وقار: مافي غيري بالبيت شو رأيك تروحي معي
بروق: والله ياريت بس هلق بيجي أبيل لازم كون عامله غدا
وقار: طيب توعديني تجيني شي يوم
بروق: بأذن الله يلا أسيري خلينا نروح عالبيت
وقار: لا خليه معي أبيل قال رح يجي المسا ياخذو خليني اتسلى معو شوي
أسير: مابدي لوح
بروق أبتسمت: ياخاين بعتني اي شو علي لنشوف مين يعملك الكيك الي بتحبو بس تجي عالبيت
ضحكت وقار وودعت بروق الي راحت لبيتها ووقار عالسكن...
..: لم تأتي للجامعه اليوم
..: لماذا؟
..: لا اعلم
..قال بعصبية: كيف لاتعلم لماذا وكلتك بمراقبتها اذاً
..: انني اراقبها لكن لايمكنني الدخول الي شقتها انت تعلم القوانين
..: اين هي الان؟
..: قبل ان أتي الى هنا كانت تجلس بالحديقة مع فتاة يبدو انها عربية
..قال وعيونه تنقط خبث: متى سننفذ الخطة؟
..: قريباً قريباً جداً...
وقار قبل ماترجع للشقة اخذت اغراض للمطبخ وراحت للسكن دخلت الشقة وقفلت الباب طلعت اللعبة الي اشترتها جديد وأعطتها لأسير ودخلت للمطبخ تبلش بالغدا
سيلا وأية خلصو محاضراتهم ورجعوا عالشقة وشمو الروائح اللذيذة
سيلا : اووه شو الروائح الي بتفتح النفس
وقار أبتسمت: عملت يالنجي وبرياني يعني غسلو وتعوا
أية: يسلم أدينك حنا خليناك تتغيبين عن الحامعه عشان ترتاحين رحتي عزلتي البيت وطبختي
وقار: انا منيحه لاتخافوا عليي يلا بسرعه انا وأسير جعنا
أية قرصت خدود اسير ودخلت غرفتها ووراها سيلا
وقار حطت الاكل عالطاولة وقعدوا كلهم سوا كلهم كانو بحاجة لهالجمعه الي ينسون فيها كل احزانهم وجود اسير معهم غير مودهم بكلامه اللطيف ولهجته المكسرة
شهم خلص من المحاضرة وطلع وقفه أبيل لف شهم بهدوء وهو عارف أبيل مارح يتركوا اليوم
أبيل: عازمك عالغدا امش معي
شهم: اكرمك الله مافي داعي بدي اتمشى شوي
أبيل: خراس وأمشي معي
شهم أبتسم وراح مع أبيل الي أتصل بأخته وقاللها ان شهم جاي معاه
مصطفى كان هادي لغير العاده جالس بالكوفي مع باران المنصدم من الهدوء الغريب وأبراهيم الي يتأمل مصطفى بصمت
باران: مصطفى فيك شي؟
مصطفى: لا شبني
باران: هادي على غير العاده؟ حاسك عم تخطط لجريمه قتل
مصطفى ضحك: اي هو هيك والضحية رح تكون مين ياحزرك انا رح قلك عدوتي اللدودة وقار
أبراهيم: بلا تخبيص تعوذ من الشيطان
مصطفى شرب من قهوته بأبتسامه وسكت
باران: عفكرا بلشت تخوفني
مصطفى ضحك: قوموا نرجع عالبيت رح اطلب اكل على حسابي
أبراهيم بأستغراب: لا روقانك هذا في وراه مصيبة
مصطفى رفع حاجب: مارح اطلب شي قوموا نقعلو من وجهي انتو مابيمشي معكم الهدوء
باران ضحك: ايوا هذا هو مصطفى الي بعرفو
أبراهيم أبتسم: قوموا نروح عالبيت انا بطبخلكم وعزيمتك خليها يوم الاحد منكون معطلين وتاخذنا لشي مطعم
مصطفى: شحاد ويتشرط
أبراهيم ابتسم ورمش عيونه بدلع: كم برهوم عندك
مصطفى ضحك : ايع الله يقرفك قوموا قوموا
قاموا الشباب راجعين للشقة مر أبراهيم لسوبر ماركت قريب أخذ أغراض الطبخه وراحوا للسكن
باران اتصل بشهم وقال انه ابيل عزمه عالغدا وهو عنده اتطمن شوي ودخل لغرفته غير ملابسه وطلع يساعد ابراهيم بالغدا...
