بين الحب والظلام

الـظـلام|18

-بين الحب والظلام

الظـلام|18

-خـيـال

ـــــــــــــــــــــــــــــــــــــــــــــــــــــــــــــــ

ياواهس ضحُكتي ويا ڪَمر عيني...

ـــــــــــــــــــــــــــــــــــــــــــــــــــــــــــــــ

ريف: شلون شلون فهمني شنو يعني جدو؟

خالد: الها وكت جدي ما عليج وين زلمتج

ريف: كال راح اجيب غدة واجي

:-هز راسة ورجع يحور السالفة وما كالي شنو معنى كلامة كعد يسولف وياي ويشاقيني ود راجعة الاربيل لان شغلها هناك

وائل يكول جدي عندة شغل خارج المحافظة وعمو طالع من الصبح البغداد اجة سياف جايب سمج سويناهم انا وخالتي...

منسا: شلونهم عيالج وياج بنتي..

ريف: الحمدلله ماكو منهم والله يعاملوني كأني بنتهم..

مسنا: الف الحمدلله شلونة رجلج وياج

ريف: الحمدلله ما مخليني والله شايلني بعيونة

منسا: اعذريني لا وكفتلج بعرسج ولا.....

ريف: اعرف خالة اعرف ما زعلانة والله ولا ضايجة هوة هذا عمي الله يصلح حالة ويهدي

مسنا: وجهي اسود يمج المفروض اكون وياج بمثابة امج بس وعلي عمج منعني

ريف: لا تضوجين عيوني انت

:-حاولت اغير عليها جو واضحكها واسولف وياها سوينة السمج سكف وسويت لبن وخضرة وزلاطة وطرشي وتمن احمر رتبنة السفرة صار عمو يجي يشيل ويانا ورافع اكمام قميصة...

ريف: عفية عفية

سياف: سربوت

ريف: بعد بعد

سياف: انا اعلمج اصبريلي

ريف: احجيلك ويا سيافوو

:-طلعت مني وصفن ابتسم وراح بيدة الاماعين

ضليت اغم بروحي عمة شلون هيج اصيحلة شنو اخوي الزغير هوة..

سياف: يلة يلة بدون صفنات وليدي حرك حرك

ريف: ايي ايي

:-اتربت السفرة واجتمعنة على السفرة بكشل مرتب وطب عمو هذال الخوف تملك كلبي من شفت نضراتة علينا

هذال: السلام عليكم

-وعليكم السلام

هذال: نسيبنة اليوم منورنة اهلا وسهلا