في الشتاء َ٢٠١٣في الأنبار
جو بارد كلش طلعت لدوامي واني كلش فرحانه باقيلي سنه
واتخرج ويصير اسمي دكتوره شهد أحمد وصلت للمستشفئ
وراجعت كم مريض و طمنت علئ صحتهم و رحت اشوف
توأم روحي وصديقتي ساره طبعا اني وساره كلشي نعرف
عن بعض و بسبب هاي الصداقه فااهلنه هم صارو أصدقاء شفته بالمرر
شهد : هلو ام السوس شنو الاخبار
ساره : شهود جوعانه ميته جوع خل نروح نتريك
شهد: ههههه ام بطن انتي ماتشبعين
ساره : ولج والله ماتريكت و من الصبح دوام وفرات عل مرضئ
شهد : يالله امشي اني هم ماتريكت
رحنه للكافتريا و شفت دكتور ليث كاعد يتريك المهم عفنا و رحنه الغير طاوله
شترينا جاي و كيك ساده ورحنه ختارينه طاوله نكعد عليه
دكتور ليث: صباح الخير صبايا
شهد و ساره : صباح النور دكتور
ليث : احمم عادي اكعد وياجن
شهد: باوعت الساره أريده تفهم حتئ دور حجه ما يكعد
ويانه لان مااخذ راحتي من يكعد شاب ويانه بس استحت
وكالتله تفضل
ليث: يي دكتورات شلون المرضئ الي انتو مسؤلين عليهم
شهد و ساره : وضعهم تمام دكتور
ليث: عفيه عليكم الصراحه اني حيل متأمل بيكم خير و علئ
هذا اجتهادكم بالدوام واهتمامكم بالمرضئ اتوقع راح تكونون
من أفضل الدكتورات بالانبار
ساره وشهد فرحه : ان شاء الله دكتور
ليث : كملو ريوكم وبسرعه وتعالو للطوارئ حتئ نختار
الدكاترا الي يشرفون علئ طوارئ اليوم تحمست كلش
فرحانه نطلع علئ المرضئ ونشوف وضعهم طبعا صار
تقريبا شهر و الطوارئ دائما مزدحم لان دخلو داعش عل
رطبه والقائم والمرضى الي حالتهم خطره و إصابات قويه
يتحولون علينه ولازم دائما نكون متهيهين لمعالجه اي حاله تجينه
جتي ممرضه مستعجله ومتوتره علئ دكتور ليث كالتله
الممرضه : دكتور هسه اجانه خبر انو اكو سياره عسكريه
رايحين للواجب و متعرضلهم داعش و اكو إصابات خطيره
دكتور ليث : باوعلي وكال دكاترا كونو متهيئين باي لحضه
يصلون الابطال
شهد و المجموعه الي وياه : ان شاء الله دكتور
تقريبا نص ساعه و اتصلو الإسعاف وكالو ٥ دقائق و نصل
المستشفى طلعنه احنه ودكتور ليث ننتضرهم بالباب و شوي
وصلو جان المناضر كلش صعب ولحد هاي لحضه مااكدر
انسئ السياره عباره عن دم و الي إصابته خفيفه يصيح من
الوجع و الي مغمه علي المهم اخذناهم بسرعه للطوارئ وكل
دكتور نخبص بواحد من المرضئ و الي متصاوب بكتفه و
الي بطنه و اكو شخص متصاوب ب رصاصتين
دكتور ليث : دكتوره شهد بسرعه وياي لغرفه العمليات
شهد : تمام دكتور
نقلنه المريض للغرفه وخدرنا وبلشنه بالعمليه تقريبا طولت ٥
ساعات و الحمد لله كملت العمليه و المريض مصارت ويا
مضاعفات وطلب الدكتور ليث ينقلون المريض للعنايه
بعده غسلنه ادينه طلعنه من الغرفه ورحنه للطوارئ نشوف
بقيه المرضئ والحمدلله الكل تم السيطره علئ وضعهم و الي
تحت المراقبه شوي واجه شخص لابس زي عسكري ويسال
ب الممرضين علئ العسكريين الي تصاوبو و اشرله
الممرض علئ دكتور ليث واجه عليه
حسين : السلام عليكم دكتور
دكتور ليث : وعليكم السلام
حسين : دكتور اني الرائد حسين اداوم بفرق ال…..
والجنود الي تعرضو للهجوم تابعين النه اريد اعرف وضعهم شلونه
دكتور ليث : الحمدلله ٣ من الجنود سوينالهم عمليات وهسه
تحت المراقبه و ٢ الباقين اصابتهم سطحيه بس هم يحتاجون
راحه علمود مايلتهب جرحهم
رائد حسين : مشكور دكتور ماقصرت.....
الكاتبه /رفقه الفهد
YOU ARE READING
نيران الحرب في داخلي
Mystery / Thrillerمقتطفات رحت للمستشفى واني اشوف الطريق كله ارتال و بعض سيارات الاهالي الي حاطين جنطهم فوك السياره وطلعو لبغداد او لغير محافظات و بنص الطريق شفنه نقطه عسكريه وكفتنه و سألو عمو محمود وين تريد عمو محمود : اوصل الدكتوره للمستشفئ تباوعلي العسكري وراح...