مصطفى دخل غرفته غير ملابسه واتصل بأمه يتطمن عنها حز بخاطره موقف أبيل اليوم بالنسبة له وقار كانت رح تخرب حياة أمه وأبيل يعرف قديش مصطفى متعلق بأمه كيف يقدر بهالسرعه يأمن فيها ويخلي ابنه عندها ويوقف ضدو قدامها قرر مايعاتبه لان من طبع مصطفى يخلي كلشي بقلبه ومايتكلم وهذا سبب عصبيته المُفرطة لأنه كتوم جداً...
شهم جلس مع أبيل بعد ماتغدوا وبلش أبيل تحقيق
أبيل: حكيلي هلق شو سبب حالتك هي
شهم بهدوء: شبها حالتي؟
ابيل: حالتك مو عاجبة ولا واحد فينا غرد هلق شبك؟
شهم رفع كتوفه ببرود: مابعرف شبني
أبيل: مشان وقار؟
شهم نزل راسه:يمكن
أبيل: أنت بتحبها؟
شهم: يمكن
أبيل: صدقت الحكي الي نقال؟
شهم: يمكن
أبيل: شهم لاتخليني موتك شو الي يمكن مابتعرف غير هالكلمه
شهم: انا مو فاهم شي ولا عارف شي لقلك
أبيل: معقول حبيتها بهالسرعه؟
شهم: يمكن مو حب يمكن اعجاب لفتت نظري بخجلها وشخصيتها القوية حكيت لأمي عنها وكنت رح اخطبها رسمي قبل مايحكيلنا مصطفى
أبيل: طيب أسألها عن هالموضوع
شهم: سألتها وقت اجينا من المشفى قلتلي في سوء فهم وفي شي صح من حكي مصطفى بس مابتقدر تحكي تفاصيل
أبيل: اممم طيب اذا كان في سوء فهم وهي مادخلها بالقصة رح تخطبها؟
شهم: أكييد فوراً
أبيل بأبتسامه: معناها بتحبها
شهم أبتسم بضيق: انا عنجد مابعرف شو مشاعري تجاها انا من زمان كنت قول بتلفتني البنت الي متربية تربية عتيقة يمكن عشان هيك اعجبت فيها
أبيل: الله يقدم الي فيه الخير هونها وتهون حاج تضغط على حالك
شهم: هي شخصيتي ياأبيل مو بأيدي التفكير جزء لايتجزء من شخصيتي
أبيل: الله يعينك والله التفكير مُهلك
شهم: كتير والله...
وقار بعد ماساعدت سيلا بالجلي جلست مع أية المندمجه مع أسير أنتبهت لدمعه عالقة برمش أية أستغربت حطت ايدها على كتف أية بحنان: أيوش فيكِ شي عيوني؟!
أية مسحت دمعتها وبأبتسامه مزيفة: لاقلبي مافي شي
أسير: وقار تعي شوفي البيت الي عملتو
وقار بأبتسامه حب: يي محلاه بجنن
أسير: منسكن فيه انا وأنتِ
وقار وأية ضحكوا قالت وقار: اي يعيونس منسكن فيه
أية: وانا مابتسكنوني معكم
أسير هز راسه بالموافقة: أمبلا وخالتو سيلا كمان
سيلا طلعت من غرفتها وسمعت كلمة اسير ركضت ناحيته وضمته بقوة: لك ريتك تؤبرها لخالتك سيلا
أية ووقار: بعيد الشر
كملو جلستهم بين ضحك ومزح..
