بين الحب والظلام

الـظـلام|29

-بـيـن الـحـب والـظـلام

الـظـلام|29

-خـيـال.

ــــــــــــــــــــــــــــــــــــــــــــــــــــــــــــــــــــــــــــــــــ

خويط شمعة صرت
ما ادري ليش انچوي
وما ادري ليش اچوي ،،

هسه انه ادري انعفت
كون ادري شمسوي ،،

ــــــــــــــــــــــــــــــــــــــــــــــــــــــــــــــــــــــــــــــــــ    ـــــــــــــــــــــــــــــــــــــــــــــــــــــــــــــــــــــــــــــــــ
خيبر: شبيك ضلعي من رجعت من الطريق الحد هسة صافن بالسكف..

رسيم: غلطت غلط كلش جبير ولك خيبر

خيبر: شكو يا ستار شسويت ولك

رسيم: طحت بالعشك وهيَ مو كد هل حمل ولا گد وهل عشگ

خيبر: ليش ولك مو گدة الحب حلو بس كون اختيارك صح

رسيم: ما اعرف شلون صارت شلون سكنت كلبي شلون احب تصرفاتها احب شكلها الطفولي ولك ازغيرة وانه شايب حتى لو اروح اخطبها شيكول علية ابوها شايب بكدي وانطي بنتي...

خيبر: اوكف لا تحجي بالالغاز من غير شي عدنة اللغاز ما حاليها احجيلي منو هيَ وشلون حبيتها ومن يمتة...

رسيم: السالفة وما بيها انه عاشگ بنت ابو سياف...

خيبر: احييي انعم واكرم خوش ناس وهمة گرايبك ما بيها شي والشباب يشهدون الك سياف ومرتضى بعد المن خايف..

رسيم: اخاف ولك خيبر اخاف اطلبها ويحطون بالهم انو اكو علاقة بيني وبينها او اكو شي بيني وبينها لان همة حاطينها عندي امانة انه اجيبها واوديها للدوام..

خيبر: ايي

رسيم: الله شاهد البنية ما تعرف بمشاعري ولا هل كد وحتى من تصعد وياي بس اتسلم وتصعد ما اتباوع بعيني ولا تحجي اصلا يا عينها بالكتاب يا اتباوع من الجامة...

خيبر: انتَ اتباوع عليها...

:-ذب نفس عالي ويحجي بهيام غرگان صويحبي...

-ودي اگلها بعيوني ما اشبع من شوفتها مرات افوت بطرق حتى يطول الطريق ومرات احاول احجي وياها بس هيَ رسمية كلش اتخاف من كلشي والاحلى اي شي يصير وياها اتكول الاهلها ما اتخلي نتفة هل نتفة تعتب عليها...

خيبر: اهمم

-ولك ما اعرف شلون حبيتها او شلون هيج كلبي هاويها ميت بيها  هي مراهقة بعمر 17 سنة اتحب دراستها حيل وانه عسكري طالعة الدنيا من عينة  شايف مرة عصت عدها مسألة وخلتني اوكف السيارة بالشارع وكعدت تبجي خاف تجي والمسألة وما تكدر اتجاوب...