نيران رسلان

البارت الرابع والعشرين

البارت الرابع والعشرين

بلعت ريكي ابتسمت: اشتهيت اكل من برا ورحت اجيب
باوعت لايدي: بس انتي مو شايلة شي
باوعت لايدي وبلعت ريكي: ما ما لكيت مطعم مفتح ورجعت
هزت راسها: شنو مشتهيه
: اممم كنتاكي
: لو اعرف اسوي جان سويتلج هسه

اشرتلها: لا خالة تسلمين اصلا نعست راح افوت انام
ورحت بسرعه للغرفة توضيت وصليت وكعدت ادعي
اجاني اتصال
استغربت منو بهالساعة
فتحت الخط: الو
تأفأف  : ليش هيج سويتي لو ادري هيج تسوين ما نطيتج العناوين
نسيت السالفة: شكو شبيك
: نيلان لا تضحكين علية مو انتي اللي حركتي المعمل
تذكرت ضربت جبهتي: اصلا جنت نايمة فزيت وكعدت توضيت وصليت وشلون اطلع واني بالعدة

: امم ليش ذكرتيلي تفاصيل
تلبكت: هااا ااا اي مو جا اوضضحلك اني مطلعت
: نيلان لتخلين الانتقام يعميج انتي حامل وعندج مسؤوليته حسبالج رسلان يرضى باللي تسوي
: انت مالك دخل فهمت لو لا ولا تكعد تلبسني تهم اني ما ادري عنها وسديت الموبايل حطيت ايدي ع كلبي جان يدك بسرعه عزة هذا لكفني
بس مستحيل اوكف

نمت وكعدت الصبح ع صوت التلفون رفعته المحامية
: الو هلا ست تفضلي
: هلا بيج ست نيلان ابشرج وافق ع البيع وطلب سعر ****
ابتسمت: اوووف الحمد لله شكد يطول العقد وهالسوالف
: نوقع واندز الكتاب لبغداد وهم لازم نستعجل قبل راس السنه بعدين يعطلونه
: تمام اشتغلي بالمعاملة واستعجلي بيها
: ان شا الله
: ست قبل لا تروحين اكوكم بيت هم ناوية اشتريها ياريت تشوفيلي اصحابها
: تدللين
: بس ممنوع تذكرين اسمي اي واذا قبلو عادي يبقون بالبيت وينطوني ايجار
: ان شا الله ست
: مع السلامة حبيبي
: الله وياج
تنهدت بانتصار: والله لاخذ حقي مربع

كمت تريكت وعمه متريكة قبلي وكعدت اشتغل

العصر كاعدة اكلب بالانترنت
اجاني اتصال من المحامية
: الو
: هلا بيج ست نيلان
: وبيج يعمري شلونج
: الحمد لله انتي شلونج
: الحمد لله بخير حبيت انطيج خبر ترا وافقو هم
ابتسمت: ياريت تستعجلين بشغلتهم
: ان شا الله ست نيلان

سديت الخط
ورا ساعة اندك الباب طلعت عمه
بنية بعمري تقريبا وبيدها ولد
البنية ابد ابد ما ارتاحيت الها
ابتسمت كتلها: اتفضلي
كعدت وباوعت للبيت شبر شبر
كالت: انتي نيلان
هزيت راسي: اي نعم تفضلي
تنهدت بحقد ورفعة حاجبها هم بحقد: اني مرت أسر
انصدمت: منوووووو؟ 
ابتسمت باستهزاء: مثل ما سمعتي آسر اللي حبج  وكتل روحه عليج ولو ع شنو بيج حلو مدري والله
الله يرحمه ما عنده ذوق
ابتسمت: متشوفي اخذج جان يستاهلج
عصبت: اسمعيني عدل موتته رجلج ع ايدي جانت
واجيت اتشمت بيج بس ما شا الله عليج ماكو اسعد منج ابتسامتج شاكه حلكج
فار دمي وهيه تكلي اني كتلته
رحت ولزمتها من ياختها: شجا تحجين شنو كتلته
ضحكت بهستيريا: اخذت ثار ابني ورجلي مو رجلج كتل رجلي وحان لازم اخذ ثارة وبما انوماكو زلم اعتمدت ع روحي

صار نفسي عالي وضربتها ع خدها بكل قوتي: انتي شنو رسلان كتل رجلج من شين افعالة لا عبالج كتلة هيج وبعدين من ايمت حبيتي مو انتي اللي شربتي سم بليلة زواجج منه
حجت بكل حقد: اي اني سممته لان كلي بوكتها اني مو الج اني لنيلان وما دام ما اخذتها ما اصير لغيرها

ابتسمت: لهالسبب سويتيلة سحر وجبتي ابنج
حجت بحقد: اي
ابتسمت وكتلها: حسبالج اسكتلج لا يعمري والله ما اسكتلج واني مرت رسلان
ضربتني بقوة ع بطني
وسودت الدنيا بعيني وفقدت وعيي.....