صــغـيرة الــثـلاثيــني✦
"وفـي الـقـلب صـبر للحــبيب ولو جـفا"
#بأنِأّمًلَ:✦•مـــلاك هـــانســل✦
[الجزء 59]
ماسخاتش تنزل من اللوطو حتى كاتجي تحط برجلها خارجها وترجع تشوف شوية فيه باش تشبع منو زعمااا وهو تايضحك على برائتها....سدات الباب من جديد ودللات شنايفها بطفولية وكاترمش ليه بعويناتها باش يقبل الطلب لي جاي من وراا هاد الحركة .
هاجر: خليني معاك غير خمسة نتاع الدقايق حانتوحشك كي نروح والله.
آذم: ااا فراشتي والله الى راح الحال ...الليل راهو فنصوو الى ماصابوكش فالداار جرتك ماليهاا رااس واروحي الله يرضي عليك دخلي للدار وطلعي ترتاحي راكي غدوا قارية بكري واخا؟!
هاجر[قلبات عيونها كاتفكر]: اممم ...تابعني غدوا تالي نبدا نتخخبااا من الصحفة باه نتفادى اسئلتهم الكثيرة على مرات خويا زهرة...اليوم دخلت ل الليسي بالزز والله... صاي اني رايحة.
آذم[قهقه بلطف]: يالله روحي افراشتي.
يالله تاني نوات تنزل وهي ترجع تشوف فيه تاني.
هاجر: رايح لشي مكان فالوقت هادا؟!
آذم[حنا راسو تايضحك]: حانصونيلك قبل ماتنعسي ونبقاو مع بعضنا حتى ننرقدو بجوج صاي؟!.
صافي نزلاااات ودخلات للدار ..بقا حاضيها حتى دخلات من الباب الدخلاني كااع عاد حررك اللوطو....قبل ماتطلع شافت يمين شمال مابان ليها حد وهي تزول خفيها من رجليها وهزاتهم فيديها وتمات طالعة تتسسسلت فالدرووج...دخلات لبيتها وسدات الباب كاتسترجع انفاسها حيت فلتات منها وحد ماشافها ومع دارت مع شافت زهرة مكمشة فوق السرير وهي تغوت بالخلعة وسدات على فمها كاتمة فيها صوتهااا.
تنفسات الصعداااء كي عرفاتها زهرة قلبها كان شوية ويطيح قدامها من فزعتها حسباتها غير رقية عاسسة عليها...عرفاتها كانت كاتبكي حتى طاحت غارقة فنعاسهااا وحمد الله ملي مافيقاتهاش بغوتتهااا غاتنوض تبكي تاني ....زهرة صغيورة وحساسة وواخا هكاك قوية وماتخليش الشر ينتاصر على خيرها وهادو من أحسن الصفاة فيها ....تأملاتها لمدة متواضعة بنضرات حزينة وهي كاتشفق عليها مسكينة غااتكون بكات بزاف على التيليفون ...طه لي شراهليها باش تهضر معاه ودابا هاهو مشاليهااا ....وهو بعيد عليهاا ماكاينش دابا فغيابو اللي يخفف عليها ...قربات منهااا وحاولات تخليها تقاد النعسة فمكانها وغطاتها...سيفطات ميساج لآدم عاودات ليه فيه اللي صرا وبلي زهرة معاها وبلا مايصوني حيت غاتفيقهااا وحتى هو تمنى ليها ليلة سعيدة ومشا ينعس.
دارت البراسلي فيديها وبقات تشوف فيه وتضحك غير هي وراسها...واتا بشرتها البيضااا وزادها اللمعة فمعصم يدها العامر ...طبعا هي محمقاها سميتو وسميتها أما الخير ماناقصش عليها الحمد لله.
ضرباات ال 4 ديال الصبااح عااد طفا الضو فبيت نعاااسو ...ملي جا من الخدمة وهو كايراجع فالملف ديال الصفقة من جديد وكايحاول ما أمكن يصلح أي غلط فيه باش مايخليش للضرر منين يدوز لا ليه ولا لشيماءء وشركتها.