جاء ابراهيم للسكن يستلم الرسبشن وبعد بنص ساعه جاء شهم جلس بعد ماسلم رفع راسه للشب الطوويل بأكتاف عريضة وجسم رياضي ببشرة بيضاء وشعر اسود كثيف ولحية خفيفة عيون واسعه وأنف سلة سيف جميل بكل معنى الكلمة
الشب: هلو هل يمكنني ان اسأل عن طالبة هنا؟
شهم: بالطبع من هي؟
الشب: وقار أحمد
شهم حس وكأن حدا رش عليه مي باردة أبراهيم انتبه لتغير ملامح شهم وقال: ماذا تريد منها؟
الشب: انا أورنس مديرها بالعمل لم تأتي اليوم وأتيت لأطمأن عنها
أبراهيم: عربي؟
أورنس هز راسة بأبتسامه جذابة: يب
أبراهيم: هلا فيك هلق منتصل فيها وتنزلك ممنوع تطلع لشقتها انت
أورنس: اووه عرب مد يده صافح ابراهيم وبعدين شهم الي حرقه بنظراته
أورنس: طيب مو مشكلة حكيها خليها تنزل
شهم رفع الهاتف ولف بقهر ماخفى على أبراهيم وأورنس: انا رح أتصل
شهم اتصل بشقة وقار ردت سيلا: هلا
شهم: عطيني وقار
سيلا بأستغراب من نبرة شهم: أوك نادت لوقار الي كانت بالمطبخ تعمل حلويات
سيلا: وقار شهم عالموبايل بدو ياكِ
وقار بأستغراب: شو بدو؟
سيلا هزت كتوفها بمعنى مااعرف: مدري بس شكلو معصب
وقار: خير اللهم اجعله خير راحت للصالون وتحديداً عند باب الشقة سحبت السماعه وردت: هلا
شهم بقهر: رفيقك بدو يحكي معك
وقار عقدت حواجبها بعدم فهم: رفيقي!!مين رفيقي؟
شهم تنهد لما حس بضغطة أبراهيم على ايده سحب نفس يهدي حالو: شب اسمو أورنس قال بدو يتطمن عنك لأنك مارحتي عالشغل
وقار بهمس يسمعو شهم: المدير شو عم يعمل هون
أورنس: قلها تنزل لو سمحت
شهم بأبتسامه باردة: من عيوني..بقلك نزلي بدو يحكي معك
وقار: يلا نازلة
شهم: اي يلا بسرعه لاتخليه ينطر ها اوعا
أبراهيم ماقدر يمنع أبتسامته بعكس أورنس الي عقد حواجبه بأستغراب وقال بتذكر: وانا عم قول وين شايفك
لف له شهم بعد ماسكر السماعه
أورنس: انت الي عطول تجي لمقهانا
شهم اتذكر أنه شاف أورنس بالمكعم كثير قال ببرود: اي صح
أورنس بأبتسامه: تشرفنا
وقار لفت ورجعت للصالون بأنزعاج: شو عم يحاول يعمل هاد شو هالمسخرة هي
أية بأستغراب: شفيك؟!
وقار: هالغبي أورنس جاي يتطمن عني وقتو لان هلق اكيد شهم وأبراهيم حطو نظرة مو منيحه عليي
سيلا: عشان هيك شهم معصب وبغمزة مع ابتسامه خبث:غيران عليكِ
وقار بقهر: سيلا بربك مو وقت هالحكي انا وين وأنتِ وين لبست حجابها وجاكيتها ونزلت
سيلا لفت لأية: لو سمعتي صوتو بتحسي بدو يطلع من الموبايل عقد مانو معصب
أية أبتسمت وغمزتلها تأجل الكلام بعدين لما شافت أسير مركز معهم
أنت تقرأ
الأزهار المُغتربة
Romanceنبذة الأزهار المغتربة تدور احداثها حول ثلاث فتيات تجمعهم الصدفة لكل منهم قصتهم الخاصة والمُختلفة بين عذاب الحُب من طرف واحد وبين المعاناة من العُنف الأسري وبين تحمل مسؤولية نتائج القرار الخاطئ فهل سينتهي بهم المطاف مجبورين؟ ام ستضل لعنة القدر ملا...
