تحت قيده

البارت الثامن عشر

#تحت قيده

البارت 18

گاعدة ع الچرباية الحديدية ضامة رجليهة لصدرهة

ومخلية راسهة ع رجليهة وصافنة ع الحايط الي تكاد

الرطوبة تاكلة وهية بالهة بمكان ثاني تتذكر الاحداث

الي صارت وياهة بأخر فترة وشلون تغيرت حياتهة

ونگلبت بين يوم وليلة من بنية مدلله كل شي تتمناه

يجي لحد عدهة وكلهة تتمنى رضاهة وتتمصلحلهة

ويعملولهة الف حساب خدم وسايق وسيارات وقصر

وفلوس وذهب وكلشي تحلم بيه اي ابنية الى غرفةمساحتهة خمس امتار تقريبا حتة حمام غرفتهة جان اكبر من

الغرفة الي كاعدة بيه هسة حتة الخدم الي ابيتهم

مايگعدون بهيج غرفة وياريتهة لو بس ع مكان انما

حالتهة النفسية الي بدت تدهور من يوم ماحاول طارق

يتعدى عليهة نزلت دمعة من عينهة من اذكّرت الحادثة

ولوما ايهم اجة بالوقت المناسب جان هسة حياتهة

ادمرت هسة يلة عرفت قيمة حياتهة القديمة الي جانت تتمتع

بيهة قبل لايخطفهة ايهم واذكرت شلون جانت مغرورة

وشايفة روحهة ع الكل وشلون جانت تباوعلهم

بأستصغار حتة صديقاتهة ماخلصن منهة ضحكت

بسخرية ع نفسهة من اذكرت تصرفاتهة ويا الكل جانت

هية الي تحجي ع امهة وان هية مهتمة بنفسهة

وهاملتهم أم مغرورة  ومهملة طلعت هية اسوء  امهة

اكيد هسة  الكل يتمنى ماترجع لو تختفي نهائيا من

حياتهم اذا هية بنفسهة تتمنى تختفي عن الوجود اكيد

الي دايرمدايرهة كارهيهة شلون ماجانت تحس ع

اسلوبهةوتصرفاتهة ويا العالم اذا الله سبحانه وتعالى ذاكر  بكتابة الكريم

بسم الله الرحمن الرحيم  (وَلَا تُصَعِّرْ خَدَّكَ لِلنَّاسِ وَلَا
تَمْشِ فِي الْأَرْضِ مَرَحًا إِنَّ اللَّهَ لَا يُحِبُّ كُلَّ مُخْتَالٍ فَخُورٍ) "صدق الله العظيم "

اكيد الله هسة غضبان من يمهة ومن تصرفاتهة قبل

وغرورهة ويا العالم وديعاقبهة ع افعالهة ماتنكر ان هية

اذت مشاعر هواي عالم اكيد الله يعاقبهة ع الناس الي

اذتهم واجة الوكت الي لازم تدفع بيه ثمن اخطائهة

وهنا نكدر انسميهة العدالة الالهية مثل ماهانت هواي

ناس اتهانت ومثل مااذت اتأذت كما تدين تدان اعلم ان