BATTLE FOR ROMANCE❤️‍🔥

" Dance with me Vidyuth..... "

തനിക്ക് മുന്നിലേക്ക് കൈകൾ നീട്ടിപിടിച്ചു കൊണ്ട് ചെറു ചിരിയോടെ കീഴ്ച്ചുണ്ട് കടിച്ചു പിടിച്ചു നിൽക്കുന്നവൻ..അവൻ തന്നോടായി ആവശ്യപെടുന്ന കാര്യം....വിചുവിന്റെ ചെവികളിൽ അവന്റെ ചോദ്യം മാത്രം മുഴങ്ങി കേട്ട് കൊണ്ടിരുന്നു....

കുറച്ചു സമയത്തേക്ക് തനിക്ക് ചുറ്റുമുള്ളതൊന്നും തിരിച്ചറിയാൻ കഴിയാതെ അവൻ നിന്ന് പോയി.... എന്നാൽ തൊട്ടടുത്ത നിമിഷം തന്റെ ഫോണിൽ അറിഞ്ഞ മെസ്സേജ് നോട്ടിഫിക്കേഷൻ... കൈകളിൽ തന്നെ പിടിച്ചിരുന്നത് കൊണ്ട് ഫോൺ വൈബ്രറ്റ് ആയത് അവൻ പെട്ടന്ന് തന്നെ അറിഞ്ഞിരുന്നു....

യദുവിൽ നിന്നും കണ്ണുകൾ മാറ്റികൊണ്ട് അവൻ ഫോണിലേക്ക് നോക്കി.. റാമിന്റെ മെസ്സേജ് ആണ് പ്രതീക്ഷിച്ചിരുന്നത്.. But.. പുതിയ ഓഫർ അറിയിച്ചു കൊണ്ടുള്ള സിം കമ്പനിയുടെ മെസ്സേജ് ആയിരുന്നു അത്.... Whatever.....

ആരുമായിക്കോട്ടെ.. ചെറിയ രീതിയിൽ നിരാശ തോന്നിയെങ്കിലും അവർ തന്നെയിപ്പോൾ രക്ഷപ്പെടുത്തിയത് വലിയൊരു ദുരന്തത്തിൽ നിന്ന് തന്നെ ആണ്..മനസാലെ അവർക്കൊരു നന്ദി പറയാൻ അവനൊട്ടും മടി കാണിച്ചില്ല........

ഫോൺ തിരികെ ലോക്ക് ചെയ്തു കൊണ്ട് അവനൊന്നു ചുറ്റിനും നോക്കി...ഇരുണ്ട വെളിച്ചം ആണ്.. അത്കൊണ്ട് തന്നെ ഒറ്റ നോട്ടത്തിൽ ആളെ തിരിച്ചറിയാൻ നല്ല ബുദ്ധിമുട്ടാണ്....തനിക്ക് ചുറ്റിനും  നിൽക്കുന്ന ഓരോ മുഖങ്ങളിലേക്കും അവൻ നോക്കിയപ്പോഴും അറിയാതെ പോലും മുന്നിൽ നിൽക്കുന്നവനെ നോക്കാൻ അവൻ കൂട്ടാക്കിയില്ല......

നിൽക്കുന്ന നിൽപ്പോ.. തന്നെ നോക്കുന്ന നോട്ടമോ തീരെ ശരിയല്ലെന്ന് അവന് നല്ലത് പോൽ വ്യക്തമാണ്.. വെറുതെ എന്തിനാ....? പഴയ യദു ആയിരുന്നെങ്കിൽ അവന്റെ ആവശ്യം ഇരു കയ്യും നീട്ടി സ്വീകരിക്കുമായിരുന്നു... പക്ഷെ ഇത്.........

"No... ഒരിക്കലും വീണു പോകരുത് വിച്ചാ... "

സ്വയമേ തന്നെ ശാസിച്ചു കൊണ്ട് അവൻ മുന്നോട്ട് നീങ്ങി.. അപ്പോഴും ഒരു നോട്ടം പോലും അവനിൽ നിന്നും യദുവിനു നേരെ ഉണ്ടായില്ല.. വിച്ചു അവനെ തീർത്തും അവഗണിച്ചിരുന്നു... അത്കൊണ്ട് തന്നെയാവും മുന്നിൽ നിന്നിരുന്നവന്റെ മുഖം മങ്ങിയതും ചുണ്ടുകളിൽ പരിഭവം കലർന്നതും...