الفقيده ميرال | 𝐌𝐈𝐒𝐒𝐈𝐍𝐆 𝐌𝐈𝐑𝐀𝐋

1

' "اذا طلعت من البيت وتزوجت الكـ/ـلبه بنت الكـ/ـب انت مو ولدي وعيالك مو احفادي يا شهمان!"

ذيك الكلمات الي جت لشهمان وهو حتى شنبه دوبه خاط حتى تقدمت ذيك الي تمسك طرحته رافعتها على وجها

شهمان:
"يمه انتي بعـ.."

"اسكت عساك ماهرجت!، لا تهرجني واطلع من البيت عساك ما رجعت!"

مو صدق ان فيه عايله كذا تسوي في ولدهم الي ما تعدا العشرين من عمره

انطرد من البيت ومن العايله ومن الديره الي هم فيها

ركب وانيته الاحمر وحرمته من جنبه رفعت غطوتها تناظر في زوجها الي لف عليها وابتسم لها وقال :

"ماراح اقول وانا ولد ابوي، بقول وانا زوج المها لا تخافين محد منهم بيلمس منك شعره وراح اكون في وجهم"

ابتسمت المها له وهي كان عمرها اصغر من عمره لما مسكت يده وعيونها تبكي

"واخذت من اسمك نصيب يا شهمان وربي اخذ مني الاهل واعطاني رجال شهم!"

رواحو يعيشون حياتهم بعيد عن اهل شهمان والام كانت يتيمه .. '

في صالة احد البيوت كانت هذيك البنت تسولف على اخوها الي عمره ما تعدا شهور ولا هي الي تعدت عشر سنين وامهم الي تنزل العشاء على السفره

كانت تقول له القصه الي تعودت تسمعها حتى لفت عليا امها الي توها قعدت

"كملي القصه وش صار فيهم؟"

ناظرت فيها امها وهي تبيها تكمل القصه وضحكت لبنتها الي لفت على اخوها الصغير تكمل

"وعاشوا حياه حلووه مره بعيد عن هذول الاهل بعد ما جابوا فارس وايريم!"

ابتسمت الام وهي تناظر لبنتها وتمسح على راسها حتى قاطعوا هذيك الليله بصوت طلق النار الي كان برا البيت

"يمه هذا وشـ.."

"ميرال خوذي فارس واطلعي من باب المطبخ!"

ميرال:
"يمه وش ذا الصوت!!"

"بسرعه الحين!!!"

صرخت المها على بنتها الي اخذت اخوها وطلعت من الصاله واخوها يبكي معها حتى شافت امها وهي تاخذ ذاك السلاح من درج المطبخ وعجزت تتحرك

تقدمت لبنتها الي كانت خايفه وتتراجف وطلعت وهي وراها بخطوات قصيره حتى طلع ذاك الرجال الي كان متصاوب في كتفه وهو يحاول يرفع السلاح الي كان بيده