بين الحب والظلام

الـظـلام|13

-بـيـن الحـب والـظلام

الـظـلام|13

-غـديـࢪ الـ قُتيبه.

ـــــــــــــــــــــــــــــــــــــــــــــــــــــــــــــــ
- من مبدأ إكرام الذات ، لا حنين لمن لا يحن.

- جبران خليل جبران 📚.

ـــــــــــــــــــــــــــــــــــــــــــــــــــــــــــــــ

هذال: ولك شسويت اشسويت ضربت صاحبهم

وائل: مادري مادري جان هوة بضهرها ردت احط الطلقة بيها بس هوة صار كدامي كلشي جان تمام بس هوة وكف كدامي وخرب

هذال: ولك هاذ عسكري مو لعب وجانو حاطين حماية شي اكيد عرفوك لازم تروح وائل لا تضل بكربلة روح

وائل: وين اروح وين يلكفوني

هذال: انجب مادام سجلك نضيف ومحد يعرف بيك موجود بالعرس روح للنجف للمحافظات اهم شي لا تضل بكربلة

وائل: بس.....

ـــــــــــــــــــــــــــــــــــــــــــــــــــــــــــــــ

حسنين: لا تعبيني غزال التلفون من يمج ودكي على خيبر

غزال: ايي ايي ماشي

:-دكيت علي ورد اشرلي وكال

حسنين: افتحي مايك

خيبر: الووو وادي انت وين؟؟

حسنين: خيبر ماكو وقت للكلام امشي وية الزفة جن ماكو شي واذا سئلوك علي كلهم الأمر خابرة ورجع البغداد

خيبر: شصاير ولك شكووو

حسنين: صار هجوم تكتيكي يعني هجوم ناعم صار رصاص من سلاح كاتم جان موجه الاحد العرسان خلي الحماية اتفتش وعيونكم عشرة عشرة

خيبر: زين انت وين رايح

حسنين: عندي شغلة اكملها واجيك روح روح

:-سديت الخط والوجع يزيد

غزال: جرحك ينزف ولك حسين جرحك

حسنين: لا تخافين سطحي بس لا تشلعين روحي بتفرفحج

غزال: اوكف اوكف

:-شكيت وصلة من الفستان وكف السيارة علة صفحة ربطت الجرح وغسلت وجه وهوة ساعة يصحة ساعة يغفى وصلنة يم مجمع طبي....

غزال: باوعلي باوعلي لا تنام هاذ مجمع طبي كوم اخذك الة كوم حسين حباب لا تنام

:-شلتة رغم هوة ضخم حيل وثكيل خليت ايدة حول ركبتي وايدي على خصرة ذب كل حملة علية بس استحملت ثكلة ومشيت بي للمجمع لاكاني ولد