لا ظلم يطغى على عدلتنا ⚖️

الجزء اربعه وعشرون الحقيقة

بيت عيسى الساعة ١٠:١٨
قامت من عالسرير مصدومه من الي قاله هتان
نطقت : شلي قاعد تقوله ؟
هتان بحده : الي سمعتيه خلاص الريال تعب منج قلبه ما عاد يتحمل كافي الي تحمله روحي جهزي ملابسج
هزت راسها بالنفي : لا مارح اجهز شي انا اهني مكاني اهني بيتي
اشر على صور صباح : وهالصور شنو قاعده تسوي اهني ؟؟
اقترب منها بغضب : بعدين انا خذيت منج قلت شي يخصه شلون عندج هالصور ؟!
غيم : خذيت من بيت ابوي …
قطع كلامها بنبره شبهه عاليه : دامج للحين تحبينه ليش جذبتي على عيسى ليش لعبتي بمشاعره وقلتي له انج تحبينه
اشر على الورده المرميه عالارض : الريال يايب لج ورد بعز التعب الي كان فيه ويدخل عليج يشوفج ب هالوضع ! ليش ؟ شسوى لج الريال غير انه حبج واخذج وهو عارف بقلبج صباح كان يسوي الي يقدر عليه عشان تحبينه
غيم : والله احبه والله احبه …
قاطعها للمره الثانيه : الصور ليش اهني دامج تحبينه ؟ ليش للحين محتفظه بصور صباح ؟! صباح خلاص راح راااااح
غيم بعصبيه : ادري انه راح بس اسمعني ولا تقاطعني
هتان : شلون ما تبين اقاطعج ؟ والكلام الي تقولينه ما يتطابق مع الي عيني شافته!
غيم : انت اسمعني بالاول بعدين قول الي تبي تقوله
هتان : خلصيني قولي الي عندج
غيم : انا والله اني احب عيسى ولاني احبه ابي اكون مخلصه له عشان جي رحت بيت ابوي وخذيت كل شي يخص صباح ويبتهم البيت عشان اتخلص منهم لكن من التعب نمت وما حيست على عمري ما كنت ادري اني بطول بالنومه وعيسى راح يشوف الصور
هتان : انزين انتي الحين تعالي معاي بيت ابوي على ما يهدى عيسى بعدين كلميه
هزت راسها بالنفي : من صجك ؟! ماني قادره فكرة انه عيسى يحسب انه لعبت عليه حيل تعور قلبي
سحبت تلفونها من سريرها
وصارت تدق على عيسى لكن مسكره تلفونه وبجي ما تقدر توصل له
غيم : وينه ؟
هتان : مادري ما شفته دق علي قالي اخذج وانه بطلقج
هزت راسها ب عشوائيه : مارح يطلق مارح يطلق
_
_
الساعة ١١:١٠ بليل بشقة نوة
اخترعت من سمعت صوت الباب يندق
وبنفس الوقت خافت
منو بدق عليها الباب ب هالليل
رن تلفونها
سحبته بسرعه من على سريرها
وقبل لا ترد وقفت المسلسل من عالابتوب وردت عليه : هتان تكفى الحقني زين دقيت علي في احد يدق الباب حيل علي شوي والباب يتكسر
هتان : ادري هذي غيم لا تخافين عشان جي دقيت عليج روحي فتحي لها الباب
نوة : تمام
سكرته من هتان واتجهت للباب فتحت ل غيم

دخلت غيم بعصبيه : وينه وينه
عقدت نوة حواجبها: منو الي وينه ؟!
غيم وهي تبحث عنه بالشقه : منو يعني عيسى وينه
رفعت حواجبها بصدمه
معقوله تفكر انه ممكن عيسى يكون عندها بعد ما عرفت سبب زواجهم !
نوة : انتي شقاعده تقولين شييب عيسى عندي البيت ؟
غيم : اذا مو عندج عيل وينه ؟
نوة : شسالفه ؟ صاير شي ؟
اقتربت منها غيم ورمت نفسها بين احضانها ونطقت بغصه : راح يطلقني يا نوة راح يطلقني
_
_
الساعة ١١:٣٠ بلليل ببيت ام سدره
حاطه سكره بين احضانها وتشربها الحليب
سمعت صوت جرس الباب
عقدت حواجبها واستغربت منو ياي لها هالحزه
تركت سكره عالسرير وراحت تشوف منو
ومن شافت انه هزاع عالباب فتحته
نطقت بخوف : سدره فيها شي ؟
هزاع : وين دوسر وسكره ؟
ام سدره : عندي ليش ؟
هزاع : على اي اساس خذيتيهم من البيت ؟
ام سدره : هل لانه اليوم اول يوم لكم ….
قاطعها بعصبيه : اذا ناسيه اذكرج انه زواجي من بنتج على ورق
ام سدره : بعرف بس قلت ممكن تعطون نفسكم فرصه وتحاولون
هزاع : يبي دوسر وسكره
ام سدره : لك حرام دوسر نايم
هزاع : عادي قعديه
ام سدره : شو رايك تروح انت البيت وانا بكرا اجيبهم لك
هزاع بحده : اظن كلامي واضح يبيهم
ام سدره : طيب راح اجيبهم بس انا انتبهت عليك وكنت بسكت بس مو قادره
ملتزم الصمت
ومن شافته ما رد عليها نطقت : ليش مو لابس خاتمك لازم الي حولك يعرف انك متزوج لاني انا حاسه ان شاءالله بالمستقبل راح تحبو بعض
هز راسه ب عشوائيه
ودخل يبحث عن دوسر وسكره عشان ياخذهم
حمل دوسر على كتفه اليمين
وسكره على ايده اليسار
وطلع فيهم من البيت
_
_
الساعة ١١:٤٦ بشقة اوسم
الاثنين يخافون من افلام الرعب
ومع هذا قاعدين يشوفون فيلم رعب
رغم خوف ريتاج تحس بالامان بوجودها بحضن اوسم
ونفس الشي رغم خوف اوسم يحس بالامان على وجود ريتاج بين احضانه
معروف بالافلام الرعب تكون الموسيقى هاديه وفجأه تكون عاليه وهذا الي يساعد على الخوف
اول ما صارت الموسيقى عاليه مع المشهد المرعب
لفت ريتاج ويهها على جهة اوسم
وبنفس اللحظه لف ويهه عليها
تصادم ويهه ريتاج ب ويهه اوسم
رفعت كفها ل جبهتها وهي تتألم
رفع كفه وحضن ويهه ريتاج : تعورتي ؟
هزت راسها بالايجاب
طبع بوسه مكان الالم
رن تلفونه
ريتاج : ويييي شكلنا تأثرنا ب مسلسلات التركية
ضحك بخفه : ليش ؟