بين الحب والظلام

الـظـلام|25

-بين الحب والظلام

الـظـلام|25

-خـيـال.
ــــــــــــــــــــــــــــــــــــــــــــــــــــــــــــــــ
هَـلاا بعروگ اديه ورمشِي والـّعين..
ــــــــــــــــــــــــــــــــــــــــــــــــــــــــــــــــ

ود: باجر انه راجعة الاربيل اكمل نقلي وحاجاتي وكلشي ماشي يمه؟؟

:-بهل اثناء اندڪ الباب طلعت اشوفة وفتحت عيوني على وسعهم....

هذال: هااا شبيج شو صفنتي وخري...

ود: هلا..

:-لزمتني الصفنة فعلاً خرجوا ما اتشاقو الشباب طب جوة وامي اتلگتة بملگة حلو وتحجي ويا بلهفة واشتياق وهوَ يرد برود

منسا: وين صرت يا رجال ماكو لا خبر لا مكالمة

هذال: يعني وين جنت غير جنت بسورية وهناك ضاع تلفوني والتهيت بكلشي وما خابرتكم... ابوي وين؟؟

ود: مات

:-انصدم بقوة فتح عيونة على وسعهم صفن دقايق وكال

هذال: شلون شوكت شنو؟؟

ود: قبل 40 يوم... ما اتشوفنة لابسين اسود...

هذال: شلون؟ ليش؟

ود: يمكن مات من ضيمك واليش هاي ربك رحيم واخذ امانتة....

:-صاح بأسمي بصوت عالي وهجم علي جابني بوكس أتذة حلكي وكامت امي سحبتة مني

هذال: هاي علمود تتعلمين تحجين عدل وية ابوج بنت الكلب ما عرفت اربيج وخري انتِ

ود: ابوي؟؟ كتلي ابوي؟؟ من شوگت؟ شو ما ادري عندي أب انه؟ لا تنسى اسمي ما مسجل بأسمك اسمي ود خالد لو توذن ما انقري على اسمڪ فا لا اتسمي روحك ابوي احسن الك لا ما تشوف خير وعلي..

هذال: كضي بنتج ربيها ما عندها تربية ترفع صوتها بوجهي....

منسا: ود روحي الغرفتج روحي يمه اتكفي الشر....

ود: فهمي رجلج هوَ مالة سلطة علي انه مو بنتة

:-عفتة يدردم ومشيت الغرفتي وقفلت الباب ضليت وحدي الساعات بس حلكي يوجعني لان البوگس قوي باوعت على المراية لكيت حلكي بي دم وشفتي مورمة... مسحت الدم وحطيت دهن حتى اتخف....
طلعت جنطة مالتي وصرت الم بملابسي واحضرهم وخابرت وحدة من صديقاتي اتحضرلي تذكرة علمود ارجع الاربيل..
اجة الليل وطلع الصبح وطلعت وية فكة الصبح بعدهي ما طالعة الشمس..
صارو بوجهي الشباب اتذكر منهم بس خيبر ما اعرف اسماء الباقية...

خيبر: صباح الخير...

ود: صباح النور..

خيبر: ولو تدخل مني بس دنيا الفجر وين رايحة بهل وكت؟؟