اني الرائد حسين حيدر من محافظه البصره اني من عائله
كلش معروفه بالبصره الان اجدادي ووالدي شيوخ بس اني
كلش اضوج من شغله الكعدات و الفصول قليل اتواجد وياهم
لان مكرس وقتي كله بالدوام طبعا قبل جنت كلش هادء
ماأحب احكم علئ شي بسرعه بس صار وياي شغله غيرتني
صرت عصبي و ماتحمل اي غلط و ماحب احد يرفع صوته
و يتجاوز عليه بسرعه اتنرفز طبعا عائلتي مكونه من والدي
شيخ حيدر
عمره ٦٠ سنه و امي ربت بيت عمره ٥٦سنه و ٣ اخوان
الجبير كرار عمره ٤٥ سنه واني علئ حده عمري ٣٠سنه
و اخوي همام عمره ٢٢ سنه وخوات ٢ نهله و فاطمه
و بسبب الوضع الي صار بالموصل و الأنبار اكثر الأفواج
تجهت لهاي المحافظات واني صار نقلي على هاي المحافظه
و من صار وقت الالتحاق تعرضت سياره بيه جنود ويانه
للهجوم منقبل داعش وطلب مني القائد الاعلئ مني اطمن
علئ وضعهم و انطي خبر الاهلهم حتئ يجون يطمنون على
وضعهم
شهد : صارت ساعه ب ١١ ونص باليل واني بعدني
بالمستشفى طبعا ماما وبابا من سمعو بالخبر كل ربع ساعه
واحد يتصل كلش خايفين عليه ويردوني احاول ارجع بوقت
للبيت بس اني مااكدر مسؤوله على مريض وفهمتهم بس
وضعه يصير زين واطمن علي اجي و المريض المسؤوله
عليه بعده ماصحه من العمليه شوي واسمع هوسه بالممر
طلعت اشوف الوضع و لكيت هواي أشخاص الزلم الي كبار
بالعمر كلهم دشاديش ومعكلين والي شباب لبسهم عادي اجو
همه و الممرض
الممرض : دكتوره هذول عائله همام محرز من العماره
جوي يطمنون علئ ابنهم دكتور ليث طلع للبيت
أكبر شخص بيهم : شلونج بويه
شهد: هله بيك
_ شلونه وليدنه
شهد: الحمد لله اجانه مضروب طلقتين وحده بكتفه والثانيه
بطنه شلنه الطحال الان متضرر هواي وهسه وضعه مستقر
وانتضر بي يكعد من البنج ونطمن أكثر علئ وضعه
_ ماقصرتو بويه مشكورين
شهد : لاشكر على واجب
تقريبا ل ١٢ باليل حتئ صحئ المريض طمنت علئ وضعه
أنت تقرأ
نيران الحرب في داخلي
Mystery / Thrillerمقتطفات رحت للمستشفى واني اشوف الطريق كله ارتال و بعض سيارات الاهالي الي حاطين جنطهم فوك السياره وطلعو لبغداد او لغير محافظات و بنص الطريق شفنه نقطه عسكريه وكفتنه و سألو عمو محمود وين تريد عمو محمود : اوصل الدكتوره للمستشفئ تباوعلي العسكري وراح...
