البارت واحد وعشرين
:نيلان رسلان ودموعها نزلت ولج نيلان رسلاااان مات
اريد بس اخذ نفس ما كدرت هزيت براسي: مستحيل مستحيل يعوفني
كمت ركضت ورحت ع العناية وشفتهم يحاولون يسوولة صدمات كهربائية فتت وصحت بكل قوتي رسلااااااان
اشر الدكتور للمرضين انو ماكو امل وطلعو رحت يمه
واني مو مصدكة لزمت ايدة كوم الله يخليك كوم لتخليني كوم كوم بعد ابنة ما شفنا بعد ما شفته بعد ما سمعت اسم بابا ولا اخذته وياك للسوك ولا اخذته للمدرسة كوم ما الي غيرك كوم لا تتركني وحدي وياهم لا تعوفني فدوة ارجع الي ارجع لنيلان ارجع لتعوفها جمي وغطو واخذوني من يمه سحبو الممرضين واني لازميني الممرضات واني ابجي واصيح لتاخذو الله يخليكم عوفو يمي
تخربطت
ودوني للغرفة واني مدري بالدنيا
فتحت عيوني شفت الممرضة تعلك السيروم
كتلها: اني وين
راسي ثكيل فركت جبيني من الوجع
وبديت اتذكر
كتلها: رسلان وين
شافتني وسكتت فزيت معقول مو حلم
صحت: رسلان وين
تحاشت تباوعلي وخرت الكانونه وطلعت حاولت تمنعني ما كدرت وكفت بالممر ادور لاهله وماكو احد
صحت بصوت: لااااااااااا رسلان
كعدت بالكاع: شلون تعوفني شلون تتركني وحدي منو الي من بعدك منو الي
ااااااخ يمةةة راح رسلان
احتي الممرضة اخذتني للغرفة وحاولت تهديني طلعت من المستشفى ورحت لبيتنا
لكيت الناس كتل ع الباب دخلت واني ادورة بينهم بلكت يطلع حلم اطلعلي من بينهم ولا تتركني وحدي
ادور بعيوني
دخلت ودموعي ما وقفت
دخلت يم النسوان امه وخواته موجودات
امه صدت. بصفحه اجتي اخته حظنتني وبجينه اثنينه
: راح الغالي ولج راح سندي راح ونبجي اثنينه
راح وعافني وحدي راح ما لحك يفرح بابنه
امه وخواته كامو يبجون اكثر:واني ابجي اكثر منهم كعدتني اخته واني ابجي واصيح وهمه يهدون بية
بس والله مكدر محد يحبه بكدي محد عاش العشنا وشكد حبينه بعض وواجهنه مصايب الدنيا
الناس تجي تسلم وما اعرف احد
اجتي مرت ابوية وياها وحدة من خواتي جتي سلمت علية وجانت كانو تباركلي فرحانه وتبتسم
جان تكلي: كولي يا الله خلصتي منه والسوا باخوانج الله اخذ حقهم منه
باوعتلها بحقد وضربتها راشدي صوته هز البيت: الله ياخذ حقي وحقه منكم وولدج اللي متفاخرة بيهم اني اللي احاسبهم همه وابوهم لا عبالج راح رسلان ما اعرف اخذ حقي اذا موجود او مو موجود هو بظهري الكبور لفت الزينين وعافت الخايسين بس لا تخافين الله نطاني والله اخذ مني وحقي اجيبة مربع
بعد ما اكول عن احد خطية ما استخطيكم واكتلكم بايدي ما عندي مانع
ضحكت: هههههههههه ضحكتيني رسلان متدرين شكد اذانه وما كلج بس الله ع الظالم
تنهدت: رسلان ما يأذي احد عن عبث الا اذا احد داسلة ع طرف وهسه يلا اطلعي برا وحسابكم وياية
طلعت
وكل جسمي يرجف شنو هالنكاسة اللي بيكم انتو اهل لو اعداء