يالله حط راسو على المخدة سمع رنة خفيفة صادرة من تيليفونو تحت المخدة...جبدوو ورفعو الفوق قدام عينيه كايقرا الرسااالة من الفوق واللي كانت من شيماء نيت .
"ياااسر عافاك لااتبقاااش تتجاهلني كيما هاك...لاتزيدش تجرجرني وخلينا نتلاقاو ...حاناخد من وقتك خمسة نتاع الدقايق لا أكثر"
مع سالا قراية المساج مع تطلق ليه التيلي وطاح ليه على وجهوو ...دار ليه مزج للخشم خخ... عينيه ونيفو تشركو مع فمووو وتخلطات الدعوة ...حط يدو على وجهو كايتوجع التيليفون قاد ليه الدقة .
ياااسر: الله يلعن هاد التجاااهل لي راكي تهضري عليه والتجرجيير والملاقية والوقت...... والنهاااار لي عرفت فيه عررق الجدر لي رخاااك.
▪أصبحنا وأصبح الملك لله▪.
هاجر فاقت ناشطة خدات دوش خفيف ضريف مطرفة فيه حالتهاا وخرجات لاوية الفوطة على نص جسمها المثييير...نشفات شعرها فدقة ولبساات دجينز فالزرق غامق وتشرط فالكحل عليه جملة بالإنجليزي" Baby Girl" بالبيض.
دارت سبادري فالبيض .وحطاات مكيااج خفيف ضريف حتى هو بحيث طللعات حواجبها ماشطاهم وحطات فونديشن مواتي لون بشرتهاااا وماسكارا خفيفة لاوية شفرانها الطوااال....حطات كلوز خفيف فالغووز على شنيفاتهااا وخلات شعرها على راحتو...هزات محفضتها ونزلاتتت مخلية زهرة مزالا ناعسة.
لقاتهم مجموعين كلهم حتى واحد ماناقص من غير زهرة كايفطروو خدات كرسيهااا بعدما صبحات عليهم وفطرات فهدوء تام بزربة وقفات خارجة .
وقفها ياااسر لاغي ليها بسميتهاا فنص طريقها.
" حانوصلك معايااا".
ترفد من مكانو كايسد صدايف الفيست النوااغ ديالو وحرك الكرافاط مصاوبهاا على عنقوو بأناقة ...هز سوارت اللوطو وتيليفونو واستأدن قبل مايتنقل بخطواتو الثقيلة تابع ختو.
ياسر: خليت ليكم الراحة ...بصحة فطوركم.
رُقية: الله يرضي عليك اولدي.
قاسم[تبعو العين]:رد البال لختك.
أسية حبسااات الضحكة وفنفسها قالت" هاديك فريفرة هي لي لازم تردليه البال".
أما إيهاب كايدوز اللقمة لفممو بالكشااايف ...أسية وللات وحدة من لي واحلين ليه فحلقوو ....ولكن خاصو يشد صفها باش تفتح ليه طريق الإنتصااار....هي الوحيدة لي تقدر تبعد طه على زهرة ....وايهاب باغي زهرة باش يببرررد حرقتو من جهة طه...اذن الحل الوحيد لي قدامو دابا ...هو يسااايس مع اسية باش يوصل ل اللي بغاه....ولااا....غايضطر يحيدها حتى هي من طريقو ويلعب اللعبة بطريقتو.
يتبع🍂
أنت تقرأ
🍒صغيرة الثلاثيني🍒 ( مكتملة )
Adventure#العااااافية....#صغيرة الثلاثيني..! "و في القلب صبر للحبيب و لو جفا " #بٍأنٍأّمٍل:*ملاك هانسل *• قالو عليه .🍂 راجل في المواقف و البرهان ..الراجل باللهمة والشان...مرزن ومثقل وخفيف العقل على العز يوطي و يزطم و على شرااافو يسيح الدم. والز...
