروبية ولكن قارية وواعية واخااا ماشي عصرية 100% إلا أن تفكيرها ماشي قدييييم....وأكيد ماغايخفاش عليها بلي هاد جوج الشريطاات الحمريين كايعنيو أنها حاملة....ولكن ماتيقاااتش عينيهااا شكات حتى فالمكان والزمااان وولات شاكة بلي يمكن هادا حلم وهي ماكايناش فالسبيطار ومادايراش هاد التيست فهاد الوقت و ...وبزاااف صوالح.
أنت تقرأ
🍒صغيرة الثلاثيني🍒 ( مكتملة )
Adventure#العااااافية....#صغيرة الثلاثيني..! "و في القلب صبر للحبيب و لو جفا " #بٍأنٍأّمٍل:*ملاك هانسل *• قالو عليه .🍂 راجل في المواقف و البرهان ..الراجل باللهمة والشان...مرزن ومثقل وخفيف العقل على العز يوطي و يزطم و على شرااافو يسيح الدم. والز...
