الأزهار المُغتربة

part28

أبراهيم صحى من النوم بس ماقام من فرشتو كل تفكيرو فيها من أول يوم شافها فيه خطفت قلبو حتى مناماتو كانت عنها قطع عليه صوت الموبايل سحبو ومثل ماتوقع كان أبيل
أبراهيم: هلا
ابيل: جهزت حالك ولا لسى
أبراهيم: لا لسى
أبيل عقد حواجبه بأستغراب: شبك فيك شي
ابراهيم ابتسم: لامافيني شي
ابيل: طيب قوم أفطر وجهز حالك لاتتأخر
ابراهيم: حاضر ماما
ضحك ابيل وسكر عشان يتصل على باقي الشباب
وقار رجعت للسكن وشافت البنات جاهزين وباين أنهم ينتظرونها وقفو لما دخلت وركضو لها
أية: ها بشري
سيلا: قولي أنك نقبلتي بربك
وقار ابتسمت: أنقبلت الحمدلله
اية زلغطت وسيلا ضمت وقار: ان شاءالله الف مبروك
وقار بهدوء: الله يبارك فيكِ هي حلوان القبول
اخذتو سيلا: أي هيك ها
أية: شفيك وقار كأنك مو مبسوطه
وقار جلست عالكنب: لابالعكس مبسوطه
سيلا: لكن ليش عيونك ماعم يلمعو متل العاده
وقار ابتسمت بأستغراب: يملعو!؟
سيلا: اي أنتِ عيونك بتحكي وقت تكوني مبسوطه فيهم لمعه بتبين
وقار ابتسمت وقالت: والله مبسوطه بس تنهدت وكملت الراتب مارح يكفي يادوب غراض للبيت وأحتياجات الجامعه يعني بس مصروف
أية: طيب ليه وافقتي
وقار: مابقدر أرفض مابضمن لاقي شغل غيرو
سيلا: طيب ابحثي وبس تلاقي أنسحبي
وقار: مابظن انسحب يادوب شغلتين عشان أقدر سدد أجار الشقة
أية جلست جنبها: وقار كذا أنتِ بتقصرين بدراستك كيف شغلين وجامعه مارح تقدرين
سيلا: وقار أنتِ شغلة وحده وكنتِ أكلة هم كيف تشتغليها كيف هلق شغلتين
وقار: عندكم حل تاني؟
البنات سكتوا بقلة حيلة
وقار: شفتوا مافي حل تاني ماما باعت دهباتها لقدرت سدد الثلاث شهور هدول ومافيني خبر خالي لأنو راتبو يادوب يكفيه مابدي زيدها عليه يلا معلش لايكلف الله نفساً إلا وسعها
سيلا: ودراستك
وقار: بدرس بوقت الفراغ مو مشكله
أية: والمحاضرات؟
وقار: ماعندي محاضرات قبل ال12 والشغل التاني أكيد بدو يكون بعد الجامعه
أية: الله يكون بعونك ويقويك
وقار: أمين يارب
سيلا: فطرتي؟
وقار ابتسمت: اي فطرت
سيلا معناها رح أعمل قهوة ونشرب مع الحلا وبعدين نطلع عالجامعه...
شهم جهز حالو وأتصل على أخته الي أصغر منه بثلاث سنين: السلام عليكم كيفك ياقلبي
سيلين: وعليك السلام الحمدلله تمام كيفك أنت
شهم: الحمدلله كيفها ماما؟
سيلين: الحمدلله الدكتور طمني وقال في نسبة تحسن وهلق  نايمه
شهم تنهد براحه: الحمدلله يارب ناقصكن شي مصاري؟
سيلين: لا أبداً الحمدلله الدولة تكفلت بالعلاج
شهم بفرح: عم تمزحي ايمتت ليش ماخبرتوني
سيلين: والله فكرت سيرين حكتلك
شهم: ماحدا خبرني هلق لسمعت منك يالله هم ونزاح عن صدري
سيلين: الحمدلله يارب عقبال ماتكمل ونشوف ماما واقفة على رجليها متل قبل
شهم: أمين يارب يلا استودعتكم الله أنتبهي لحالك طالع عالجامعه أنا
سيلين: تمام يقلبي أنتبه لحالك فأمان الله
سكر وطلع عالصالون بلش يتفائل مدام الدكتور طمنهم بأذن الله رح تتحسن...
