قتـام الـود

مشاهــد

فات للغـرفه ومثل العاده بس بدل ملابسـه وراد يطلع
وصل للباب رڪضت صرت كباله باوعلي مستغرب

.. شبيـج بويه
.. لاتـروح
.. شنـي

هزيت راسي اي واغـص بالحچايـه الف غصه

.. ابقـى يمي ابقـى اني احبك والله احبك بس انطيني فرصه وشوف اسعدك والله اسعدك ليش هيج مبتعد عني اذا متريدنـي ليش خليت كلبي يتعلك بيك هاا

احجي وهـو مدنك راسه ماجاوبني ولاانطه اي رده فعل

تقربت عليه رفعت راسـه وحاوطت ركًـبته
.. اني اخليك تحبنـي بس لاتبعتد

باوع بعـيوني وتقرب عليه
بلعت ريك واحس كوه واكفـه عله رجليـه
حاوط خصري بـ اديه وباسنـي
غمضت عيونـي ارجف
اول مره يتقـرب عليه واول مره يلمسـني
واني بهل وضـع سألت نفسي

راح يبقى وياي لو لحظه ضعف؟؟

ابتعد مخـلي كصتـه عله کـصتي وحچـه
.. اذا انا مانفـرت كلبي ينفـر شنهـي حلهة هاي
.. تتعـود
.. ههههههههه حچـوهة هواي كبـلج يبـوي بس مايدرون الکلب شبـي مارايد اتعبج

راد يطلع جلبـت بـي
.. تعبني ميخالف اني اريد اتعب وياك وافوز بيك

باوعلـي بنظره طويله ومشه كعد عله الجربايـه
.. انتِ اختاريـتي نــاري

______________________________________

طب إيـدور عليها شافهـة واكفـه بالفستان والشال عله جتافهة وعله اخر كشـخه ضحك

.. شسويت
.. طيرت العريـس
.. بـ إييي حقق
.. اشش لج صوتـچ ميعله والسيد بره تردين اجيبـه نعقد مادامچ جاهزه يعني

باوع عليهة من فوك ليجـوه وهيه تباوع بعيـونه بکل قـوه تقربت عليه مبتسـمة
.. جيبـه

وكف عدل مصدوم بلل شفـته وحجه محتار
.. شنو!!
.. جيبـه السيد خلص وراي وراي انت
.. وتقبلـين
.. قلباً وعقلاً

مسح وجهة وتلفت حواليه ورجع عليهة يحجي بتحذير
:-لج بابا شبيج
:-أهوو تروح لو اصعد أبدل

هز راسه وطلع يركض
:-لكم السيد الجان هنا وين
:-توه طلع
:-خررب

طلع يركض ورا لاكي ومرجـعه وَيَا فوتا للبيت وهو يعتذر منه
:-شتريد تسوي
:-اعقـد
:-تتصرف من كيفك؟
:-مو انت وكفت وياي وانا أريدها هسه وكلشي جاهز ليش نأجـل

هز راسه وضحك
فوت السيد للبيت جهزو العروس وكلشي وهو خايف منها

بس هيه سوت العكس وفعلاً قبلت بي عله حسب الأصول وصارت مرته شرعاً"......

_______________________________________

سمعنه أصوات الاغانـي والطلق رفعت راسهة مصدومـه
شعرها نازل عله وجهـة وعيونها حمر ومنفوخـه من كد البجي

كل ماتقترب الأصوات تسـد اذانها اكثر
صار صوت الهلاهل بالبـيت صاحت بعلو صوتها

.. أدرييييييي ادريييي بـسسسسس كااااافي كافي والله ادري ضيعتـه ادرييي

تقربـت عليها ودموعـي ماليه وجهي لميتها بحضنـي دفعتني وكامت تركض

ركضت وراهـة اريد الحكها قبل لاتوصل يمهم
وصلت العتبـه الدرج توهة تريد تنـزل وسحبتـهة حيل كوه مسيطره عليهـة

.. بس باوعي عليه باوعيلي خل نروح يولون ياروحي

هزت راسهة لا وهيه تتوسـل اخليها تنزل وانا مجلبـه بيها

فاتـو من كدامنـه وهو لازم اديها يفوتها للبـيت وياريتـهم مافاتو

صارت تشهـك وتدفـر بمكانها
طير وذبحـو وانا حاضنتها بكل قوتي ادري بيها ماواعيه

.. شبيٓدي عليج شسـوي انزل اخربـه عليهم وتبـرد نار كلبج؟

.. ولج اكتل اخـوي وهو عريـس وأريحـچ!!

ماجاوبتـني بس تشهـك حيل كسرت كلبي وروحـي مردتها....

________________________________________

مجمـوعه مشاهد من قتــام الـود
لان طلبتوهـا🥹🤍

بالنسبه للتنـزيل جنت ناويه ابلش يوم
1\1

بس البنات رفضن وكالن امتحانات
فـ راح نخليها الـ عطله نصف السنه....

xii.lo0

حساب الانستا