الأزهار المُغتربة

part1

دائماً كنت بفكر انو الحنان والاهتمام بيغلب على كل القسوة والغرور الي بداخل الشخص مع ان دائما النتائج بتكون معاكسه للشي الي بفكر فيه ولا مره كان في نتيجه ترضيني للعطف والحنان الي بقدموا للأخرين دائماً كانوا بفكروا هالشي ضعف بالعكس تماماً أنا ماني ضعيفه أبداً انا فيني اقسى وفيني اجرح بالحكي والتصرفات وفيني اتبارد معك وشككك بوجودك بس انا مو هيك انا مابعامل بالمثل بحب عامل الكل بلطافة ووقف جنبهم وقت يحتاجوني هي انا وهي شخصيتي بعطي فرص كتيير لان مابدي اخسرك وبتمنى انو اتعامل بهالطريقة من كل الي حواليني بالاخير انا مو جاية عالدنيا لأفرض عليك شخصيتي نحن كلنا عنا مشاكل وضغوطات مامنقدر نتحملها لحالنا وبدنا مين يسندنا ويوقف معنا كلنا معرضين للاختفاء بأي لحظه ولأي سبب كان وممكن بدون وداع..حبو بعض شو رح تستفادو من الشخصية الجامدة والمتعجرفة عشان هيك بفضل ضل بشخصيتي الحنونه اللطيفة قد ماقست عليي الحياة وطعنتني لاني بعرف نهايتي كفن ابيض وحفرة ضيقة. انتهت من كتابتها واغلقت دفترها الزهري سمعت صوته ينادي بأسمها ادخلت الدفتر في درجها وخرجت غمضت عيونها بضيق لما سمعته يناديها بصراخ نزلت من الدرج بسرعه...اي بابا ناديتني وقبل ماتخلص كلمتها ضربها كف افقدها توازنها حطت ايدها على خدها بألم وعيونها مليانه دموع
ابوها:كم مره بدي ناديلك ها؟ أيمت بدك تصيري بني أدمه مسكها من شعرها ونزلت دموعها بألم ..اليوم جايين الجماعه ليشوفوكي يااويلك لو خليتيهن ينطرو او عملتي شي فصل ناقص قدامهم فهمتي
وقار ودموعها على خدها:بابا بترجاك لاتزوجني الو بترجاك مستعده ضل هون خادمه كل عمري بس لاتزوجني الو ضربها كف ثاني وثالث وصرخ فيها :انا الي بقرر وانتي بتنفذي من تم ساكت فهمتي اليوم عالساعه 6المسا بتكوني جاهزة ياويلك لو تأخرتي دقيقة وحده دفشها ووقعت عالارض وطلع من البيت وتركها مكسورة تبكي قهر وألم اجت امها واختها لعندها ودموعهم على خدهم  لاحول لهم ولا قوة وقار بصوت متحشرج من البكاء: ماما بترجاكي لاتخليهن يزوجوني بترجاكي مابدي اتزوج العم مصطفى  ماما بترجاكي انا بدي ادررس  بدي اتخرج وحقق حلمي ماماا انقطع صوتها بسبب البكاء حضنتها امها وهي تبكي :اهدي ياعمري والله مابأيدي شي اعملو حسبي الله ونعم الوكيل فيكي ياسهى انتي الي حرضتيه طلعت من غرفتها تتمختر وتطقطق بالعلكه وعلى شفايفها ابتسامه شماته ناظرتها وقار بحقد:كلو منك ياحربايه ياختيارة النحس بدك تزوجيني لختيار ليش مازوجتيه لبنتك اذا كل هالقد بتهمك المصاري الله يسطفل فيكي بكررررهك ..