# تحت قيده
البارت 17
"اليوم بارت عن رسل اخت ايهم الصغيرة
وشراح ايصير بيهة ويا امجد بالبارتات القادمة"
طبيت للحمام بسرعة وسديتة وراية وانتچيت عليه نزلن
دموعي لا اراديا ع خدي بسبب الموقف الي صار وياية
ويا هل شخص مغرور الي ماعندة ولاذرة احترام ولا اسلوب مشيت
بضع خطوات لحد ما وصلت للمغسلة جان اكو گبالهة
مراية حسيت بوجع فضيع برجلي الضاهر كزازة طابة
بيهة من شارع لان بقيت مدة طويلة حافية رفعت
رجلي لناحيتي حتى اشوفهة زين بس مكدرت اشوف
شي من الطين الي موجود عليهة بس جان اكو شوية
من دم الجاف الظاهر مجروحة بدون ماادري طبيت
تكرمون للتواليت وكمت اغسل رجلي زين بالصوندة لان
مو حلو اوسخ المغسلة نشفتهة چانت اكو دچة موجودة
بالحمام خليت الفايل مالتي فوكاهة وكعدت عليه مابيه
حيل تتوسخ ملابسي انوب بديت اطلع الكزيز الي
موجود برجلي الظاهر من موقف الي صار بيه قبل
شوية نساني الوجع والالم الي برجلي همزين جنت خالة
ملقط بجنطتي دائما اخذة وياية للطوارئ واجة الوكت
الي استفاد منة طلعتة من بين الاغراض وكعدت احاول
اطلع الكزيز الناعم الي برجلي مرخمس دقايق واني احاول اطلعهة واخيرا همزين
نجحت ان اطلع كل گزيز ناعم من رجلي طلعت كنيلسة ومسحت رجلي عفتهة
مثل ماهية بدون ضماد لان ماجنت جايبة وياية
لاصقات جروح او بالاحرى مجنت محسبة لهيج موقف
بس الظاهر ايامي حلوة من اول يوم وحذائي انشلع
واتبهذلت بالمكان چن مو ناقصني الي صار بيه لحتى
يجي شخص مدلل مغرور ماحاس بطعم المعاناة حتة
يهيني يم كل الطلاب الي بالجامعة اتقدمت من مراية
غسلت ايدي وباوعت ع وجهي جان يخوف دموع بيه
وكحلتي نازلة نزلت راسي للمغسلة وغسلت وجهي من
اثار الدموع والمكياج ونشفتة طلعت كحلتي وشوية
خطيت جوة عيوني حتة مايبين اثار البجي وتعب
بعيوني غمضت عيوني وجريت نفس قوي بحسرة
وتعب وفجأة اذكرت الموقف الي صار بيه قبل شوية
ويا هذا الولد المغرور وشلون حرجني يم الكل نزلت
YOU ARE READING
تحت قيده
Romanceشاب فقير يواجه فتاة غنية ومغرورة ويضطر لاختطافها لانقاذ والدتة من الموت