سيلا فتحت جوالها تشوف الساعه وشافت صورة العجوزين أبتسمت لما تذكرت قصتهم
سيلا: برأيكم في حب بهالوقت؟
وقار ابتسمت بهدوء وقالت بشرود: الحب موجود وهو شي كتير حلو بس من بعيد ماتقربي لتحافظي على قلبك مافي جروح،مافي حزن،مافي فراق
أية تنهدت: بالنسبة لي الحب كذبة كبيرة صدقتها بفترة من حياتي وندمت
سيلا: بتكوني أنتِ خترتي الشخص الغلط هالشي مابيعني أنو مافي حب
أية ببرود: يمكن بس صدقيني الحب مو شي مهم أحنا نقدر نعيش بدونه
وقار شربت من القهوة وقالت: الحب أساس الحياة نحن مخلوقات مصنوعين من الحُب
سيلا: يلا قوموا هلق منتأخر عالجامعه...
شهم من زمان ماكان رايق لهدرجه رتب الصالة وهو يدندن : هالبنت وجها خير عليي صبحت عليها وأجاني خبرين حلوين
باران من وراه: مين هي
لف شهم بخرعه: وضريب
باران ضحك وقرب منه: مين هي الي وجها خير عليك
شهم رفع حاجب: عم تراقبني انت ولا شو
باران بأبتسامه: أعوذ بالله كل القصة أني كنت مارق لقلك أنو صار لازم نطلع وسمعت حكيك
شهم: معناها بتعمل حالك ماسمعت شي لأن مصطفى لو بيسمع مارح أخلص من لسانو
باران: بفكر بالموضوع
شهم ضحك وقال: أمشي هلق منتأخر
باران: بس قلي مين هي
شهم: بتعرفها بس أخطبها
باران: اوووه
شهم ابتسم
باران بجدية: عنجد بدك تخطبها؟
شهم: أي ليش لأ بالعكس نحن الي لازم نتزوج الفتن حولنا وحوالينا والبنت أنا شايفها كتير محترمه
باران أبتسم: الله يكتبلك الي فيه الخير
شهم: أمين يارب يلا أمشي هلق منتبهدل من أبيل طلعو متوجهين للجامعه....
وصلو البنات والشباب سوا وشهم لمح وقار أكثر شي لفت نظروا أنها ماتناظر أي أحد  ورافعه راسها بشموخ مع رفعة الحاجب الي تعطي الشخص نظرة أنها نفسية وهي الصفة عند الثلاثي سيلا واية ووقار
وقار: كم محاضرة عندكم اليوم؟
سيلا: أنا أربعه رح موت لأخلص
أية: وأنا أربعه
وقار: أنا تلاته بس خلص رح روح عالمطعم الي رحنا عليه هداك اليوم شفت حاطين أعلان بدهم عامل
سيلا: بتشتغلي بمطعم
اية: عامل يعني نادل تشتغلين نادل أحس صعبة لك كبنت
وقار: وانا حاستها صعبة وكتير كمان بس شو أعمل شفتي كيف ضلينا أكتر من ساعتين عم ندور ومالقينا
سيلا: الله يكون بعونك والله مابعرف كيف رح تلحقي
وقار: يلا رح تبلش المحاضرة
أية: حنا بنخلص ونجيك عالمطعم
وقار: لا خلصو ورجعو عالبيت لأن اذا نقبلت فوراً رح بلش شغل
اية: طيب على راحتك
راحت كل وحده لقاعتها ومصطفى الي كان يضحك لمح وقار وكشر بقرف
شهم بأستغراب: شبك؟!
مصطفى: شفت حدا بكرهو
أبيل: عطول بتقلنا شخص بكرهو ومابتقول مين
مصطفى: لأنكم مارح تعرفوها
باران: تعرفوها!!؟ بنت؟
مصطفى: أي بنت وأرخص بنت على هالكوكب
شهم: مابصير تحكي هيك على بنات العالم
مصطفى بقهر: ماظلمتها عنجد رخيصة
باران: ليش شو عملت
مصطفى: تخيلوا متفقة مع أبوها ليحكوا مع ابي ويخطبوه
شهم ضحك: يخطبوا مين كيف يعني يخطبوه
مصطفى: متل ماعم قلك أبوها أجا وطلب من ابي يتزوجها
الشباب فتحوا عيونهم بصدمه
أبراهيم: عم تحكي جد
مصطفى بكره: لكن عم أمزح
أبيل: بلكي البنت مجبورة وأبوها حكا من مخو
مصطفى: وأنا هيك قلت بالأول بس أبوها قال لا البنت موافقة ومبسوطه بحياتكم شفتوا عيلة وقحة متل هدول قال مبسوطه
شهم رفع حاجب بأستغراب وقرف
ابراهيم: شو هالعيلة هي
باران: الله لايبلانا
أبيل: حقك تكرها اذا هيك القصة
شهم: البنات المناح صارو قلال كتير الله يجيرنا
مصطفى: رح تبلش المحاضرة أمشو يلا راحو وكلهم حطو نظرة أن هالبنت الي يتكلم عنها مصطفى رخيصة وعديمه كرامه ياترى بس يعرفوا أنها وقار رح يغيروا الفكرة او رح يكرهوها؟....
