نيران رسلان

البارت العاشر

البارت العاشر
تغيرت ملامحه فجأءة كام يدحك علية رفع ايدة وكام يباوع عليها
جريت نفس قوي وبديت اكحكح باوعت علي بنظرة عتب كمت رحت للغرفة وقفلت الباب

لحكني وكام يدك ع الباب: افتحي الباب الله يخليج خل نتفاهم

كاعدة ابجي شبي شنو اللي غيرة ليش هيج سوة
بالي مو ويا ابد
بقى يضرب ع الباب

: الله يخليج بس فهميني اللي صار ليش اني جنت رايد اخنكج

بقيت ابجي ومدرتله بال قررت ارجع احجز واطلع منا اليوم خنكني باجر احتمال يذ*بحني

نمت واني ابجي واول ما كعدت الصبح  حجزت الطيارة بعد ساعتين حظرت جنطتي وطلعت للمطار هو جان نايم ما حس علية
رحت للمطار كملت اوراقي وكاعدة انتظر وما نشفت دموعي
اجا علية ع المطار وشافني واجا يركض كمت وكفت واجا حظني: لا تروحين وتعوفيني اني بدونج ولا شي
مدري شنو اللي خلاني اسوي هيج البارحه والله عبالك حلم شلون هيج سويت مدري

بعدته عني وخر وخر البارحه خنكتني ولو ما لطف الله جان متت جوة ايدك باجر تذ*بحني

لزم ايدي بترجي: الله يخليج خل نلتم ليش كل ما ننجمع نتفرق
وخرت ايدة: برايك ليش متسأل روحك ليش تعوفني
ليش ما بقيت يمك وواجهت كلشي انت تدري شكد قوية وشكد واجهت بس هنا كلشي تعب اريد ارتاح وراحتي ابعدك

رفع حاجبه بوجع: هلكد مأذيج اني
تنهدت: كلشي قريب يخصك يخنكني اهلك مرتك بيتك حاولت وكلت ميخالف بس بعد اللي صار البارحه خلاني افكر مالي احد بهالدنيا وصدك محد الي

لوة حلكه: ما دام اني هلكد مضوجج واني اللي متعبج الله وياج يا اعز بشر

بدا يمشي واني دموعي تنزل علي واتمنى يلتفت حتى ارجع ويا بس ما التفت واني التفتت ارجع
التفت علية وراها لف راسه ومشى اني كعدت وباوعت علي بعدة يمشي

غمضت عيوني ياربي ما الي غيرك انت وحدك جنت وياي باصعب المعارك يارب كون وياية قويني يارب

واني بين حيرتي ليش سوة هيج تذكرت كلام مرته
غمضت عيوني حيل: شلون نسيت استغفر الله اخذت جنطتي ورحت بس وين اروح كعدت برا افكر

قررت ومشيت
رحت واني بالطريق ادعي يارب اتسهل يارب ادري مو بيدة يارب

وصلنا ونزلت جان كلشي هوسة هاي شصاير شهالحظ
دخلت
واني اشوف الحراس
سألت واحد: عفوا شصاير

عقد حواجبه: منو انتي وشدخلج هنا

: ع كيفك اني جاية اشوف شيخ مزبان بس شفت هوسة وسألت

اجاني واحد: كال اهلا ست نيلان محتاجه شي
ابتسمت: شيخ مزبان وينه
ارتبك: عنده شغلة ضرورية
كلبي مو مرتاح: شكو ليش
: اتفضلي انتظري جوة بين ما يجي
دخلت. وكعدت انتظرة ساعة ساعتين ماكو
رحت لنفس الحارس  : الله يخليك شكو شصاير وين شيخ مزبان
تنهد: مدري احجي لو ميصير بس ادري انتي من كرايب الشيخ مزبان

هزيت راسي: اي احجي

: جان عدنه واحد متصاوب وحابسي منريدة يطلع وانهزم والشيخ كلب علي المدينه يدور علي
وليهسه ما حصلناه

عزة بس لا يطلع اللي ضربته: وينه الشيخ هسه عادي تخابرة
اتصل علية
: السلام عليكم شيخنه
.....
: استاذة نيلان موجودة وتريد تحجي وياك

.....
نطاني التلفون
: السلام عليكم شلونك شيخ

....
: الحمد  لله زينه انت شلونك
.......
: بصراحه جنت جاية عليك بسالفة
......
: لا ميخالف بعدين نتحاجه بهالموضوع بس ممكن اعرف منو اللي مهزوم نفسة اللي ضربته صح

....
ايدي كامت ترجف ودموعي نزلت حطيت ايدي ع حلكي امنع شهكاتي
: ان شا الله تلاكونه

رحت كعدت ابجي وانتظر خبر يبشرني بلكت يلاكي واخلص من السالفة وهم احجيله ع رسلان ياربي ما اطلع من مصيبة ادخل بمصيبة
هلكد اني قوية
ورا ساعة اجا الشيخ
دخل وسلم
ابتسمتلة: وعليكم السلام بشر حصلته.؟
هز راسة بأسف: مع الاسف لا كأنو طار السالفة مدبرة من داخل البيت مستحيل يطلع وحدة ويمكن خبر تواجدج هنا عدهم واظن لو تروحين لغير مكان أأمن الج

حجيت بوجع: اني جاية لغير سالفة واريدك تساعدني الله يخليك صح عاتبتك لان ما ساعدتني قبل هالمرة اثبتلي كلامك انو تريد تساعدني اني بنت هالعشيرة
كال باهتمام: احجي وعد عيناج اللي تطلبي يجرالج

بصراحه........
سمعنا صوت برا طلعنه جانت الشرطة تارسة البيت
صاح الشرطي: انتي نيلان **
غمضت عيوني هالمرة ماكو مهرب كلت بيأس: اي اني

حساب الانستا j0j1.2