دخلت لغرفتي وبقيت ابجي وحدي بيها وصورته بايدي ما نزلتها من ايدي واني ابجي علي
رجعتلي الذاكرة لايام الصورة
جايب مصور واني زعلت قبل لا يجي المصور
اجاني للغرفة: نونو وينج
باوعت بطرف عيني وصديت
ابتسم: نونو زعلانه حقج بس عادي واذا كتلج فستانج مو حلو
باوعتلة بقهر: تدري صممته وتعبت واني اخيطة وانت تكول اي حلو من كملته صار مو حلو
كرص خدي: حبيبتي الخياطة تكدر ترجع تخيط غيرة
: وخر وخر ما اصور وياك
نزل شفايفة يقلدني : ترا اني هم ازعل
كتمت ضحكتي: روح صور وحدك
يقلد طفل : عمو المصور كلي الا حبيبتك وياك واني ما عندي حبيبة تقبلين تصورين وياية
ضربته ع جتفة: شنو ما عندك حبيبة
لزم جتفة: نيلان عوفي الضرب
هزيت كتافي مثل الجهال: مااااا
باوعلي وهو يغمزلي: تقبلين تصورين وياية حبيبتي
هزيت راسي: لا
: اويلي خل اخابر ع الحارس بلكت يشوفلي وحدة
ضربته: عوزك تجيب وحدة امشي بس لا تقرب من يمي
كتم ضحكته: ميخالف اخلي حاجز بيني وبينج الشجرة تشهد انو اني بعيد
نزلنه ناخذ الصور واكف يمي
دفعته شوي: كتلك لا تقرب
همس باذني: هسه اكلو هاي مو حبيبتي
ابتسمت واخذ المصور الصورة
رجعت للواقع حطيت ايدي ع صورته: ليش تعوف حبيبتك وحدها منو بعد يبقى يمي
تنهدت وحطيت ايدي ع بطني: شوف حتى ابنه ما شافك ما شاف حبك اذا باجر سالني وين بابا شنو اكلة
ابوك عافنه بسرعه عافنه للوحوش
غمضت عيوني ونمت اجاني بالحلم
جان يضحك
اجا وهو فرحان حط ايدة ع بطني: نيلان ديري بالج علي لزم وجهي: ديري بالج ع روحج انتي قوية ولا تثقين باحد وديري بالج ع امي ولا تبجين وتعذبيني
باس خدي
وفزيت ابجي
اندك الباب مسحت خدودي دخلت اخته: نيلان ابوج برا جا يسلم عليج
كمت وطلعت لكيته برا
سلم علية وما بادرته بالسلام: البقية بحياتج
باوعتلة بحقد: يوم لالك ولولدك وافرح بيكم
باوعلي بصدمة وسكت
باوعتلة بنظرات عتب
بلع ريكة ومشى
تذكرت امي
كتلة: اوكف
وكف ورجع باوعلي باستغراب
كتلة ودموعي ع خدي: امي وين
كال باستغراب: امج وية خواتج بالبيت
ضحكت باستهزاء ورفعت حاجب: امي مو ام سديم
انصدم ؛ شمدريج
تنهدت: امي وين
هز راسة: نحجي بالموضوع بعدين
وراح
كعدت الصبح بدلت ولبست نقاب جانت اخت رسلان جايبته ورحت لابوية
دكيت طلعت مرة استغربت: منو انتي
جانت مرة بعدها شابه: انا اشتغل منظفة هنا
: ابوية وين
اجا ابوية ابتسم: السلام عليكم
رديت بدون نفس: وعليكم السلام جيت اسألك
جاوب: ادخلي نحجي جوة
: لا هنا هسه تكلي امي وين
بلع ريكة بخوف: أأأمج......
أنت تقرأ
نيران رسلان
Romanceفتاة عاشت بمستنقع عالم لا ترغب بها ثم ياتي رجل مافيا لينتشلها فيعشقها وبسبب المافيا تفقد اغلى ما لديها تقرر هجران رسلان ليعيش نيرانه لوحده