وقار حطت كل تركيزها مع الدكتور وحاسة بالنظارت الحارقة من الشب الي جنبها بس طنشت جتها رسالة من سيلا تقلها أنها خلصت محاضرة وتنتظرها بالكوفي خلصت محاضرتها وطلعت لحقها الشب ووقف قدامها رجعت خطوتين لورا وبهاللحظة جاء أبيل وشهم الي كانو ناويين يروحوا على مكتب أحد الدكاترة وشافو الموقف وقار مشت مبتعده عنه لكنه رجع قطع طرقها أخذت نفس تهدي حالها ورفعت عيونها له وشافت نظرة الخبث بعيونو وقار رفعت حاجب: ماذا تريد؟
أبيل كان رح يكمل طريقه لكن وقفه شهم
شهم: ستنى شوي أبيل بدي شوف شو صاير
أبيل: شو بهمك
شهم أبتسم: بهمني كتير
الشب: أريدك
وقار تنهدت ومشت لكنه وقفها لما مسك ايدها سحبت ايدها وضربته كف قدام كل الحاضرين وقالت من بين أسنانها: أياك أن تلمسني مرة أخرى
الشب صارت عيونه حمرة من العصبية وقار طنشته وراحت وهي رح تنفجر من القهر
أبتسم شهم وبنفسه: مارح أتردد ثانية وحده بخطبتها
أبيل: شو قصتك مع هالبنت
شهم: حالياً ولا شي بس مستقبلاً في أشياء كتيرة
أبيل ضحك: شو أفهم انا من هالحكي
شهم: قريباً رح تفهم كلشي امشي هلق خلينا نلحق الدكتور...
وقار وصلت للكوفي وهي بقمة الغضب جلست وحطت شنطتها على الطاولة بقوة
أية: شفيك معصبة
سيلا جابت عصيرات وجلست: شبكِ
وقار حكت لهم كل الي صار: تخيلو الغبي مسكلي أيدي
سيلا: شو عملتي لاتقليلي سكتي
وقار: أنا اسكت مستحيل عطيتو كف رح يتذكرني فيه كل عمرو
ضحكت اية: كفو عليك تربيتي
أبتسمت وقار: لكن لكن بعجبك
سيلا: خذي شربي عصير لتروقي
أية: تطلعون نتمشى شوي بالجامعه الجو حلو اليوم
وقار: اي والله ياريت
سيلا: اي يلا قوموا
قامو البنات وطلعو وكانت بالأخر منزلة راسهاعشان تطلع جوالها من الشنطة وضربت بشخص بالغلط رفعت راسها وأعتذرت تجمدت لما شافت نظرته رد عليها بعصبية: عما ان شاءالله شو ماعم تشوفي
قربت اية وسيلا
سيلا بقهر: عما يعميك ماشافتك شو هالمصيبة يعني
مصطفى بصراخ: لاتخليني أغلط فيكِ لاتدخلي
وقار سحبت سيلا: أمشي سيلا لاتردي عليه أجو الشباب وحسو الجو متوتر
أبراهيم: شبكم
سيلا سحبت أيدها من وقار: أغلط لشوف يلا أغلط اذا وقار سكتتلك انا بقصلك لسانك
مصطفى: فشرتي بنص عينك لأخر مره بقلك حترمي حالك
أية لأول مرة تنفعل: أنت الي أحترم حالك أنت الي بلشت بطولة اللسان ماحد رح يسكتلك اذا تجاوزت
أبيل: صلوا عالنبي ياجماعة فهمونا شو صاير
شهم: وطو صوتكم خليتونا فرجة شبنا
أبراهيم: سيلا روقي مابصير هيك عيب
سيلا: علم رفيقك العيب بالأول لعما شو أنو قليل تربية
مصطفى بصراخ لدرجه عروق راسه بينت: وحياة الله اذا ماخرستي لعلمك قلة الادب كيف بتكون جد
وقار مسكت أية وسيلا من أديهم وراحوا....