نيران رسلان

البارت السادس والعشرين

البارت السادس والعشرين والاخير

:شرايد؟
: اريد نكعد نحجي
وين
: هسه ادزلج الموقع

ركبت سيارتي وررحت
وصلت المكان جان مكان مهجور
دخلت مترددة مو مرتاحه للمكان بعيد عن الانظار
سميت ودخلت
صحت:اكو احد هنا
ماكو صوت:اكو احد هناااا

ورا شوي طلعو ثنين مسلحين
شفتهم بدو يتقربون مني ورحت اركض

مشيت بسرعة ونفسي قوي وصدري يعلو ويهبط بسرعة نبضات قلبي سريعه
وصلت لمكان طلعو النوب منا المكان صار محاصرة من كل جهة
جتفوني وغمضو عيوني ومشوني واني اصيح
كعدوني ع كرسي
فجاءة ماكو صوت انكطع
اكل اختفى
بس احس اكو شخص موجود
بلعت ريكي: منو هنا
صوت شهيق عالي
بديت اتحرك بعشوائية: منو هنا
اتحرك الكرسي قوي وملت وية الكرسي واكو ايد لزمتني العطر ااااخ يالعطر
رجعني عدل
وبديت ابجي: منو انت وليش نفس العطر ليش منو انت اذا ناوي تذبحني ليش مخليتني اوكع
ماكو رد
نزلت دموعي:معقولة بعدك عايش ما متت معقولة انت نفسك ليش عفتني وحدي ليش حرموني منك اهلك
بلاذنب جي ميت عليك
تمنيت اذب الشيلة ع تابوتك
حرموني من شوفتك
وانت بلا وعي تمنيت ميت عنك
ولا لحظه تكون بدونك

ابجي واحجي: حرام عليك اذا انت وحارمني ليهسه منك عطرك والحجي وطلتك
وينك عني غايب خذوك من ايدي وبسرعة رحت ما فكرت تلتفت وترد الي يا نحاسة كلبك شكد قوية وبعدتني عنك

حاوطتني ايد وصوت بجي هز المكان هو يبجي واني ابجي: فك ايدي وعيوني خايفة يكون حلم وباي دقيقة افز الله يخليك تعبت من الخيال والاحلام ريح قلبي بحظنه منك وريح ونيني الماعرف يملك

فك ايدي وعيوني اول ما باوعتلة بعيوني عتب وعيونه تحجيلي شوكة عيون المحب ما تجذب
شكثر سولفتلي عيونه هيه ثواني بس شفت حجي وغزل ما روت كلبي العطشان لعيونه

حظنته وبجيت بصوت: تدري شكد عانيت بغيابك شكد تعذبت ايام وليالي كضيتها وحدي اريد ابجي عليك بس الدموع ما تكفي نار بكلبي مشتعلة شسويلها ما تطفى 
تمنيتك بيوم ادك الباب واطلع والكاك
واكف بهيبتك
حظني وبجا: جانت واكف ع الباب بعيد خايف ادك الباب واذيج خايف عليج من النسمة خايف عليج من كلشي
وخرت عنه: انت لوخايف صدك ما تعوفني وتروح وما تحجيلي
مسح دموعي وباوعلي وهز راسة: بعدي عنج حتى اعرف عدوج
وخرت ايدة: لو عدوي كاتلني وانت بعيد شيفيدك البعد لو صاير على ابنك ي من قهري شتسوي
ابتسم: ابن ابو مينخاف علي بعد
كتمت ضحكتي ودفعته ومشيت: وخر كلاواتك خل تفيدك
لف علية وتجتف بايدة: وينها اللي تبجي تريدني من جيت لفت راسهاوانهزمت
رفعت جتافي: يمكن لكت غيرك
اجا وراية واني اطلع: تعاي ست نيلان منو لاكية
هزيت اكتافي: مالك دخل انت مو يحقلك تزوج اربعه اني يحقلي اخلعك واخذذ غيرك
لزم ايدي وفرني مقابيلة: حلو والله ست نيلان
حطيت ايدي ع وجهي افكر: مدري ما انتبهت حيل
عصب: شتكولين
متت ضحك: ههههههههه مو وياك
مشيت بسرعه لسيارتي وركبت اجاركب يمي
باوعت باستغراب: شعندك كاعد يمي استاذ مو ع اساس ميت كمل تمثيلك
باوعلي بطرف عينة: ما الج دخل ودينه ع مطعم ناكل جوعان
ردة فعله تضحك: ههههههه ردة فعلك رهيبه
تنهد: ما شا الله عليج تعرفين ادوسين ابطن الواحد
باوعتلة ابراءة: انننننني
رفع خشمه يستهزء: انننننني!!!!! اي انتي
ردة فعلة والاستهزاء جان يموت ضحك: ههههههههههه

