اجتنه اخبار انو داعش تقدم عل رمادي واكو قوات عسكريه
خلصت عتاد ماكدرو يستمرون بالمعركه وانسحبت طبعا ماما
هنا كلش خافت علئ بابا لان الإشاعات الي نسمعه و المقاطع
الي تنشر كله عن العسكريين داعش مايرحمهم حتئ لو زلمه
جبير و متقاعد راحت علئ بابا تبجي كالتله
ماما : خل نطلع لاي محافظه بس المهم نبعد منا باي لحضه
يفوتون ويقتلوك
بابا : كلت مااطلع شنو يريدون يسوون خل يسوون مايهمني
شنو ننهزم من بيتنه وارضنه علمود ناس مادري من وين
جايين
ماما ببجي : شلون يعني و الله مامرتاحه خايفه عليك
بابا : كولي يالله يامره الكاتبه ربج يصير عافه بابا وطلع
بالحديقه
طبعا ماما ماقتنعت وضلت تبجي وخايفه وعلئ بابا طبعا من
صار الانسحاب بلشت الشرطه تحاول تسيطر عل وضع
وطوعو كل شباب العشاير الي بالانبار وياهم يحاولون
يسيطرون عل وضع و كل كم ساعه يصير تمشيط (ضرب
طلق) طلعت علئ بابا كاعد بالحديقه وصوت الطلق يخوف
شهد : بابا تعال فوت جوه ماتسمع صوت الطلق
بابا : فوتي بنتي ماكو شي هسه اشم شوي هوا وافوت
شهد : خفت عليه كلش هواي صوت الطلق عالي وهو برا بلشت٠ تجيني افكار انو طلقه طايشه تضربه ومكدرت اعوفه وكفت يمه
بابا : شهد فوتي جوا
شهد : واعرفك وحدك هنا تعال انت هم فوت والله خايفه
عليك
بابا : استغفرالله ربي فوتي بابا
شوي وهدء الصوت وفتت
بعد ساعه اتصلت عليه ساره كالتلي
ساره : شهد بسرعه تعاي للمستشفئ صاير اشتباك بين
القوات وداعش واكو هواي إصابات
رحت بسرعه اتصلت علئ عمو محمود ماكو ماجاوب ولبست
بسرعه وكلت البابا يوصلني بالطريق اول مرا اشوف
سيارات سوده ومضلله فوك العشر سيارات مرو مسرعات
مكتوب على السيارات (سوات)
من شافهم بابا بلش يدعيلهم الله يحفضهم و ينصرهم
ويرجعهم سالمين
شهد : منو ذولي بابا
بابا : هاي اقوئ قوات عدنه يدربون تدريبات خاصه لمثل
YOU ARE READING
نيران الحرب في داخلي
Mystery / Thrillerمقتطفات رحت للمستشفى واني اشوف الطريق كله ارتال و بعض سيارات الاهالي الي حاطين جنطهم فوك السياره وطلعو لبغداد او لغير محافظات و بنص الطريق شفنه نقطه عسكريه وكفتنه و سألو عمو محمود وين تريد عمو محمود : اوصل الدكتوره للمستشفئ تباوعلي العسكري وراح...