رفعت صوت ضحكتها وطقت العلكه وقالت بشماته:ياقليلة الادب هيك بتحكي مع مرة ابوكي بس مابلومك ترباية امك من كل عقلك بدك زوج بنتي دلوعتي للختيار ابو مصطفى لا طبعا حبيبتي انا بزوجو الك وبنتي بدخلها لاكبر الجامعات وزوجها لمصطفى ابن زوجك المستقبلي وضحكت بصوت عالي جوري ودموعها على خدها قهر وحقد وحسره على اختها الي لسى ماكملت ال20 سنه :الله ينتقم منك ياحقيره حسبي الله ونعم الوكيل فيكي ابتسمت سهى بخبث ورجعت غرفتها وقار بصوت رايح من البكى: شو بدي اعمل هلق فهموني انا مستحيل اتزوجو مستحييل والله بقتل حالي قبل ماانزف الو جوري مسحت دموعها وناظرت اختها:امشي على غرفتك خلينا نحكي هنيك مابتعرفي ايمت بتنط هديك الحرباية هيي وبنتها
امهم:عشو ناوية ياجوري شو بدك تعملي
جوري :مابعرف ماما خلينا نفكر مستحيل اسمح بأنو اختي تتزوج العم ابو مصطفى لك الرجال اكبر من ابيي قامت هي واختها وامهم توجهت للمطبخ عشان وقت يرجع ابوهم من الشغل يكون الاكل جاهز ومايكون الو حجة ويمد ايدو عليها هيك حياتها هي وبناتها من وقت ماتزوج سهى بصحيهم بقتلة وبمسيهم بقتلة وعاملهم خدم الو ولزوجتو):عند البنات...جوري:اتصلي بخالي مالنا غيرو هو بيتصرف وقار وعيونها مدمعه وانفها احمر من البكاء: كيف بيقدر يفيدنا بعدين لو عرف ابوكي والله ليحرقنا انتي بتعرفي قديش بيكرهو لخالي
جوري: مالنا الا هالحل شو بدنا نعمل   وقار وتسكرت كل الابواب بوجها اخذت شهيق  وزفير ومسحت دموعها تنحنحت تعدل صوتها واتصلت على خالها الوحيد بعد رنتين رد: هلا هلا والله بغاليتي كيفك ياعمري وينك مختفيه مابتقولي بتصل على خالي اتطمن عليه ابتسمت بألم الانسان الوحيد الي بيقدر يخفف عنها
وقار:ماتؤاخذني ياعمري بتعرف وضعي بالبيت كيف خالها تنهد بقهر:انا الي بعرف حسبي الله ونعم الوكيل ياريت امك تقتنع وتخليني طلقها منو وعيشكم عندي والله مابخلي شي ينقصكم
وقار :مابتقصر ياعمري الله يهديه لبابا ويرجعلنا مثل قبل
خالها:امين ياقلبي امين مع انو مابتوقع وهديك الحية عندو
وقار بقهر:خالو ونزلت دموعها
خالها خاف: وقار شبك ياقلبي شو صاير فيكي شي امك فيها شي
وقار:خالو بابا بدو يزوجني لرفيقو ابو مصطفى واليوم جايين ليشوفوني خالو بترجاك تصرف لاتخليهم يزوجوني وانفجرت بالبكاء
خالها وشياطين الدنيا تنطنط فوق راسو من العصبية:له ياوقار له ياطفلتي تبكي وانا هوون انا رح اتصرف يعمري صدقيني مارح يصير الا الي انتي بدك ياه ومارح تتزوجي الا الشخص الي انتي بدك ياه ومقتنعه فيه اهدي وقومي صلي ركعتين واقرأي وردك من القرأن وتركيها عليي انا بحلها
وقار من بين دموعها: يخليلي ياك ياسندي
خالها:ويخليلي ياكي ياطفلتي يلا فأمان الله
وقار : فأمان الكريم
جوري والي كانت سامعه كل المحادثة :شفتي قلتلك رح يتصرف اهدي هلق يلا
وقار تنهدت :مارح اقدر ارتاح الا اذا اتصل وقاللي انحلت القصه قايمه صلي ركعتين وادعي فيهم انزلي انتي ساعدي ماما لبين ماخلص والحقك
جوري :طيب لاتتأخري
وقار: اوك واتجهت للحمام(وانتو بكرامه) تتوضأ وتصلي وتدعي الذي لايعجزه شي في الارض ولا في السماء