تحت قيده

البارت السابع والعشرون والاخيرة(التكملة)

# تحت قيده

#البارت 27 تكملة الحلقة الاخيرة 

(وصلنة اليوم لنهاية  رواية تحت قيده اتمنى تكون عجبتكم روايتي وعذروني عن اي تقصير اتجاهكم ورغم ان بارحة كتبتهة  وردت انشرهة بالليل بس انمسح البارت كلة  حيل انقهرت عليه بس ماستسلمت ورجعت كتبتة من جديد لخاطر عيونكم والحلوة وتعليقاتكم لتشجعني حتة اكتب اكثر استمتعو اليوم طولتلكم شوية بالبارت الاخير  وشكرا ع متابعة الرواية وصبركم عليه بأوقاتي الصعبة احبكم يااحلى متابعين راح اشتاقلكم هواي..... 🌹❤)

مشاهدة ممتعة 🤗♥

*************

واگفة گبال لمراية ودموعي يجرن جانت ادية ترجف

واني لازمة اختبار الحمل خايفة

لايعرف امجد ويأذيني ويإذي الطفل الي بطني هو الي

ماطايقني فأاكيد ماراح يتقبل هذا الطفل مني طلعت

من حمام ولگيت الخادمة الي صارت صديقتي واکفتلي

بالباب منتضرتني حتة تعرف شنو نتيجة الاختبار

انطيتهة الاختبار واني صافنة ودموعي ع عيني ماعرف

شلون اتصرف استغربت هية من شافت حالتي اخذت

اختبار الحمل ابتسمت من شافت النتيجة ايجابية

الخادمة اسراء: ااي حبيبتي مبروك ع خير عليج بس

ليش انتي هيج ضايجة المفروض تفرحين راح يصير

عندج طفل

رسل بحزن: ولج شتحجين اسراء يا مبروك شلون

تريديني  افرح  ماتعرفين امجد ماراح يتقبل هذا الطفل

واكيد راح يإذيني ويأذيه ويخليني اجهضة

اسراء : اشمدريج هذا ابنة يجوز يفرح من يعرف راح

يصير اب ماكو زوج مايفرح لان راح يصير اب

رسل بدموع: بس امجد يختلف امجد ماحبني حتة يريد

طفل مني اذا هو مامتقلني الي اني شخصيا شلون

تريديه يتقبل هذا الطفل لا مستحيل ماراح اجازف

بأبني

بالنسبة الية مااهتم لروحي بس هذا ابني ماراح اجازف بيه

اسراء بشك: شنو قصدج رسل شتردين تسووين بس لا الي ابالي صح

هزت رسل راسهة بنعم: اي راح اهرب من امجد واريد مساعدتج

اسراء بخوف: لا لا مستحيل تريدينة يكتلني انتي

ماتعرفين شنو ممكن يسوي بيه اذا عرف اني مساعدتج
لزمت رسل ايد اسراء

رسل بتوسل: الله يخليج اسراء ماعندي احد غيرج

يساعدني هنا امجد اذا عرف بيه حامل منة راح يكتلني ويكتل لطفل الي بطني اذا ساعدتني راح تكونين ناقذة روحين مو روح وحدة