#تحت قيده
البارت 25
(السلام عليكم شلونكم يااحلى متابعين رجعتلكم الحمد الله وراح نكمل من وبن ماوكفنة الحمد الله بفضل الله وبفضل دعواتكم الحلوة گمت بالسلامة شكرا لكل شخص دعالي وقدر وضعي واعتذر منكم ع تاخير القصة ).
ملاحظة: يرجى متابعة البارت السابق لان ماعدت الحجي القديم فتابعوه حتة تذكرون الحجي الي صار بيناتهم
(بسم الله الرحمن الرحيم نبدي ابارت اليوم)
نزلت بسرعة من سيارة سليم واني مقهورة من اسلوبة
وتعاملة الجاف وياية ومن ناحية مكسورة بسبب الي
سوتة اختي الصغيرة بينة معقولة رسل الطفلة البارحة
صارت هيج تسوي بينة تزوج بدون ما ندري واني
اختهة حافظة اسرارهة اتظم عليه هيج شي اني الي
جنت اعتبر روحي اني مسؤولة عن تربيتهة هاي تاليهة
اتجازينة بهاي الطريقة مع الاسف عليج رسل ماراح
انسالج هاي الكسرة
وكتهة كرهت روحي والدنية كلهة بسبب المصايب الي
جاي تجينة صفح مااعرف شنو الي سويتة اني حتة
اگضي حياتي كلة متعلعلة ومشاكل تلحگني وين مااروح
طبيت للبيت واني دمعتي بعيني وشكلي المتبهذل
وعبايتي الوسخة گايلة صفح مجنت مهتمة لشكلي
بسبب كسرة گلبي من اختي ومن شخص الي حبيتة
واخوية المسجون الي مانعرف وين صار بيه الدهر جانو
ايمنعونة من زيارتة حتة وجنت شاكة السبب سليم هو
الي الة ايد بهذا الموضوع غمضت عيوني بقهر ونزلت
دمعتي كل هذا واني جنت بالطارمة جريت الحسرة
لبگلبي وفتحت الباب الداخلي للهول وهنا جانت
الصدمة فتحت عيوني ع وسعهن واني اتمنى الي شفتة
مجرد خيال مو صدگ بس الواقع غير شي حسيت
روحي انسحنت وگلبي انهبط واني اشوف امي للمرة
ثانية مجطولة گدامي بالگاع رحت عليهة ركض واني
ابجي وادعي ربي ايكون مابيهة شي وصلت قريب منهة
وجان اعثر بعبايتي الي جانت بعدهة ع جتفي
ماهتميت وكملت طريقي ركض الهة وصلت لحد عدهة
خليت راسهة بحضني واني اتوسل بيهة حتة تكعد بس.
جانت فاقدة
زينة بشهگةودموك : لا لالا... يمةةةة د.... يممممة دخيلج
YOU ARE READING
تحت قيده
Romanceشاب فقير يواجه فتاة غنية ومغرورة ويضطر لاختطافها لانقاذ والدتة من الموت
