نيران الحرب في داخلي

مقتطفات

(قصه حقيقيه)

مشهد

اجتنه اخبار انو داعش تقدم عل رمادي واكو قوات عسكريه خلصت عتاد ماكدرو يستمرون بالمعركه وانسحبت طبعا ماما هنا كلش خافت علئ بابا لان الإشاعات الي نسمعه و المقاطع الي تنشر كله عن العسكريين داعش مايرحمهم حتئ لو زلمه جبير و متقاعد راحت علئ بابا تبجي كالتله
ماما : خل نطلع لاي محافظه بس المهم نبعد منا باي لحضه يفوتون ويقتلوك
بابا : كلت مااطلع شنو يريدون يسوون خل يسوون مايهمني شنو ننهزم من بيتنه وارضنه علمود ناس مادري من وين جايين
ماما بجي : شلون يعني و الله مامرتاحه خايفه عليك
بابا : كولي يالله يامره الكاتبه ربج يصير عافه بابا وطلع بالحديقه 

مشهد

رحت للمستشفى واني اشوف الطريق كله ارتال و بعض سيارات الاهالي الي حاطين جنطهم فوك السياره وطلعو لبغداد او لغير محافظات و بنص الطريق شفنه نقطه عسكريه وكفتنه و سألو عمو محمود وين تريد
عمو محمود : اوصل الدكتوره للمستشفئ  باوعلي العسكري وراح شوي واجه رائد حسين عيونه ناطه
رائد حسين : عمي ارجع الوضع مو زين واحنه اتفقنه ويه المستشفى يقللون العدد من الكادر النسوي يحاولون يخلون بس زلم يعالجون
شهد : بس ياسيد اني عندي مرضئ البارحه سوو عمليات واليوم لازم اجيك وضعهم حتئ ياخذون العلاج للازم
حسين عصبيه : يادكتوره الوضع خطر ومامسموحلج تدخلين انتي ماتهمج حياتج

شهد : تهمني واعرف انت مسؤوليتك تحمينه واني مسؤوليتي اعالج المرضئ خليني افوت و اتأكد من صحتهم زين واحاول ارجع بسرعه ماطول
حسين باوعلي نضره مطوله ورفض
وكال العمو محمود
حسين : حجي اخذ الدكتوره ورجعه ماافوت

مشهد

ماعرف وين راح اني اشوف المريض و ادور للممرض شوي واجتي دكتوره شافت الكطن كله دم وصاحت بيه اجيب قماش اي شي تضغط عل نزيف شفت قماش عل ميز سحبته بقوه ونطيتهيا
باوعت عل جرح كلش عميق والدم نافوره مايتوقف و نطق المريض الوصيه وتوفئ شفت الدكتوره تسويله انعاش بس مافاد توقف كلبه و الدكتور يصيح عليه وهي  ماكو مصدومه اخر شي سحبت جهاز الصدمات وصحت بيه عفته ورحت  راسي يوجعني ودايخ من قوه الانفجار طلعت برا وخابرت علئ جماعتنه اشوف الوضع 

مشهد

ومن صعدت بالسياره انواع الغلط والسب الي اول مره اسمع هيج لحد ماعطت بي من كثر مامليت وتعبت من تصرفاته
شهد: كافييييب شعليك بيه اني ممسويه اي شي غلط مو انت تجي تحاسبني
سامر بعصبيه : احاسبج واكسر راسج هم ح….. تحتحجين ويه الولد مو عيب
شهد ب عصبيه : ياسيد يامحترم هذا ممثل ويانه وأخذت منه محاضره ونطاني ياه بكل احترام لايتجاوز ولا قلل َمن احترامي بعدين انت شكووو كافي سامرررر والنبي مليت من تحكمك وتصرفاته الي صارت لا تطاقققق عرفني بحالي معليك بابا موجود وكلشي يعرف عني لا تدخل انت
سامر لعصبيه : ليشششش ليش ماادخل شهد ارحميني والله بعد ماتحمل
شهد بصباح : شنووووو الي ماتحمله شبيك سامر اصحه
سامر بصوت مخنوك : شهد اني اغار عليج
شهد عصبيه وعدم فهم : ليششش انت ماتعرفني اني شنو ليش تغار
سامر عصبيه : لج غبيهه الي يغار علئ مرااا ليششش

الكاتبه/ رفقه الفهد

اتمنه تصوتون عل قصه حتئ من اشوف تفاعل ابلش بتنزيل اول بارت