نيران رسلان

البارت السابع

صاح بصوت ع الحرس وينكم نزلي راسج وامشي واني وراج

بديت ابجي: اخاف تجيك طلقة

معليج امشي
مشيت وهو وراي جان اكو مكان جوة الدرج ماكو قزاز او تكدر تجينه طلقة
رحنه هنا كعدنه
اني ابجي وهو طلع تلفونه وبدة يخابر ع الحرس

سد تلفونه التفت عليه وهو يهدي بية: لتخافين والله ماكو شي

دفرته بقوة: وخر عني كل ما اكول ارتاحيت وماكو شي وحياتك تذكرني وخر اطلع من حياتي من باجر اطلع لتركيا وارجع لحياتي

: مو بيدي والله مبين السالفة مو وراها مزبان خايف يكون اللي ابالي

رفعت اصبعي بتهديد: حتى اذا جان اللي ابالك لو ما درو بيك مافيا ما تمادو طبعا متكدر تشتكي
صدكني راح يجي يوم اني اشتكي عليهم واخلص

رسلان: اكو شي ضامة عليج
باوعت بقهر: احجي شنو ضام
رسلان: هددوني بيج قبل فترة وتجاهلتهم كلت ميكدرون لان انتي....

ضحكت: شتترجى منهم كل اللي سوو بية وتكول ميكدرون يسوولي شجا تحجي انت السالفة تخصني لتدخل
وكف صوت الضرب وراها انشمرت حجارة

باوع رسلان وكام باوع علية انتي ابقي هنا لتتحركين

لزمت ايدة: اكعد اخاف يكتلوك
ضحك: قبل شوي تريدين تتركيني

هديت ايدة والتفت وكمت امشي ورا
صاح بصوت ارجعي

تجاهلته ومشيت ورا جان بالحجرة اكو ورقة
مكتوب بيها
اذا نيران ما طلعت من العراق راح نكتلها

ابتسمت باستهزاء كلتلي ميكدرون يسوون

رسلان: بس هذول ا....

تجاهلته ومشيت وهو يركض وراية ويصيح مكدر اركض اكفي
عفته وشفت سيارااته يم الباب ركبت وجا اشغلها
اجا وركب يمي
جانو الحرس كلهم مكتلين
باوعت عليهم: شوف كل هذول ما كدرو يحمونه لو مفتح بسطة احسنلك بدل هالشغلة انزل من السيارة

رسلان: سيارتي
تجاهلته ومشيت بالسيارة
: وين راح نروح
هزيت راسي: ما يخصك بس كل الي يخصك انو بعد متشوفني

راد يغثني: جنت شايل هم اعوف مرتي الثانية واكعد بس يمج همزين راح ارجعلها
باوعتلة بغيرة: اصبر خل اوصلك. يمها هيج وقتكم يطول وتطمن على ابنك هم
باوع علية وهو يكتم ضحكته: تغارين؟
باوعت صفح وتنهدت: ليش اغار شخص دخل حياتي بالاجبار وراح شاف حياته اني جنت عثرة بدربة بس

ابتسم براحه: ياريت كل عثراتي هيج
ابتسمت باستهزاء ودمعت: اي لدرجه تخون عثراتك وتتزوج
: اوووف والله انجبرت اجبار عليها شبيج
فرت بسيارتها باتجاه بيته
صاح: وييين
ما دحكت بوجه: ع بيتك اني اكمل شغلي وادز سيارتك اسفة ازعجتك
جر الكير ووكف السيارة: شبيج انتي جا اكلج انتي اهم شي بالحياة
باوعتلة بوجع: وهيه شنو مرتك هم
باوع بعصبية وصاح: عن يا مرة تحجين شبيج فضلتج ع الكل ولج بعز وجعي واركض وراج وانت واكفة ويا استاذ مزبان وسامحتلة يلزم ايدج ومكلت شي تدرين كم مرة انذبحت شفتج يم براق وانذبحت وسكتت وجابولي خبر ووكفتج يم مزبان وتدرين شكد اكرهة وسكتت
وجاية تحجين عن زواج بالاجبار