ဟား! မျက်လုံးတွေနောက်လိုက်တာကွာ။ အဲ့ဒီမက္ခရာနဲ့ ကျော်သူရပိုင်ဆိုတဲ့နှစ်ကောင် ပြောတော့သာ မတွဲသေးဘူး ၊ မတွဲသေးဘူးနဲ့ လုပ်နေတာက သမီးရည်းစားအထာတွေ။
အထက်တန်းကျောင်းထဲကတက္ကသိုလ်အထိ မင်းသွေး ၊ ပိုင်စိုးခန့်နှင့် ခန့်ထူးတို့ အဲ့နှစ်ကောင်ကို ဒီလောက်မျက်စိဒေါက်ထောက်ကြည့်လာတာ ၊ ဒါတောင်ဘယ်အချိန်ညားသွားမှန်းမသိ။ ကျော်သူရပိုင် မက္ခရာကို ပထမနှစ်ကတည်းကဖွင့်ပြောထားတယ်ဆိုတာကလဲ ဒုတိယနှစ်မှသိရသည်။ မေးလိုက်ရင်တော့အမြဲ ကျော်သူရပိုင်က 'မက္ခရာကိုသူကပဲတစ်ဖက်သက်လိုက်ကြိုက်နေရတာ' ဟုပြန်ဖြေသည်။ မက္ခရာကျတော့ 'သူ့ရဲ့နတ်သားရှုံးတဲ့ရူပါလေးကြောင့် ကျော်ကြီးသူ့ကိုကြွေဆင်းသွားတာတဲ့ ဒါပေမဲ့ သူကတော့ ကျော်သူရပိုင်လုံးဝစိတ်မဝင်စားပါဘူး' တဲ့လေ။ တကယ်တော့ အဲ့နှစ်ကောင်လုံး အပြောနဲ့အလုပ်ကတစ်ခြားစီ။
အခုလဲကြည့်လေစာမေးပွဲကမနက်ဖြန်မို့ အချင်းချင်းဂရုစိုက်ပြီးဖြစ်ပျက်ပြနေလိုက်တာ ၊ ကျော်သူရပိုင်ကျတော့ မက္ခရာရဲ့ဘောပင်တွေကိုယူပြီးဘုရားစာရွတ်ပေးသည် ၊ မက္ခရာကျတော့လဲ ကျော်သူရပိုင်စာမေးပွဲခန်းထဲယူသွားမဲ့ပစ္စည်းတွေကိုဘုရားစင်ပေါ်သွားတင်ထားသည်တဲ့။
"ဟေ့ ငါတို့တွေလဲစာမေးပွဲဖြေရမှာပါကွာ"
"အေးလေ မင်းတို့နှစ်ကောင်ကနည်းနည်းတော့များသွားပြီ"
များလဲမတတ်နိုင်။ ကျော်သူရပိုင်စေတနာပါတာကမက္ခရာတစ်ယောက်ကိုပဲမို့။
"တစ်ချို့တစ်ချို့သူတွေများကွာ ဘာမဟုတ်တဲ့အချစ်ကိုကိုးကွယ်နေလိုက်ကြတာ မြင်လို့တောင်မကောင်းဘူး"
စာလုပ်သလိုလိုနဲ့ စာအုပ်ထဲမျက်နှာကြီးအပ်ထားပြီး ကျော်သူရပိုင်ကိုရွဲ့ပြောလိုက်တဲ့မင်းသွေး။
"ဟေ့ ငါ့ပြောတာလား"
"အေး မင်းကိုပြောတာကျော်သူရပိုင် မင်း အဲ့ပန်းသီးတစ်လုံးအခွံနွှာနေတာပြီးဦးမှာလားကွာ မက္ခရာလဲလက်ပါပါတယ်"
"အေးလေ အခွံပါဝါးစားပိုတောင်ကောင်းသေးတယ် အလုံးလိုက်ပဲအဲ့ကောင်ပါးစပ်ထဲထည့်ပေးလိုက်စမ်းပါ မင်းတို့နှစ်ကောင်လုပ်နေတာ မျက်လုံးတွေတောင်နှောက်လာပြီ"
YOU ARE READING
ᴍᴀᴛᴋʜᴀʏᴀʀ
Romance𝖳𝗁𝗂𝗌 𝗂𝗌 𝗐𝗈𝗋𝗄 𝗈𝖿 𝖿𝗂𝖼𝗍𝗂𝗈𝗇. 𝖠𝗇𝗒 𝗇𝖺𝗆𝖾𝗌, 𝖼𝗁𝖺𝗋𝖺𝖼𝗍𝖾𝗋𝗌 𝗈𝗋 𝖾𝗏𝖾𝗇𝗍𝗌 𝖺𝗋𝖾 𝖿𝗂𝖼𝗍𝗂𝗈𝗇𝖺𝗅.
