Pov
Raat ki tareeqion mein jahan sab sakoon se khuwabon ki wadiyon mein gum thay wahin kuch dil toote hue
Kuch dimag uljhue hue bhi thay
Chaand ne dekha hai aik saath aik urte hue dil ko
Aik tutey hue dil ko , koi souchta hai ke chaand bhi khushi ke marey chamke ja rha hai bilkul uske ehsasat ki tarah
Koi souchta hai ke chaand bhi bain dalta hai kabhi toot kr , badlon mein chup kr
Or kabhi roshnani ban kr uske zakhmi dil pe Marham rkhta hai
Inhi uljhe dilon mein aik uljha dimag bhi hai, Daniyal Khan
Tareek kamre mein khirki se ati madham roshni bed pe betarteeb pare admi ka aqs sa bana rhi thi
Tangein bed se neechay zameen ko chuhti hui baal bikhare hue or...
Or ankhien laal , khun ke ansu rone ko be taab , hathon mein pakri cigarette
Jo bhari hui Ash tray ki zeenat banne ja rhi thi
Aik akhri kash ... aik naya khiyal or dur jata hua daniyal un mein kho rha tha, unka hissa ban rha tha
" Hahahahah, agh hahha oh agh ha , ah hahaha da...hahaha daniii... bass karoo ma gir jaoun giiii hahaha "
" Dani mera poun.. mein thak gae hun"
" Tou rok jao naa kiun bhag rhi ho "
Safeed shalwar kameez mein halka sitaron wala safeed dupatta liye khule bhure lambe balon wali larki
Bhagti hue lawn se ghar mein dakhil hue , uska dupatta kandhe se sirakta hua zameen se ja mila
Uske peechay ate larke ne dupatta utha kr apne hath pe bhand lia jaise , koi zakhmi apne hath par pati bhandhta hai shifa ke liye
Wo larka ussko kab ka pakar chuka hota agr wo koshish krta ... agr wo koshish krta
Larki bhagti hui lounge mein TV table ke dusre par khari ho gae
Ab uske poun bhag bhag kr or uska pait hans hans kr uska saath dene se inkari ho rhe thay
" Bhagu gi nae tou tum pakar lo ge na or phir meri shiqayat karo ge baba or ammi se "
" Ye tou bilkul theek baat keh rhi ho bilkul shikayat karun ga tumhari , tum krti hi shikayat krwane wale kaam ho "
" Dani " chehre par dunya jahan ki masoomiyat liye kaha gaya
Yhin to uska dani harta tha hamesha
" ye koi harkat tou nae hota na krne wali Jo tumne ki hai "
" Aisa bhi kia kr dia mene " sharir sa andaz
" aisa bhi kia kr dia mene? Madam apne ne meri majburi ka blky isko yun kahun mein ke meri qudrati kamzori ka
Faida uthate hue mere se bagair chashme ke apne report card par sign krwaein hein apne "
"Han tou "
"Han tou? Han tou ki bachi ruku tum abhi theek krta hun tumhein "
Usko apne taraf ata dekh kr jldi se seedhiyan phalang ti wo apne kamre ki janib bhar gae
"HALA"
"Hala wapis aou , hala ki bachi "
Hala..hal...ha
Awazein madham hoti gaein , seedhiyan charte qadam bhari hote gae
Daniyal ki Ankh se aik anso riha hua jaise phla qaidi or phir aik ke baad dusra or teesra or na jane kitne
YOU ARE READING
Janaan
Romancezindagi bohat dhokey deti hai magar aksar logo ko un dhokoon ki umeed hoti hai apni zindagi se ya phir wo dhokey unke roz marah ke mamulat ko ziada asr andaz nahi krti magar....zimal or jibreel ~ zimal mene zindagi se kabhi koi shikwa nahi kia , m...