مشينا للمطعم وكعدنه نسولف
: اي استاذ شلون متت
تنهد: بوكتها فتحت عيوني مزبان يمي وكلي موتك جانت مخطط لها
اتفقنا من تجين يبدي يسويلي الصعقه مدري همه شلون سووها وبنجوني حتى لا استخطيج واكعد واكلج ترا تمثيل وراها بالطريق بدلنه السيارات مشينا جنازتين ودخلنا جنازة بحنازة
اني تعديت ولجنازة بقو يمها الناس اللي مو اني
وطلعت بعدين ابيت مزبان ضلينه نفكر شنسوي خابرتي وردتي عناوين والاملاك اللي الهم وشكينه بيهم ولحكتج من يوم حركتي المعمل جنت وراج وسيطرنا علي لان تاكدت مو همه بس بقيت بحيرة منو
وع فكرة براق اني اللي خليته يوصل الحجي

وامي تعرف بية عايش من خامس يوم الفاتحه
من اخذتي العناوين كلت اذا دزيت امي راح تتقيد ومتسوي شي
لحد ما مرت اسر اجتي واعترفت هنا عرفت العدو وتصرفت ويا وخلصت منه

باوعت باندهاش: كلها تدري واستخسرت تحجيلي
تنهد: حسبالج بعدج عني هين اطلع الصور واتحسر جني يتيم وبنص صحرا لا كينه لا يعرف نسب ولا يعرف يعيش

اتنهدت: الحمد لله اهم شي عايش
ابتسم الحمد لله

بعد سنة ونص
: يلا يزوني يلا تاتي تواتي
حماس الطفولة لنيل الشيء وضحكات طفولية بريئة خطى اول خطواته لزم الجكليته بسرعه وهو يرفعها: ممما
شالته ورفعته فوك يبعد المممما وعشيرتها ابتسم واجا اخذة: كول بببا
يزن وهو يضرب الجكليته ع الخفيف بوجهة: مممما
ضحكت: ابن امه فديته
باوعلها رسلان باستهزاء: حسافة بي وباما كل الي عانيته هاي تاليته حتى اسمي يتحسف ينطقا
تقربت نيلان ع يزن: كول بابا

يزن وهويضحك بطفولية حسباله تضحكة: دددا
رسلان ضرب وجهة: يقهر بية ددادا نطقها وبابا لا ابن الاوادم شمسويلك
كاعدة واضحك علي يزن حسبالة اضحكة ويضحك وياي

ايامنا تحلى وية اللي نحبه نصبر ويا ع الالم احيانا نحتاج فترة راحه حتى تستمر العلاقة
مو كل شخص يستحق الصبر علي نيلان صبرت سنين بانتظار رسلان بعيدا عن الحب تدري بكلبة الطيب ميستاهل المكان اللي حاط روحه بي
شنو مافيا وقتل وتهريب وانت انسان كلبك طيب
كل مكان سوء ندفع الة خسرات مقابل نعيش
والعيش بسلام هم يحتاجلة خسارات ممكن تكون اقل من اماكن البيها سوء
لا تعيش ع ذكرى انسان وانت تدري انو ميستحق باوع لليستحق مو شرط حبيب احيانا صديق اخ ام اب
كافح لاجل من تحب لا تبقى متخوف لانك رجل راح تقل قيمتي شرف المحاولة يثبت انك رجل

راحت لبيت اخوانها من امها دائما تروحلهم تطمن عليهم تلبي احتياجاتهم وترجع لبيتها قريب البيوت وام رسلان هم كعدت يمهم بنفس المنطقة
اخوانها من ابوها كلمن بشغلة وحياته
مزبان خطب وقريبا عرسة وحدة من خواتي من ابوي

تنهدت: وابوي ابوي بسبب الشرب بكميات كبيرة صار عنده خل باجهزة المعدة وتوفى وراها