لا ظلم يطغى على عدلتنا ⚖️

الجزء السادس عشر الخافي اعظم

الساعة ٦ المغرب ببيت عنان
صاحب مطعم بلاك ستيشن
كانت قاعده بغرفتها مجابلة لابتوبها وتكلم صديقتها فيديو كول
نطقت بحماس : حدي متحمسه الفكره الي ببالي انكم كلكم تلبسون اسود وانا الوحيده البس احمر او لون فاااقع مثلاً اخضر فاتح كوني فتاة ميلاد
صديقتها : لبسي ابيض مع الإضاءة الفاقعه بتنورين
هزت راسها بالنفي : لا ويع خلاص هذا صار قديم تكفين منو الحين يسوي جي ؟
ضحكت صديقتها : ولي بتسوينه تقريباً نفس الشي
جوانه : لا صديقيني الي ببالي شي شي قوي والله
انطق الباب
التفتت لباب ونطقت : منو ؟
عنان : انا
ابتسمت : ادخل
بعدت عيونها من الباب ل الابتوب ونطقت : اكلمج بعدين ابوي عندي باي
وسكرت الابتوب والتفتت لابوها : هلا يبا
عنان بحده : يلا قومي معاي
عقدت حواجبها : وين ؟
عنان : للصاله تعالي نزلي معاي
رفعت حواجبها ب استغراب : تمام
اتجهت مع ابوها للصاله
ولحظة وصولهم للصاله مسك ايدها ونطق : تعالي
اتجهه فيها لخارج البيت
التفتت وشافت كل الي بالبيت متجهه وراهم
افلت ايده من بين ايدينها ونطق وهو يأشر على سيارة : ترررررررا
ابتسمت على ابتسامة ابوها
وما كانت عارفه شلي قاعد يصير
اقترب منها عنان واخذها بين احضانه : كل عام وانتي بخير مقدماً
توسعت ابتسامتها وشدت ايدينها وهي حاضنه ابوها : يبا !!
طبع بوسه على راسها : ياعيون ابوج انتي
جوانه بفرح : الي فهمته صح ولا غلط ؟
رفع صبعه السبابه على طرف خشمها ولمسه بخفه : شلي فهمتيه ؟
اشرت على السياره : السياره لي ؟
توسعت ابتسامته : اكيد لج كل عام وانتي نور عيني
بعدت نفسها من بين احضان ابوها واتجهت للسياره
نطقت بحماس وفرح : بس يبا انا للحين ما دخلت ١٨ وما عندي ليسن !!
اقترب منها : كله اسبوعين وتدخلين ١٨ بعدها تقدمين على ليسن وبعدها انا اول واحد اركب معاج توديني لشغلي
ام جوانه : لا ولم ولن اسمح تركب السياره وانا مو معاكم
عنان بضحكه : خلاص وامج معانا عاد كله ولا زعلها
جوانه بحماس : يبا عفيه اخذني لفه فيها جي بالفريج ؟
عنان : حاضر يلا اركبي انتي وامج
توه كان بيركب بس رن تلفونه
وكان المتصل مطر
وهو ايده اليمين
مطر : طال عمرك في موظف يبي يقدم على استقالته
عقد حواجبه : ليش ومنو اهو ؟
مطر : الي ماسك قسم الضيافه يقول انه مريض وتحاليله بين ايدينه

عنان : خله لا يروح مكان وانت ابيك تروح للمستشفى الي مسوي فيها التحاليل ابيك تتأكد صج مريض ولا وراه بلا
مطر : حاضر طال عمرك
عنان : انا شوي واكون بالمطعم ابي من اكون هناك اعرف اذا صج ولا يجذب
مطر : حاضر من اسكره منك انا بنفسي بروح اتأكد من الموضوع
سكره منه وركب السيارة
_
_
الساعة ٧:١٥ بمطعم بلاك ستيشن
اتجهه عنان لغرفته ولحقه مطر
سحب الكرسي وقعد بينما مطر سكر الباب ووقف جدام طاولة عنان
نطق : شصار ؟
مطر : طال عمرك رحت المستشفى مثل ما امرت وفعلاً طلع مريض
عنان : شلون قدرت تاخذ هالمعلومه ؟
مطر : اعرف ممرض يشتغل بنفس المستشفى طلبت منه اعرف هالاسم عنده ملف ب هالمستشفى واذا مريض وجي وطلع لي انه فعلاً مريض
عنان : خلاص قوله موافق على الاستقاله بس نحتاج احد بداله
مطر : راح ابحثلك
عنان : هالفتره ابيك انت الي تدخل لي الي ابيه لين ما تشوف موظف ونختبر هالموظف بعدين اسمح له يدخل غرفتي
مطر : ابشر طال عمرك تبي شي الحين ؟
هز راسه بالنفي
وبعد ثانيتين : ولا اقولك ييب لي جاي
_
_
بييت ريتاج الساعة ٨
وصل اوسم وسرعان ما مسك تلفونه وطلب منها تطلع 
طلعت ومعاها اغراضها وكانت حيل متحمسه انها واخيراً راح تجتمع مع الانسان الي تحبه ببيت واحد 
نزل جامت السياره ونطق : اركبي
اشرت على اغراضها : والاغراض ؟!
اوسم : خليهم واركبي
عقدت حواجبها بعدم فهم الي قاعد يصير
ركبت السياره ونطقت : زين والاغراض ؟!
اوسم : خليهم بمكانهم ابي اكلمج بشغله
تملكتها الضيقه مجرد ما قالها ابي اكلمج بشغله
تردد شلون يفتح معاها الموضوع
بس لازم يصير هالشي
اخذ نفس عميق لصدره وزفره بهدوء ونطق : مابي اظلمج معاي
اول شي يا ع بالها انه بيتركها
تجمعوا الدموع بطرف عيونها
نطقت بغصه : شلون يعني ما تبي تظلمني ؟!
بعد عيونه من عيونها ونطق : يعني مارح اخذج معاي للبيت ….
قاطعته بنبره شبهه عاليه : ليش ؟؟؟؟
اوسم بهدوء : يابنتي خليني اكمل باجي كلامي مارح اخذج معاي للبيت الحين الحين مو خلاص انا ما ابيج سمعيني عدل
حاولت تمنع دموعها انهم ينزلون
التفتت لصوب الجامه وهي شاده ع اسنانها
اوسم بنبرة حزن : ريتاج يبا طالعيني افهمي السبب