بين الحب والظلام

الـظـلام|19

-بين الحب والظلام

الـظـلام|19

-خـيـال

ـــــــــــــــــــــــــــــــــــــــــــــــــــــــــــــــ

- وأنكَ وَطن وحُب وسَلامٍ يُعانقنيَّ.

ـــــــــــــــــــــــــــــــــــــــــــــــــــــــــــــــ

حسنين: شكو ولج شكوو

غزال: ولك ابو بريعص تعال اكتلة

حسنين: صدك تحجين؟؟

غزال: والله ذاك على الحايط...

حسنين: اذا اكتلج هم واحد يكلي ليش؟؟

غزال: حباب اكتلة والله اخاف...

حسنين: شو وخري

:-انهبط كلبي من صرختها طلع كلة علمود ابو بريعص دورت علي ما لكيتة

حسنين: ماكو

غزال: والله ستوني شفتة...

حسنين: تعالي ماكوو

غزال: لا ما انام هنا اروح انام بالغرفة الزغيرة انت نام هنا...

حسنين: هيج تخافين!؟

غزال: كلشي ولا ابو بريعص اموت منة

حسنين: هههههههههه والي يشوفج يكول ياجبل ما يهزة ريح طلع يهزج ابو بريعص

غزال: معليك لا تضحك

حسنين: خوافة..

غزال: ننننن

: عفتة ورحت على الغرفة الثانية وانصدمت بشكلها فتحت عيوني على وسعهم من شفتها بيها علم جبير الريال مدريد وصور لاعبين ورسمة شعار مدريد على الحايط وبيها شاشة جبيرة حجيتها بدهشة...

غزال: واو

حسنين: مدريدي قافل...

غزال: انت مخبل بهل نادي

حسنين: عادي شتسميني سميني

غزال: بس للامانة كلش واو

حسنين: اي شي يعجبج غيري بس هاي الغرفة لا تلعبين بيها خليها مثل ما هية

غزال: هاهية

حسنين: اخذي راحتج تصبحين على خير..

غزال: ما تتعشة؟؟

حسنين: جوعانة؟؟

غزال: اذا تاكل اكل

حسنين: شني هية مزاود يابة ماشي سويلنة

غزال: الثلاجة بيها؟

حسنين: ما اعرف شوفي علمود اذا ماكو انزل للماركت...