#تحت قيده
البارت 22
بعد مرور اسبوع ع زواج رسل وامجد بالسر
اجة اليوم الي تحدد بيه خطوبة سليم وزينة واكيد
الخبر وصل لايهم وبحضورة تتم الخطبة لان يعتبر هو
ولي امرهة من بعد ابوه المتوفي فااضطر ايهم يرجع
لبغداد وياخذ وياه منار لان مايكدر يعوفهة وحدهة
ويرجع من بعد مارجعو عمار واركان وامير لبغداد
فجانت الخطة مالتة يرجعهة بالليل قبل يوم خطوبة
اختة لان اكيد. اهلة نايمين بهذا الوكت وبالتالي محد
راح يكدر يشوفهة لبسهة نقاب حتة تغطي وجهة ومحد
يتعرف عليهة
꧁꧂الساعة ب٢:٠٠بالليل ꧁꧂
وصلو ايهم ومنار لبغداد
جانت منار تمشي بصف ايهم بالشارع بقالهم شوية
ويوصلون لبيت اهلة جانت منار لابسة نقاب كامل اسود
حتة محد يتعرف عليهة اما ايهم فجان لازمهة من
ايدهة ويمشي ابرود
منار بتذمر : ااااف هااااي شبيك ايهم امشي ع كيف
سحولت بية الكاع تسحول بهذا النقاب الي مجاي اكدر
اشوف شي من يمة وبعدين ليش ملبسني نقاب بنص
الليل منو قابل راح يشوفنة هيج وكت واشمعنة نزلت
بالليل لبغداد. جان اجينة الصبح متوازين نطلع
ب٢:٠بالليل
دمغهة ايهم ع راسهة بخفة
منار: ااااخ هاي شبيك ليش دمغتني سالنة سؤال جاوب
مثل العالم وناس لو كلة عندك ايدك والضربة
رفع ايهم حاجبة بأستهزاء واندار عليهة: لان غبية نسيتي
اني مطلوب للعدالة واذا اتاكدو اني الخاطف وانتي
مخطوفة ياحلوة واذا شافنة احد ممكن يبلغ علية
ويقبضون علية الشرطة فلهذا السبب رجعنة بنص الليل
حتة محد يعرف بيج واهلي ميشوفوج لان امفهمهم
جنت مسافر علمود شغل افتهمتي هسة ليش اجينة
بالليل ولابسة نقاب
منار بملل: اي اي هسة يلة فهمت وبعدين اني شمدريني
اشتتم چف ايدي غير انت جنك عباس المستعجل يلة
ويلة خبصت الدنية ولبستني نقاب بدون مااتفهمتني ع
اي شي
ايهم بأستهزاء:وهسة عرفتي شستفاديتي يلة امشي
YOU ARE READING
تحت قيده
Romanceشاب فقير يواجه فتاة غنية ومغرورة ويضطر لاختطافها لانقاذ والدتة من الموت
